ZYAŊ 15:21 - Bafia Nouveau Testament

²¹ Wɔ̀lɛ ɓɛ ri kì mini ɓìɓan ɓiǹ ɓìcèm ɓisu wɛ̀m, lɛ ɓɛ yii ɓi roànɛ à romgày mɛ̀.

ZYAŊ 15:21 ပူးပေါင်းရင်းမြစ်များ

MATYOO 10:18

Ɓi rì ɓiì rɛlii mɛkpaà ɓi mis mɛ ɓɛ̀gɔmìnà, rì mɛ mɛfòm ɓisu wɛ̀m lɛ di ɓi ɓa ɓɛ̀tɛɛzì kiɓan kɛm̀ lɛ rì ɓi mis maa rì ɓi mis mɛ ɓɛroɓɛ ɓɛ yii ɓi Bɛ̀ll.

MATYOO 10:22

Ɓum ɓɛ̀cèm ɓɛ ri ɓèèzɛn mini ɓisuu ɗii ɗyɛ̀m; wɔ̀lɛ ŋwaànɛ à sììrɛɛ à kpaŋ a rìsugtɛ̀n nnyɛɛ ɓiì ghɛɛ̀ cɛɓ.

MATYOO 10:39

Ŋwaànɛ à kàmɛɛ rì cɛɓ kii nnyɛɛ ri kɔ ɓiì mɛ̀mi, wɔ̀lɛ roànɛ à ɗimzii cɛɓ kii lɛ mɛ̀, à rì kɔ ɓiì ghɛɛ̀dii.

MATYOO 24:9

Fɔɔnnɛ ɓɛ ri mìni ɓiì ɓangii, ɓɛ ki lɛ ɓi woòg mɛ̀tɔɓ, ɓɛ weeyì mìni, ɓìlɔ̀ŋ ɓìcèm ɓi ri mìni ɓiì ɓèèzɛɛ ɓisu wɛ̀m.

MATYOO 5:11

Yiina lɛ, ɓì rì rì ɓɛ̀mààgh di ɓum ɓɛɛ̀ sɛɛsɛmgì mìni, ɓɛ tɔtɔ̀ɓ mìni, ɓɛ ki renɗen mini ɓìɓan ɓi nyoo zàɓ yi aɗyoo yìcèm ɓìsu wɛ̀m.

MARIKUS 13:13

Ɓum ɓɛ̀cèm ɓɛ ri mìni ɓiì ɓèèzɛɛ ɓisu wɛ̀m, kìɓan kifog ŋwaànɛ à ɓiì sììrɛɛ à kpaŋ a rìsugtɛ̀n nnyɛɛ ɓiì ghɛɛ cɛɓ.

LUKAS 21:12

Wɔ̀lɛ di ɓìɓan ɓiǹ ɓìcèm ɓi ka ghɛnɛn ɓi, ɓɛ ri mìni ɓiì ɓangii, ɓɛ ki mìni mɛ̀tɔɓ; ɓɛ ri mìni ɓiì faà rì ɓɛ̀rɛlì-asu ɓɛ ɓi naa yi bɔ̀ŋzɛ̀n lɛ ɓɛɛ yɔm̀ mìni, ɓɛ ki pìg mini ɓi naà-zày; ɓɛ ɓiì kɛ̀ɛ ri mìni a ɓɛ̀làmì rì a ɓɛ̀gɔmìnà ɓisu wɛ̀m.

LUKAS 21:17

Ɓum ɓɛ̀cèm ɓɛ ri mìni ɓiì ɓèèzɛɛ ɓisu wɛ̀m.

LUKAS 6:22

I ɓum ɓɛ ɓeèzɛɛ mìni, ɓɛ ɓèn mìni, ɓɛ sɛmgì mìni, ɓɛ ki ren mini ɗii ɓi ǹɗaŋ waa, ɓisuu Man à mum, ɓì ɓiì ɓaa rì ɓɛ̀mààgh.

ZYAŊ 15:24

I kɛ̀ɛ nkì ɓɛgɛn ɓɛ ɓiɓan ɓɛ ŋwaàdɛŋ à ka kighà ɓi ɓi nyìinyìm wàa, di ɓɛ yin ri bɛ̀lɛn. Nni ɓigomìnɛ, ɓɛ nghɛɛ ɓìɓan ɓi mɛ̀ɛ nkìi, ɓɛ ki ɓèèzɛn lɛ rì mɛ̀ rì Seŋi wɛ̀m.

ZYAŊ 16:3

Ɓɛ ri ɓiì kìkii fɔlɔɔ lɛ, ɓɛ yighà ɓi Tààta, ɓɛ̀ kɛɛ̀ ki yi mɛ.

ZYAŊ 17:25

Tààta ànɛ à rì lɛ saaɗ, ziinɛ ì yighà ɓi wɔ, lɔŋ mɛ̀ yɛɛ yighà wɔ̀, ɓɛ̀roɓɛ ɓɛ ki yi lɛ wɔ̀ yɛɛ romgày mɛ̀.

ZYAŊ 8:19

Nni ɓɛ kpaaghà nyi lɛ Soŋi à rì fe? Yeesus à ɓàg ɓɔ lɛ: Ɓì yii ɓi mɛ, ɓyɛ̀ ɓi ki yi Seŋi wɛ̀m, i ɓyàa yii mɛ̀, di ɓì rì lɛ ɓì yi girig Seŋi wɛ̀m.

ZYAŊ 8:54

Nni Yeesus à ɓàkà lɛ: I màa ɓɔɔ̀ɓɔ̀gsɛ̀n di rìkem ɗyɛ̀m ɗi ri ɗi zɛy rì zɛy. Nni Seŋi wɛ̀m ànɛ ɓi kalag lɛ à rì Bɛ̀ll wìn yɛɛ̀ ɓɔɔɓɔgsì mɛ̀.

ZYAŊ 8:55

Ɓì ki yii ɓi nyi; mɛ̀ ǹ-yii nyi. I ǹkpaa lɛ ǹ-yii ɓi nyi, di ǹɗì pwààpwaà yɛ̀ɛ mìni. Kiɓan kifog mɛ̀ ǹ-yii nyi, mɛ̀ɛ ǹki ɓèŋɓeŋ jɛ̀ɛ̀ yìì.

MƐ̀KÌKÌÌ MƐ ƁƐKƐ̀NÌ-FÌTOM 17:23

Ɓisuulɛ, yɛ̀ɛ mɛ̀ɛ nɗerenii bàn yìn, ǹseesèè gɛ mɛɛ ànɛ ɓì togii bɛ̀ll yin; mɛ̀ɛ mɓàli kɔm̀ ɓi mɛɛ mɛdɛŋ lɛ: Mɛɛ mɛ, mɛ ri ɓisuu bɛ̀ll ìdɛŋ ìnɛ tì yii ɓi. Nni bɛ̀ll ìnɛ ɓi ɓɔɔɓɔgsì ìnɛn kɛ̀ ɓi yi yɔ̀, yɛ̀ɛnnɛ ǹ-yùu mìni kì rèsii.

MƐ̀KÌKÌÌ MƐ ƁƐKƐ̀NÌ-FÌTOM 26:9

Ɓi ɓɛg ànɛ a lɔ̀ŋkɛm̀ ǹfèfèkà lɛ, ki ghɛɛ̀sɛɛ lɛ nɗuù rì ɗii ɗi Yeesus ànɛ a Nazarɛt bee yicèm.

MƐ̀KÌKÌÌ MƐ ƁƐKƐ̀NÌ-FÌTOM 3:17

Nni ɓigomìnɛ, ɓɛ̀geni ɓɛ̀m, ǹ-yii lɛ ɓìi ǹkìi fɔlɔɔ lɛ, rì mìni rì ɓɛ̀làmì ɓin ɓìi n-yii ɓì.

MƐ̀KÌKÌÌ MƐ ƁƐKƐ̀NÌ-FÌTOM 4:17

Nni ɓi ɗi lɛ ɓɔlɛ ànɛ kɛ̀ɛ ɓiisɛn ki sàa, ti rɔ̀gsɛɛna ɓɔ lɛ, i ɓɛ kpaatii mum kìɓan ki ki rarɛ̀n ɗì ɗii ɗi Yeesus di ɓɛ ri ɓiì ghɛɛ̀.

MƐ̀KÌKÌÌ MƐ ƁƐKƐ̀NÌ-FÌTOM 5:41

Fɔɔnnɛ ɓɛ̀kɛ̀nì-fìtom ɓɛ pɛsɛ̀ngày a Sànèdìrɛŋ ɗì coo kìnyàà ɓi nɗem lɛ Bɛ̀ll àa ǹghɛɛ lɛ, ki rì syeesyee à kiɓan lɛ, ɓɔɔ ghɛn mɛ̀tɔɓ lɛ, ɗii ɗi Yeesus.

MƐ̀KÌKÌÌ MƐ ƁƐKƐ̀NÌ-FÌTOM 9:14

Nni ɓi ɗi à rì ɗi fɛ, ɓɛ̀pìrɛɛtìrɛ̀ ɓɛgwey ɓɛ nfaa nyi ìtèɗ wulɛ a ɓangi ɓum ɓɛ̀cèm ɓɛ ɓɛɛ̀ rereŋi ɗii ɗyɔɔ, à ki fogi ɓɔ ɓi ɓìsɔŋ.

MƐ̀KÌKÌÌ MƐ ƁƐKƐ̀NÌ-FÌTOM 9:16

Mɛ̀ɛmiɗ ǹɗì nyi ɓiì rèsii mɛtɔɓ mɛ̀cèm mɛ à ɓiì woògh ɓisu wɛ̀m.

RÒMƐŊ 1:28

Yɛ̀ɛ ɓɛ ghɛngà ɓi kirɔɔ lɛ ɓɛɛ yiti lɛ Bɛ̀ll à rì wɔɔ, nni Bɛ̀ll à nagà ɓɔ rì kìyèg kaa ki ɗyomzɛ̀n lɛ ɓɛɛ kiki ɓìɓan ɓi ɓaa ghɛ̀ɛ̀sɛɛ ɓi kikìi.

1 KƆ̀RƐ̀ŊTYƐŊ 15:34

Sugtiina ɓi mìniìɓɔmiɗ yɛ̀ɛ ki ghɛɛ̀sɛɛ kɛ̀ ɓi kì kiɓe. Ɓisuulɛ ɓum ɓɛdɛŋ ɓɛ ɓi nyìinyìm wìn ɓɛ yii ɓi Bɛ̀ll; kìɓan ki ǹkpaa kìn ki ri ǹtoòrìɗ ɓi ɓɛg wìn.

1 KƆ̀RƐ̀ŊTYƐŊ 2:8

Nsoò rìfòm ɗifog ɗi ɓi mɛ̀fòm mɛ ɓi ziinɛ ɗi yighà ɓi ɗyomzɛ̀n ɗiǹ; i ki lɛ mɛɛ yi ɗyɔ, di mɛ ɓaghà ɓi lɛ mɛ ghɛrì Kan ànɛ à rì ǹkemì ɓi kɔrɔs.

2 TÈSÀLÒNÌSYƐŊ 1:8

ɓi nɗòò wu ɗuu, lɛ a pɔnɔsi lɛ, rì ɓumɓɛ ɓɛ yii ɓi Bɛ̀ll, rì ɓɛ̀roɓɛ ɓɛ ti ɓɛ̀ kɛɛ̀ wog rikpaa ɗi Syeesyee à Ɓɔlɛ à Kan wìs Yeesus.

1 ZYAŊ 3:1

Ghɛɛna rìkuu ɗi nkɔ̀nɛ̀n ɗi Tààta à rèsìghà ɓìsi ɓi lèg ànɛ lɛ ɓɛɛ̀ rereŋi ɓìsi lɛ ɓɔn ɓɛ Bɛ̀ll! Tì ki rì ɓɔn ɓii a tààkaà. Kìɓan ki ziinɛ ì yii ɓi ɓisi miì ki ri lɛ: Ì yighà ɓi Bɛ̀ll.

3 ZYAŊ 1:7

Lɛ ɓisuu kisay ki Kiris nnɛ ɓɛ roŋìghà bee ɓɛ̀ kɛɛ̀ teɗ nghɛɓsɛn wudɛŋ a ɓumɓɛ ɓɛ yin ɓɛgherɛ̀n.

ÀPÒKÀLIƁSƐ̀ 2:3

Ù rì rì kìsììrì, wɔ̀ɔ ǹwoogh mɛ̀tɔɓ ɓisuu ɗii ɗyɛ̀m, kɔ̀ɔ ki càrɛn.