ZYAŊ 17:23 - Bafia Nouveau Testament

²³ Mɛ̀ ɓi ɓɔ, wɔ̀ ɓi mɛ̀, lɛ di ɓɛɛ ɓa ɓɛ̀ràrɛn lɛ kɔɔ̀kɔɔ̀ kìbyɔg kìfog, ziinɛ ì ki yi lɛ wɔ̀ yɛɛ romgày mɛ̀, nni ǹkeesìghà ɓɔ yɛ̀ɛ wɔ̀ɔ̀ keesìghà mɛ̀.

ZYAŊ 17:23 ပူးပေါင်းရင်းမြစ်များ

ZYAŊ 10:38

Kìɓan kifog, i nkìki ɓisay ɓii, nsoò ɓyàa gherɛɛ ɓi mɛ, gherɛɛna ɓyɔ, fɔɔnnɛ ɓì ɓiì kìi lɛ, ɓì yi, ɓì ki ghɛn lɛ Tààta à rì ɓi mɛ̀, mɛ̀ ɓi Tààta.

ZYAŊ 13:35

I ɓì kɔ̀nɛɛ, ɓum ɓɛ̀cèm ɓɛ ri ɓiì yiì lɛ ɓì rì ɓɛ̀yilàg ɓɛm.

ZYAŊ 14:10

Ù gherɛɛ ɓi lɛ, ki ri lɛ mɛ̀ ɓi Tààta, Tààta ɓi mɛ̀? Ɓìɓan ɓi nkpaakpaa mini ɓi, ɓi yin ɓiɓan ɓi mɛ̀ɛmiɗ yɛɛ ɓekii lɛ nkpaà, lɔŋ Tààta ànɛ à rì a lɔ̀ŋkɛm̀, yɛɛ̀ kìki ɓiɓan ɓii.

ZYAŊ 14:23

Yeesus à ɓàg nyi lɛ: I mum à keesii mɛ̀, à ɓiì ɓèŋi jɛ̀ɛ̀ yɛ̀m, Seŋi wɛ̀m à rì nyi ɓiì keesi; tì ɓiì yùu a lɔ̀ŋkii, tì pègsɛ̀n ìkɔ̀ɔ̀ wis a lɔ̀ŋkii.

ZYAŊ 15:9

Fɛlɛ yɛ̀ɛ Tààta a keesag mɛ, nnɛ mɛ̀ girig mɛ̀ ǹkeesii mìni. Kɔ̀riina ɓi nkɔ̀nɛ̀n wɛ̀m.

ZYAŊ 16:27

lɛ Tààta nyimiɗ a keesii mìni ɓisuulɛ ɓì keesìghà mɛ̀, ɓì ki gherɛn lɛ m̀pɛ̀sɛ̀ngày yɛ̀ɛ Bɛ̀ll.

ZYAŊ 17:11

Mɛ̀ ǹ-yiìdi ti ɓi ziinɛ, ɓɔ yɛɛ rɔɓi ɓi ziinɛ, yɛ̀ɛ mɛ̀ ǹ-yùu a lɔ̀ŋkɔɔ. Tààta ànɛ à rì ǹtɛnɛn, ɓèŋa ɓumɓɛ ù faghà mɛ̀ rì ɗii ɗyɔɔ, lɛ di ɓɛɛ ɓa ɓɛ̀ràrɛn yɛ̀ɛ ɓìsii ri ɓɛ̀ràrɛn lɛ rì mɛ̀ rì wɔ̀.

ZYAŊ 17:21

M̀ɓɔ̀ŋzii wɔ̀ lɛ ɓɛɛ ɓa ɓɛ̀ràrɛn kìbyɔg kìfog Tààta, yɛ̀ɛ ù rì ɓi mɛ̀, mɛ̀ ɓi wɔ̀, kìya lɛ ɓɔ girig ɓɛɛ ɓa ɓɛ̀ràren ɓi ɓìsi di fɔɔnnɛ ziinɛ yɛ̀ɛ gherɛn lɛ, wɔ̀ yɛɛ romgày mɛ̀.

ZYAŊ 17:24

Tààta kɛɛ̀ kɔ̀nkɔn mɛ lɛ, jàŋ inɛ ǹɗì, ɓumɓɛ ù faghà mɛ̀, ɓɛɛ ɓa girig wɔɔ nɗaŋ ri mɛ̀, di ɓɛɛ ghɛǹ rìkem ɗyɛ̀m ɗi ù faghà ɓisuulɛ ù keesìghà mɛ̀ di ziinɛ ì ka kilɛn ɓi.

ZYAŊ 17:26

Ǹɗèsìghà ɓɔ ɗii ɗyɔɔ, m̀ɓiì ki rèsii ti ɓɔ ɗyɔ lɛ di ǹkɔ̀nɛ̀n ànɛ ù rì rì nyi ɓisu wɛ̀m a ɓa a lɔ̀ŋkaa, mɛ̀ɛmiɗ m̀ɓa a lɔ̀ŋkaa.

ZYAŊ 17:3

Cɛɓ ki fiɗyàɓ fikɔ̀ɔ̀ ki ri lɛ, ɓɛɛ yi wɔ̀, lɛ wɔ̀ yɛɛ ri m̀bobog à kɔɔ̀kɔɔ̀ à Bɛ̀ll, ɓɛ ki yi Yeesus Kiris, roànɛ ù romgày.

ZYAŊ 17:8

Ɓisuulɛ ǹfaghà ɓɔ ɓìɓan ɓi ù faghà mɛ̀, ɓɛ ghaɓ ɓyɔ, ɓɛ ki konag ki yiì lɛ, m̀pɛ̀sɛ̀ngày a lɔ̀ŋkɔɔ, ɓɛ ki gherɛn lɛ wɔ̀ yɛɛ romgày mɛ̀.

ZYAŊ 3:17

Lɛ Bɛ̀ll à romgày ɓi Man wiì ɓi ziinɛ lɛ a fa yɔ̀ bɛ̀lɛn, à romgày lɔŋ nyi lɛ a ghɛɓsi yɔ̀.

ZYAŊ 6:56

Ŋwaànɛ à ɗii nyoo yɛ̀m, à nɔ bwaɓ yɛm̀, à rì ǹɗàrɛn ɗi mɛ̀, mɛ̀ girig ǹɗàrɛn ɗi nyi.

1 KƆ̀RƐ̀ŊTYƐŊ 1:30

Wɔ̀lɛ Bɛ̀ll à ràɗkà mìni rì Yeesus Kiris à ki kì lɛ Kiris a ɓa ɗyomzɛ̀n ɗis, fɔɔnnɛ tì ti ɓum ɓɛ saaɗ ɓi mis mii lɛ Kiris; tì ti ɓi nɗɛli wulɛ ti ghɛɓ cɛɓ ki tɛnɛn, tì ki ɓa ɓumɓɛ ɓɛ ti ɓɛ̀kòrɛn ɓi kìɓe.

2 KƆ̀RƐ̀ŊTYƐŊ 5:21

Roànɛ à kìghà ɓi kiɓe nsoò ŋwos bog, Bɛ̀ll à ghaasìghà nyi kìɓe ɓisu wis, lɛ di ti ghɛn kìrɔɔ ɓi kìsay ki Bɛ̀ll à kìghà lɛ ti ɓa ɓum ɓɛ saaɗ ɓi mis mìì.

GÀLAT 3:28

Fɔɔnnɛ gasɛ̀n ì yiìdi ɓi nyìinyìm ànɛ lɛ rì Ɓɛ̀yudɛ̀n rì ɓìlɔ̀ŋ ɓidɛŋ, yɛ̀ kɛɛ̀ ɓa ti ɓi nyìinyìm ànɛ lɛ rì ǹkpàn rì ŋwaànɛ à yin ǹkpàn, nsoò ɓi nyìinyìm ànɛ lɛ rì baŋì rì giɓ ɓisuulɛ mìniìcèm ɓì ti com kìfog ɓi Yeesus Kiris.

FÌLÌPYƐŊ 3:15

Ɓìsi ɓɛ̀sɛ̀ɛ̀ ɓɛ̀cèm ɓɛ tì ti ɓɛ̀sɛ̀ɛ̀mɛn ɓi cɛɓ ki ɓi nghay, tì ghɛ̀ɛ̀sɛɛ kìɓaà rì fèg ànɛn; nni i ki kpaŋi lɛ ɓì wooghrɛɛ ɓi jɛ̀ɛ̀ ɓi kìɓan kidɛŋ Bɛ̀ll à rì mìni ɓiì lomi kitɛɛtɛn ɓi kìɓan kiǹ.

KÒLÒSYƐŊ 1:28

Kiris ànɛ̀n nnɛ ɓìsii ghaaghagsì ɓum ɓɛ̀cèm, tì rɔ̀ɔ̀rɔ̀gsɛ̀n ɓɔ, tì ki rèsag ɓɔ rì ɗyomzɛ̀n ɗìcèm, lɛ ti ki lɛ mum bimiɗ a kpaŋ ɓi mis mɛ Bɛ̀ll, di à ti ǹsììrɛn lɛ kɔɔ̀kɔɔ̀ ɓi Kiris.

KÒLÒSYƐŊ 2:2

Nɗùùɗuu fɔlɔɔ ɓisuulɛ mɛ̀rem maa mɛɛ ɓa mɛ̀ronɛn ɗi ìtèɗ, rì tì lɛ ɓɛɛ ɓa ɓɛ̀ràrɛn ɓi nkɔ̀nɛ̀n, ɓɛ ki ɓa ti ɓɛronɛn ɗi kɔɔ̀kɔɔ̀ à ɗyomzɛ̀n, fɔɔnnɛ ɓɛ ri ɓiì yii fèg à Bɛ̀ll ànɛ à rì a rìnyam, yɛɛ lɔɔ lɛ Kiris.

KÒLÒSYƐŊ 3:14

Wɔ̀lɛ ɓi ɓìɓan ɓiǹ ɓìcèm, ɓaana rì ǹkɔ̀nɛ̀n. Ǹkɔ̀nɛ̀n à rì com ki ki ti ki raɗkì ɓum syeesyee à rìràɗ.

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.

1 ZYAŊ 1:3

Kìɓan ki tì kìghà lɛ, tì ghɛn tì ki wog kɛɛ̀ki ti ghaaghagsì girig mìni, lɛ di mìni girig, ɓi ɓa ɓɛ̀ràrɛn ri ɓìsi. Nni ɓìsii ri ɓɛ̀ràrɛn lɛ rì Seŋi, rì Yeesus Kiris à Man wiì.

1 ZYAŊ 3:1

Ghɛɛna rìkuu ɗi nkɔ̀nɛ̀n ɗi Tààta à rèsìghà ɓìsi ɓi lèg ànɛ lɛ ɓɛɛ̀ rereŋi ɓìsi lɛ ɓɔn ɓɛ Bɛ̀ll! Tì ki rì ɓɔn ɓii a tààkaà. Kìɓan ki ziinɛ ì yii ɓi ɓisi miì ki ri lɛ: Ì yighà ɓi Bɛ̀ll.

1 ZYAŊ 4:19

Ɓi ɓɛg wìs, tì keesii Bɛ̀ll lɛ, nyimiɗ yɛɛ lokà ɓìsi kì keesii.

ÀPÒKÀLIƁSƐ̀ 3:9

Ghɛna mɓiì faà wɔ̀ ɓumɓɛ ɓi nɗaŋ wu Satàn ɓɛ ɓɛɛ̀ pwààpwàà, ɓɛ reèghrèŋɗɛ̀n lɛ ɓɛ ri Ɓɛ̀yudɛ̀n, ɓɛ̀ kɛɛ̀ ki ɓa Ɓɛ̀yudɛ̀n, lɛ ɓɛɛ̀ pwààpwàà. Ghɛna, ǹɗì ɓiì kìi lɛ ɓɛɛ yu wɔ̀ kìkuŋii a mɛ̀kòò, ɓɛ ki yi lɛ ǹkeesìghà wɔ̀.