ZYAŊ 14:10 - Bafia Nouveau Testament

¹⁰ Ù gherɛɛ ɓi lɛ, ki ri lɛ mɛ̀ ɓi Tààta, Tààta ɓi mɛ̀? Ɓìɓan ɓi nkpaakpaa mini ɓi, ɓi yin ɓiɓan ɓi mɛ̀ɛmiɗ yɛɛ ɓekii lɛ nkpaà, lɔŋ Tààta ànɛ à rì a lɔ̀ŋkɛm̀, yɛɛ̀ kìki ɓiɓan ɓii.

ZYAŊ 14:10 ပူးပေါင်းရင်းမြစ်များ

ZYAŊ 10:30

Rì mɛ̀ rì Tààta, tì rì lɔŋ mum bog.

ZYAŊ 10:38

Kìɓan kifog, i nkìki ɓisay ɓii, nsoò ɓyàa gherɛɛ ɓi mɛ, gherɛɛna ɓyɔ, fɔɔnnɛ ɓì ɓiì kìi lɛ, ɓì yi, ɓì ki ghɛn lɛ Tààta à rì ɓi mɛ̀, mɛ̀ ɓi Tààta.

ZYAŊ 11:26

Fɔɔnnɛ mum ǹcèm ànɛ a ghɛghɛ̀ɓ à ki gherɛn mɛ, àa wu ɓi; ù gherɛɛ nya kìɓan kiǹ?

ZYAŊ 12:49

Lɛ ɓìɓan ɓi nkpaakpàà, ɓi yin ɓiɓan ɓyɛm̀ ɓi mɛ̀ɛmiɗ, lɔŋ Tààta nyimiɗ anɛ à romgày mɛ̀, nnyɛɛ siŋdɛ̀ngà mɛ̀ ɓìɓan ɓi ǹghɛ̀ɛ̀sɛɛ kì kpaà, rì ɓi ǹghɛ̀ɛ̀sɛɛ kì rèsaagh ɓum.

ZYAŊ 14:11

Gherɛɛna mɛ̀ yɛ̀ɛ ǹkpaa mìni lɛ, ki ri lɛ mɛ̀ ɓi Tààta, Tààta ɓi mɛ̀; i ɓì ɓèni fɔlɔɔ, ɓì gherɛ̀n ɓisuu ɓiɓan ɓi nkìkì.

ZYAŊ 14:20

Ŋwos anɛ̀n ɓì yii gɛ lɛ, ǹɗì ɓi Seŋi wɛ̀m, mìni ɓi mɛ̀, mɛ̀ ɓi mìni.

ZYAŊ 14:24

Mum ànɛ à kessi ɓi mɛ, à yin lɛ à ɓèŋ ɓìɓan ɓyɛm̀; nni jɛ̀ɛ̀ ìnɛ ɓi wowog inɛ, ì yin jɛ̀ɛ̀ yɛ̀m, ì rì lɔŋ jɛ̀ɛ̀ ì Tààta ànɛ à romgày mɛ̀.

ZYAŊ 17:8

Ɓisuulɛ ǹfaghà ɓɔ ɓìɓan ɓi ù faghà mɛ̀, ɓɛ ghaɓ ɓyɔ, ɓɛ ki konag ki yiì lɛ, m̀pɛ̀sɛ̀ngày a lɔ̀ŋkɔɔ, ɓɛ ki gherɛn lɛ wɔ̀ yɛɛ romgày mɛ̀.

ZYAŊ 3:2

à yùghà yɛ̀ɛ Yeesus rì ìru à kpaa nyi lɛ: Raɓì, tì yii lɛ, ù rì ǹɗèsàg ànɛ Bɛ̀ll yɛɛ romiì ɓisuulɛ, ŋwaà yin lɛ à kì dàm yi ɓiɓan yɛ̀ɛ yi wɔ̀ɔ kìki yi, di Bɛ̀ll à yin a lɔ̀ŋkii.

ZYAŊ 5:17

Nni Yeesus à ɓàkà ɓɔ lɛ: Seŋi wɛ̀m a ka sasày à kpaŋ ɓigomìnɛ, mɛ̀ ǹsasày girig.

ZYAŊ 5:19

Nni Yeesus à ɓàkà min ɓɔ , à kpaa lɛ: Ǹkpaa mìni kɔɔ̀kɔɔ̀ à rìkpaa lɛ Man à yin lɛ à kì kìɓan kidɛŋ rì nto wìì, a kìki lɔŋ ɓiɓan ɓi a seesèè di Seŋi a kìkì. Fɔɔnnɛ ɓìɓan ɓi Seŋi a kìkì, ɓyɛɛ̀ɓi Man girig a kìkì.

ZYAŊ 7:16

Fɔɔnnɛ Yeesus à ɓàkà ɓɔ lɛ: Ɓìɓan ɓi nɗèeresàg ɓi, ɓi yin ɓiɓan ɓyɛm̀ ɓi mɛ̀ɛmiɗ, ɓi ri lɔŋ ɓiɓan ɓi roànɛ à romgày mɛ̀.

ZYAŊ 8:28

Nni Yeesus à kpaaghà min ɓɔ lɛ: Yɛ̀ɛ ɓì ri pɛ̀si Man à mum aɗyoo, lɛ teŋtèŋ̀ŋ̀, fɔɔnnɛ ɓì ri yi min lɛ Mɛ̀ yɛɛ ri, rì tì lɛ mɛ̀ ǹ-yin ɓiì kìkii kiɓan kidɛŋ rì nto wɛ̀m, kìɓan kifog, mɛ̀ɛ nkpaakpaa ɓiɓan ɓi Seŋi wɛ̀m à rèsàkà mɛ̀.

ZYAŊ 8:38

Mɛ̀ɛ ǹkpaakpaa ɓiɓan ɓi ǹghɛngà yɛ̀ɛ Seŋi wɛ̀m; mìniì yɛɛ̀ kìki lɔŋ ɓiɓan ɓi seŋi wìn à kpaaghà mìni.

ZYAŊ 8:40

Wɔ̀lɛ ɓi cààmɛ̀n ki, ɓi kaakaa lɛ ɓi wey mɛ̀. M̀òànɛ ǹkpaaghà mìni ɓìɓan ɓi ǹwokày rì Bɛ̀ll, com ki Abiraham à kìghà ɓi.

MƐ̀KÌKÌÌ MƐ ƁƐKƐ̀NÌ-FÌTOM 10:38

Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

2 KƆ̀RƐ̀ŊTYƐŊ 5:19

Ɓisuulɛ Bɛ̀ll à ɓaghà ɓi Kiris, à kaakàà lɛ paàzì ànɛ lɛ rì nyi rì ɓum ɓɛ̀cèm a pegsɛn, kɛ̀ɛ fiɓi ɓiɓe ɓyaa; nnyɛɛ faghà ɓìsi ìtèɗ wu làalamɓɛ̀n pègsɛ̀n à kìɓan ki lɛ rì Nyi rì ɓum.

KÒLÒSYƐŊ 1:19

Ɓisuulɛ ki kɔngà Bɛ̀ll lɛ a kɔri ɓi nyi, à rongì ɓi nyi lɛ kɔɔ̀kɔɔ̀.

KÒLÒSYƐŊ 2:9

Ɓisuulɛ rìɓa ɗìcèm ɗi Bɛ̀ll à rì ɗi yughà kì kɔ̀rii ɓi nyoo ì Kiris lɛ kɔɔ̀kɔɔ̀.

1 ZYAŊ 5:7

Ɓisuulɛ ɓɛ̀wusìnɛ̀ɗ ɓɛ ɓɛɛ̀ rèresi kiɓan kiǹ, ɓɛ ri ɓɛraa,