ZYAŊ 14:13 - Bafia Nouveau Testament

¹³ Fɔɔnnɛ com kìcèm ki ɓì rì ɓiì tɔɔ̀gh rì ɗii ɗyɛ̀m, ǹɗì mìni kɔ ɓiì kìi, lɛ Tààta a teɗ rìkem ɓi Man.

ZYAŊ 14:13 ပူးပေါင်းရင်းမြစ်များ

MATYOO 21:22

Com kìcèm ki ɓì ɓiì tɔɔ̀gh rì rìgherɛ̀n ɓi bɔ̀ŋzɛ̀n, ɓi ɓiì ɓaà rì kɔ.

MATYOO 7:7

Lonina fɔɔnnɛ ɓɛ ri mìni ɓiì faà, kaana fɔɔnnɛ ɓi ɓiì tanɛɛ, ɓooghna naa fɔɔnnɛ ɓɛ ri mìni yɔ̀ ɓiì nɛmì.

MARIKUS 11:24

Kìɓan kiǹ kɛɛ̀ki kìlaaghna lɛ, com kìcèm ki ɓì tɔɔgh ɓi bɔ̀ŋzɛ̀n, ɓì gherɛ̀n lɛ ɓì ti rì kɔ, fɔɔnnɛ ɓì rì kɔ ɓiì ghɛɛ̀ di ki kilɛɛ.

LUKAS 11:9

Fɔɔnnɛ ǹkpaatii mìni lɛ, lɔnina, fɔlɔɔ nnɛ ɓɛ ri mìni ɓiì faà; kaana, fɔlɔɔ nnɛ ɓì ɓiì tanɛɛ, ɓooghna ìsuunaa, fɔlɔɔ nnɛ ɓɛ ri mìni wɔ ɓiì nɛmì;

ZYAŊ 10:30

Rì mɛ̀ rì Tààta, tì rì lɔŋ mum bog.

ZYAŊ 12:44

Nni Yeesus à kpaaghà jɛ̀ɛ̀ aɗyoo lɛ: Ŋwaànɛ à gherɛɛ mɛ̀, à gherɛɛ ɓi lɔŋ lɛ mɛ̀, à gherɛɛ girig roànɛ à romgày mɛ̀.

ZYAŊ 13:31

Yɛ̀ɛ Zyudas à ɓaghà di à mɛ kpaŋ ɓi dan, nni Yeesus à kalìghà lɛ: Ɓigomìnɛ, Man à mum à mɛ kem, Bɛ̀ll à mɛ kem girig ɓi nyi.

ZYAŊ 14:14

I ɓì tɔɔgh com rì ɗii ɗyɛ̀m m̀ɓiì kìi kɔ.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

ZYAŊ 15:16

Àa mìni yɛɛ ɓɔngà mɛ̀, lɔŋ mɛ̀ yɛɛ ɓɔngà mìni, ǹki rɛ̀si mini lɛ, ɓi kɛǹ, ɓi wum̀ ɓìɗùn, ɓìɗùn ɓin ɓi ki ɓa ɓiɗùn ɓi ɓyɛɛ finɛn, fɔɔnnɛ com kìcèm ki ɓì ɓiì tɔɔ̀gh Tààta rì ɗii ɗyɛ̀m, à rì mìni kɔ ɓiì kìi.

ZYAŊ 15:7

I ɓì rì a lɔ̀ŋkɛm̀, ɓiɓan ɓyɛm̀ ɓi ɓa rì ìkɔ̀ɔ̀ ɓi mìni, tɔɔghna com kìcèm ki ɓì kɔ̀ni, ɓɛ ri mìni kɔ ɓiì faà.

ZYAŊ 16:23

Ŋwos anɛ̀n, ɓyàa tɔg ti ɓi mɛ kìɓan. Ǹkpaa mìni ɓi saaɗ lɛ: Com kìcèm ki ɓì ri tɔg Tààta, à ri fa mini kɔ ɓi ɗii ɗyɛ̀m.

ZYAŊ 16:26

Ŋwos anɛ̀n ɓì tɔɔgh gɛ Tààta ɓìɓan ɓi ɗii ɗyɛ̀m, nni mɛ̀ ǹki kalii ɓi mìni lɛ, m̀ɓɔ̀ŋzaagh gɛ Tààta ɓisu wiǹ;

ZYAŊ 16:7

Ǹsoò fɔlɔɔ, ǹkpaa mìni saaɗ lɛ ki ri mìni kìrɔɔ lɛ nkɛǹ; lɛ i ǹkɛ̀ɛ ɓi, m̀maasì-mɛ̀rem à yin lɛ à yù a lɔ̀ŋkin; wɔ̀lɛ i ǹkɛ̀ɛ, ǹɗom yì mìni nyì.

ZYAŊ 4:10

Fɔɔnnɛ Yeesus à ɓàkà giɓ anɛ̀n lɛ: I wàa yii rìfa ɗi Bɛ̀ll, ù ki yi roànɛ à lɔni wɔ̀ mɛ̀nig mɛ nɔyɛn, di wɔ̀ yaa rì lɛ, ù lɔn nyi mɛ̀nig mɛ noyɛn, di àa ki faa wɔ̀ mɛ̀nig mɛ cɛɓ.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 5:19

Nni Yeesus à ɓàkà min ɓɔ , à kpaa lɛ: Ǹkpaa mìni kɔɔ̀kɔɔ̀ à rìkpaa lɛ Man à yin lɛ à kì kìɓan kidɛŋ rì nto wìì, a kìki lɔŋ ɓiɓan ɓi a seesèè di Seŋi a kìkì. Fɔɔnnɛ ɓìɓan ɓi Seŋi a kìkì, ɓyɛɛ̀ɓi Man girig a kìkì.

ZYAŊ 7:37

Ɓi ŋwos a siitòn, ànɛ à ɓaghà gɛn à ŋwos a tìcàɓ tiǹ, Yeesus à pɛ̀sɛ̀ngà aɗyoo, à làmɓɛ̀n lɛ: I mum a wowog kinɔli, a yu a lɔ̀ŋkɛm̀, a nɔ.

1 KƆ̀RƐ̀ŊTYƐŊ 14:13

Kìɓan kiǹ kɛɛ̀ki ŋwaànɛ a tòtog kikènekènè ki kitòkì, à ghɛ̀ɛ̀sɛɛ kì ɓɔ̀ŋzaagh Bɛ̀ll lɛ, a yi rìghagsì ɗi ɓum com ki a kpaakpàà ɓi kìtòkì kiǹ.

EFÈZYƐŊ 2:18

Ɓisuulɛ, rì ɓìsi, rì ɓɔ, tì rì rì bee i ǹkpaŋɛn yɛ̀ɛ Tààta lɛ nyi rì ǹghɛɓsɛn wu Nghay bog.

EFÈZYƐŊ 3:12

Ɓi nyi, bee i rì ɓìsi kìkpaŋ lɛ ti kɛǹ Bɛ̀ll jàŋbog rì ntyweeyi ɓi nɗem lɛ rìgherɛ̀n ɗi tì gherɛɛ nyi.

EFÈZYƐŊ 3:14

Kìɓan kiǹ kɛɛ̀ki m̀ɓaagh mɛ̀ɗu ɓi zi ɓi mis mɛ Tààta,

FÌLÌPYƐŊ 4:13

Ǹɗì lɛ ǹcenɛ̀n ɓìɓan ɓiǹ ɓìcèm rì ìtèɗ wu roànɛ à ti à falàg mɛ̀ ìtèɗ.

KÒLÒSYƐŊ 3:17

Com kìcèm ki ɓì rì lɛ ɓì kpaa, nsoò lɛ ɓì kì, kìina kɔ ɓi ɗii ɗi Kan Yeesus, ɓì fafà Bɛ̀ll à Seŋi wìs ɓìtògsɛ̀n rì ɗii ɗìì.

EBIREEGH 13:15

Ti faana min Bɛ̀ll rìkem ɓi sìg à ɓyom ɓi tì fùnɛɛ ɓi Yeesus, fɔlɔɔ yɛɛ ri rìfa ɗi ɗyɛɛ̀ rèeresɛ̀n ɓi myɔm mɛ mɛɛ̀ kpaakpagsɛ̀n nyi lɛ à rì Kan wìs.

EBIREEGH 4:15

Ɓisuulɛ ǹlàmì ɓɛ̀pìrɛɛtìrɛ̀ wìs àgwey a yin rikuu ɗi ɗi ri lɛ, ɗi taŋ̀ ǹɗem wu nyìighnyìg ɓi rìɓa ɗi tì rì kɛ̀ɛ̀ ìtèɗ, lɛ à tulɛ̀ngà rì mɛ̀fèèghrɛn mɛkuu mɛ̀cèm lɔŋ yɛ̀ɛ ɓìsi, kìɓan kifog, à kìghà ɓi kiɓe.

EBIREEGH 7:25

Fɔlɔɔ nnɛ à rì rì ìtèɗ wulɛ à ghɛɓsì lɛ kɔɔ̀kɔɔ̀ ɓumɓɛ ɓɛ tyoŋdɛɛ Bɛ̀ll jàŋbog, di ɓɛ fyee a lɔ̀ŋkii ɓisuulɛ, à rì lɔŋ cem cààmɛ̀n kìcèm, à ki ɓɔ̀ɔɓɔŋ̀zàg Bɛ̀ll ɓisu wàà.

ZYAG 1:5

I ŋwaàdɛŋ ànɛ ɓi mìni à kaarɛɛ ɗyomzɛ̀n, a tɔg ɗyɔ rì Bɛ̀ll ànɛ à ti à falàg ɓum ɓɛ̀cèm ɗyomzɛ̀n zɛy rì zɛy, rì syeesyee à nɗem, fɔɔnnɛ àrì nyi ɗyɔ ɓiì faà;

ZYAG 5:16

Kìlaaghna lɛ, i wààdɛŋ ù kìi kìɓe, ù rèsì ɓɛ̀goni ɓɛmbog, ɓì ki ɓa ri kìsyɔ̀ɔ̀ ɓi nyìinyìm wìn lɛ ɓi ɓɔŋzag Bɛ̀ll ɓisuu ɓɛgeni ɓin ɓɛ ɓi ghɛghɛɓ ri ɓɔ, fɔɔnnɛ ɓì ɓiì wɔ̀ni. Syeesyee à bɔ̀ŋzɛ̀n à ŋwaànɛ à rì lɛ saaɗ ɓi mis mɛ Bɛ̀ll à ti à ɓalàg rì coo nghɛɓsɛn.

1 PYƐƐRI 2:5

fɔɔnnɛ mìni girig, fɛlɛ yɛ̀ɛ gɔ̀g yi yi ri cencem, ɓì rì ɓɛ̀toŋɛn lɛ ɓi ɓa mɛɛ mɛ ɓi Nghay, ɓì ɓa ǹɗaŋ wu ɓɛpìrɛɛtìrɛ̀ ɓɛ ɓɛ ri ɓɛ̀tɛnɛn ɓɛ ɓɛɛ̀ fùufunɛ̀n Bɛ̀ll ɓyom ɓi ɓi Nghay ɓi ɓi ri rɔɔ nyi, lɛ Yeesus Kiris.

1 ZYAŊ 3:22

À ti à falàg ɓìsi com kìcèm ki tì tɔɔgh nyi ɓisuulɛ, tì ti tì ɓègì ɓìdɔ̀gsɛna ɓii, tì ki kìlag ɓiɓan ɓi ɓyɛɛ̀ kɔ̀ngi nyi.

1 ZYAŊ 5:14

Tì konaagh kì yiì lɛ: Com kìcèm ki tì rì lɛ tì tɔg nyi, ki ɓa lɔŋ yɛ̀ɛ rìkɔ̀n ɗii ɗi ri, à rì ɓiì woògh; kìɓan kiǹ kɛɛ̀ fafa ɓisi ìtèɗ ɓi nɗem rì nyi.