ZYAŊ 13:14 - Bafia Nouveau Testament

¹⁴ Nni i màànɛ ǹɗì Kan, mɛ̀ ǹɗèsàg ǹsòo mìni mɛ̀kòò, mìni girig, ɓì ghɛ̀ɛ̀sɛɛ kì sòòraagh mɛkòò mìni rì mìni.

ZYAŊ 13:14 ပူးပေါင်းရင်းမြစ်များ

ZYAŊ 11:2

Marii ànɛn yɛɛ sisìŋìghà Kan tìrààre, à ki tɔ̀si nyi mɛ̀kòò ri tyòŋ tii; nni geni Marii à baŋì yɛɛ roròɓkà lɔɔ lɛ Lazaari.

MƐ̀KÌKÌÌ MƐ ƁƐKƐ̀NÌ-FÌTOM 20:35

Mɛ̀ɛ ǹɗèsii mìni bee yicèm lɛ, cààmɛ̀n ki ɓi sasay fɔlɔɔ, kɛɛ̀ki ɓì rì ɓiì ghɛɓsii ɓɛ̀roɓɛ ɓɛ yin ɗi ìtèɗ, ɓì ki yiti jɛ̀ɛ̀ ìnɛ Kan à kalìghà ɓi ŋwɔm wii lɛ: Rì ŋwaànɛ à faa, rì ŋwaànɛ ɓɛ faa com roànɛ à faa yɛɛ ti à ɓiisàg kì woògh kìrɔɔ.

RÒMƐŊ 12:10

Ɓì ghɛ̀ɛ̀sɛɛ kì rèsii, kirɔɔrɛɛ ki ǹkɔ̀nɛ̀n à rìgeni ɓi nyìinyìm wìn; lɛ nnyaasɛ̀n ànɛ à ghɛ̀ɛ̀sɛɛ kì ɓaà, rèsiina bɔgsɛ̀n lɛɛ̀gwey ɓi nyìinyìm wiǹ.

RÒMƐŊ 12:16

Ɓì ghɛ̀ɛ̀sɛɛ kì wooghrɛɛ ɓi nyìinyìm wìn, kɛ̀ ɓi ɓɔɔɓɔgsɛ̀n, lɔŋ càrɛɛnà lɛ ɓi ki ɓìsay ɓi ɓyɛ̀ɛ tɔtɔg lɛ mum a sɛɛ̀di nyimiɗ ɓi zi, kɛ̀ ɓi ghɛn miniì ɓɔmiɗ lɛ ɓìrì ɓum ɓɛ ɗyomzɛ̀n.

1 KƆ̀RƐ̀ŊTYƐŊ 12:3

Kìɓan kiǹ kɛɛ̀ki ǹkpaa mìni lɛ, mum à yin lɛ à kpaà lɛ: Yeesus a teɗ ǹcɛ̀m di ki ri lɛ a tòtog ri ìtèɗ wu Nghay à Bɛ̀ll, mum à ki yin lɛ à kpaa lɛ: Yeesus à rì Kan, di ki yin lɛ Kìtɛntɛ̀ɛ̀n ki Nghay kɛɛ tinii nyi lɛ a kpaà fɔlɔɔ.

1 KƆ̀RƐ̀ŊTYƐŊ 8:13

Ɓisu wìn innɛ, i ɓìɗilàg ɓidɛŋ ɓi ri lɛ ɓi kɛɓtì geni wɛ̀m fìɓàg, m̀ɓàŋ kì cèlii ɓyɛn ìsuùcèm yɛɛ ri, à cee lɛ nkɛɓti geni wɛ̀m fìɓàg.

2 KƆ̀RƐ̀ŊTYƐŊ 10:1

Mɛ̀ Pol! ǹtɔɔgh mìni, ɓi tɛ̀tɛ̀rɛ̀ɛ̀ rì syeesyee à ǹɗem à Kiris, mɛ̀ ànɛ ǹti ǹsɛɛ̀dàg mɛ̀ɛmiɗ ɓi zi ɓi mis min, kìɓan kifog, cààmɛ̀n ki ǹɗì mìni fìràɓ, m̀ɓa rì kìghɛɛsii ɓi san wìn lɛɛ̀gwey.

2 KƆ̀RƐ̀ŊTYƐŊ 8:9

Lɛ ɓì yii nɗem wu geesɛ̀n wu Kan wìs Yeesus Kiris; nyi ànɛ à ɓaghà rì ìkum, à ghaasìghà nyimiɗ soghàsogha lɛ di a kumzi mìni rì kìsoghà kii.

GÀLAT 5:13

Ɓɔɔsoŋ̀, Bɛ̀ll à reŋìghà mìni lɛ ɓi ɓa ɓɛ̀kan; nni kɛ̀ ɓi ghɛɓ zɔɔ rì rìɓa ɗiǹ lɛ ɓi nɔɔ̀ti rìyɛ̀y ɗi cɛɓ ki mɛmùù. Wɔ̀lɛ ghɛɛghɛ̀ɓsɛɛna mìni rì mìni ɓi nkɔ̀nɛ̀n;

FÌLÌPYƐŊ 2:11

ɓɛ̀sɛ̀ɛ̀ ɓɛ̀cèm ɓɛ ki làmɓɛ̀n ɓi myɔm maa lɛ Yeesus Kiris à rì Kan ɓi rìkem ɗi Bɛ̀ll Seŋì.

TIMOTE 5:10

Ki ghɛɛ̀sɛɛ lɛ a ɓa giɓ anɛ ɓum ɓɛ yii ɓìsyeesyee ɓii ɓi mɛkìkìì, ànɛ à mɛ tɔɔsag ɓɔn, ànɛ àa nghàɓkì ɓɛ̀kèn lɛ syeesyee, à sòòghì ɓɛ̀gherɛ̀n mɛ̀kòò, à ghɛɓsàg ɓum ɓɛ nyìinyìg, à ki kaakaa lɛ a ki ɓìɓan ɓi syeesyee.

EBIREEGH 12:2

Tì seesèè lɔŋ Yeesus ànɛ rìgherɛ̀n ɗis ɗi sasaghii nto ɓi nyi, à tumɛ̀n a rìtumɛ̀n à kpaŋ a rìsugtɛ̀n. Yeesus ànɛ̀n yɛɛ cenɛ̀ngà rìwu ɗi ɓi Kɔrɔs, kɛ̀ɛ tɔg com rì ntoòrìɗ wu à wokà, lɛ à seesèèghà kìrɔɔ ki ki ɓoŋɓòŋgà nyi; ɓi gomìnɛ, à kɔ̀kɔrii ɓi weèlem à ìkɔ̀ɔ̀ wu rilàmì wu Bɛ̀ll.

1 PYƐƐRI 4:1

Nni yɛ̀ɛ Kiris à wokà rìkɛŋ ɗi ɓi mɛ̀mùù, mìniìrig ɓanɛɛ na rì rìyitì ɗiǹ ɓisuulɛ ŋwaànɛ à mɛ wog rikɛŋ ɗi ɓi mɛ̀mùù, à rì ŋwaànɛ à mɛ ghasɛn ɗi kìɓe

1 PYƐƐRI 5:5

Mìni ɓìɓwɛɗ ɓi ɓum, ɓì ghɛ̀ɛ̀sɛɛ girig lɛ ɓi ki ɓɛ̀sɛ̀ɛ̀mɛn mɛwog. Nni mìni ɓɛ̀sɛ̀ɛ̀ ɓɛ̀cèm, ɓi cɛɓ ki ɓi ghɛghɛɓ mini rì mìni, sɛɛ̀dɛɛna mìniìɓɔmiɗ ɓi zi, ɓisuulɛ Bɛ̀ll à ti kɛ̀ɛ ɓa nkɔɔ rì ɓɛ̀daŋàdaŋa, lɔŋ ɓɛ̀roɓɛ ɓɛ sɛɛ̀dɛɛ ɓɔmiɗ ɓi zi ɓɛɛ̀ɓɛ a rèsag geesɛ̀n yìì.