ZYAŊ 14:26 - Bafia Nouveau Testament

²⁶ Kìɓan kifog m̀maasì mɛ̀rem ànɛ à rì Kìtɛntɛ̀ɛ̀n ki Nghay ki Tààta à ɓiì romìì ɓi ɗii ɗyɛ̀m, yɛɛ ri mìni ɓiì rèsaagh ɓiɓan ɓìcèm, à ki kì lɛ, ɓi yiti ɓìɓan ɓìcèm ɓi ǹkalìghà mìni.

ZYAŊ 14:26 ပူးပေါင်းရင်းမြစ်များ

MATYOO 1:18

Rìyalɛ̀n ɗi Yeesus Kiris ɗi ɓaghà fɛlɛ: Marii à jɛɛ à ɓaghà di à mɛ gherɛn Yoosɛɓ lɛ, ɓɛ ɓiì wɔlɛɛ. Yɛ̀ɛ ɓɛ ɓaghà di ɓɛ ka wɔlɛn ɓi, nni Marii, à tekà ɗyem rì ìtèɗ wu Kitɛntɛ̀ɛ̀n ki Nghay.

MATYOO 1:20

Yɛ̀ɛ à ɓaghà di à ti rì fèg ànɛn, innɛ Ŋwaàfìtom a Kan à rèsɛ̀ngà nyi a ɓìdɛ̀ndɛm̀, à kpaa nyi lɛ: Yoosɛɓ, man à Davit, kɔ̀ɔ risi riteɗ ɗi Marii à giɓ wɔɔ̀, ɓisuulɛ ìtèɗ wu Kitɛntɛ̀ɛ̀n Ki Nghay wɛɛ nkìi lɛ a teɗ ɗyem ɗi àrì rì ɗyɔ.

MATYOO 28:19

Kɛ̀ɛna! ɓi ki lɛ ɓumɓɛ ɓi ɓìlɔ̀ŋ ɓìcèm ɓɛɛ ɓa ɓɛ̀yilàg ɓɛm, ɓì ɓàɓtì ɓɔ ɓi ɗii ɗi Seŋi, rì Man, rì Kìtɛntɛ̀ɛ̀n ki Nghay;

MATYOO 3:11

Mɛ̀ɛ m̀ɓàaɓaɓtì mìni rì mɛ̀nig lɛ ɓì lɔ̀ɔ̀ghrɛɛ mɛ̀rem, kìɓan kifog roànɛ à rìì mɛ̀ ajɛ̀m à cee mɛ̀ ɓi-tèɗ; nyii ri mìni ɓiì ɓàɓtii lɛ rì Kìtɛntɛ̀ɛ̀n ki Nghay, rì ɗuu. Mɛ̀ ǹkpaŋi gì ɓi ɓi ǹkoŋ wulɛ ǹsɔ̀ŋì nyi gòò ɓi mɛ̀kòò.

MARIKUS 12:36

Davit nyimiɗ a kpaaghà, di Kìtɛntɛ̀ɛ̀n ki Nghay ki mɛ fa nyi ɗyomzɛ̀n lɛ: Kan àa ǹkpaa Kan wɛ̀m lɛ: Kɔ̀ri mɛ̀ fɛ ɓi weèlem à kpaŋ yɛ̀ɛ ǹɗì ɓiì ghaasii ɓɛ̀bènàbena ɓɔɔ com ki rɛsakɛn mɛkòò mɔɔ miì.

MARIKUS 13:11

Nni yɛ̀ɛ ɓɛ ɓiì ɓangii mini, ɓɛ sɔmɛ̀n mìni rì ɓɛ̀làmì lɛ ɓɛɛ yɔm̀ mìni, mɛ̀rem min mɛ̀ kɛɛ̀ log ki cɛɛcɛɛ̀rɛ̀n ɓi mùm rì com ki ɓì ɓiì kpaà, kìɓan kifog, kpaana lɔŋ com ki ki ri mìni ɓiì ɓɔghìì ɓi ǹɗem ɓi cààmɛ̀n à ɓɛ̀yɔ̀m, lɛ àa mìniìɓɔmiɗ yɛɛ ri ɓiì tòòghrɛɛ, lɔŋ Kìtɛntɛ̀ɛ̀n ki Nghay kɛɛ ri ɓiì tòòghrɛɛ.

LUKAS 1:15

Ɓisuulɛ à ɓiì ɓaà coo mum ɓi mis mɛ Kan, àa nɔ ɓi mɛrɔ̀g, kɛ̀ɛ̀ kì nɔ nsoò com kidɛŋ ki ki ri lɛ ki ŋwaŋzì mum. À ɓiì ɓaà ǹɗonɛn ri Kìtɛntɛ̀ɛ̀n ki Nghay, à tumɛ̀n ɓi ɗùm ɗi jɛɛ.

LUKAS 1:35

Ŋwaàfìtom a pɛ̀ɛ̀zì nyi lɛ: Kìtɛntɛ̀ɛ̀n ki Nghay ki rì ɓiì yùu a lɔ̀ŋkɔɔ, fɔlɔɔ nnɛ ìteɗ wu Bɛ̀ll ànɛ à teŋmɛɛ kɛ̀ɛ̀ vèg wu rì wɔ̀ ɓiì ɓyɔɔ. Fɔlɔɔ nnɛ ɓɛ ri regi kìtɛntɛ̀ɛ̀n ki Man ki ù ɓiì yalì lɛ: Man à Bɛ̀ll.

LUKAS 1:41

Lɔŋ yɛ̀ɛ Eliisaɓɛt à wokà ɓìtògsɛ̀n ɓi Marii, man à nyɛ̀ŋɗɛ̀n nyi ɓi ɗùm; Eliisaɓɛt à ɓa ǹɗonɛn ri Kìtɛntɛ̀ɛ̀n ki Nghay.

LUKAS 1:67

Nni Zakarii à seŋi à ɓaghà ǹɗonɛn ri Kìtɛntɛ̀ɛ̀n ki Nghay, à tumɛ̀n rìtòtòg yɛ̀ɛ ǹkpaŋzì-ɓìɓan à kpaa lɛ:

LUKAS 11:13

I mìni ɓɛ ɓì rì ɓìɓeɓtàg ɓi ɓum ɓi yii rìfa ɗi ɓɔn ɓin ɓɛsyeesyee ɓɛ ɓyom, lannɛ Tààta ànɛ à rì aɗyòò à ɓiì rɔ̀ɓi kɛ̀ɛ fa Kitɛntɛ̀ɛ̀n ki Nghay a ɓumɓɛ ɓɛ tɔɔgh nyi kɔ̀?

LUKAS 2:25

Ɓi mɛ̀ru mɛ̀n, ŋwaàdɛŋ à ɓaghà a Yorisalɛm ɗii lɛ Simeyɔŋ, à ɓaghà syeesyee à mum, ànɛ àa nti à risàg Bɛ̀ll; à ɓoŋɓòŋgà gòri ì Isirayɛl, à ɓaghà rì Kìtɛntɛ̀ɛ̀n ki Nghay.

LUKAS 24:49

Fɔɔnnɛ ǹɗì ɓiì romìì com ki Tààta wɛ̀m à kàkà, kìɓan kifog ɓì ka ghɛ̀ɛ̀sɛɛ kì rɔ̀ɓi ɓi bàn ìnɛ à kpaŋ yɛ̀ɛ ɓì rì ɓìi terì ìtèɗ wu wu riì aɗyòò.

LUKAS 3:22

Kìtɛntɛ̀ɛ̀n ki Nghay ki sɛn yì nyi ɓi nyoo, fɛlɛ yɛ̀ɛ kuùkuù; fɔɔnnɛ jɛ̀ɛ̀ ì ɓaghày ɓi ɗyoo lɛ: Ù rì Man wɛm̀ à ǹɗem, ɓi wɔ̀ nnɛ ǹfoŋi kìnyàà kɛm̀.

ZYAŊ 1:33

Mɛ̀ ǹ-yighà ɓi nyi, wɔ̀lɛ roànɛ à romgày mɛ̀ lɛ mɓààɓàɓtì ɓum rì mɛ̀nig, à kpaaghà mɛ̀ lɛ: Ŋwaànɛ ù rì ɓiì ghɛɛ̀ di Ǹghay à sɛniì, ɓi nyoo à rɔ̀ɓ ɓi nyi, roànɛ̀n yɛɛ ɓiì ɓàɓtii ɓum rì Kìtɛntɛ̀ɛ̀n ki Nghay.

ZYAŊ 12:16

Ɓɛ̀yilàg ɓɛ Yeesus ɓɛ yighà ɓi azi anɛ ɓi kìɓan kiǹ ɓi cààmɛ̀n kiǹ; kìɓan kifog yɛ̀ɛ Yeesus à ɓaghà di à mɛ teɗ rikem, fɔɔnnɛ ɓɛ yitìghà min lɛ, ɓìɓan ɓiǹ ɓi ɓaghà ɓìkànɛn ɓisu wii, nni ɓyɛɛ̀ɓi ɓɛ kighà nyi lɔ̀ɔ̀.

ZYAŊ 14:16

Fɔɔnnɛ m̀ɓiì ɓɔ̀ŋzii Tààta, à rom yì mìni m̀maasì mɛ̀rem adɛŋ, ànɛ à ɓa rì mìni fìɗyàɓ fikɔ̀ɔ̀.

ZYAŊ 14:25

Ǹkpaa mìni ɓìɓan ɓiǹ yɛ̀ɛ ǹkaka lɛ rì mìni.

ZYAŊ 15:26

Yɛ̀ɛ m̀maasì-mɛ̀rem ànɛ ǹɗì ɓiì romiì à ɓiì yùu, nnyɛɛ ri Ǹghay à ɓɛ̀kɔɔ̀kɔɔ̀ ɓɛ ɓiɓan ànɛ à pɛ̀sɛɛ yì yɛ̀ɛ Tààta, à ɓiì tɛɛ̀zii ɓum kìɓan kɛm̀.

ZYAŊ 16:7

Ǹsoò fɔlɔɔ, ǹkpaa mìni saaɗ lɛ ki ri mìni kìrɔɔ lɛ nkɛǹ; lɛ i ǹkɛ̀ɛ ɓi, m̀maasì-mɛ̀rem à yin lɛ à yù a lɔ̀ŋkin; wɔ̀lɛ i ǹkɛ̀ɛ, ǹɗom yì mìni nyì.

ZYAŊ 2:22

Yɛ̀ɛ à ghèmɓɛ̀ngày a nyɔ̀ɛ̀y, ɓɛ̀yilàg ɓii ɓɛ yitì lɛ à kpaaghà fɔlɔɔ, fɔɔnnɛ ɓɛ gherɛ̀ngà ɓìɓan ɓi ɓi ri ɓì kànɛn, ɓɛ ki gherɛn ti kìɓan ki Yeesus à kpaaghà kiǹ.

ZYAŊ 20:22

Lɔŋ yɛ̀ɛ à kpaaghà fɔlɔɔ, nni à fɛɓkà ɓɔ bɛ̀ɛ̀bɛ̀ɛ̀ ɓi nyoo, à kpaa ɓɔ lɛ: Terina Kìtɛntɛ̀ɛ̀n ki Nghay.

ZYAŊ 6:45

Ki ri kìkànɛn ɓi kaàtà à ɓɛ̀kpaŋzì-ɓìɓan lɛ: Bɛ̀ll à rì ɓiì rèsaagh ɓɔ ɓɛ̀sɛ̀ɛ̀ ɓɛ̀cèm, fɔɔnnɛ mum ǹcèm ànɛ à wokà jɛ̀ɛ̀ ì Tààta, à ki teɗ rirèsàg ɗii, nnyɛɛ ri lɛ à yù a lɔ̀ŋkɛm̀.

ZYAŊ 7:39

Kìɓan ki Nghay ànɛ ɓumɓɛ ɓɛ gherɛɛ nyi ɓɛ ghɛɛ̀sɛ̀ngà kìterì kɛɛ̀ki à kpaakpààghà lɔɔ. Ɓisuulɛ cààmɛ̀n kiǹ ki ɓaghà di ɓɛ ka rom yi ɓi Nghay, rì tì lɛ Yeesus à ɓaghà di à ka teɗ ɓi rìkem ɗìì.

MƐ̀KÌKÌÌ MƐ ƁƐKƐ̀NÌ-FÌTOM 1:2

à kpaŋ ŋwos anɛ à ɓaa lɛ, à mɛ reɓsag ɓiɓan ɓii rì ìtèɗ wu Kitɛntɛ̀ɛ̀n ki Nghay rì ɓɛ̀kɛ̀nì-fìtom ɓɛ̀ à ɓɔ̀ngà, à ɓɔg min aɗyoo.

MƐ̀KÌKÌÌ MƐ ƁƐKƐ̀NÌ-FÌTOM 1:4

Ŋwos adɛŋ ànɛ Yeesus à ɗiɗìghà ǹɗaŋ ɗi ɓɛ̀yilàg ɓii, nni à siŋdɛ̀ngà ɓɔ lɛ: Kɛ̀ ɓi Pɛ̀sɛn a Yorisalɛm, ɓoŋina lɔŋ ǹkàg wu Tààta à kàkà mìni, wɛɛ̀wu ǹwogsìghà mìni;

MƐ̀KÌKÌÌ MƐ ƁƐKƐ̀NÌ-FÌTOM 1:8

Kìɓan kifog ɓì ɓiì terì ìtèɗ wudɛŋ di Kìtɛntɛ̀ɛ̀n ki Nghay ki yuuyì ɓi mìni, fɔɔnnɛ ɓì rì ɓiì ɓaà ɓɛ̀wusìnɛ̀ɗ ɓɛm à tumɛ̀n a Yorisalɛm, à kpaŋ ɓi ziì Zyude bimiɗ, rì a Samari, à kɛ̀n kì kpaŋì a ɓɛ̀yɔ̀ŋyɔ̀ŋ ɓɛ zi.

MƐ̀KÌKÌÌ MƐ ƁƐKƐ̀NÌ-FÌTOM 11:16

Fɔɔnnɛ mɛ̀ɛ ǹ-yitii min jɛ̀ɛ̀ ìnɛ Kan à kàlìghà lɛ: Zyaŋ à ɓàtìghà rì mɛ̀nig, wɔ̀lɛ ɓi ɓɛg ànɛ a lɔ̀ŋkin, ɓì rì ɓiì ɓàɓtɛɛ ri Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 13:2

Ŋwos adɛŋ ànɛ ɓɛ ɓaghà ɓi rìɓɔgsì ɗi ɗii ɗi Kan, ɓɛ ki cèli ɓiɗilàg ɓi ŋwos àncèm ànɛn, Kìtɛntɛ̀ɛ̀n ki Nghay ki kpaaghà ɓɔ lɛ! Pisiina mɛ̀ ɓum ɓɛ lɛ rì Ɓarinaɓas, rì Sol, lɛ ɓɛɛ ki kìsay ki ǹɗegìghà ɓɔ lɛ ɓɛɛ ki.

MƐ̀KÌKÌÌ MƐ ƁƐKƐ̀NÌ-FÌTOM 13:4

Yɛ̀ɛ Kìtɛntɛ̀ɛ̀n ki Nghay ki romgà Sol ɓɛɛ̀ Ɓarinaɓas fɔlɔɔ, fɔɔnnɛ ɓɛ sɛngà a Silisii, wɔɔnnɛ ɓɛ ɓɔkà kìkɔm lɛ ɓɛɛ kɛǹ a Siipirɛ.

MƐ̀KÌKÌÌ MƐ ƁƐKƐ̀NÌ-FÌTOM 15:28

Lɛ rì ɓìsiì ɓɔmìɗ rì Kìtɛntɛ̀ɛ̀n ki Nghay, tìi nghɛɛ lɛ, tyɛ̀ ki tɛ̀gsi ti mìni ǹtɛ̀g wudɛŋ, i ki cee ɓi lɛ ɓìdɔ̀gsɛna ɓì ɓi ghɛ̀ɛ̀sɛɛ kì ɓèŋi, ɓi ɓi ri lɛ:

MƐ̀KÌKÌÌ MƐ ƁƐKƐ̀NÌ-FÌTOM 15:8

Nni Bɛ̀ll ànɛ à yii mɛ̀rem mɛ ɓum, àa ǹɗèsii lɛ à ghàɓi ɓɔ, yɛ̀ɛ àa ǹfaa ɓɔ girig Kìtɛntɛ̀ɛ̀n ki Nghay lɔŋ yɛ̀ɛ à faghà ɓìsi;

MƐ̀KÌKÌÌ MƐ ƁƐKƐ̀NÌ-FÌTOM 16:6

Yɛ̀ɛ Kìtɛntɛ̀ɛ̀n ki Nghay kì rekà ɓɔ lɛ, ɓɛ̀ kɛɛ̀ ghagsi jɛ̀ɛ̀ ì Bɛ̀ll ɓi kìden ki zi ki a Azii fɔɔnnɛ ɓɛ ghaghìghà bàn ì Firizii, rì zi ì Ɓɛ̀gàlat rì mɛ̀kòò.

MƐ̀KÌKÌÌ MƐ ƁƐKƐ̀NÌ-FÌTOM 2:33

Yɛ̀ɛ àa mɓɔɔ ki kɔ̀rii ɓi weèlem à Bɛ̀ll, Seŋi àa nfaa nyi Kìtɛntɛ̀ɛ̀n ki Nghay ki à kàkà, kɛɛ̀ki à romiì lɔŋ yɛ̀ɛ ɓi seesee lɛ, ɓì ki wowog.

MƐ̀KÌKÌÌ MƐ ƁƐKƐ̀NÌ-FÌTOM 2:4

Ɓɛ̀sɛ̀ɛ̀ ɓɛ̀cèm ɓɛ ɓa min ɓɛronɛn ri Kìtɛntɛ̀ɛ̀n ki Nghay, ɓɛ ki tòtog ɓitòkì ɓidɛŋ lɔŋ yɛ̀ɛ Nghay à fafàghà ɓɔ ìtèɗ wu lɛ ɓɛɛ totòg.

MƐ̀KÌKÌÌ MƐ ƁƐKƐ̀NÌ-FÌTOM 20:28

Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

MƐ̀KÌKÌÌ MƐ ƁƐKƐ̀NÌ-FÌTOM 20:35

Mɛ̀ɛ ǹɗèsii mìni bee yicèm lɛ, cààmɛ̀n ki ɓi sasay fɔlɔɔ, kɛɛ̀ki ɓì rì ɓiì ghɛɓsii ɓɛ̀roɓɛ ɓɛ yin ɗi ìtèɗ, ɓì ki yiti jɛ̀ɛ̀ ìnɛ Kan à kalìghà ɓi ŋwɔm wii lɛ: Rì ŋwaànɛ à faa, rì ŋwaànɛ ɓɛ faa com roànɛ à faa yɛɛ ti à ɓiisàg kì woògh kìrɔɔ.

MƐ̀KÌKÌÌ MƐ ƁƐKƐ̀NÌ-FÌTOM 28:25

Nni yɛ̀ɛ ɓɛ pɛsɛ̀ngà rìsug, di ɓɛ mɛ rɔ̀ɓ kɛ̀ ɓɛɛ̀ wooghrɛn jɛ̀ɛ̀, com ki Pol à kpaatìghà ɓɔ ki ɓaghà lɛ: Kìtɛntɛ̀ɛ̀n ki Nghay ki kpaghà lɔŋ saaɗ yɛ̀ɛ ki kalìghà rì ɓɛ̀seŋi ɓin ɓi ŋwɔm wu ǹkpaŋzì-ɓìɓan Ezayii lɛ:

MƐ̀KÌKÌÌ MƐ ƁƐKƐ̀NÌ-FÌTOM 5:3

Fɔɔnnɛ Pyɛɛri à kalighà Ananyas lɛ: Ananyas, Satàn a ràgɛɛ ɓà wɔ ri ǹɗem fɛlɛ lɛ cɛ yɔ? Ù pwàa Kìtɛntɛ̀ɛ̀n ki Nghay ù nyam gàɓ ì mɔ̀ɔ̀ni ìnɛ ɓi kiden ki zi ki wɔ̀ɔ ǹkàɓi?

MƐ̀KÌKÌÌ MƐ ƁƐKƐ̀NÌ-FÌTOM 7:51

Mìni ɓum ɓɛ ǹtoòtèɗ ɓɛ ɓì rì lɛ, mìni kɛ̀ɛ̀ mɛ̀rem, mìni rì ɓɛ̀lɔg, fɔɔnnɛ ɓi ɗùùɗuu cààmɛ̀n kìcèm ɗì Kìtɛntɛ̀ɛ̀n ki Nghay, ɓì rì lɔŋ yɛ̀ɛ ɓɛ̀seŋi ɓin ɓɛ ɓɛsɛ̀ɛ̀mɛn.

MƐ̀KÌKÌÌ MƐ ƁƐKƐ̀NÌ-FÌTOM 7:55

Wɔ̀lɛ Ityɛn à ɓaghà ǹɗonɛn ɗi Kìtɛntɛ̀ɛ̀n ki Nghay, nni yɛ̀ɛ à pɛɓsɛ̀ngà aɗyoo, à ghɛn kìtɛɛtɛn ki rigwey ɗi Bɛ̀ll rì Yeesus ǹɗɛrɛliyɛn ɓi weèlem à Bɛ̀ll,

RÒMƐŊ 14:17

Ɓisuulɛ kìlɔ̀ŋ ki Bɛ̀ll ki yin kiɓan ki riɗi rì rìnɔ, ki ri lɛ rì saaɗ rì fyòoog, rì kìnyàà ɓi Kìtɛntɛ̀ɛ̀n ki Nghay ki ti ki falàg.

RÒMƐŊ 15:13

Bɛ̀ll ànɛ à ti à falàg ɓum dyàɓɛn ɓi nɗem a roòzi mìni lɛ rì kìnyàà, rì fyòoog ɓi nɗem lɛ pisa ɓi rìgherɛ̀n, di dyàɓɛn yiǹ yɛ̀ɛ roǹ ì sòsòɓ rì ìtèɗ wu Kitɛntɛ̀ɛ̀n ki Nghày.

RÒMƐŊ 15:16

lɛ mɓa ǹkìì-kìsay a Yeesus Kiris ɓisuu ɓumɓɛ ɓɛ yin Ɓɛ̀yudɛ̀n, fɔɔnnɛ nɗooroòzì kìsay ki righagsì ɗi Syeesyee à Ɓɔlɛ à Bɛ̀ll, kɛɛ ri kìsay ki ki ri kìtɛnɛn, lɛ di ɓumɓɛ ɓɛ yin Ɓɛ̀yudɛ̀n ɓɛɛ ɓa fɛlɛ yɛ̀ɛ rìfa ɗi ɗyɛɛ̀ rɔɔghi Bɛ̀ll; ɗyɛɛ̀ɗi Kìtɛntɛ̀ɛ̀n ki Ǹghay ki mɛ tɛɛ̀zì.

RÒMƐŊ 5:5

Fɔlɔɔ nnɛ dyàɓɛn inɛ̀n ì ti yɛ̀ kɛɛ̀ ɓɔ̀ŋ ɓisi ɓisuulɛ Bɛ̀ll à ɗyɛɛghà ǹkɔ̀nɛ̀n wìì ɓi mɛ̀rem mis, rì Kìtɛntɛ̀ɛ̀n ki Nghay ki à faghà ɓìsi.

1 KƆ̀RƐ̀ŊTYƐŊ 12:3

Kìɓan kiǹ kɛɛ̀ki ǹkpaa mìni lɛ, mum à yin lɛ à kpaà lɛ: Yeesus a teɗ ǹcɛ̀m di ki ri lɛ a tòtog ri ìtèɗ wu Nghay à Bɛ̀ll, mum à ki yin lɛ à kpaa lɛ: Yeesus à rì Kan, di ki yin lɛ Kìtɛntɛ̀ɛ̀n ki Nghay kɛɛ tinii nyi lɛ a kpaà fɔlɔɔ.

1 KƆ̀RƐ̀ŊTYƐŊ 6:19

Ɓì yii ɓi lɛ, nyoo yìn i rì naa ì Kìtɛntɛ̀ɛ̀n ki Nghay ki ki ri ɓi mìni, ki Bɛ̀ll à faghà mìni? Fɔɔnnɛ ɓì làmii tì ɓi mìniìɓɔmiɗ.

2 KƆ̀RƐ̀ŊTYƐŊ 6:6

Ti rèresi lɛ tì rì ɓɛ̀kìì-ɓìsay ɓɛ Bɛ̀ll, ɓi rìtɛn, ɓi rìyi ɗi ɓiɓan, ɓi kìɓìɓi kis ki nɗem, ɓi kìpuɓì-nɗem ki tì rì rì kɔ, ɓi Kìtɛntɛ̀ɛ̀n ki Ǹghay, rì ɓi nkɔnɛ̀n ànɛ à yin ri mɛ̀ghèy,

EFÈZYƐŊ 1:13

Ɓi Kiris, mìni girig ɓì kìghà lɛ, yɛ̀ɛ ɓì wokà jɛ̀ɛ̀ ìnɛ ì rì saaɗ, yɛ̀ɛ ri Syeesyee à Ɓɔlɛ ànɛ à ɓaghày rì gòri yìn, nni ɓì gherɛ̀ngà Kiris, Bɛ̀ll à foŋ min kirèmzɛnà kii ɓi mìni, yɛ̀ɛ à faghà mìni Kìtɛntɛ̀ɛ̀n ki Nghay ki à kàkà.

EFÈZYƐŊ 1:17

ǹtɔtɔ̀g Bɛ̀ll à Kan wìs Yeesus Kiris, ànɛ à rì ǹkeŋkèmì wìs a Seŋi lɛ a fa mìni ǹghay à ɗyomzɛ̀n ànɛ a rèsag ɓum ɓìɓan ɓi a rìnyam lɛ a ki lɛ ɓi yi nyi.

EFÈZYƐŊ 4:30

Kɛ̀ ɓi kì lɛ Kìtɛntɛ̀ɛ̀n ki Nghay ki Bɛ̀ll à rèmzàkà mìni rì kɔ ɓisuu ŋwos anɛ gòri yìì ì ri ɓa, kɛ̀ɛ wog bim.

TÈSÀLÒNÌSYƐŊ 4:8

Fɔlɔɔ nnɛ ŋwaànɛ à rì ɓiì ɓèni ɓìɓan ɓi nsiisiìtàg ɓi, a yi lɛ, àa mum ìnnɛ à ɓèni, lɔŋ Bɛ̀ll ànɛ à mɛ fa mini girig Kitɛntɛ̀ɛ̀n kii ki Nghay.

2 TIMOTE 1:14

Ɓèŋa syeesyee à rìrèsàg ànɛ ù rì rì nyi, rì nghɛɓsɛn wu Kitɛntɛ̀ɛ̀n ki Nghay ki ki ri ɓi ɓìsi.

Kaàtà ànɛ Pol à kàngà TIT 3:5

nni à ghɛɓsìghà ɓìsi, àa ɓisuu ɓìɓan ɓi saaɗ, ɓi tì kìkìghà, lɔŋ à ghɛɓsìghà ɓìsi lɛ nɗem wu nyìinyìg wu à rì rì wɔ, rì ɗùùɗùù ɗi ɗi ti ɗi kilàg lɛ mum a ɓiìti kìyalɛɛ, rì rìkì ɗi Kìtɛntɛ̀ɛ̀n ki Nghay kɛɛ̀ kìlag lɛ mum a ghay nyɔɔnyɔn à mum.

EBIREEGH 10:15

Kìɓan kiǹ kɛɛ̀ki Kìtɛntɛ̀ɛ̀n ki Nghay kɛɛ̀ rèresi girig ɓìsi; lɛ à loogh kì kpaà lɛ,

EBIREEGH 2:4

Bɛ̀ll à ki sìisiìràg rìkalì ɗyaa lɛ rì ɓìrèmzɛnà, rì ɓɛ̀koŋnyoo ɓɛ ɓiɓan rì dàm mɛ̀kuu mɛ̀kuu, rì mɛ̀fafàà mɛ Kitɛntɛ̀ɛ̀n ki Nghay mɛ a kàakàɓsì lɔŋ yɛ̀ɛ ki kɔni nyi.

EBIREEGH 3:7

Kìɓan kiǹ kɛɛ̀ki, i ɓì woogh jɛ̀ɛ̀ yìì gɛɛ̀nɛ fɛlɛ yɛ̀ɛ Kìtɛntɛ̀ɛ̀n ki Nghay ki ti ki kalàg,

EBIREEGH 9:8

Kìtɛntɛ̀ɛ̀n ki Nghay ki kɔnkɔ̀ngà lɛ kɛɛ resi ɓi rìkì ɗiǹ lɛ, bee inɛ ɓi jàŋ inɛ ì pɔ̀ɔ̀zii kì ɓaà kìcèlì ì ɓaghà di ì ka yin kikpaŋ, cààmɛ̀n kìcèm ki yɛ̀ɛ kìnuugh ki abɛ̀y ki ɓaghà di ki kaka.

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.

2 PYƐƐRI 1:21

ɓisuulɛ ɓum ɓɛ ti kɛ̀ ɓɛɛ̀ kpaŋzi-ɓiɓan ɓi Bɛ̀ll ɓi rìkɔ̀n ɗyaa ɗi ɓɔmiɗ, kìɓan kifog ɓum ɓɛ toòghrɛ̀ngà ɓi ɗii ɗi Bɛ̀ll lɛ Kìtɛntɛ̀ɛ̀n ki Nghay ki tinìghà ɓɔ lɛ ɓɛɛ toòghrɛn.

1 ZYAŊ 2:20

Ɓi ɓɛg ànɛ a lɔ̀ŋkin, ɓì mɛ teɗ Kitɛntɛ̀ɛ̀n ki Nghay ki Kiris à sààtìghà ɓi mìni, fɔlɔɔ nnɛ ɓì mɛ yi saaɗ ɓɛ̀sɛ̀ɛ̀ ɓɛ̀cèm.

1 ZYAŊ 2:27

Ɓi ɓɛg wìn, Kiris à miskà Nghay wìì ɓi mìni; fɔɔnnɛ ɓì yiìdi ri zày ì rìrèsàg ɗi ŋwaàɗɛŋ ɓisuulɛ Nghay wìì a rèresi mini ɓìɓan ɓicèm; rìrèsì ɗii ɗi ri lɛ saaɗ, ɗi yin ɓɛpwàà, kìɓan kiǹ kɛɛ̀ki ɓì ghɛɛ̀sɛɛ kì woògh rìrèsì ɗi Nghay, ɓì ɓa ɓɛ̀ràrɛn ɗi Kiris.

1 ZYAŊ 5:7

Ɓisuulɛ ɓɛ̀wusìnɛ̀ɗ ɓɛ ɓɛɛ̀ rèresi kiɓan kiǹ, ɓɛ ri ɓɛraa,

ZYUUDƐ 1:20

Wɔ̀lɛ mìni ɓum ɓɛm ɓɛ nɗem, faafàlɛɛna mìniìɓɔmiɗ itèɗ ɓi rìgherɛ̀n ɗin ɗi ɗi ri ɗìtɛnɛn lɛ kɔɔ̀kɔɔ̀, ɓì ɓɔ̀ɔ̀ɓɔ̀ŋzì rì ìtèɗ wu Kitɛntɛ̀ɛ̀n ki Nghay.

ÀPÒKÀLIƁSƐ̀ 2:11

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Nghay a kakali ɓiseŋi ɓi Kiris, ŋwaànɛ à rì ɓiì yagsaagh innɛ rìwu ɗi kiɓɛ̀ɛ̀ ɗyaa kòm ɓi.