ZYAŊ 17:11 - Bafia Nouveau Testament

¹¹ Mɛ̀ ǹ-yiìdi ti ɓi ziinɛ, ɓɔ yɛɛ rɔɓi ɓi ziinɛ, yɛ̀ɛ mɛ̀ ǹ-yùu a lɔ̀ŋkɔɔ. Tààta ànɛ à rì ǹtɛnɛn, ɓèŋa ɓumɓɛ ù faghà mɛ̀ rì ɗii ɗyɔɔ, lɛ di ɓɛɛ ɓa ɓɛ̀ràrɛn yɛ̀ɛ ɓìsii ri ɓɛ̀ràrɛn lɛ rì mɛ̀ rì wɔ̀.

ZYAŊ 17:11 ပူးပေါင်းရင်းမြစ်များ

MATYOO 10:16

Nni mɛ̀ ǹɗomi lɔŋ mini yɛ̀ɛ ɓɔni jɔ̀ɔ̀ ɓi nyìinyìm à ɓìmonɗo, fɔɔnnɛ ɓaana rì ɗyomzɛ̀n yɛ̀ɛ nyoo, ɓì ki ɓa ri mɛ̀rem mɛ tɛ̀tɛ̀rɛ̀ɛ̀ yɛ̀ɛ ɓɛ̀kuùkuù.

MATYOO 5:48

Ɓaana min ɓɛsyeesyee ɓɛ ɓum lɛ kɔɔ̀kɔɔ̀ lɔŋ yɛ̀ɛ Tààta wìn anɛ à rì aɗyoo nyii ri.

MATYOO 6:9

Ɓì ghɛ̀ɛ̀sɛɛ kì ɓɔ̀ŋzaagh Bɛ̀ll fɛlɛ: Tààta wìs ànɛ à rì aɗyoo

ZYAŊ 13:1

Di tìcàɓ ti Paskà ti kakay, Yeesus à yighà lɛ cààmɛ̀n kii ki lɛ a pɛsɛn ɓi ziinɛ a kɛǹ yɛ̀ɛ Seŋi ki kpaŋi. À keesìghà ɓum ɓii ɓɛ ɓɛ ɓaghà fɛ ɓi ziinɛ; nni à keesìghà ɓɔ, à kpaŋ a sugtag.

ZYAŊ 13:3

Yeesus à yighà lɛ Seŋi à faghà ɓìɓan ɓìcèm ɓi ɓyàg ɓii, à ki yi lɛ à pɛ̀sɛ̀ngày yɛ̀ɛ Bɛ̀ll, nni wɔɔ nnɛ à yùu kì sugtii,

ZYAŊ 14:20

Ŋwos anɛ̀n ɓì yii gɛ lɛ, ǹɗì ɓi Seŋi wɛ̀m, mìni ɓi mɛ̀, mɛ̀ ɓi mìni.

ZYAŊ 16:28

M̀pɛ̀sɛ̀ngày yɛ̀ɛ Tààta, ǹ-yùy ɓi ziinɛ. Nni ɓigomìnɛ m̀pɛ̀sɛɛ ɓi ziinɛ, ǹsugtì yɛ̀ɛ Tààta.

ZYAŊ 16:33

Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

ZYAŊ 17:23

Mɛ̀ ɓi ɓɔ, wɔ̀ ɓi mɛ̀, lɛ di ɓɛɛ ɓa ɓɛ̀ràrɛn lɛ kɔɔ̀kɔɔ̀ kìbyɔg kìfog, ziinɛ ì ki yi lɛ wɔ̀ yɛɛ romgày mɛ̀, nni ǹkeesìghà ɓɔ yɛ̀ɛ wɔ̀ɔ̀ keesìghà mɛ̀.

ZYAŊ 17:25

Tààta ànɛ à rì lɛ saaɗ, ziinɛ ì yighà ɓi wɔ, lɔŋ mɛ̀ yɛɛ yighà wɔ̀, ɓɛ̀roɓɛ ɓɛ ki yi lɛ wɔ̀ yɛɛ romgày mɛ̀.

ZYAŊ 17:6

Ǹɗèsìghà ɗii ɗyɔɔ a ɓumɓɛ ù faghà mɛ̀ ɓi ziinɛ; ɓɛ ɓaghà ɓum ɓɔɔ, nni ù faghà mɛ̀ ɓɔ, ɓɛ ki ɓèŋ jɛ̀ɛ̀ yɔ̀ɔ̀.

ZYAŊ 7:33

Yeesus à kpaa lɛ: Mɛ̀ ǹkaka tì rì mìni ɓi maa cààmɛ̀n, fɔɔnnɛ ǹɗì ɓiì kɛ̀ɛ min yɛ̀ɛ roànɛ à romgày mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 3:21

Yeesus ànɛ à ka ghɛ̀ɛ̀sɛɛ kì kɔ̀kɔrii aɗyoo, à kpaŋ ɓi cààmɛ̀n ki ɓɛ ri ɓiì pɛ̀ɛ̀zii ki rɛsii ɓyom ɓìcèm ɓi mɛ̀rɛli mɛ ɓyɔ, lɔŋ yɛ̀ɛ Bɛ̀ll à kpaaghà fìɗyàɓ ɓi myɔm mɛ ɓɛkpaŋzì-ɓìɓan ɓii ɓɛ ɓɛ ɓaghà ɓɛ̀ tɛnɛn.

RÒMƐŊ 12:5

fɔlɔɔ nnɛ ɓìsi ɓɛ tì rì kìtuu, tì ri nyoo bog ɓi Kiris ɓi ɗùm; tì ki ɓa ti ɓikàɓ ɓi ɓi nyoo bog,

RÒMƐŊ 9:17

Ki ri kìkànɛn lɛ Bɛ̀ll à kpaaghà rì Farawɔŋ lɛ: Ǹɗɛsìghà wɔ̀ rìfòm ɓi rìfee lɛ di ǹɗesi ìtèɗ wɛm̀ ɓi wɔ̀; rì tì lɛ, di ɗii ɗyɛ̀m ɗyɛ̀ɛ saà zi bimiɗ.

1 KƆ̀RƐ̀ŊTYƐŊ 1:10

Ɓɔɔsoŋ̀, ǹtɔɔgh mìni ɓi ɗii ɗi Kan wìs Yeesus Kiris lɛ, wooghrɛɛna jɛ̀ɛ̀, yɛ̀ɛ gasɛ̀n yɛ̀ kɛɛ̀ ɓa ɓi nyìinyìm wìn, kìɓan kifog, ɓaana ɓɛ̀ràrɛn kɔɔ̀kɔɔ̀ à rìràrɛ̀n, ɓì ɓa nɗem wufog rì fèg bogtɛ̀n.

GÀLAT 3:28

Fɔɔnnɛ gasɛ̀n ì yiìdi ɓi nyìinyìm ànɛ lɛ rì Ɓɛ̀yudɛ̀n rì ɓìlɔ̀ŋ ɓidɛŋ, yɛ̀ kɛɛ̀ ɓa ti ɓi nyìinyìm ànɛ lɛ rì ǹkpàn rì ŋwaànɛ à yin ǹkpàn, nsoò ɓi nyìinyìm ànɛ lɛ rì baŋì rì giɓ ɓisuulɛ mìniìcèm ɓì ti com kìfog ɓi Yeesus Kiris.

EFÈZYƐŊ 4:4

Nyoo ì rì lɔŋ bog, Nghay lɔŋ bog, fɔɔnnɛ ɓì rì girig ɓɛ̀ reŋiyɛn lɛ ɓi ɓa rì dyàɓɛn bog, yɛ̀ɛ ri dyàɓɛn inɛ ɓi nɗeèghreŋi win.

FÌLÌPYƐŊ 2:9

Kìɓan kiǹ kɛɛ̀ ki Bɛ̀ll à ɓɔgsìghà nyi ɓi-kɔ̀ɔ̀ wu wu teŋmɛɛ wu cee mɛ̀kɔ̀ɔ̀ mɛ̀cèm à ki fa nyi ɗii ɗi ɗi laŋi mii mɛ̀cèm

EBIREEGH 1:3

Man ànɛ̀n à rì cììghziŋ ki rikem ɗi Bɛ̀ll, à ɓa tì syeesyee à kìfèèghrɛnà ki ɓi rìɓa ɗi yɛ̀ɛ Bɛ̀ll à rì, à lènlemi ɓyom ɓìcèm rì jɛ̀ɛ̀ yìì inɛ ì rì rì ìtèɗ. Yɛ̀ɛ à lègsìghà zòghɛ̀n ìnɛ ɓi ɓìɓe ɓi ɓum, fɔɔnnɛ à kɔ̀rìghà ɓi ɗyoo ɓiɗùm, ɓi weèlem à Bɛ̀ll ànɛ à làŋi mɛ̀tèɗ mɛcèm.

EBIREEGH 9:24

Ɓisuulɛ Kiris à ɗiŋìghà ɓi ɓi naà-Bɛ̀ll ìnɛ ɓum ɓɛɛ toŋi, ìnɛ ì rì lɛ ì ɓa kìfèèghrɛnà ki naà-Bɛ̀ll ì kɔɔ̀kɔɔ̀, à ɗiŋìghà lɔŋ ɓi ɗyoo ɗyɔmiɗ lɛ di a rɛli ɓi cààmɛ̀n ki, ɓi mis mɛ Bɛ̀ll ɓisu wis.

ZYAG 4:4

Mìni ɓɛ̀kìì-tìsɔ̀mɔ̀g ɓɛ! Ɓì yii ɓi lɛ i mum à rì rìghan ɗi ziinɛ di à rì bènàbena a Bɛ̀ll? Nni ŋwaànɛ à rì ɓiì kɔ̀ni lɛ a ɓa rìghan ɗi ziinɛ à rì ɓiì ɓaà bènàbena a Bɛ̀ll.

1 PYƐƐRI 1:5

mìni ɓɛ ìtèɗ wu Bɛ̀ll wɛɛ̀ ɓèŋɓèŋ lɛ rìgherɛ̀n, à kpaŋ yɛ̀ɛ gòri ìnɛ ì ti jàŋbog lɛ yɛ̀ɛ resɛn ɓi mɛ̀ru mɛ siitòn ì ɓiì rèsɛɛ.

1 ZYAŊ 3:12

Tì ghɛ̀ɛ̀sɛɛ ɓi ki pisɛɛ Kayin ànɛ à ɓaghà ɓi kìkàmì ki ghèghey à mum, nnyɛɛ wolà geni. À wolà nyi lɛ cɛ? Lɛ mɛ̀kìkìì mɛ geni mɛ ɓaghà lɛ saaɗ, mɛŋkii mɛ̀ kɛɛ̀ rɔɔtɛn.

1 ZYAŊ 5:19

Tì yii lɛ tì rì ɓum ɓɛ Bɛ̀ll, rì tì lɛ ziinɛ bimiɗ ì rì ɓi rìlàmì ɗi ghèghey à mum.

ZYUUDƐ 1:1

Mɛ̀ Zyuudɛ ànɛ ǹɗì ǹkìì-kìsay a Yeesus Kiris, ǹki ɓa geni Zyag, mɛ̀ yɛɛ kaniì ɓumɓɛ Bɛ̀ll à reŋìghà kaàtà ànɛ. Ɓumɓɛ̀n Bɛ̀ll Seŋi a keesag ɓɔ, Yeesus Kiris, à ki ɓègi ɓɔ.

ZYUUDƐ 1:24

Roànɛ à rì rì ìtèɗ wulɛ à ɓèŋ mìni lɛ kɛ̀ ɓi kɛ̀ɓtɛn fiɓàg, à ki kì lɛ ɓi kpaŋ ɓi rìkem ɗii lɛ sɛɛghisɛɛghi kɛ̀ɛ̀ bɛ̀lɛn, ɓi kìnyàà ɓi ɗùm,

ÀPÒKÀLIƁSƐ̀ 15:4

Kan ghɛn yɛɛ ri lɛ à rɔ̀ɓ lɛ à risii ɓi ɗii ɗyɔɔ, kɛ̀ɛ ki kemzi ɗyɔ? Ɓisuulɛ, lɔŋ wɔ̀ cɛ̀ncɔɔ yɛɛ ri ǹtɛnɛn. Ɓìlɔ̀ŋ ɓìcèm ɓi ri ɓiì yùu, ɓi ɓag wɔ̀ mɛ̀ɗu asu, lɛ saaɗ wɔ̀ɔ̀ a mɛ rèsɛ̀n.

ÀPÒKÀLIƁSƐ̀ 19:12

Mis mii mɛ ri ǹɗòò wu ɗuu; ɓɛ̀tàm ɓɛ rikem ɓɛ ɓa nyi ɓi nto kìtuu; à rì ɗii ɗì kànɛn ɓi nyoo, ɗi ŋwaàdɛŋ à yii ɓi, i ki cee ɓi lɛ nyimiɗ,

ÀPÒKÀLIƁSƐ̀ 4:8

Nyàm yi kinìn yiǹ yi ɓalàkà lɛ, nyàm bog mɛ̀keɓ taàfog, yɔ̀ mis nyoo bimiɗ lɛ rì ɓi ɗùm, rì ɓi ɓyàs. Fɔɔnnɛ yɛ̀ɛ ìru yɛ̀ɛ ŋwos, ɓɛ fɔli ɓi rikakàlì lɛ: Kan Bɛ̀ll à ìtèɗ wucèm à rì ǹtɛnɛn, à rì ǹtɛnɛn, à rì ǹtɛnɛn, Bɛ̀ll ànɛn yɛɛ, ɓaghà nnyɛɛ ri nnyɛɛ̀ ki yùyuiy.