ZYAŊ 17:24 - Bafia Nouveau Testament

²⁴ Tààta kɛɛ̀ kɔ̀nkɔn mɛ lɛ, jàŋ inɛ ǹɗì, ɓumɓɛ ù faghà mɛ̀, ɓɛɛ ɓa girig wɔɔ nɗaŋ ri mɛ̀, di ɓɛɛ ghɛǹ rìkem ɗyɛ̀m ɗi ù faghà ɓisuulɛ ù keesìghà mɛ̀ di ziinɛ ì ka kilɛn ɓi.

ZYAŊ 17:24 ပူးပေါင်းရင်းမြစ်များ

MATYOO 25:21

Masà wìì a kpaaghà nyi lɛ: Ki rɔɔtɛɛ; ù rì syeesyee à ǹkìì-kìsay, wɔ̀ tì ǹkìì-kìsay a ǹtyweeyi. Yɛ̀ɛ ù rèsii mɛ̀ lɛ, ù rì ŋwaà-ǹtyweeyi ɓi ɓyom ɓisàg, ǹɗì wɔ̀ ɓiì rɛsii ǹlàmì ɓi ɓyom ɓigwey; ɗiŋi ɓi kìnyàà ki masà wɔ̀ɔ̀.

MATYOO 25:23

Masà wìì a kpaa nyi lɛ: Ki rɔɔtɛɛ; ù rì syeesyee à ǹkìì-kìsay, wɔ̀ tì ǹkìì-kìsay a ǹtyweeyi; yɛ̀ɛ ù rèsii mɛ̀ lɛ, ù rì ŋwaà-ntyweeyi ɓi ɓyom ɓisàg, ǹɗi wɔ̀ ɓiì rɛsii ǹlàmì ɓi ɓyom ɓigwey fɔɔnnɛ, ɗiŋi ɓi kìnyàà ki masà wɔ̀ɔ̀.

MATYOO 25:34

Fɔɔnnɛ rìfòm ɗi ɓiì kalii ɓɛroɓɛ ɓi weèlem ɓɛ̀n lɛ: Mìni ɓumɓɛ Seŋi wɛ̀m à màgà, yùunay, ɓi teɗ kìlɔ̀ŋ ki ɓɛ pegsɛ̀ngà ɓìsu win, à tumɛ̀n yɛ̀ɛ ɗyoo rì zi ɓi kilɛ̀ngà.

MATYOO 26:29

Nni mɛ̀ ǹkpaa mìni lɛ, à tumɛ̀n gɛɛ̀nɛ, màa nɔti ɓi mɛrɔ̀g mɛ viìnyɛ̀, à kpaŋ ŋwos anɛ tì nɔtii gɛ nyɔɔnyɔn à rìnɔ lɛ rì mɛ̀ rì mìni ɓi kìlɔ̀ŋ ki Seŋi wɛ̀m.

LUKAS 12:37

Mààgh rì ɓɛ̀kìì-ɓìsay ɓɛ masà wàà à ɓiì tanɛɛ di ɓɛ kɔkɔrii fɔlɔɔ cem. Ǹkalii mìni saaɗ lɛ, masà wàà à ɓiì sìnɛɛ sànjà, à kpaa lɛ ɓɛɛ kɔɔ̀si ɓɔ ɓi zi, di nyimiɗ a yu ɓɔ kì faà ɓyom ɓi ɗiyɛn.

LUKAS 23:43

Nni Yeesus à ɓàkà ŋwaànɛ̀n lɛ: Ǹkalii wɔ̀ ɓi saaɗ lɛ, lɔŋ ɓi gɛɛ̀nɛ, rì mɛ̀ rì wɔ̀ tì ɓiì kpaŋì a pàràɗis.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 12:26

I mum à kɔ̀ni lɛ a ki mɛ̀ kìsay, a nɔɔ̀ti mɛ̀, fɔɔnnɛ ǹkìì-kìsay wɛm̀ à ɓiì ɓaà jàŋ inɛ mɛ̀ ǹɗì. Seŋi wɛ̀m à ɓiì ki kemzii ŋwaànɛ a kìki mɛ kìsay.

ZYAŊ 14:3

M̀ɓiì ɓaà lɛ, i ǹkɛ̀ɛ, i m̀mɛ pègsɛn mini jàŋ, ǹsugtìì lɛ nteɗ mìni a lɔ̀ŋkɛm̀, lɛ di mìni girig, ɓi ɓa jàŋ inɛ mɛ̀ ǹɗì.

ZYAŊ 15:9

Fɛlɛ yɛ̀ɛ Tààta a keesag mɛ, nnɛ mɛ̀ girig mɛ̀ ǹkeesii mìni. Kɔ̀riina ɓi nkɔ̀nɛ̀n wɛ̀m.

ZYAŊ 17:2

Fɛlɛ yɛ̀ɛ ù faghà nyi ìtèɗ wu lɛ a lami ɓum ɓɛ̀cèm, à fa ɓɛ̀sɛ̀ɛ̀ ɓɛ̀cèm ɓɛ ù faghà nyi cɛɓ ki fiɗyàɓ fikɔ̀ɔ̀.

ZYAŊ 17:22

Mɛ̀ ǹfaghà ɓɔ rìkem ɗi ù faghà mɛ̀, lɛ ɓɛɛ ɓa ɓɛ̀ràrɛn kibyɔg kìfog yɛ̀ɛ ɓìsi.

ZYAŊ 17:5

Nni ɓigomìnɛ, Tààta wɔ̀ɔ̀ kemzi mɛ̀ jàŋbog rì wɛ̀ɛmiɗ, rì rìkem ɗi m̀ɓaghà rì ɗyɔ jàŋbog rì wɔ̀, di ziinɛ ì ka yin.

ZYAŊ 6:37

Ɓum ɓɛ̀cèm ɓɛ Tààta à faa mɛ̀, ɓɛ ri ɓiì yùu a lɔ̀ŋkɛm̀, nni màa ki kpaŋzi ɓi ŋwaànɛ à yùu yì a lɔ̀ŋkɛm̀ ɓi ɗyɔ̀m.

ZYAŊ 6:39

Nni rìkɔ̀n ɗi roànɛ à romgày mɛ̀ ɗyɛɛ̀ɗi: Lɛ kɛ̀ɛ nɗimzi nsoò mum bog, ɓi ɓum ɓɛ̀cèm ɓɛ à faghà mɛ̀. Ǹghɛ̀ɛ̀sɛɛ lɔŋ ɓɔ kì ghèmzii, ɓi siitòn a ŋwos.

ZYAŊ 8:58

Yeesus à kpaa ɓɔ lɛ: Mɛ̀ ǹkpaa mìni ɓi saaɗ lɛ, di Abiraham à ka yin, mɛ̀ m̀ɓaghà.

1 KƆ̀RƐ̀ŊTYƐŊ 13:12

Ɓigomìnɛ, ti seesee ɓyom lɛ rìiì lɔŋ yɛ̀ɛ rìghɛnɛ̀n ɗi ŋwaà ti à ghɛnàg ɓi ŋwii wɔ̀lɛ, ɓi cààmɛ̀n kiǹ, tì konaagh gɛ kì ghɛɛ̀ lɛ tɛntɛ̀ɛ̀n. Ɓigomìnɛ ǹ-yii kìden, wɔ̀lɛ ɓi cààmɛ̀n kiǹ ǹkonaagh gɛ nyi kì yiì, lɔŋ yɛ̀ɛ nyii yighà mɛ̀.

2 KƆ̀RƐ̀ŊTYƐŊ 3:18

Ɓìsi ɓɛ̀sɛ̀ɛ̀ ɓɛ̀cèm ɓɛ mɛ̀su mis mɛ yin mɛ lɔghɛn ɗi kìlàà, rìkem ɗi Kan ɗyɛɛ̀ lònlom ɓi ɓìsi, yɛ̀ɛ ɓi ŋwii tì koɓsɛ̀n ɓi mis lɛ ti ɓa ɓi kìpisɛn kii, rì coo rikem ɗi ɗyɛɛ̀ ɓɔɓɔg mɓɔɓɔghɛn lɛ kìsay ki Kan ànɛ lɛ Ǹghay a kìkì.

2 KƆ̀RƐ̀ŊTYƐŊ 4:6

Ɓisuulɛ Bɛ̀ll ànɛ à kpaaghà lɛ kìtɛɛtɛn kɛɛ lom ɓi birìm, nnyɛɛ lomgà kìtɛɛtɛn ɓi mɛ̀rem mis, lɛ a ki lɛ rìyi ɗi ɓum ɓɛ ri lɛ ɓɛ yi rìkem ɗi Bɛ̀ll ɗi ɗyɛɛ̀ lònlom ɓi-su wu Kiris ɗyɛɛ ghɛnɛ̀n.

2 KƆ̀RƐ̀ŊTYƐŊ 5:8

Ìtèɗ wu ri ɓìsi wu ronɛn ɓi mɛ̀rem lɛ pisa, fɔɔnnɛ tì rì lɛ tì ɓiìsɛ̀n kì ghɛɛ̀ kìrɔɔ lɛ ti caɗ nyoo ìnɛ tì rì ìnɛ rì yɔ̀, ti kɛǹ kì kɔ̀rii jàŋbog rì Kan.

FÌLÌPYƐŊ 1:23

Ǹɗì mɛ̀rem mɛɓɛɛ̀; ǹɗem wu lɛ di màa kɛ̀ɛ, ti kɔkɔri ɗì Kiris, kìɓan kiǹ ki ki rɔɔtɛn ki cee.

TÈSÀLÒNÌSYƐŊ 4:17

Ajɛ̀m ìnɛn, ɓìsi ɓumɓɛ tì ɓiì ɓaà di tì kaka cem, ɓɛ rì ɓìsi ɓiì terì ǹɗaŋ ri ɓɔ, tì ɓɔg ɓi ɓìkwìɗ lɛ tì tuùsɛn rì Kan ɓi nlɛŋlɛŋ̀. Fɔlɔɔ nnɛ tì ɓiì kɔ̀kɔrii ri Kan cààmɛ̀n kìcèm.

1 PYƐƐRI 1:21

Lɛ nyi, ɓì gherɛɛ Bɛ̀ll ànɛ à ghèmzìghày nyi a ɓìloŋ, à ki fa nyi rìkem, fɔlɔɔ nnɛ ǹtyweeyi wiǹ rì dyàɓɛn yiǹ ɓi ri yɛ̀ɛ Bɛ̀ll.

1 ZYAŊ 3:2

Mìni ɓum ɓɛm ɓɛ nɗem, tì ti ɓɔn ɓɛ Bɛ̀ll ɓigomìnɛ, nni com ki tì rì ɓiì ɓaà ki ka resɛn ɓi lɛ tɛntɛ̀ɛ̀n; wɔ̀lɛ tì yii lɛ yɛ̀ɛ Kiris à ɓiì rèsɛɛ, tì ɓiì ɓaà com kìfog rì nyi, ɓisuulɛ, tì rì nyi ɓiì ghɛɛ̀ lɔŋ yɛ̀ɛ à rì.

ÀPÒKÀLIƁSƐ̀ 21:22

Ǹghɛngà ɓi naà-Bɛ̀ll wɔɔ ɓisuulɛ Kan Bɛ̀ll à ìtèɗ wucèm rì Man à jɔ̀ɔ̀ ɓɔ yɛɛ ri naà-Bɛ̀ll ìnɛ wɔɔ.

ÀPÒKÀLIƁSƐ̀ 3:21

Ŋwaànɛ à ɓiì yagsaagh ǹkì lɛ a kɔri ǹɗaŋ ri mɛ̀ ɓi-kɔ̀ɔ̀ wɛm̀ wu rilàmì fɛlɛ yɛ̀ɛ mɛ̀ ǹ-yagsàkà ǹkɔ̀rì ǹɗaŋ ri Seŋi wɛ̀m ɓi-kɔ̀ɔ̀ wii wu rilàmì.