ZYAŊ 14:2 - Bafia Nouveau Testament

² Ɓìden ɓi naa ɓi ri lɛɛ̀gwey ɓi mɛɛ mɛ Seŋi wɛ̀m; i kɛ̀ kɛɛ̀ ɓa fɔlɔɔ, di ǹkalìghà mìni. Ǹkɛ̀ɛ mìni kì pègsɛɛ jàŋ.

ZYAŊ 14:2 ပူးပေါင်းရင်းမြစ်များ

LUKAS 14:22

yɛ̀ɛ maa cààmɛ̀n à ghaghìghà, ǹkìì-kìsay anɛ̀n à sugtìì nyi kì kpaà lɛ: Tààta, ǹkìi yì fìtom fi wàa romi mɛ̀ lɛ ǹki, nni wɔ̀lɛ, mɛ̀kɔ̀ɔ̀ mɛdɛŋ mɛ kaka zɛy.

ZYAŊ 13:33

Ɓɔn ɓɛm, ǹkaka tì rì mìni ɓi maa cààmɛ̀n. Ɓì rì mɛ̀ ɓiì kaà fɛlɛ yɛ̀ɛ ǹkalìghà rì Ɓɛ̀yudɛ̀n lɛ: Jàŋ inɛ ǹkɛ̀ɛ, ɓì yin lɛ ɓì yù wɔɔ. Ǹkpaa girig mìni fɔlɔɔ ɓigomìnɛ.

ZYAŊ 13:36

Nni Simɔn Pyɛɛri à tɔkà nyi lɛ: Kan fennɛ ù rì ɓiì kɛ̀ɛ? Yeesus à ɓàg nyi lɛ: Jàŋ inɛ ǹkɛ̀ɛ, ù yin lɛ ù nɔ̀ɔ̀tì mɛ̀ wɔɔ ɓigomìnɛ; kìɓan kifog ù ri nɔ̀ɔ̀tii gɛ mɛ̀ ajɛ̀m.

ZYAŊ 14:28

Ɓyàa woogh fɛlɛ yɛ̀ɛ màa kpaa mìni lɛ ǹkɛ̀ɛ, m̀ɓiì ki sugtii yi a lɔ̀ŋkin. I ɓyàa keesii mɛ̀ di ɓì rì lɛ ɓì nyààrɛ̀n lɛ, ǹkɛ̀ɛ yɛ̀ɛ Tààta ɓisuulɛ, Tààta à ceetii mɛ̀.

ZYAŊ 16:4

Wɔ̀lɛ màa kpaa mìni ɓìɓan ɓiǹ lɛ yɛ̀ɛ cààmɛ̀n ki ri kpaŋ, ɓì yitì lɛ ǹkalìghà mìni ɓyɔ̀. Ǹkalìghà ɓi mini ɓyɔ a rìtumɛ̀n ɓisuulɛ m̀ɓaghà rì mìni.

ZYAŊ 17:24

Tààta kɛɛ̀ kɔ̀nkɔn mɛ lɛ, jàŋ inɛ ǹɗì, ɓumɓɛ ù faghà mɛ̀, ɓɛɛ ɓa girig wɔɔ nɗaŋ ri mɛ̀, di ɓɛɛ ghɛǹ rìkem ɗyɛ̀m ɗi ù faghà ɓisuulɛ ù keesìghà mɛ̀ di ziinɛ ì ka kilɛn ɓi.

MƐ̀KÌKÌÌ MƐ ƁƐKƐ̀NÌ-FÌTOM 9:16

Mɛ̀ɛmiɗ ǹɗì nyi ɓiì rèsii mɛtɔɓ mɛ̀cèm mɛ à ɓiì woògh ɓisu wɛ̀m.

2 KƆ̀RƐ̀ŊTYƐŊ 5:1

Lɛ tì yii lɛ, i kìlaa ki ti ghɛghɛɓ miì fɛ ɓi ziinɛ, kɛɛ ri nyoo yìs ki waàrɛɛ, tì rì rì ɓìtèetèɗ ɓi mɛɛ aɗyoo ɓi Bɛ̀ll à togà, ɓyɛɛ ri fìɗyàɓ fikɔ̀ɔ̀; mɛɛ mɛn mɛ yin mɛɛ mɛ ɓum ɓɛ toŋi rì ɓyàg ɓyaa.

TÈSÀLÒNÌSYƐŊ 5:9

Ɓisuulɛ Bɛ̀ll à fèkà ɓi lɛ ti ɓa ɓumɓɛ bim yiì ì ɓiì rèsɛɛ a lɔ̀ŋkaa, wɔ̀lɛ à fèkà lɛ tì ɓiì ghɛɛ̀ gòri ì cɛɓ lɛ Kan wìs Yeesus Kiris,

Kaàtà ànɛ Pol à kàngà TIT 1:2

kìɓan kiǹ kɛɛ sasaghii ɓi dyàɓɛn i cɛɓ ki fiɗyàɓ fikɔ̀ɔ̀, ki Bɛ̀ll ànɛ a maà pwàà ɓi a kàkà fìɗyàɓ, di ɓyààmɛ̀n ɓi a rìtumɛ̀n ɓi ka yin.

EBIREEGH 11:10

Ɓisuulɛ Abiraham à ɓoŋɓòŋgà bàn ìnɛ Bɛ̀ll yɛɛ fekà yɛ̀ɛ ì rì lɛ ì toŋɗɛ̀n, nyimiɗ yɛɛ ki toŋ, yɔ̀ lɛ kpegkpeg.

EBIREEGH 13:14

Ɓisuulɛ tì yin fɛ rì bàn ì fìɗyàɓ fikɔ̀ɔ̀ ɓi ziinɛ, ti kaakaa lɔŋ bàn ìnɛ ì ri yù.

EBIREEGH 6:20

jàŋ inɛ Yeesus à ɗiŋìghà ɓisu wis, fɛlɛ yɛ̀ɛ ŋwaànɛ à rì ɓìsi ǹsyòŋɛn bee, lɛ ɓɛ rɛsìghà nyi ǹlàmì ɓɛ̀pìrɛɛtìrɛ̀ àgwey isuùcèm ɓi nɗɛli wu Mɛlkisedɛg.

EBIREEGH 9:8

Kìtɛntɛ̀ɛ̀n ki Nghay ki kɔnkɔ̀ngà lɛ kɛɛ resi ɓi rìkì ɗiǹ lɛ, bee inɛ ɓi jàŋ inɛ ì pɔ̀ɔ̀zii kì ɓaà kìcèlì ì ɓaghà di ì ka yin kikpaŋ, cààmɛ̀n kìcèm ki yɛ̀ɛ kìnuugh ki abɛ̀y ki ɓaghà di ki kaka.

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,

ÀPÒKÀLIƁSƐ̀ 21:2

Nni ǹghɛngà bàn ì ǹtɛnɛn, nyɔɔnyɔn à Yorisalɛm, m̀pègsɛn yɛ̀ɛ gurà ànɛ à rɛ̀ŋɗɛɛ ɓisuu yii wiì, di a sɛnsɛn yi aɗyoo, di à pɛ̀sɛɛ yì jàŋbog rì Bɛ̀ll.

ÀPÒKÀLIƁSƐ̀ 3:12

Ŋwaànɛ à ɓiì yagsaagh ǹkì nyi lɛ a ɓa rìkwìy ɗi ɓi naa ì Bɛ̀ll wɛ̀m, fɔɔnnɛ àa kpaŋdii gɛ tì ɓi ɓi naa ìnɛ̀n. Ǹɗì ɓiì kàni ɗii ɗi Bɛ̀ll wɛ̀m ɓi nyi, ɗii ɗi bàn ì Bɛ̀ll wɛ̀m, bàn ìnɛn yɛ̀ɛ ri myɔɔnyɔn à Yorisalɛm ànɛ a sɛnsɛn yi aɗyoo, di à pɛ̀sɛɛ yì Bɛ̀ll wɛ̀m jàŋbog, ǹki kàn irig ɗii ɗyɛ̀m ɗi nyɔn ɓi nyi.

ÀPÒKÀLIƁSƐ̀ 3:21

Ŋwaànɛ à ɓiì yagsaagh ǹkì lɛ a kɔri ǹɗaŋ ri mɛ̀ ɓi-kɔ̀ɔ̀ wɛm̀ wu rilàmì fɛlɛ yɛ̀ɛ mɛ̀ ǹ-yagsàkà ǹkɔ̀rì ǹɗaŋ ri Seŋi wɛ̀m ɓi-kɔ̀ɔ̀ wii wu rilàmì.