ZYAŊ 14:12 - Bafia Nouveau Testament

¹² Ǹkalii mìni saaɗ à rìkpaa lɛ, ŋwaànɛ à gherɛɛ mɛ̀, à ɓiì kìi girig ɓìɓan ɓi mɛ̀ɛ nkìkì, à ki kì kɔm̀ ɓìɓan ɓi ɓi cee ɓiǹ ɓisuulɛ ǹkɛ̀ɛ yɛ̀ɛ Tààta.

ZYAŊ 14:12 ပူးပေါင်းရင်းမြစ်များ

MATYOO 21:21

Yeesus à bàg ɓɔ lɛ: Ǹkpaa mìni saaɗ lɛ, i ɓì rì rì rìgherɛ̀n, ɓì ki ɓa kɛ̀ɛ̀ nyoey ɓi nɗem, ɓì rì lɛ, ɓì kì kìɓan ki ǹkìi fìgyee ànɛ ki, ɓì ki ɓa ti kɔm̀ rì ìtèɗ wulɛ, i ɓì kpaa dòn ìnɛ lɛ, yɛ̀ɛ pɛsɛn yɛ̀ɛ kɛǹ kì kpìi ɓi rìɓày, ki kilɛ̀n fɔlɔɔ.

MARIKUS 11:13

Nni à pìkà mis fìràɓ, à ghɛn ǹɗyèm wu fìgyee rì tyɛn lɛ mɔɓ-mɔɓ. Fɔɔnnɛ à kɛ̀ngà a fìgyee ànɛ̀n zi lɛ a ghɛǹ ǹkòo à rì lɛ à tanɛ̀n ɓìɗùn miì. Yɛ̀ɛ à kpagà wɔɔ azi, à tanɛ̀n lɛ à rì lɔŋ tyɛn rì tyɛn ɓisuulɛ, àa cààmɛ̀n ki lɛ ɓɛ̀fìgyee ɓɛɛ wum kɛɛ ɓaghà.

MARIKUS 16:17

Dàm yi ɓiɓan yi ɓumɓɛ ɓɛ gherɛɛ ɓɛ ɓiì kìkii, yi ri lɛ: Ɓɛ ri ɓiì nànaɓi ɓiɓeɓtàg ɓi mɛghay rì ɗii ɗyɛ̀m, ɓɛ ki tòtog ɓìkènekènè ɓi ɓitòkì.

ZYAŊ 14:28

Ɓyàa woogh fɛlɛ yɛ̀ɛ màa kpaa mìni lɛ ǹkɛ̀ɛ, m̀ɓiì ki sugtii yi a lɔ̀ŋkin. I ɓyàa keesii mɛ̀ di ɓì rì lɛ ɓì nyààrɛ̀n lɛ, ǹkɛ̀ɛ yɛ̀ɛ Tààta ɓisuulɛ, Tààta à ceetii mɛ̀.

ZYAŊ 16:7

Ǹsoò fɔlɔɔ, ǹkpaa mìni saaɗ lɛ ki ri mìni kìrɔɔ lɛ nkɛǹ; lɛ i ǹkɛ̀ɛ ɓi, m̀maasì-mɛ̀rem à yin lɛ à yù a lɔ̀ŋkin; wɔ̀lɛ i ǹkɛ̀ɛ, ǹɗom yì mìni nyì.

ZYAŊ 4:37

Ɓisuulɛ dàɗkì ìnɛ lɛ, i mum bog à ɓɛ̀li, roàmbog à saŋ, ì rì saaɗ.

ZYAŊ 5:20

Ɓisuulɛ Seŋi à keesii Man, à ti à rèsàg nyi com kìcèm ki a kìkì. À ki rì nyi ɓiì rèsii ɓiɓan ɓi ɓi cee fɔlɔɔ, lɛ ɓi kuùrag.

ZYAŊ 7:33

Yeesus à kpaa lɛ: Mɛ̀ ǹkaka tì rì mìni ɓi maa cààmɛ̀n, fɔɔnnɛ ǹɗì ɓiì kɛ̀ɛ min yɛ̀ɛ roànɛ à romgày mɛ̀.

ZYAŊ 7:39

Kìɓan ki Nghay ànɛ ɓumɓɛ ɓɛ gherɛɛ nyi ɓɛ ghɛɛ̀sɛ̀ngà kìterì kɛɛ̀ki à kpaakpààghà lɔɔ. Ɓisuulɛ cààmɛ̀n kiǹ ki ɓaghà di ɓɛ ka rom yi ɓi Nghay, rì tì lɛ Yeesus à ɓaghà di à ka teɗ ɓi rìkem ɗìì.

MƐ̀KÌKÌÌ MƐ ƁƐKƐ̀NÌ-FÌTOM 10:46

Ɓɛ wowòkà di ɓumɓɛ̀n ɓɛɛ̀ tòtog ɓìkènekènè ɓi ɓitòkì, ɓɛ kpaàkpàgsɛ̀n ɗìkem ɗi Bɛ̀ll. Nni Pyɛɛri à kpaaghà min lɛ:

MƐ̀KÌKÌÌ MƐ ƁƐKƐ̀NÌ-FÌTOM 16:18

Ɓàlì ì mɛ̀ru ì ghaghìghà lɛɛ̀gwey ŋwutyàà giɓ anɛ̀n à kɛ̀nkɛ̀n lɔŋ asu à kpaakpàà fɔlɔɔ. Fɔɔnnɛ bim ì ɓaghà lɛ ì mɛ naasag Pol, à lɔ̀ɔ̀ghrɛ̀n à kpaa kìɓeɓtàg ki nghay ki ki ɓaghà ɓi giɓ anɛ̀n lɛ: Ɓi ɗii ɗi Yeesus Kiris, ǹtɔɔgh wɔ̀ lɛ, u pɛsɛn ɓi giɓ ànɛ. Nni kìɓeɓtàg ki nghay ki ghàskà kì pɛ̀sɛɛ ɓi gom yɔ̀miɗ inɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 19:12

lèg ànɛ lɛ, ɓum ɓɛ ntekì zyònà yi ɓilàà rì ɓìden ɓi ɓilàà ɓi ɓi komgà nyoo ì Pol, ɓɛ ɓaɓàɓì ɓɛ̀roroɓ miì, tìroɓ tyaa ti wɔnwɔ̀n, ɓìɓeɓtàg ɓi mɛghay ɓi ki kpaŋkpaŋ ɓi ɓumɓɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 2:33

Yɛ̀ɛ àa mɓɔɔ ki kɔ̀rii ɓi weèlem à Bɛ̀ll, Seŋi àa nfaa nyi Kìtɛntɛ̀ɛ̀n ki Nghay ki à kàkà, kɛɛ̀ki à romiì lɔŋ yɛ̀ɛ ɓi seesee lɛ, ɓì ki wowog.

MƐ̀KÌKÌÌ MƐ ƁƐKƐ̀NÌ-FÌTOM 2:41

Ɓumɓɛ ɓɛ gherɛ̀ngà rìkpaa ɗi Pyɛɛri ɗiǹ ɓɛ ɓaɓtàkà, fɔɔnnɛ bàlì ì ɓum ìnɛ ì sagtɛ̀ngà ɓi bàlì ì ɓɛ̀gherɛ̀n, ì ɓaghà nunùg ɓum ɓɛ̀tɔɔsìm ɓɛraa.

MƐ̀KÌKÌÌ MƐ ƁƐKƐ̀NÌ-FÌTOM 4:16

Ɓɛ tɔɔ̀tɔ̀ɔ̀ghrɛ̀ngà lɛ: Ti ki la ri ɓumɓɛ? Lɛ, ɓum ɓɛ̀cèm ɓɛ a Yorisalɛm ɓɛ mɛ yi lɛ tɛntɛ̀ɛ̀n lɛ, ɓɔ yɛɛ nkìi dàm ì kìɓan ìnɛ, wɔ̀lɛ ɓìsii ki yin lɛ tì teɗ nyoey lɛ ɓɔ yɛɛ nkìi kìɓan kiǹ.

MƐ̀KÌKÌÌ MƐ ƁƐKƐ̀NÌ-FÌTOM 4:33

Ɓɛkɛ̀nì-fìtom ɓɛ kpaakpààghà ɓum kìɓan ki righèmɓɛ̀n ɗi Kan Yeesus rì ìtèɗ lɛɛ̀gwey, fɔɔnnɛ coo geesɛ̀n ì Bɛ̀ll ì rongà a ɓɔɔ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 4:4

Nsoò fɔlɔɔ, kìgwey ki ɓi ɓumɓɛ ɓɛ wokà jɛ̀ɛ̀ ì Bɛ̀ll ki gherɛ̀ngà, fɔɔnnɛ bàlì ì ɓɛ̀gherɛ̀n ì kpagà nunùg ɓum ɓɛ̀tɔɔsìm ɓɛtaǹ.

MƐ̀KÌKÌÌ MƐ ƁƐKƐ̀NÌ-FÌTOM 5:15

Nni ɓɛ yuyùghà ɗì ɓɛ̀roroɓ ɓi ɓìɓàà, ɓɛ nɔŋzàg ɓɔ ɓi ɓɛ̀kon rì ɓi ɓìkàrà lɛ, i Pyɛɛri à ti ɓiì ghaghii, nsoò cììziŋ kii ki kom roàdɛŋ.

MƐ̀KÌKÌÌ MƐ ƁƐKƐ̀NÌ-FÌTOM 6:7

Fɔɔnnɛ jɛ̀ɛ̀ ì Bɛ̀ll ì kɛ̀ngà asu di yɛ̀ɛ sààsàà, ɓàlì ì ɓɛ̀gherɛ̀n ì ki ɓɔg lɛɛ̀gwey a Yorisalɛm, kìgwey ki ɓɛpìrɛɛtìrɛ̀ ki ki foŋ ǹtyweeyi ɓi Yeesus.

MƐ̀KÌKÌÌ MƐ ƁƐKƐ̀NÌ-FÌTOM 8:7

Ɓi Saaɗ ɓìɓeɓtàg ɓi mɛghay lɛɛ̀gwey ɓi Kpaŋkpàŋgà ɓi ɓumɓɛ ɓi ɓaghà miì di ɓyɛɛ̀ Syaasyaàdɛ̀n jɛ̀ɛ̀ aɗyoo, ɓìsɛkɛ̀rɛ̀ lɛɛ̀gwey, rì ɓɛ̀lɛnlɛm ɓɛ wɔngàkà.

MƐ̀KÌKÌÌ MƐ ƁƐKƐ̀NÌ-FÌTOM 9:34

Nni Pyɛɛri à kpaaghà ŋwaànɛ̀n lɛ: Enee wɔ̀, Yeesus Kiris à wɔ̀ɔ̀zii wɔ̀, pɛ̀sɛn aɗyoo, u pegsɛn ɓyom ɓilɔ̀ŋ ɓyɔɔ. Fɔɔnnɛ ŋwaànɛ̀n à ghàskà kì pɛ̀sɛɛ aɗyoo.

MƐ̀KÌKÌÌ MƐ ƁƐKƐ̀NÌ-FÌTOM 9:40

Nni Pyɛɛri à kpaŋzìghà min ɓum ɓɛ̀cèm ɓidan, à ɓag mɛ̀ɗu ɓi zi, à ɓɔ̀ŋzàg Bɛ̀ll, ajɛ̀m ìnɛn à lɔ̀ɔ̀ghrɛ̀n min ɓi ɓɛg à kìloŋ à kpaa lɛ: Taɓita wɔ̀, pɛ̀sɛn aɗyoo! Nni à ŋwàɗkà min mis à ghɛn Pyɛɛri, à pɛ̀sɛ̀n kìkɔ̀ɔ̀kɔ̀ɔ̀.

RÒMƐŊ 15:19

rì ìtèɗ wu dàm rì ɓɛ̀koŋnyoo ɓɛ ɓiɓan, ɓi-tèɗ wu Kitɛntɛ̀ɛ̀n ki Nghay. Fɔɔnnɛ mɛ̀ɛ nghagsii Syeesyee à Ɓɔlɛ à Kiris lɛɛ̀gwey, à tumɛ̀n a Yorisalɛm à kɛ̀n kì kpaŋì a Ilirii.