ZYAŊ 14:6 - Bafia Nouveau Testament

⁶ Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

ZYAŊ 14:6 ပူးပေါင်းရင်းမြစ်များ

MATYOO 11:27

Seŋi wɛ̀m à faghà mɛ̀ ɓìɓan ɓicèm; ŋwaàdɛŋ à yii ɓi Man i ki yin lɛ Seŋi, ŋwaàdɛŋ kɛɛ ki yi Seŋi i ki yin lɛ Man, ǹsòò lɛ ŋwaànɛ ki kɔni Man lɛ a resi nyi Seŋì.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 1:17

Ɓisuulɛ, ɓìdɔ̀gsɛna ɓi falɛ̀ngà rì Moyis, geesɛ̀n rì saaɗ ɓi yuiy rì Yeesus Kiris.

ZYAŊ 1:4

Cɛɓ ki ɓaghà ɓi Jɛ̀ɛ̀ ìnɛn, cɛɓ kìn ki ki fafa ɓum kìtɛɛtɛn.

ZYAŊ 10:28

Ǹti ǹfalàg yɔ cɛɓ ki fiɗyàɓ fikɔ̀ɔ̀, yàa wu ɓi nsoò ŋwos bog, mum à ki yin lɛ à ɓàtɛ̀n yɔ ɓi càg kɛm̀.

ZYAŊ 10:7

Nni Yeesus à kpaatìghà ɓɔ lɛ: Ǹkpaa mìni kɔɔ̀kɔɔ̀ à rìkpaa lɛ mɛ̀ yɛɛ ri ìsuunaa wu gari ì jɔ̀ɔ̀.

ZYAŊ 10:9

Mɛ̀ yɛɛ ri ìsuunaa, ŋwaànɛ à fyee a lɔ̀ŋkɛm̀ à ɗiŋì à ɓiì ghɛɛ̀ cɛɓ. À ɓiì kìi lɛ à ɗiŋì, à kpaŋ à ki tanɛn ɓiɗilàg.

ZYAŊ 14:19

Cààmɛ̀n lɛsàg ziinɛ yàa ghɛɛ̀di ɓi mɛ, lɔŋ mìni yɛɛ ri mɛ̀ ɓiì seesee ɓisuulɛ ǹɗì cem, nni mìni girig ɓì ɓiì ɓaà rì cɛɓ.

ZYAŊ 15:1

Mɛ̀ ǹɗì kɔɔ̀kɔɔ̀ à dɛm i viìnyɛ̀, Seŋi wɛ̀m m̀pègsɛ̀n dɛm.

ZYAŊ 18:37

Pilat à tɔg nyi lɛ: Yɛɛ lɔɔ lɛ ù rì rìfòm wa? Yeesus à ɓàg lɛ: Ù kpaa miì, ǹɗì rìfòm. Mɛ̀ ǹ-yalɛ̀ngà, ǹki yù ɓi ziinɛ lɛ ntɛɛ̀zag ɓum ɓìɓan ɓi saaɗ, fɔɔnnɛ mum ǹcèm ànɛ à rì ŋwaà saaɗ, à ti à wokì jɛ̀ɛ̀ yɛ̀m.

ZYAŊ 5:21

Lɛ fɛlɛ yɛ̀ɛ Seŋi à ti à ghèmzàg ɓìloŋ, à fa ɓyɔ cɛɓ, fɔlɔɔ nnɛ Man à ti à falàg girig ɓumɓɛ à kɔ̀ni cɛɓ.

ZYAŊ 6:33

Lɛ bìrɛs ì Bɛ̀ll ì rì bìrɛs ìnɛ ì sɛniì aɗyòò, ì ki fa ziinɛ cɛɓ.

ZYAŊ 6:51

Ǹɗì bìrɛs ì cencem ìnɛ ì sɛngày aɗyòò, ŋwaànɛ à ɗii bìrɛs ìnɛ̀n, à rì ɓiì ghɛɓì fìɗyàɓ fikɔ̀ɔ̀. Bìrɛs ìnɛ m̀ɓiì faà ìnɛ̀n, yɛ̀ɛ ri nyoo yɛ̀m ìnɛ ǹɗì ɓiì faà, lɛ ziinɛ yɛ̀ɛ ɓa rì cɛɓ.

ZYAŊ 6:57

Fɛlɛ yɛ̀ɛ Tààta ànɛ à rì cem a romgày mɛ̀, mɛ̀ ǹki ɓa ri cɛɓ lɛ nyi, fɔlɔɔ nnɛ ŋwaànɛ à ɗii mɛ̀, à ɓiì ghɛɓì lɛ mɛ̀.

ZYAŊ 6:68

Simɔn Pyɛɛri à pɛ̀ɛ̀zìghà nyi lɛ: Kan, tì ɓiì kɛ̀ɛ yɛ̀ɛ ghɛn? Ù rì rì ɓìɓan ɓi cɛɓ ki fiɗyàɓ fikɔ̀ɔ̀.

ZYAŊ 8:32

Ɓì rì ɓiì yiì saaɗ, saaɗ ànɛ̀n à ghaasì mìni ɓɛ̀kan.

ZYAŊ 8:51

Ǹkalii mìni kɔɔ̀kɔɔ̀ à rìkalì lɛ: I ŋwaà ɓèŋi ɓìɓan ɓyɛm̀, ŋwaànɛ̀n à wii gɛ ɓi.

MƐ̀KÌKÌÌ MƐ ƁƐKƐ̀NÌ-FÌTOM 3:15

Ɓìi kìi lɛ ɓɛɛ wey ŋwaànɛ à làmii cɛɓ, nyi nnɛ Bɛ̀ll àa ǹghèmzii yì a ɓìloŋ; tìrì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 4:12

Mum à rì lɔŋ ɓiì ɓaà rì cɛɓ lɛ nyi, ɓisuulɛ Bɛ̀ll à faghà ɓi ɓum ɗii ɗidɛŋ fɛ ɓi ziinɛ ɗi ɗi ri rì ìtèɗ wulɛ, ɗi fa ɓìsi cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 9:2

à tɔg nyi ɓɛ̀kaàtà ɓɛ ɓɛ faa nyi Ìtèɗ wulɛ, a kɛǹ a Damas, i à tanɛɛ ɓum ɓi naa yi bɔ̀ŋzɛ̀n, nsoò, ɓɛ̀yiɓ nsoò ɓɛ̀baŋì ɓɛ ɓɛɛ̀ nɔ̀ɔnɔɔ̀tì bee i Kan, a ɓangiì ɓɔ a ki sug yi rì ɓɔ a Yorisalɛm ɓɛ̀kàgakɛn.

RÒMƐŊ 15:16

lɛ mɓa ǹkìì-kìsay a Yeesus Kiris ɓisuu ɓumɓɛ ɓɛ yin Ɓɛ̀yudɛ̀n, fɔɔnnɛ nɗooroòzì kìsay ki righagsì ɗi Syeesyee à Ɓɔlɛ à Bɛ̀ll, kɛɛ ri kìsay ki ki ri kìtɛnɛn, lɛ di ɓumɓɛ ɓɛ yin Ɓɛ̀yudɛ̀n ɓɛɛ ɓa fɛlɛ yɛ̀ɛ rìfa ɗi ɗyɛɛ̀ rɔɔghi Bɛ̀ll; ɗyɛɛ̀ɗi Kìtɛntɛ̀ɛ̀n ki Ǹghay ki mɛ tɛɛ̀zì.

RÒMƐŊ 5:2

Nnyɛɛ mɛ kì lɛ, ti ɗiŋi ɓi geesɛ̀n ì Bɛ̀ll ìnɛ tì ti ìnɛ miì ǹsììrɛn lɛ rìgherɛ̀n, com ki ti nyàànyàà ki ri dyàɓɛn ìnɛ tì rì rì yɔ̀ lɛ tì rì ɓiì ɓaà rì gàɓ ɓi rìkem ɗi Bɛ̀ll.

RÒMƐŊ 5:21

Ɓi lèg ànɛ lɛ, yɛ̀ɛ kìɓe ki ciìcììzìghà ɓum ɗì rìwu, geesɛ̀n ì Bɛ̀ll yɛ̀ɛ làlami rì saaɗ, ɓisuu cɛɓ ki fiɗyàɓ fikɔ̀ɔ̀ lɛ Yeesus Kiris à Kan wìs.

1 KƆ̀RƐ̀ŊTYƐŊ 15:45

Kìɓan kiǹ kɛɛ̀ki ki ri miì kìkànɛn lɛ: Mum à ǹtonto ànɛ lɛ Adam à ghalà com ki kɛɛ̀ ghɛghɛ̀ɓ; Adam à siitòn à ti nghay wu wɛɛ̀ fafa cɛɓ.

EFÈZYƐŊ 2:18

Ɓisuulɛ, rì ɓìsi, rì ɓɔ, tì rì rì bee i ǹkpaŋɛn yɛ̀ɛ Tààta lɛ nyi rì ǹghɛɓsɛn wu Nghay bog.

KÒLÒSYƐŊ 2:17

Ɓyom ɓìn ɓìcèm ɓi ri lɔŋ cììziŋ ki ɓiɓan ɓi ɓi riì, wɔ̀lɛ kɔɔ̀kɔɔ̀ à kìɓan a rì lɔŋ ɓi Kiris.

KÒLÒSYƐŊ 2:9

Ɓisuulɛ rìɓa ɗìcèm ɗi Bɛ̀ll à rì ɗi yughà kì kɔ̀rii ɓi nyoo ì Kiris lɛ kɔɔ̀kɔɔ̀.

KÒLÒSYƐŊ 3:4

Yɛ̀ɛ Kiris ànɛ à rì cɛɓ kin, à ɓiì rèsɛɛ, fɔlɔɔ nnɛ, mìni girig ɓì ɓiì rèsɛɛ nɗaŋ ri nyi ɓi rìkem ɓi ɗùm.

EBIREEGH 7:25

Fɔlɔɔ nnɛ à rì rì ìtèɗ wulɛ à ghɛɓsì lɛ kɔɔ̀kɔɔ̀ ɓumɓɛ ɓɛ tyoŋdɛɛ Bɛ̀ll jàŋbog, di ɓɛ fyee a lɔ̀ŋkii ɓisuulɛ, à rì lɔŋ cem cààmɛ̀n kìcèm, à ki ɓɔ̀ɔɓɔŋ̀zàg Bɛ̀ll ɓisu wàà.

EBIREEGH 9:8

Kìtɛntɛ̀ɛ̀n ki Nghay ki kɔnkɔ̀ngà lɛ kɛɛ resi ɓi rìkì ɗiǹ lɛ, bee inɛ ɓi jàŋ inɛ ì pɔ̀ɔ̀zii kì ɓaà kìcèlì ì ɓaghà di ì ka yin kikpaŋ, cààmɛ̀n kìcèm ki yɛ̀ɛ kìnuugh ki abɛ̀y ki ɓaghà di ki kaka.

1 PYƐƐRI 1:21

Lɛ nyi, ɓì gherɛɛ Bɛ̀ll ànɛ à ghèmzìghày nyi a ɓìloŋ, à ki fa nyi rìkem, fɔlɔɔ nnɛ ǹtyweeyi wiǹ rì dyàɓɛn yiǹ ɓi ri yɛ̀ɛ Bɛ̀ll.

1 PYƐƐRI 2:4

Kɛ̀ɛna jàŋbog rì nyi, nyi ànɛ à rì gɔ̀g ì cem inɛ ɓum ɓɛ ɓengà, kìɓan kifog ì ɓa gɔ̀g ìnɛ Bɛ̀ll à ɓɔ̀ngà, yɛ̀ɛ ki rì gìn i com ɓi mis mii,

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 ZYAŊ 1:8

I tì kpaa lɛ, tì yin ɗi ɓìɓe, di tì pwààrɛɛ ɓìsiìɓɔmiɗ, saaɗ kɛ̀ɛ ki ɓa a lɔ̀ŋkis.

1 ZYAŊ 2:23

Lɛ mum ǹcèm ànɛ à roòzɛɛ Man à roòzɛɛ girig Seŋì; roànɛ à gherɛɛ Man, à rì girig rì Seŋi.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.

1 ZYAŊ 5:6

Yeesus Kiris ànɛ̀n yɛɛ yughà lɛ, rì mɛ̀nig, rì bwaɓ; à yùghà ɓi ri mɛ̀nig mɔ rì mɔ, à yùghà lɔŋ lɛ rì mɛ̀nig rì bwaɓ; nni Kìtɛntɛ̀ɛ̀n ki Nghay kɛɛ̀ rèresi saaɗ ànɛ ɓi kìɓan kiǹ, lɛ Kìtɛntɛ̀ɛ̀n ki Nghay ki ri saaɗ.

2 ZYAŊ 1:9

Mum ǹcèm ànɛ à ghaghii ɓìdyànì, kɛ̀ɛ ɓèŋdi rirèsì ɗi Kiris, à yin ɗi Bɛ̀ll; nni mum ǹcèm ànɛ à ɓiì kɛ̀ɛ asu à ɓèŋɓèŋ rìrèsì ɗi Kiris, à rì lɛ, nyi rì Seŋi, nyi rì Man.

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,

ÀPÒKÀLIƁSƐ̀ 19:11

Fɔɔnnɛ ǹghɛngà ɗyoo ɗìnɛmɓɛn ǹghɛn zòm i kìmɓɛ̀rɛ̀ ì mpuɓ, ŋwaànɛ à ɓaghà ɓi zòm inɛ̀n aɗyoo, à ɓaghà ɗii lɛ, Ŋwaà-ǹtyweeyi, rì wusìnɛ̀ɗ à kɔɔ̀kɔɔ̀, a yɔ̀myɔm ɓiɓan, à ki ɗùùɗuu wɛ̀y ɓi ɓɛ̀saaɗ.

ÀPÒKÀLIƁSƐ̀ 20:15

Nni mum ǹcèm ànɛ ɗii ɗii ɗi ɓaghà ɓi ɗikànɛn ɓi kaàtà à cɛɓ, ɓɛ pikà nyi ɓi kìràà ki ɗuù.

ÀPÒKÀLIƁSƐ̀ 22:1

Fɔɔnnɛ ŋwaà-fìtom a rèsìghà mɛ̀ rìɓày à mɛ̀nig mɛ cɛɓ, ànɛ à ɓaghà lɛ saŋì-saŋì yɛ̀ɛ kìpɛsà ki ŋwii; rìɓày ànɛn à kpaŋkpàŋgày ɓi-kɔ̀ɔ̀ wu rilàmì wu Bɛ̀ll rì wu Man à jɔ̀ɔ̀.

ÀPÒKÀLIƁSƐ̀ 22:17

Ǹghay rì gurà ɓyɛɛ̀ kpaakpaa lɛ: Yuiy. Ŋwaànɛ à woogh kìɓan kiǹ à kpaa girig lɛ yuiy. Ŋwaànɛ a wowog kinɔli, à ghɛ̀ɛ̀sɛɛ kì yùu, ŋwaànɛ à kɔ̀ni, à teɗ mɛ̀nig mɛ cɛɓ zɛy, kɛ̀ɛ kòòsɛn.

ÀPÒKÀLIƁSƐ̀ 3:14

Kàna ŋwaà-fìtom anɛ ɓi Kìseŋi ki a Lawodise lɛ: ŋwaànɛ à rì ɗii lɛ Ààmɛ̀n, ànɛ à rì kɔɔ̀kɔɔ̀ à wusìnɛ̀ɗ à ǹtyweeyi, roànɛ à rì rìtumɛ̀n ɗi ɓyom ɓìcèm ɓi Bɛ̀ll à kìghà a kpaaghi lɛ:

ÀPÒKÀLIƁSƐ̀ 3:7

Kàna ŋwaà-fìtom anɛ ɓi Kìseŋi ki a Filadɛlfii lɛ: Roànɛ à rì lɛ nyi ǹtɛnɛn, nyi lɛ saaɗ, ànɛ à ki ɓanɓani fìɗìɓà fi Davit, nyi yɛɛ ri lɛ, i à ŋwàri, ŋwaàdɛŋ à yin lɛ à sìm, i à ki sìmi, ŋwaàdɛŋ kɛ̀ɛ ŋwàɗ, a kpaaghi lɛ: