ZYAŊ 12:48 - Bafia Nouveau Testament

⁴⁸ Nni ŋwaànɛ à ɓèni mɛ̀, kɛ̀ɛ ghàɓ ɓiɓan ɓyɛm̀, à rì rì ŋwaànɛ à ɓiì renì kìɓan kii. Ɓìɓan ɓi ǹkalìghà ɓyɛɛ ri ren kiɓan kii ɓi siitòn a ŋwos.

ZYAŊ 12:48 ပူးပေါင်းရင်းမြစ်များ

MATYOO 10:15

Ǹkalii mìni ɓi saaɗ lɛ, ŋwosi ɓɛyɔ̀m ɓumɓɛ a Sɔdɔm rì Gɔmɔɔr ɓɛ ri ɓaa gɛ tì rì ziŋ à cee ɓumɓɛ ɓi bàn ìnɛn.

MATYOO 21:42

Nni Yeesus à tɔkà ɓɔ lɛ: Ɓi ka ɓalà ɓi yɛ̀ɛ ki ri kì kànɛn lɛ: Gɔ̀g ìnɛ ɓɛ̀toŋì-mɛɛ ɓɛ makà, yɛ̀ɛ ki ghalà gɔ̀g ìnɛ yɛ̀ɛ konag kì lèmi ǹtɔn à mɛɛ? Kìɓan kiǹ ki ɓaghày yɛ̀ɛ Kan, ki ki rì dàm ì kìɓan inɛ ì kìlɛɛ ɓìsi ɓi mis.

MATYOO 25:31

Yɛ̀ɛ Man à mum à rì ɓiì yùu, ɓì rìgwey ɗii, ǹɗaŋ ri ɓum ɓɛ titom ɓɛ̀cèm, à ɓiì kɔ̀rii ɓi-kɔ̀ɔ̀ wii wu rilàmì wu rikem.

MARIKUS 12:10

Ɓì ka ɓala ɓì nya yɛ̀ɛ ki ri kì kànɛn lɛ: Gɔ̀g ìnɛ ɓɛ̀toŋì-mɛɛ ɓɛ makà, yɛ̀ɛ ki ghalà gɔ̀g ìnɛ yɛ̀ɛ konag kìlèmi ǹtɔn à mɛɛ?

MARIKUS 16:16

Ŋwaànɛ à rì ɓiì gherɛɛ, à ki ɓaɓtɛn nnyɛɛ ri ɓiì ghɛɛ̀ cɛɓ; wɔ̀lɛ ŋwaànɛ à gherɛɛ ɓi à ɓiì terì bɛ̀lɛn.

MARIKUS 8:31

Nni à tumɛ̀ngà ɓɔ rìrèsì lɛ: Ki ghɛɛ̀sɛɛ lɛ, Man à mum a wog mɛ̀tɔɓ lɛɛ̀gwey, ɓɛ̀sɛ̀ɛ̀mɛn ɓɛ kilɔ̀ŋ rì ɓɛ̀pìrɛɛtìrɛ̀ ɓɛgwey, rì ɓɛ̀rèsàg-ɓìdɔ̀gsɛna ɓɛɛ mag nyi, ɓɛ wey nyi, à ki ghèmɓɛn ajɛ̀m ì mɛ̀ru mɛraa.

LUKAS 10:16

I mum à woogh mìni, di mɛ̀ nnɛ à woogh; ŋwaànɛ à ɓeni mìni di à ɓèni mɛ̀; wɔ̀lɛ i mum à ɓèni mɛ̀ di, à ɓèni girig roànɛ à romgày mɛ̀.

LUKAS 17:25

Kìɓan kifog, ki ghɛɛ̀sɛɛ lɛ a ka log kiwoògh rìkɛŋ lɛɛ̀gwey, gbàà ì ɓum ì gɛɛ̀nɛ ìnɛ ì ɓèn nyi.

LUKAS 20:17

Fɔɔnnɛ Yeesus à pɛɓsɛ̀ngà ɓɔ à kpaa lɛ: Jɛ̀ɛ̀ ìnɛ ì rì ǹkànɛn ɓi kaàtà à Bɛ̀ll ì rì azi lɛ cɛ? Gɔ̀g ìnɛ ɓɛ̀toŋì-mɛɛ ɓɛ makà, yɛ̀ɛ ki ti gɔ̀g ìnɛ ì lènlemi ǹtɔn à mɛɛ.

LUKAS 7:30

Kìɓan kifog, Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓi Ɓɛ̀yudɛ̀n ɓɛ ɓengà fèg ànɛ Bɛ̀ll à ɓaghà rì nyi ɓisu waa, yɛ̀ɛ ɓɛ ɓengà kì kɛ̀ɛ lɛ Zyaŋ a ɓaɓti ɓɔ.

LUKAS 9:22

Nni à ɓɔ̀ɓtìghà jɛ̀ɛ̀ lɛ: Ki ghɛɛ̀sɛɛ lɛ Man à mum a wog rìkɛŋ lɛɛ̀gwey; ɓɛ̀sɛ̀ɛ̀mɛn ɓɛ Ɓɛ̀yudɛ̀n rì ɓɛ̀pìrɛɛtìrɛ̀ ɓɛgwey, rì ɓɛ̀rèsàg-ɓìdɔ̀gsɛna ɓɛ rì nyi ɓiì roòzɛɛ, ɓɛ ki wey nyi; kìɓan kifog à ghèmɓɛ̀n ɓi ŋwos a kìraa.

LUKAS 9:26

Ɓisuulɛ ŋwaànɛ à rì mɛ̀ ɓiì woògh ǹtoòrìɗ, nsoò lɛ à wog ɓìɓan ɓyɛm̀ ǹtoòrìɗ, Man à mum à woogh gɛ nyi girig ǹtoòrìɗ yɛ̀ɛ à yùugɛy ɓi rìkem ɗii, rì ɗì Seŋì, rì ɗi ɓumɓɛ titom ɓɛ ɓɛ ri ɓɛ̀tɛnɛn.

ZYAŊ 11:24

Maata à ɓàg nyi lɛ: Ǹ-yii lɛ à ɓiì ghèmɓɛɛ ɓi cààmɛ̀n ki ɓìloŋ ɓi ri ɓiì ghèmɓɛɛ, ɓi ŋwos a siitòn.

ZYAŊ 5:45

Kɛ̀ ɓi fèg lɛ ǹɗì mìni ɓiì sɔmɛɛ yɛ̀ɛ Tààta; ŋwaànɛ à rì mìni ɓiì sɔmɛɛ, nnyɛɛ ri Moyis ànɛ ɓì faghà ǹtyweeyi ri nyi,

ZYAŊ 6:39

Nni rìkɔ̀n ɗi roànɛ à romgày mɛ̀ ɗyɛɛ̀ɗi: Lɛ kɛ̀ɛ nɗimzi nsoò mum bog, ɓi ɓum ɓɛ̀cèm ɓɛ à faghà mɛ̀. Ǹghɛ̀ɛ̀sɛɛ lɔŋ ɓɔ kì ghèmzii, ɓi siitòn a ŋwos.

ZYAŊ 8:47

Ŋwaànɛ àrì mum à Bɛ̀ll, a woki jɛ̀ɛ̀ ì Bɛ̀ll; nni yɛ̀ɛ ɓì yin ɓum ɓɛ Bɛ̀ll, nnɛ ɓì woogh ɓi jɛ̀ɛ̀ yìì.

MƐ̀KÌKÌÌ MƐ ƁƐKƐ̀NÌ-FÌTOM 17:31

Ɓisuulɛ à rɛsìghà bimiɗ à ŋwos ànɛ à rì ɓiì yɔ̀mi zi bimiɗ miì, lɔŋ yɛ̀ɛ saaɗ a kɔ̀nkɔ̀n; à ɓɔ̀ngà mum ànɛ à rì ɓiì kìi kisay kiǹ, à fa ɓum ɓɛ̀cèm kìrèmzɛnà ki ki resii lɛ, nnyɛɛ ɓɔngà ŋwaàncèm, yɛ̀ɛ à ghèmzìghày nyi a ɓìloŋ.

MƐ̀KÌKÌÌ MƐ ƁƐKƐ̀NÌ-FÌTOM 3:23

Ŋwaànɛ à sɛɛtii gɛ jɛ̀ɛ̀ ì ǹkpaŋzì-ɓìɓan anɛ̀n, ɓɛ pisii gɛ nyi ɓi bàlì ì ɓum ɓɛ kilɔ̀ŋ, ɓɛ ki wey nyi.

RÒMƐŊ 2:16

Kìɓan kiǹ kɛɛ ri ghɛnɛn ŋwos anɛ Bɛ̀ll à ri yɔm̀ ɓi Yeesus Kiris ɓìɓan ɓi ɓum ɓɛ ti ɓɛ kilàg a rìnyam; fɔlɔɔ nnɛ Syeesyee à Ɓɔlɛ ànɛ mɛ̀ɛ nghaaghagsì ɓum a rèrèsì.

2 KƆ̀RƐ̀ŊTYƐŊ 4:3

I Syeesyee à Ɓɔlɛ ànɛ ti kakàlì a kaka ǹlɔghɛn, à rì ǹlɔghɛn ɓisuu ɓumɓɛ ɓɛ ghɛɛ̀sɛɛ kì ɗyaŋì.

2 TÈSÀLÒNÌSYƐŊ 1:8

ɓi nɗòò wu ɗuu, lɛ a pɔnɔsi lɛ, rì ɓumɓɛ ɓɛ yii ɓi Bɛ̀ll, rì ɓɛ̀roɓɛ ɓɛ ti ɓɛ̀ kɛɛ̀ wog rikpaa ɗi Syeesyee à Ɓɔlɛ à Kan wìs Yeesus.

EBIREEGH 10:25

Tyɛ̀ ki lèg rikɛ̀ngì ɗi a mɛ̀taŋzɛn mis yɛ̀ɛ ɓum ɓɛdɛŋ ɓɛ ti ɓɛ kilàg, ti faàfàlɛ̀n lɔŋ ɓìsiìɓɔmiɗ itèɗ, à ɓiisɛ̀n yɛ̀ɛ ɓi seesee lɛ ŋwos a Kan a kɛ̀ɛ̀kɛɛ yi.

EBIREEGH 12:25

Ɓì konàg lɛ kɛ̀ ɓi ɓèn kiwoògh jɛ̀ɛ̀ ì roànɛ a tòtòg, ɓisuulɛ i ɓɛ̀roɓɛ ɓɛ ɓengà kì woògh jɛ̀ɛ̀ ì roànɛ à rɔ̀ɔ̀rɔ̀gsɛ̀ngà ɓumɓɛ ɓi ziinɛ, ɓɛ rɔmɛ̀ngà ɓi deɓ, gɛ̀n yaŋ ri ɓìsi, cààmɛ̀n ki tì lɔ̀ghii ɓyàs rì roànɛ a rɔɔrɔgsɛ̀n yì ɓìsi ɓi ɗyoo ɓi ɗùm.

EBIREEGH 2:3

Nni lannɛ tì rì ɓiì kìi lɛ tyɛ̀ ki teɗ deɓ di tì sɛɛtii coo gòri yɛ̀ɛ ìnɛ? Kan nyimiɗ a lokà kìkpaà kìɓan ki gòri ìnɛ̀n, fɔɔnnɛ ɓumɓɛ ɓɛ wokà di a kpaakpàà ɓɛ siìràkà ɓìsi kì rèsii saaɗ ànɛ miì.

EBIREEGH 4:12

Lɛ jɛ̀ɛ̀ ì Bɛ̀ll ì rì cencem, ì ki ɓa ri ìtèɗ, ì poo ì cee gàfàg ìnɛ ì rì ǹghɛliyɛn ɓɛɓɛg ɓɛ̀cèm. Yɛ̀ɛ ɗiɗiŋi mum ɓi nɗem à kpaŋ ɓi jàŋ inɛ cɛɓ ki mum rì nghay wii ɓi rarɛɛ; ì ɗiŋì ì kpaŋ ɓi rìràrɛ̀n ɗi gòga rì ɓɛ̀ɓɔ̀ŋ ɓɛ ɓiwoɓ. Yɛ̀ɛ rèresi nkòo rìkɔ̀n ɗi mum rì mɛ̀yitì mɛ mɛ ri nyi ɓi nɗem, ɓi ri lɛ syeesyee.

1 PYƐƐRI 1:5

mìni ɓɛ ìtèɗ wu Bɛ̀ll wɛɛ̀ ɓèŋɓèŋ lɛ rìgherɛ̀n, à kpaŋ yɛ̀ɛ gòri ìnɛ ì ti jàŋbog lɛ yɛ̀ɛ resɛn ɓi mɛ̀ru mɛ siitòn ì ɓiì rèsɛɛ.

2 PYƐƐRI 3:3

Ka looghna kì yiì lɛ, ɓi mɛ̀ru mɛ siitòn, ɓum ɓɛdɛŋ ɓɛ ɓiì pee yì, ɓɛ ghɛghɛ̀ɓ lɔŋ yɛ̀ɛ mɛ̀rem maa mɛɛ̀ kɔ̀nkɔ̀n, ɓɛ wɔwɛ̀y mìni

2 PYƐƐRI 3:7

Kìɓan kifog, ɗyoo rì zi ɓi tì seesee ɓi gɛɛ̀nɛ, ɓi ri ɓyom ɓi jɛ̀ɛ̀ ì Bɛ̀ll yɔ̀miɗ inɛ̀n yɛ̀ɛ ɓèŋɓèŋ lɛ ɗuu ɗi ri ɓyɔ ɓiì yogsii ŋwos anɛ ɓɛ ri yɔ̀mi gɛ ɓɛ̀kìì-kìɓe, ɓɛ cuusì ɓɔ.