ZYAŊ 16:33 - Bafia Nouveau Testament

³³ Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

ZYAŊ 16:33 ပူးပေါင်းရင်းမြစ်များ

MATYOO 9:2

Fɔɔnnɛ ɓɛ yughày nyi rì kìsɛkɛ̀rɛ̀ kì nɔ̀nɔŋiyɛn ɓi kon. Yɛ̀ɛ Yeesus à ghɛngà rìgherɛ̀n ɗi ɓɛ ɓaghà rì ɗyɔ, nni à kpaaghà kìsɛkɛ̀rɛ̀ kiǹ lɛ: Man wɛm̀ kɔ̀ɔ risi, com ki yin, ɓìɓe ɓyɔɔ ɓi ti ɓì cenɛn.

LUKAS 19:38

Ɓɛ kpaakpàà lɛ: Bɛ̀ll a maŋ rìfòm ɗi ɗi yuu yì ɓi ɗii ɗi Kan, fyòoog à ɓa ɓi ɗyoo ɓi ɗùm, rìkem ɗyɛɛ ki Bɛ̀ll.

LUKAS 2:14

Rìkem ɗyɛɛ ki Bɛ̀ll ɓi ɗyoo ɓi ɗùm, fyòoog à ɓa rì ɓumɓɛ ɓi ziinɛ ɓɛ Bɛ̀ll à keesii.

ZYAŊ 12:31

Ɓi cààmɛ̀n ki, kìɓan ki ziinɛ ki yuù kì renɛɛ, ɓigomìnɛ. Ɓɛ yuù kì màagh rifòm ɗi ziinɛ ɓi dan.

ZYAŊ 14:1

Mɛ̀rem min mɛ̀ kɛɛ̀ ɓùùsɛn, gherɛɛna Bɛ̀ll, ɓì gherɛ̀n girig mɛ̀.

ZYAŊ 14:27

Ǹcàri mìni fyòoog, ǹfaa mìni fyòoog wɛ̀m. Mɛ̀ ǹfaa ɓi mini nyi yɛ̀ɛ ziinɛ ì ti ì falàg. Mɛ̀rem min mɛ̀ kɛɛ̀ cɛɛcɛɛ̀rɛ̀n, nsoò lɛ mɛ yeèghyèèghkɛ̀n.

ZYAŊ 16:11

Mɔ zɛ̀ɗ ɓi kìɓan ki riren ɗi ɓiɓan ɗi Bɛ̀ll, ɓisuulɛ, kìɓan ki rifòm ɗi ziinɛ ki mɛ renɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 23:11

Yɛ̀ɛ ìru wu fingà, Kan à rèsɛ̀n Pol à kpaa nyi lɛ: Pol, kɔ̀ɔ càrɛn! Lɔŋ yɛ̀ɛ wɔ̀ɔ ǹlòmi kìtɛɛtɛn ɓi kìɓan ki ki seesee mɛ̀ a Yorisalɛm, nnɛ ù ghɛ̀ɛ̀sɛɛ tì kì lòmì aà Rom.

MƐ̀KÌKÌÌ MƐ ƁƐKƐ̀NÌ-FÌTOM 27:22

Nni m̀ɓɔŋzaagh mìni ɓigomìnɛ lɛ, ɓi siìri mɛ̀rem, lɛ nsoò wààdɛŋ, wàa wu ɓi, lɔŋ fìtimà fyɔrìfyɔ fyɛɛ ɓiì ɗyàŋì.

MƐ̀KÌKÌÌ MƐ ƁƐKƐ̀NÌ-FÌTOM 27:25

Mìni ɓum! Fɔɔnnɛ ɓì ghɛ̀ɛ̀sɛɛ kì sììrii mɛrèm, ɓisuulɛ ǹtyweeyii Bɛ̀ll, fɔlɔɔ nnɛ kìɓan kiǹ ki ɓiì kìlɛɛ lɔŋ yɛ̀ɛ àa kpaa mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 9:31

Kìseŋi ki ɓaghà lɛ fyòoog, ɓi zi ì Zyude bimiɗ, a Galile rì a Samari; kìseŋi ki tetèkà ìtèɗ, ki kikì Kan mɛ̀wog, ki ki tèeghteghɛ̀n rì ǹghɛɓsɛn wu Kitɛntɛ̀ɛ̀n ki Nghay.

2 KƆ̀RƐ̀ŊTYƐŊ 1:3

Rìkem ɗyɛɛ ɓa ri Bɛ̀ll à Seŋi Kan wìs Yeesus Kiris, Seŋi ànɛ à rì rì nyìighnyìg, Bɛ̀ll ànɛ a ki fɔɔfɔɔ̀sì ǹɗem cààmɛ̀n kìcèm.

2 KƆ̀RƐ̀ŊTYƐŊ 13:11

Ǹsiitɛɛ mìni kìkpaa lɛ: ɓɔɔsoŋ̀ ghɛɓina ɓi kìnyàà, ɓì kaakàà lɛ rìɓa ɗi ɓì rì ɓɛ̀gherɛ̀n ɗyɛɛ konag kìɓaà lɛ Syeesyee, faafàlɛɛna mìniìɓɔmiɗ itèɗ ɓi mɛ̀rem, ɓì woòwòòghrɛ̀n jɛ̀ɛ̀, ɓì ghɛghɛ̀ɓ ɓi fyòoog, fɔlɔɔ nnɛ Bɛ̀ll à ǹkɔ̀nɛ̀n, rì Bɛ̀ll à fyòoog à rì ɓiì ɓaà nɗaŋ ri mìni.

2 KƆ̀RƐ̀ŊTYƐŊ 2:14

Rìkem ɗyɛɛ ɓa rì Bɛ̀ll ànɛ à ti à kɛ̀ɛ̀sàg ɓìsi cààmɛ̀n kìcèm ɓi rìcee, lɛ Kiris, à ki fa ɓisi kìsay ki sàasaàtìyɛ̀n kìnùbe ki ɓi rìyi ɗi ɓɛ ghɛɛ̀sɛɛ Nyi kì yiì.

2 KƆ̀RƐ̀ŊTYƐŊ 4:7

Ɓìsii tɛtɛɛgh ìkum wiǹ ɓi ɓìbɔkɔ̀ ɓi ɓi ri ɓì kìyɛn ɗi fyòò, lɛ di kɛɛ ghɛnɛn lɛ tɛntɛ̀ɛ̀n lɛ coo itèɗ wu kuukuùghràkɛ̀n wiǹ, wu yin itèɗ wis, wu ri ìtèɗ wu Bɛ̀ll.

2 KƆ̀RƐ̀ŊTYƐŊ 6:4

Wɔ̀lɛ ɓi ɓìɓan ɓìcèm, ɓìsiì rèresi kɔm̀ lɛ tì rì ɓɛ̀kìì-ɓìsay ɓɛ Bɛ̀ll, ɓi coo rinìɗ ɗi nɗem ɗi tì rì rì ɗyɔ ɓi rìkɛŋ, rì ɓi cɛɓ ki nyìinyìg rì ɓi ɓìɓan ɓi ɓyɛɛ̀ falag iris,

2 KƆ̀RƐ̀ŊTYƐŊ 7:4

Lɛ ǹɗì rì ntyweeyi ri mìni lɛɛ̀gwey ǹki ɓa ri ɓɛ̀azi ɓɛ ǹɗì lɛ ǹsaàsànɛ̀n mìni miì rì ɓum; ɓi mɛ̀tɔɓ mɛ̀cèm mɛ ti wowòg, ǹɗem wɛ̀m wu ri lɛ fwɛɛy lɛɛ̀gwey, kìnyàà ki ceeghì mɛ̀.

GÀLAT 1:4

Yeesus à faghà cɛɓ kii ɓisuu ɓiɓe ɓis lɛ di a pwaŋ̀ ɓìsi ɓi kìɓeɓtàg ki zi ki tì rì ki miì gɛɛ̀nɛ, lɔŋ yɛ̀ɛ rìkɔ̀n ɗi Bɛ̀ll ànɛ à rì Seŋi wìs ɗi ri.

GÀLAT 6:14

Ɓi san wɛ̀m, ki yin fɔlɔɔ, mɛ̀ ǹ-yin ɗi com kidɛŋ ki lɛ nsaàsànɛ̀n i ki cee ɓi lɛ kɔrɔs à Kan wìs Yeesus Kiris. Lɛ kɔrɔs à Yeesus ànɛ̀n, ziinɛ ì rì kìloŋ ɓi mis mɛ̀m, fɛlɛ yɛ̀ɛ mɛ̀ɛmiɗ ǹɗì kìloŋ ɓimis mɛ ziinɛ.

FÌLÌPYƐŊ 4:7

Fɔɔnnɛ fyòoog à Bɛ̀ll ànɛ ɓum ɓɛ yin ɗi ìtèɗ wulɛ ɓɛ wog, à ɓiì ɓèŋi mɛrem min rì mɛ̀yitì min ɓi Yeesus Kiris ɓi ɗùm.

KÒLÒSYƐŊ 1:20

À ki kì lɛ ɓyom ɓìcèm ɓi ɓi ziinɛ, nsoò lɛ ɓi aɗyoo, ɓyɛɛ rarɛn tì rì nyi lɛ Man wiì, yɛ̀ɛ à kìghà lɛ fyòoog a ɓa lɛ bwaɓ yi Man ànɛ̀n yi yi kpagà ɓi kɔrɔs.

TÈSÀLÒNÌSYƐŊ 3:4

Yɛ̀ɛ tì ɓaghà a lɔ̀ŋkin, tì lokà mìni ki rèsii lɛ tì rì ɓiì tanɛɛ rì mɛ̀fèèghrɛn, fɔɔnnɛ ki ki kìlɛ̀ngà fɔlɔɔ yɛ̀ɛ ɓì yii.

TÈSÀLÒNÌSYƐŊ 3:7

Ɓɔɔsoŋ̀, fɔɔnnɛ ɓìi nfaa ɓìsi ìtèɗ ɓi nyoo rì rìgherɛ̀n ɗin, ɓi nyìinyìm à mɛ̀tɔɓ rì mɛ̀fèèghrɛn mɛcèm mɛ tì rì rì mɔ.

2 TÈSÀLÒNÌSYƐŊ 3:16

Kan ànɛ a falag fyòoog, nnyɛɛ fa mìni fyòoog nyimiɗ ɓyààmɛ̀n ɓìcèm, bee yicèm; Kan a ɓa rì mìni ɓɛ̀sɛ̀ɛ̀ ɓɛ̀cèm.

2 TIMOTE 3:12

Ki ri gì lɛ, ɓum ɓɛ̀cèm ɓɛ ɓɛɛ̀ kɔ̀nkɔn lɛ ɓɛɛ̀ ghɛɓ cɛɓ ki lɛ ɓɛ falɛ̀n rì Bɛ̀ll ɓi Yeesus Kiris lɛ kɔɔ̀kɔɔ̀, ɓɛ ri ɓiì tulɛɛ ri ǹ-yeesɛ̀n, à ɓum.

EBIREEGH 11:25

à ɓiìsɛ̀n kìkɔ̀ni lɛ ɓɛɛ kiki nyi mɛ̀tɔɓ ǹɗaŋ ɗi ɓumɓɛ ɓi kìlɔ̀ŋ ki Bɛ̀ll à rɔ̀tɛ̀ngà, à cee lɛ a wog kìrɔɔ ɓi kìɓe ɓiɗùm maa cààmɛ̀n.

EBIREEGH 7:2

Rì nyi nnɛ Abiraham à faghà gàɓ ì kìntɛ̀ɗ ìnɛ ɓi ɓyom ɓii ɓìcèm. Ɗii ɗi lɛ Mɛlkisedɛg àncèm ɗi ka rèsii lɛ à rì rìfòm ɗi saaɗ, à ki ɓa ti lɛ rìfòm ɗi Salɛm yɛɛlɔɔ lɛ rìfòm ɗi fyòoog.

1 PYƐƐRI 5:9

Ɓaana ɓɛ̀sììrɛn ɓi rìgherɛ̀n, kɛ̀ ɓi càrɛn lɛ a ɓigti mìni, ɓì ki yi lɛ ɓɛ̀geni ɓin ɓɛ rìgherɛ̀n ɓɛɛ̀ tuutulɛ̀n rì mɛ̀kuu mɛ mɛtɔɓ mɛ̀n ɓi ziinɛ.

1 ZYAŊ 2:13

Ɓɛ̀seŋi ɓɛ̀m, ǹkàni mìni ɓisuulɛ ɓì yii roànɛ à ɓaghà à tumɛ̀n a rìtumɛ̀n; ǹkàn mìni ɓɛ̀dɛlì, ɓisuulɛ ɓì mɛ yag ghèghey à mum. Ǹkàni mìni ɓɔɔɓɔɓti ɓisuulɛ ɓì mɛ yi roànɛ à rì Seŋi.

1 ZYAŊ 4:4

Mìni ɓɔn ɓɛm, ɓì rì ɓɔn ɓɛ Bɛ̀ll, ɓì mɛ yag ɓumɓɛ̀n ɓisuulɛ, Nghay wu wu ri ɓi mìni wu teèsɛɛ wu cee wu wu ri ɓi ziinɛ.

1 ZYAŊ 5:4

Ɓisuulɛ, mum ǹcèm ànɛ à rì man à Bɛ̀ll, à ti à yakì ziinɛ. Rìyag ɗi tì ti tì yakì ziinɛ ɗi ri ɓi rìgherɛ̀n ɗis.

ÀPÒKÀLIƁSƐ̀ 12:11

Ɓɛ mɛ yag nyi ɓi wɛ̀y lɛ bwaɓ yi Man à jɔ̀ɔ̀, rì jɛ̀ɛ̀ ìnɛ ɓɛ nɗèresii saaɗ ànɛ miì; ɓɛ nki keesii ɓi ɓyɛɓ ɓyaa à kpaŋ lèg ànɛ lɛ ɓɛɛ risi rìwu.

ÀPÒKÀLIƁSƐ̀ 3:21

Ŋwaànɛ à ɓiì yagsaagh ǹkì lɛ a kɔri ǹɗaŋ ri mɛ̀ ɓi-kɔ̀ɔ̀ wɛm̀ wu rilàmì fɛlɛ yɛ̀ɛ mɛ̀ ǹ-yagsàkà ǹkɔ̀rì ǹɗaŋ ri Seŋi wɛ̀m ɓi-kɔ̀ɔ̀ wii wu rilàmì.

ÀPÒKÀLIƁSƐ̀ 7:14

Nni m̀ɓàkà nyi lɛ: Kan wɛ̀m wɔ̀ yɛɛ yii! Fɔɔnnɛ à kpaaghà mɛ̀ lɛ: Ɓɛ ri ɓumɓɛ ɓɛ pɛsɛɛ yì ɓi jàŋ yi ǹ-yeesɛ̀n à ɓɛ̀gherɛ̀n à rì lɛɛ̀gwey. Ɓɛ sooghà ɓɛ̀ kàɓà ɓaa ɓɛ ki puɓsi ɓɔ ɓi bwaɓ yi Man à jɔ̀ɔ̀.