ZYAŊ 17:3 - Bafia Nouveau Testament

³ Cɛɓ ki fiɗyàɓ fikɔ̀ɔ̀ ki ri lɛ, ɓɛɛ yi wɔ̀, lɛ wɔ̀ yɛɛ ri m̀bobog à kɔɔ̀kɔɔ̀ à Bɛ̀ll, ɓɛ ki yi Yeesus Kiris, roànɛ ù romgày.

ZYAŊ 17:3 ပူးပေါင်းရင်းမြစ်များ

MARIKUS 9:37

Mum ǹcèm ànɛ à ghàɓi maa ŋwɔɓti yɛ̀ɛ ànɛ rì kìnyàà ɓisu wɛ̀m a yi lɛ mɛ̀ɛmiɗ nnɛ à ghàɓi; nni ŋwaànɛ à ghàɓi mɛ̀, a yi lɛ, àa mɛ̀ nnɛ à ghàɓi, à ghàɓi ŋwaànɛ à romgày mɛ̀.

LUKAS 9:48

à kpaa ɓɔ lɛ: Ŋwaànɛ à ghàɓi maa ŋwɔɓti ànɛ ɓi ɗii ɗyɛ̀m, di mɛ̀ɛmiɗ innɛ à ghàɓi; fɔɔnnɛ mum ǹcèm ànɛ à ghàɓi mɛ̀ à ghàɓi girig roànɛ à romgày mɛ̀ ɓisuulɛ roànɛ à ɓiì ɓiisɛɛ ki ghɛnɛɛ lɛsàaag ɓi nyìinyìm wìn, nnyɛɛ cee mìniìcèm.

ZYAŊ 10:36

mìnii kalì roànɛ Bɛ̀ll à ɓɔ̀ngà à rom yì lɛ à sɛɛtii Bɛ̀ll, ɓisuulɛ màa kalii lɛ, ǹɗì Man à Bɛ̀ll?

ZYAŊ 11:42

Ɓi ɓɛg wɛ̀m, ǹ-yii lɛ ù ti ù ɓàkì bɔ̀ŋzɛ̀n yɛm̀ ɓyààmɛ̀n ɓìcèm, kìɓan kifog ǹkpaa fɔlɔɔ ɓisuu ɓumɓɛ ɓɛ ri fɛ, lɛ di ɓɛɛ gherɛn lɛ wɔ̀ yɛɛ romgày mɛ̀.

ZYAŊ 14:26

Kìɓan kifog m̀maasì mɛ̀rem ànɛ à rì Kìtɛntɛ̀ɛ̀n ki Nghay ki Tààta à ɓiì romìì ɓi ɗii ɗyɛ̀m, yɛɛ ri mìni ɓiì rèsaagh ɓiɓan ɓìcèm, à ki kì lɛ, ɓi yiti ɓìɓan ɓìcèm ɓi ǹkalìghà mìni.

ZYAŊ 17:18

Fɛlɛ yɛ̀ɛ ù romgày mɛ̀ ɓi ziinɛ, mɛ̀ girig mɛ̀ɛ nɗomi ɓɔ ɓi ziinɛ.

ZYAŊ 17:21

M̀ɓɔ̀ŋzii wɔ̀ lɛ ɓɛɛ ɓa ɓɛ̀ràrɛn kìbyɔg kìfog Tààta, yɛ̀ɛ ù rì ɓi mɛ̀, mɛ̀ ɓi wɔ̀, kìya lɛ ɓɔ girig ɓɛɛ ɓa ɓɛ̀ràren ɓi ɓìsi di fɔɔnnɛ ziinɛ yɛ̀ɛ gherɛn lɛ, wɔ̀ yɛɛ romgày mɛ̀.

ZYAŊ 17:23

Mɛ̀ ɓi ɓɔ, wɔ̀ ɓi mɛ̀, lɛ di ɓɛɛ ɓa ɓɛ̀ràrɛn lɛ kɔɔ̀kɔɔ̀ kìbyɔg kìfog, ziinɛ ì ki yi lɛ wɔ̀ yɛɛ romgày mɛ̀, nni ǹkeesìghà ɓɔ yɛ̀ɛ wɔ̀ɔ̀ keesìghà mɛ̀.

ZYAŊ 17:25

Tààta ànɛ à rì lɛ saaɗ, ziinɛ ì yighà ɓi wɔ, lɔŋ mɛ̀ yɛɛ yighà wɔ̀, ɓɛ̀roɓɛ ɓɛ ki yi lɛ wɔ̀ yɛɛ romgày mɛ̀.

ZYAŊ 17:8

Ɓisuulɛ ǹfaghà ɓɔ ɓìɓan ɓi ù faghà mɛ̀, ɓɛ ghaɓ ɓyɔ, ɓɛ ki konag ki yiì lɛ, m̀pɛ̀sɛ̀ngày a lɔ̀ŋkɔɔ, ɓɛ ki gherɛn lɛ wɔ̀ yɛɛ romgày mɛ̀.

ZYAŊ 3:17

Lɛ Bɛ̀ll à romgày ɓi Man wiì ɓi ziinɛ lɛ a fa yɔ̀ bɛ̀lɛn, à romgày lɔŋ nyi lɛ a ghɛɓsi yɔ̀.

ZYAŊ 3:34

Ɓisuulɛ, roànɛ Bɛ̀ll à romgày, a kakali ɓiɓan ɓi Bɛ̀ll; lɛ Bɛ̀ll à ti à roòzàg nyi rì Nghay wìì lɛ pisa.

ZYAŊ 5:44

Lannɛ ɓì rì lɛ ɓì gherɛ̀n, di ɓi faafàlɛ̀n rìkem mìni rì mìni, kɛ̀ ɓi kaa rikem ɗi ɗi riì yɛ̀ɛ Bɛ̀ll cɛ̀ncii?

ZYAŊ 6:57

Fɛlɛ yɛ̀ɛ Tààta ànɛ à rì cem a romgày mɛ̀, mɛ̀ ǹki ɓa ri cɛɓ lɛ nyi, fɔlɔɔ nnɛ ŋwaànɛ à ɗii mɛ̀, à ɓiì ghɛɓì lɛ mɛ̀.

ZYAŊ 7:29

Mɛ̀ ǹ-yii nyi lɛ ǹɗì fɛ ɓisu wii, rì tì lɛ, nnyɛɛ romgày mɛ̀.

ZYAŊ 8:19

Nni ɓɛ kpaaghà nyi lɛ Soŋi à rì fe? Yeesus à ɓàg ɓɔ lɛ: Ɓì yii ɓi mɛ, ɓyɛ̀ ɓi ki yi Seŋi wɛ̀m, i ɓyàa yii mɛ̀, di ɓì rì lɛ ɓì yi girig Seŋi wɛ̀m.

1 KƆ̀RƐ̀ŊTYƐŊ 15:34

Sugtiina ɓi mìniìɓɔmiɗ yɛ̀ɛ ki ghɛɛ̀sɛɛ kɛ̀ ɓi kì kiɓe. Ɓisuulɛ ɓum ɓɛdɛŋ ɓɛ ɓi nyìinyìm wìn ɓɛ yii ɓi Bɛ̀ll; kìɓan ki ǹkpaa kìn ki ri ǹtoòrìɗ ɓi ɓɛg wìn.

1 KƆ̀RƐ̀ŊTYƐŊ 8:4

Nni ɓi ntɔɔ̀tɔɔgh wu lɛ ŋwaà rì nya lɛ à ɗi ɓyɛn ɓi nyàm ìnɛ ɓɛ funɛɛ ɓi rìɓɔgsì ɗi ɓinùn, ɓìsii yii lɛ kìnùn ki yin ɓi ziinɛ nsoò kìfog; Bɛ̀ll à rì lɔŋ bog.

2 KƆ̀RƐ̀ŊTYƐŊ 4:6

Ɓisuulɛ Bɛ̀ll ànɛ à kpaaghà lɛ kìtɛɛtɛn kɛɛ lom ɓi birìm, nnyɛɛ lomgà kìtɛɛtɛn ɓi mɛ̀rem mis, lɛ a ki lɛ rìyi ɗi ɓum ɓɛ ri lɛ ɓɛ yi rìkem ɗi Bɛ̀ll ɗi ɗyɛɛ̀ lònlom ɓi-su wu Kiris ɗyɛɛ ghɛnɛ̀n.

FÌLÌPYƐŊ 3:10

Com ki nkɔ̀nkɔ̀n ki ri lɛ: n-yi Kiris, ǹ-yi ìtèɗ wu rìghèmɓɛ̀n ɗii, ɗi a ɓìloŋ, ǹteɗ gàɓ ɓi mɛ̀tɔɓ mii, ǹki pisɛn nyi ɓi rìwu ɗi à wughà

FÌLÌPYƐŊ 3:8

Ǹghɛɛ gì lɛ ɓìɓan ɓìcèm ɓi ri rìɗimzì di ù fèegh ɓyɔ rì coo kirɔɔ ki ki laŋi ɓìrɔɔ ɓìcèm, kìrɔɔ kìn kɛɛ ri rìyi ɗi Yeesus Kiris; ɓisu wii nnɛ ǹgherɛ̀ngà lɛ mmɛm̀ ɓìɓan ɓìcèm, fɔɔnnɛ nseesee ɓyom ɓìcèm yɛ̀ɛ ɓyaaɓi ɓi kìkùnkùn lɛ di nfɔǹ Kiris,

TÈSÀLÒNÌSYƐŊ 1:9

Ɓum ɓɛɛ̀ kpaakpaa righàɓ ɗi ɓì ghàɓkà ɓìsi yɛ̀ɛ tì kpagà a lɔ̀ŋkin rì yɛ̀ɛ ɓì càɗkàkày ɓìnùn, ɓì lɔ̀ɔ̀ghrɛ̀n yɛ̀ɛ Bɛ̀ll lɛ ɓi ɓɔgsi nyi, lɛ nnyɛɛ ri kɔɔ̀kɔɔ̀ à Bɛ̀ll ànɛ a rì cem,

2 TÈSÀLÒNÌSYƐŊ 1:8

ɓi nɗòò wu ɗuu, lɛ a pɔnɔsi lɛ, rì ɓumɓɛ ɓɛ yii ɓi Bɛ̀ll, rì ɓɛ̀roɓɛ ɓɛ ti ɓɛ̀ kɛɛ̀ wog rikpaa ɗi Syeesyee à Ɓɔlɛ à Kan wìs Yeesus.

EBIREEGH 3:1

Nni fɔlɔɔ nnɛ, mìni ɓɛ̀geni ɓɛ̀m ɓɛ ɓi rìgherɛ̀n ɓɛ ɓi rì rì gàɓ ɓi nɗeèghreŋi wu Bɛ̀ll, seeseena Yeesus ànɛ Bɛ̀ll à romgày lɛ a ɓa rìfòm ɗi ɓɛpìrɛɛtìrɛ̀ ɗi ɓi rìgherɛ̀n ɗi ɓìsiì làalam̀ɓɛ̀n.

2 PYƐƐRI 1:2

Geesɛ̀n rì fyòoog ɓyɛɛ teghɛn a lɔ̀ŋkin lɛɛ̀gwey lɛ rìyi ɗi ɓì yii lɛ rì Bɛ̀ll rì Yeesus Kiris à Kan wìs.

2 PYƐƐRI 1:3

Ìtèɗ wu Kan wu wu riì yɛ̀ɛ Bɛ̀ll wu faghà ɓìsi com kìcèm ki ki ri lɛ ki ghɛɓsì ɓìsi lɛ ti ghɛɓ cɛɓ ki lɛ ti falɛn rì Bɛ̀ll ɓi rìkì ɗi à kìghà lɛ ti yi roànɛ à reŋìghà ɓìsi lɛ ti kaɓɓɛn rìkem ɗii, rì syeesyee wìì a kìsyɔ̀ɔ̀.

2 PYƐƐRI 1:8

Ɓisuulɛ i ɓì rì rì ɓìɓan ɓiǹ, nni ɓi ghɛnɛɛ a lɔ̀ŋkin lɛɛ̀gwey, ɓì yin lɛ ɓì rɔ̀ɓ lɛ ɓì kìi ɓi lɛ ɓi ɓa ɓumɓɛ ɓɛɛ̀ sasày ɓɛ ki wumwum ɓiɗùn, ɓi rìyi ɗi ɓì yii Kan wìs Yeesus Kiris.

1 ZYAŊ 1:2

Yɛ̀ɛ cɛɓ ki resɛ̀ngày, ɓìsii ghɛngà kɔ; fɔɔnnɛ ti kpaakpaa mini kìɓan ki miì, tì ki ghagsi mini ɓɔlɛ à cɛɓ ki fiɗyàɓ fikɔ̀ɔ̀ ki ki ɓaghà jàŋbog rì Seŋi, cɛɓ kìn kɛɛ̀ki ɓɛ resìghà ɓìsi, lɛ ti yi kɔ.

1 ZYAŊ 1:3

Kìɓan ki tì kìghà lɛ, tì ghɛn tì ki wog kɛɛ̀ki ti ghaaghagsì girig mìni, lɛ di mìni girig, ɓi ɓa ɓɛ̀ràrɛn ri ɓìsi. Nni ɓìsii ri ɓɛ̀ràrɛn lɛ rì Seŋi, rì Yeesus Kiris à Man wiì.

1 ZYAŊ 2:23

Lɛ mum ǹcèm ànɛ à roòzɛɛ Man à roòzɛɛ girig Seŋì; roànɛ à gherɛɛ Man, à rì girig rì Seŋi.

1 ZYAŊ 4:6

Ɓi ɓɛg wìs, ɓìsii ri ɓum ɓɛ Bɛ̀ll; ŋwaànɛ à yii Bɛ̀ll, à rì ɓiì woògh com ki ti kpaakpàà; wɔ̀lɛ ŋwaànɛ à yin mum à Bɛ̀ll àa wog ɓi com ki ti kpaakpàà, fɔlɔɔ nnɛ tì rì lɛ tì yi rìghasì ɗi lɛ rì Nghay wu wu ri ɓi saaɗ, rì wu wu ri ɓi rìnàn.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.