4 Ɓì yii bee inɛ ɓi jàŋ inɛ ǹkɛ̀ɛ.
ɓì yii ɓi lɛ Kiris à ghɛ̀ɛ̀sɛ̀ngà kì woògh mɛ̀tɔɓ fɔlɔɔ ɓi ɗi lɛ a ɗiŋi ɓi rìkem ɗii?
Mɛ̀ yɛɛ ri ìsuunaa, ŋwaànɛ à fyee a lɔ̀ŋkɛm̀ à ɗiŋì à ɓiì ghɛɛ̀ cɛɓ. À ɓiì kìi lɛ à ɗiŋì, à kpaŋ à ki tanɛn ɓiɗilàg.
I mum à kɔ̀ni lɛ a ki mɛ̀ kìsay, a nɔɔ̀ti mɛ̀, fɔɔnnɛ ǹkìì-kìsay wɛm̀ à ɓiì ɓaà jàŋ inɛ mɛ̀ ǹɗì. Seŋi wɛ̀m à ɓiì ki kemzii ŋwaànɛ a kìki mɛ kìsay.
Yeesus à yighà lɛ Seŋi à faghà ɓìɓan ɓìcèm ɓi ɓyàg ɓii, à ki yi lɛ à pɛ̀sɛ̀ngày yɛ̀ɛ Bɛ̀ll, nni wɔɔ nnɛ à yùu kì sugtii,
Ɓìden ɓi naa ɓi ri lɛɛ̀gwey ɓi mɛɛ mɛ Seŋi wɛ̀m; i kɛ̀ kɛɛ̀ ɓa fɔlɔɔ, di ǹkalìghà mìni. Ǹkɛ̀ɛ mìni kì pègsɛɛ jàŋ.
Ɓyàa woogh fɛlɛ yɛ̀ɛ màa kpaa mìni lɛ ǹkɛ̀ɛ, m̀ɓiì ki sugtii yi a lɔ̀ŋkin. I ɓyàa keesii mɛ̀ di ɓì rì lɛ ɓì nyààrɛ̀n lɛ, ǹkɛ̀ɛ yɛ̀ɛ Tààta ɓisuulɛ, Tààta à ceetii mɛ̀.
M̀ɓiì ɓaà lɛ, i ǹkɛ̀ɛ, i m̀mɛ pègsɛn mini jàŋ, ǹsugtìì lɛ nteɗ mìni a lɔ̀ŋkɛm̀, lɛ di mìni girig, ɓi ɓa jàŋ inɛ mɛ̀ ǹɗì.
Nni Tomas à kpaaghà nyi lɛ: Kan! Tì yii ɓi jàŋ inɛ ù kɛ̀ɛ, nni lannɛ tì rì lɛ tì yi bee inɛ ì kɛ̀ɛ wɔ̀ɔ̀?
M̀pɛ̀sɛ̀ngày yɛ̀ɛ Tààta, ǹ-yùy ɓi ziinɛ. Nni ɓigomìnɛ m̀pɛ̀sɛɛ ɓi ziinɛ, ǹsugtì yɛ̀ɛ Tààta.
Nni mum ǹcèm ànɛ à gherɛɛ Man, à rì rì cɛɓ ki fiɗyàɓ fikɔ̀ɔ̀; ŋwaànɛ à woogh ɓi nyi, àa ghɛn ɓi cɛɓ, kìɓan kifog, rìbaŋì ɗi Bɛ̀ll ɗi kaka nyi ɓi nyòò.
Lɛ rìkɔ̀n ɗi Seŋi wɛ̀m ɗyɛɛ̀ɗi: Lɛ mum ǹcèm ànɛ à ghɛɛ Man, à ki gherɛn nyi, a ɓa rì cɛɓ ki fiɗyàɓ fikɔ̀ɔ̀, mɛ̀ ǹki ghèmzii gɛ nyi ɓi siitòn a ŋwos.
