ZYAŊ 12:27 - Bafia Nouveau Testament

²⁷ Ɓi cààmɛ̀n ki, ǹɗem wɛ̀m wu ri wù ɓùùsɛn, ǹɗì lɛ ǹkpaa la? Nkpaà nya lɛ Tààta, ghɛɓsi mɛ̀ ɓi kìɓan ki ki yuu kì ghɛnɛɛ a lɔ̀ŋkɛm̀ ɓi cààmɛ̀n ki? Wɔ̀lɛ ɓisuu cààmɛ̀n kɔm̀ kiǹ nnɛ ǹ-yùghà.

ZYAŊ 12:27 ပူးပေါင်းရင်းမြစ်များ

MATYOO 11:25

Nni ɓi cààmɛ̀n kiǹ, Yeesus à pɛ̀sìghà ɓìtòkì à kpaa lɛ: Tààta, wàànɛ ù lamii lɛ rì ɗyoo rì zi, ǹfaa wɔ̀ ɓìtògsɛ̀n ɓisuulɛ ù nyamgàkà ɓɛ̀yiì-ɓìɓan rì ɓum ɓɛ ɗyomzɛ̀n ɓìɓan ɓi, ù rèsì ɓɔɓti ɓɛsàg ɓyɔ.

MATYOO 11:26

Ɛ̀ɛ̀ Tààta, ǹtògsaagh wɔ̀, lɛ fɔlɔɔ yɛɛ ɓaghà syeesyee wɔ̀ɔ̀ à fèg.

MATYOO 26:42

Ɓi gɛ̀n i kìɓɛ̀ɛ̀, à ràɓsɛ̀ngà tì ɓɛ̀yilàg, à ɓɔ̀ŋzàg lɛ: Tààta wɛ̀m, i ki ri lɔŋ lɛ ɓeŋ ànɛ àa pɛ̀sɛn ɓi di nnɔɔ ɓi nyi, rìkɔ̀n ɗyɔɔ ɗyɛɛ kilɛn.

MATYOO 26:45

Fɔɔnnɛ à sugtìghày a ɓɛ̀yilàg, à kpaa ɓɔ lɛ: Mìnii ri lɔŋ ɓi fìlo, ɓì fɔɔ̀fɔ̀ɔ̀sɛ̀n? Cààmɛ̀n ki lɛ, ɓɛɛ fa Man à mum rì ɓɛ̀kìì-kìɓe kɛɛ kpaŋi lɛ.

LUKAS 22:44

Yɛ̀ɛ ìris wu ɓangà Yeesus, fɔɔnnɛ à sììrɛ̀ngà lɔŋ ɓi bɔ̀ŋzɛ̀n, kìɗìg kii ki ɓa lɔŋ yɛ̀ɛ ɓɛ̀jɛɛ ɓɛ bwaɓ ɓɛɛ yɔɔyɔɔ ɓi zi.

LUKAS 22:53

Rì mɛ̀ rì mìni tìi nɗì lɔŋ ɓi naà-Bɛ̀ll ɓɛ̀ŋwos ɓɛ̀cèm, kɛ̀ ɓi ki ɓaǹ mɛ. Wɔ̀lɛ cààmɛ̀n kin kɛɛ ti lɛ, ki lɛ ìtèɗ wu birìm wɛɛ resɛ̀n.

ZYAŊ 11:41

Nni ɓɛ pisìghà gɔ̀g ìnɛn, Yeesus à ɓegsì mis aɗyoo, à kpaa lɛ: Tààta ǹtògsaagh wɔ̀ ɓisuulɛ, wàa ɓàagh bɔ̀ŋzɛ̀n yɛ̀m.

ZYAŊ 12:23

Yeesus à ɓàg ɓɔ lɛ: Cààmɛ̀n ki lɛ Man à mum a teɗ rìkem ki kpaŋi.

ZYAŊ 13:21

Yeesus à ɓaghà lɛ, à mɛ kpaa fɔlɔɔ nni nɗem wu ɓuùsɛ̀ngà nyi ɓi ɗùm, à kalì lɛ: Ǹkpaa mìni saaɗ à rìkpaa lɛ kìbog ki ɓi mìni ki ri mɛ̀ ɓiì kàɓi.

ZYAŊ 18:37

Pilat à tɔg nyi lɛ: Yɛɛ lɔɔ lɛ ù rì rìfòm wa? Yeesus à ɓàg lɛ: Ù kpaa miì, ǹɗì rìfòm. Mɛ̀ ǹ-yalɛ̀ngà, ǹki yù ɓi ziinɛ lɛ ntɛɛ̀zag ɓum ɓìɓan ɓi saaɗ, fɔɔnnɛ mum ǹcèm ànɛ à rì ŋwaà saaɗ, à ti à wokì jɛ̀ɛ̀ yɛ̀m.

TIMOTE 1:15

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀ ànɛ ɓum ɓɛ̀cèm ɓɛ ghɛɛ̀sɛɛ lɔŋ kiterì rì ǹtyweeyi wucèm yɛ̀ɛ ri lɛ Yeesus Kiris à yùghà ɓi ziinɛ lɛ a ghɛɓsi ɓɛ̀kìì-kìɓe, nni ɓi ɓɛ̀kìì-kìɓe ɓɛǹ, mɛ̀ yɛɛ ri lɛ ɓog.

EBIREEGH 2:14

Nni fɔlɔɔ nnɛ yɛ̀ɛ ɓɔn ɓɛ ri lɛ, rì nyoo ì mɛ̀mùù, rì bwaɓ, nyi girig à tekà nyoo ìnɛ̀n lɛ, di a ghaàsi Satàn ànɛ à rì rì ìtèɗ wu riwù com ki zɛy, ɓi rìwu ɗi à wughà

EBIREEGH 5:7

Yɛ̀ɛ Yeesus à ghɛghɛ̀ɓkà ɓi ziinɛ, à ɓɔ̀ɔ̀ɓɔ̀ŋzàkà Bɛ̀ll, à yɛ̀ɛ̀ghyɛ̀gsì nyi ɓyàg, rì ɓyoo ɓikiŋ, rì misì ɓi mɛ̀tam, lɛ Bɛ̀ll yɛɛ ɓaghà lɛ à ghɛɓsì nyi ɓi rìwu; nni Bɛ̀ll à wokà bɔ̀ŋzɛ̀n yii lɛ mɛ̀wog mɛ à ɓaghà rì mɔ.