ZYAŊ 15:24 - Bafia Nouveau Testament

²⁴ I kɛ̀ɛ nkì ɓɛgɛn ɓɛ ɓiɓan ɓɛ ŋwaàdɛŋ à ka kighà ɓi ɓi nyìinyìm wàa, di ɓɛ yin ri bɛ̀lɛn. Nni ɓigomìnɛ, ɓɛ nghɛɛ ɓìɓan ɓi mɛ̀ɛ nkìi, ɓɛ ki ɓèèzɛn lɛ rì mɛ̀ rì Seŋi wɛ̀m.

ZYAŊ 15:24 ပူးပေါင်းရင်းမြစ်များ

MATYOO 11:5

Ɓyɛɛ ri lɛ, ɓɛ̀ɗyaŋɗyàŋ ɓɛ ghɛɛ̀ghɛ̀nɛ̀n, ɓɛ̀lɛnlɛm ɓɛ̀ kɛɛ̀kɛ̀ɛ̀ lɛ syeesyee, ɓɛ̀kukwiy ɓɛ pɛɛ̀zɛ̀n kìɓaà lɛ syeesyee ɓi nyoo yàà, ɓɛ̀lɔlɔg ɓɛ woòghwòòghrɛ̀n, ɓìloŋ ɓi gheèghèmɓɛ̀n, Syeesyee à Ɓɔlɛ à ki kaakalɛ̀n a ɓumɓɛ ɓɛ ri nyìighnyìg.

MATYOO 21:32

Ɓisuulɛ, Zyaŋ à yùghà a lɔ̀ŋkin, à rèsì mìni bee ì saaɗ, kɛ̀ ɓi gherɛn nyi, kìɓan kifog ɓɛ̀terì-làmpoŋ̀ rì ɓɛ̀yiɓ ɓɛ riɓàmɓà ɓɛ gherɛ̀ngà nyi. Nni nsoò yɛ̀ɛ ɓì ghɛngà fɔlɔɔ, ɓì ki lɔ̀ɔ̀ghrɛ̀ngà ɓi mɛrem lɛ ɓi gherɛn nyi.

MATYOO 9:33

Yɛ̀ɛ à nàɓkà kìɓeɓtàg ki nghay kìn, mùm-mùm anɛ̀n à tòòghrɛ̀n; gwìy ì ɓum ìnɛ ì ɓaghà wɔɔ i kuuràkà, ì kpaa lɛ: Rìkuu ɗi kiɓan ɗi fɛlɛ ɗi ka ghɛnɛ̀ngà ɓi a Isirayɛl cààmɛ̀n kidɛŋ.

MARIKUS 2:12

Nni ŋwaànɛ̀n à ghàskà kì pɛ̀sɛɛ aɗyoo, à teɗ kon wiì à kpaŋ, ɓum ɓɛ̀cèm ɓɛ seesèè, kìɓan ki wey ɓɔ yɛ̀ɛ rìtɔŋ; ɓɛ keèkèmzì Bɛ̀ll di ɓɛɛ̀ kpaakpaa lɛ: Tì ka ghɛngà ɓi rikuu ɗi kiɓan yɛ̀ɛ ɗi.

LUKAS 24:19

Yeesus à tɔg ɓɔ lɛ: Kìɓan aɗi kɛɛ nkìlɛɛ wɔ̀ɔ̀? Fɔɔnnɛ ɓɛ ɓakà nyi lɛ: Kìɓan ki ki nkìi Yeesus ànɛ a Naazarɛt, ànɛ mɛ̀kìkìì mii rì ɓìtòkì ɓii, ɓi nɗèresii lɛ, à rì kìtèetèɗ ki ǹkpaŋzì-ɓìɓan ɓi mis mɛ Bɛ̀ll rì ɓi mis mɛ kilɔ̀ŋ kìcèm.

ZYAŊ 10:32

Nni Yeesus à kpaatìghà min ɓɔ lɛ: Mɛ̀ɛ nkìi ɓɛ̀gɛn ɓɛ ɓiɓan lɛɛ̀gwey ɓi mis min, rì ìtèɗ wu Tààta, nni ɓi ɓìɓan ɓiǹ, kibe kɛɛ̀ki ɓì ti mɛ̀ ɓiì rogii gɔ̀g miì?

ZYAŊ 10:37

I ǹki rɔ̀ɓi kɛ̀ɛ nkì ɓisay ɓi Seŋi wɛ̀m, ɓì rɔ̀ɓ kɛ̀ ɓi gherɛn mɛ.

ZYAŊ 12:10

Ɓɛ̀pìrɛɛtìrɛ̀ ɓɛgwey ɓɛ rengà lɛ ɓɛɛ wey girig Lazaari.

ZYAŊ 12:45

I mum à ghɛɛ mɛ̀, di à ghɛɛ roànɛ à romgày mɛ̀.

ZYAŊ 14:9

Yeesus à kpaa nyi lɛ: Filiɓ, fìɗyàɓ fi maà ɓa rì mìni, ù ka yighà ɓi mɛ? Ŋwaànɛ à mɛ ghɛn mɛ, à mɛ ghɛn Tààta, nni lannɛ ù kpaa lɛ rèsi ɓìsi Tààta?

ZYAŊ 15:21

Wɔ̀lɛ ɓɛ ri kì mini ɓìɓan ɓiǹ ɓìcèm ɓisu wɛ̀m, lɛ ɓɛ yii ɓi roànɛ à romgày mɛ̀.

ZYAŊ 15:22

I ǹ-yùghà ɓi, kɛ̀ɛ nki tòòghrɛn ri ɓɔ, di ɓɛ yin lɛ ɓɛ ɓa rì bɛ̀lɛn; nni ɓigomìnɛ, ɓɛ yin ɗi com ki kpaayɛn ɓisuu kiɓe kaa.

ZYAŊ 15:23

Ŋwaànɛ à ɓèèzɛɛ mɛ̀ à ɓèèzɛɛ girig Seŋi wɛ̀m.

ZYAŊ 16:9

Mɛ ri kìtɛ̀ŋtɛ̀ŋ ɓi kìɓan ki kiɓe ɓisuulɛ, ɓɛ gherɛɛ ɓi mɛ.

ZYAŊ 3:2

à yùghà yɛ̀ɛ Yeesus rì ìru à kpaa nyi lɛ: Raɓì, tì yii lɛ, ù rì ǹɗèsàg ànɛ Bɛ̀ll yɛɛ romiì ɓisuulɛ, ŋwaà yin lɛ à kì dàm yi ɓiɓan yɛ̀ɛ yi wɔ̀ɔ kìki yi, di Bɛ̀ll à yin a lɔ̀ŋkii.

ZYAŊ 5:36

Ǹɗì rì wusìnɛ̀ɗ ànɛ a rèresi kiɓan kɛm̀, à cee rìrèsì ɗi Zyaŋ à rèsìghà, nnyɛɛ ri ɓìɓan ɓi Tààta à faghà mɛ̀ lɛ nki. Ɓìɓan ɓiǹ ɓyɛɛ̀ rèresi lɛ Tààta yɛɛ romgày mɛ̀.

ZYAŊ 6:36

Ǹki kpaaghà mìni fɔlɔɔ, ɓì ghɛn mɛ̀, kɛ̀ ɓi ki gherɛn.

ZYAŊ 7:31

Ɓi gwìy ìnɛn, ɓum lɛɛ̀gwey ɓɛ gherɛ̀ngà nyi, ɓɛ kpaakpàà lɛ: Yɛ̀ɛ Kiris à ri yù, à ri kì nya dàm yi yi cee yi ŋwaànɛ a kìkì?

ZYAŊ 9:32

Tì ka wokà ɓi di ɓɛɛ̀ kpaakpaa lɛ, ŋwaàdɛŋ à mɛ kìghà lɛ mis mɛ ŋwaànɛ à yalɛɛ rì tìɗyaŋ mɛɛ ghɛnɛ̀n.

ZYAŊ 9:41

Yeesus à ɓàg ɓɔ lɛ: I ɓyàa rì rì tìɗyaŋ, di ɓì yiǹ lɛ ɓì ɓa rì kìɓe; nni yɛ̀ɛ ɓi kpaakpaa lɛ ɓi ghɛɛghɛnɛ̀n, fɔlɔɔ nnɛ kìɓe kin ki kaka.

MƐ̀KÌKÌÌ MƐ ƁƐKƐ̀NÌ-FÌTOM 10:38

Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

MƐ̀KÌKÌÌ MƐ ƁƐKƐ̀NÌ-FÌTOM 2:22

Mìni ɓumɓɛ a Isirayɛl, wooghna kìɓan ki nkìki lɛ, nkpaà mìni: Yeesus ànɛ a Nazarɛt àa nɗì ŋwaànɛ Bɛ̀ll àa ǹɗèsii mìni lɛ, nnyɛɛ romgày nyi, ɓi dàm yi ɓiɓan, rì ɓɛ̀koŋnyoo ɓɛ ɓiɓan, rì ɓìrèmzɛnà ɓi à faghà nyi ìtèɗ wulɛ a ki ɓi nyìinyìm wìn lɔŋ yɛ̀ɛ mìniìɓɔmiɗ ɓì yii.

RÒMƐŊ 1:30

rì ɓɛ̀ɓɔlɛ, rì mɛ̀wɔ̀wɔrì, ɓɛ ɓa ɓɛ̀bènàbena ɓɛ Bɛ̀ll, ɓɔ ɓɛ̀kaà-ɓìɓan, ɓɔ rì ɓìdaŋà rì kalɛn, ɓɛ womzɛ̀n ɓi rìkì ɗi kiɓe, ɓɛ ki ɓa ri ntoòtèɗ rì ɓɛ̀yalì ɓaa.

2 TIMOTE 3:4

ɓɛ ɓa ɓɛ̀tɔ̀kɔ̀tɔkɔ, ɓɔ mɛ̀rem lɛ bùɓbùɓ, ɓɔ rì kalɛn ɓi nɗem, ɓɛ keesì rìyɛ̀y ɗi cɛɓ ki mɛmùù à cee Bɛ̀ll;

ZYAG 4:4

Mìni ɓɛ̀kìì-tìsɔ̀mɔ̀g ɓɛ! Ɓì yii ɓi lɛ i mum à rì rìghan ɗi ziinɛ di à rì bènàbena a Bɛ̀ll? Nni ŋwaànɛ à rì ɓiì kɔ̀ni lɛ a ɓa rìghan ɗi ziinɛ à rì ɓiì ɓaà bènàbena a Bɛ̀ll.