ZYAŊ 10:28 - Bafia Nouveau Testament

²⁸ Ǹti ǹfalàg yɔ cɛɓ ki fiɗyàɓ fikɔ̀ɔ̀, yàa wu ɓi nsoò ŋwos bog, mum à ki yin lɛ à ɓàtɛ̀n yɔ ɓi càg kɛm̀.

ZYAŊ 10:28 ပူးပေါင်းရင်းမြစ်များ

MARIKUS 13:22

ɓisuulɛ ɓɛ̀-kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì lɛ rì dàm yi ɓiɓan rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

LUKAS 23:46

Nni Yeesus à nyàmgà jɛ̀ɛ̀ aɗyòò lɛ: Tààta m̀pɛ̀ɛ̀zii ǹghay wɛ̀m ɓi ɓyàg ɓyɔɔ. Lɔŋ yɛ̀ɛ à kpaaghà fɔlɔɔ, à ghaàgh kì maasii.

ZYAŊ 10:29

Seŋi wɛ̀m ànɛ à faghà mɛ̀ yɔ, à cee ɓum ɓɛ̀cèm, fɔɔnnɛ mum à yin lɛ à ɓàtɛ̀n yɔ ɓi càg ki Tààta.

ZYAŊ 11:25

Yeesus à kpaa nyi lɛ: Mɛ̀ yɛɛ ri rìghèmɓɛ̀n ɗi ɓiloŋ, rì cɛɓ; ŋwaànɛ à gherɛɛ mɛ̀, à ɓiì ɓaà rì cɛɓ nsoò àa wìì.

ZYAŊ 14:19

Cààmɛ̀n lɛsàg ziinɛ yàa ghɛɛ̀di ɓi mɛ, lɔŋ mìni yɛɛ ri mɛ̀ ɓiì seesee ɓisuulɛ ǹɗì cem, nni mìni girig ɓì ɓiì ɓaà rì cɛɓ.

ZYAŊ 17:2

Fɛlɛ yɛ̀ɛ ù faghà nyi ìtèɗ wu lɛ a lami ɓum ɓɛ̀cèm, à fa ɓɛ̀sɛ̀ɛ̀ ɓɛ̀cèm ɓɛ ù faghà nyi cɛɓ ki fiɗyàɓ fikɔ̀ɔ̀.

ZYAŊ 18:9

À kpaaghà fɔlɔɔ lɛ kɛɛ ɓa lɔŋ yɛ̀ɛ à kalìghà lɛ: Mɛ̀ɛ nɗimzii ɓi nsoò kìbog ki ɓi ɓumɓɛ ù faghà mɛ̀.

ZYAŊ 3:36

Nni mum ǹcèm ànɛ à gherɛɛ Man, à rì rì cɛɓ ki fiɗyàɓ fikɔ̀ɔ̀; ŋwaànɛ à woogh ɓi nyi, àa ghɛn ɓi cɛɓ, kìɓan kifog, rìbaŋì ɗi Bɛ̀ll ɗi kaka nyi ɓi nyòò.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

ZYAŊ 6:27

Kɛ̀ ɓi say ɓisuu ɓiɗilàg ɓi ɓi ri lɛ ɓi ɗyoŋ, salina ɓisuu ɓiɗilàg ɓi ɓi ri lɛ ɓi kɔrì à kpaŋ ɓi cɛɓ ki fiɗyàɓ fikɔ̀ɔ̀, ɓyɛɛ̀ ɓi Man à mum à rì mìni ɓiì faà, lɛ nyi nnɛ Bɛ̀ll Seŋi à fogà kìrèmzɛnà ki rilàmì ɗii ɓi nyi.

ZYAŊ 6:37

Ɓum ɓɛ̀cèm ɓɛ Tààta à faa mɛ̀, ɓɛ ri ɓiì yùu a lɔ̀ŋkɛm̀, nni màa ki kpaŋzi ɓi ŋwaànɛ à yùu yì a lɔ̀ŋkɛm̀ ɓi ɗyɔ̀m.

ZYAŊ 6:47

Ǹkpaa mìni kɔɔ̀kɔɔ̀ à rìkpaa lɛ ŋwaànɛ à gherɛɛ mɛ̀, à rì rì cɛɓ ki fiɗyàɓ fikɔ̀ɔ̀.

ZYAŊ 6:68

Simɔn Pyɛɛri à pɛ̀ɛ̀zìghà nyi lɛ: Kan, tì ɓiì kɛ̀ɛ yɛ̀ɛ ghɛn? Ù rì rì ɓìɓan ɓi cɛɓ ki fiɗyàɓ fikɔ̀ɔ̀.

MƐ̀KÌKÌÌ MƐ ƁƐKƐ̀NÌ-FÌTOM 7:59

Ɓi cààmɛ̀n ki ɓɛ roòrògàkà Ityɛn gɔ̀g mii, nyii ɓɔɔ̀ɓɔ̀ŋzàkà lɛ: Kan Yeesus, tera nghay wɛ̀m.

RÒMƐŊ 5:17

I rìnàn ɗi kibog ki mum ɗi kighà lɛ rìwu ɗyɛɛ̀ ragɛn, lɛ kìbog ki mum kìn, bɔ̀ɓ yaŋ ri ɓumɓɛ ɓɛɛ̀ teki lɛ rì geesɛ̀n yìì inɛ ì tèghɛɛ, rì rìɓòò ɗi ɓi rìren ɗii ɗi ɓiɓan, ɓɛ ri kì lɛ, ɓɛ ghɛɓ, ɓɛ ki làmi lɛ m̀bobog à mum ànɛ lɛ Yeesus Kiris.

RÒMƐŊ 5:2

Nnyɛɛ mɛ kì lɛ, ti ɗiŋi ɓi geesɛ̀n ì Bɛ̀ll ìnɛ tì ti ìnɛ miì ǹsììrɛn lɛ rìgherɛ̀n, com ki ti nyàànyàà ki ri dyàɓɛn ìnɛ tì rì rì yɔ̀ lɛ tì rì ɓiì ɓaà rì gàɓ ɓi rìkem ɗi Bɛ̀ll.

RÒMƐŊ 5:21

Ɓi lèg ànɛ lɛ, yɛ̀ɛ kìɓe ki ciìcììzìghà ɓum ɗì rìwu, geesɛ̀n ì Bɛ̀ll yɛ̀ɛ làlami rì saaɗ, ɓisuu cɛɓ ki fiɗyàɓ fikɔ̀ɔ̀ lɛ Yeesus Kiris à Kan wìs.

RÒMƐŊ 5:9

I bwaɓ yii yi mɛ ka kì lɛ ti ɓa lɛ saaɗ ɓi mis mɛ Bɛ̀ll ɓigomìnɛ, di rì ɗi lɛ a ghɛɓsi ɓìsi lɛ bim i Bɛ̀ll yɛ̀ kɛɛ̀ kpaŋ a lɔ̀ŋkis.

RÒMƐŊ 6:23

Ɓisuulɛ mɛ̀lèɓ mɛ kiɓe mɛ ri lɛ rìwu, kìɓan kifog, rìɓòò ɗi Bɛ̀ll a kìki ɓum zɛy ɗi ri cɛɓ ki fiɗyàɓ fikɔ̀ɔ̀ ɓi Yeesus Kiris à Kan wìs.

RÒMƐŊ 8:1

Nni ɓigomìnɛ, ɓumɓɛ ɓɛ ri ɓi Yeesus Kiris ɓi ɗùm, ɓɛ yiìɗi ri bɛ̀lɛn nsoò lɛsàg, ɓɛ yiìdi ɓiì ghɛghɛɓi yɛ̀ɛ mɛ̀mùù mɛɛ̀ titini ɓɔ lɛ ɓɛɛ ghɛɓ, ɓɛɛ̀ nɔ̀ɔnɔɔ̀tì lɔŋ cɛɓ ki Nghay à Bɛ̀ll a rèresi ɓɔ.

RÒMƐŊ 8:29

Ɓisuulɛ ɓumɓɛ Bɛ̀ll à lokà kì ɓɔ̀ni, à ɓaghà girig di à mɛ ren abɛ̀y lɛ ɓɛ ɓiì ɓaà ɓi kìpisɛn ki Man wiì, lɛ di Man wiì a ɓa man à ǹtonto ɓi kìtuu ki ɓɛgeni.

FÌLÌPYƐŊ 1:6

Ǹ-yii syeesyee à rìyi lɛ roànɛ à tumɛ̀ngà syeesyee à kìsay anɛ̀n ɓi mìni, à rì ɓiì kɛ̀ɛ ri kɔ asu à kpaŋ yɛ̀ɛ à ri wɔmɓɛn kɔ ɓi ŋwos a Yeesus Kiris.

2 TÈSÀLÒNÌSYƐŊ 2:13

Ɓi san ànɛ a lɔ̀ŋkis, ɓɔɔseŋi ɓis ɓɛ Kan a keesag lɛɛ̀gwey, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n cààmɛ̀n kìcèm ɓisuu kiɓan kin, ɓisuulɛ Bɛ̀ll à ɓɔ̀ngà mìni à tumɛ̀n a rìtumɛ̀n lɛ ɓi ɓa ɓɛ̀kòrɛn ɓi rìkì ɗi Kìtɛntɛ̀ɛ̀n ki Nghay kɛɛ̀ kìki lɛ ɓi ɓa ɓɛ̀tɛnɛn, rì ɓi rìgherɛ̀n ɗi ɓì gherɛɛ saaɗ.

TIMOTE 1:16

Wɔ̀lɛ Bɛ̀ll à wokà mɛ̀ nyìinyìg lɛ di Yeesus Kiris a resi rìnìɗ ɗii ɗi nɗem ɓi mɛ̀ fɛlɛ yɛ̀ɛ ǹkìì-kìɓe à ǹtonto, fɔɔnnɛ kìɓan kiǹ ki ɓiì ɓaà kìrèmzɛnà ɓisuu ɓumɓɛ ɓɛ ri ɓiì gherɛɛ nyi lɛ ɓɛɛ teɗ cɛɓ ki fiɗyàɓ fikɔ̀ɔ̀.

2 TIMOTE 1:12

Ɓisu wìn miì nnɛ nwowog mɛtɔɓ yɛ̀ɛ mɛ, wɔ̀lɛ ki faa ɓi mɛ ntoòrìɗ ɓisuulɛ ǹ-yii roànɛ ǹgherɛ̀ngà; ǹɗem wɛ̀m wùcèm wu yii saaɗ wu ki gherɛn lɛ à rì rì ìtèɗ wulɛ à ɓèŋ com ki à tɛfɛ̀ngà rì mɛ̀, à kpaŋ ŋwos anɛ̀n.

EBIREEGH 7:25

Fɔlɔɔ nnɛ à rì rì ìtèɗ wulɛ à ghɛɓsì lɛ kɔɔ̀kɔɔ̀ ɓumɓɛ ɓɛ tyoŋdɛɛ Bɛ̀ll jàŋbog, di ɓɛ fyee a lɔ̀ŋkii ɓisuulɛ, à rì lɔŋ cem cààmɛ̀n kìcèm, à ki ɓɔ̀ɔɓɔŋ̀zàg Bɛ̀ll ɓisu wàà.

1 PYƐƐRI 1:5

mìni ɓɛ ìtèɗ wu Bɛ̀ll wɛɛ̀ ɓèŋɓèŋ lɛ rìgherɛ̀n, à kpaŋ yɛ̀ɛ gòri ìnɛ ì ti jàŋbog lɛ yɛ̀ɛ resɛn ɓi mɛ̀ru mɛ siitòn ì ɓiì rèsɛɛ.

1 ZYAŊ 1:2

Yɛ̀ɛ cɛɓ ki resɛ̀ngày, ɓìsii ghɛngà kɔ; fɔɔnnɛ ti kpaakpaa mini kìɓan ki miì, tì ki ghagsi mini ɓɔlɛ à cɛɓ ki fiɗyàɓ fikɔ̀ɔ̀ ki ki ɓaghà jàŋbog rì Seŋi, cɛɓ kìn kɛɛ̀ki ɓɛ resìghà ɓìsi, lɛ ti yi kɔ.

1 ZYAŊ 2:19

Ɓumɓɛ̀n ɓɛ kpagày ɓi ǹɗaŋ wis kìɓan kifog, ɓɛ ɓaghà ɓi ɓɛɓàlɛn ɓi bàlì yìs i ɓum, lɛ i ɓɛɛ ɓa ɓɛ̀ɓàlɛn ɓi bàlì yìs, di ɓɛ rɔɓkà rì ɓìsi; nni ɓɛ mɛ ghasɛn ɗi ɓìsi lɛ kɛɛ ghɛnɛn lɛ tɛntɛ̀ɛ̀n lɛ, ɓɔɔ̀cèm ɓɛ ɓaghà ɓi ɓi bàlì ì ɓum ɓis.

1 ZYAŊ 2:25

Nni ǹkàg wu à faghà ɓìsi wɛɛ ri lɛ, cɛɓ ki fiɗyàɓ fikɔ̀ɔ̀.

1 ZYAŊ 5:11

Nni rìrèsì ɗi saaɗ ànɛ ɓi kìɓan kiǹ ɗyɛɛ ri lɛ: Bɛ̀ll à faghà ɓìsi cɛɓ ki fiɗyàɓ fikɔ̀ɔ̀, cɛɓ kìn ki ki ɓa ɓi Man wiì.

ZYUUDƐ 1:1

Mɛ̀ Zyuudɛ ànɛ ǹɗì ǹkìì-kìsay a Yeesus Kiris, ǹki ɓa geni Zyag, mɛ̀ yɛɛ kaniì ɓumɓɛ Bɛ̀ll à reŋìghà kaàtà ànɛ. Ɓumɓɛ̀n Bɛ̀ll Seŋi a keesag ɓɔ, Yeesus Kiris, à ki ɓègi ɓɔ.

ZYUUDƐ 1:21

Kɛ̀ɛna asu ɓì kɔ̀kɔ̀rì lɔŋ ɓi nkɔ̀nɛ̀n à Bɛ̀ll ɓiɗùm, ɓì ɓoŋɓòŋ yɛ̀ɛ Kan wìs Yeesus Kiris à rì mìni ɓiì woògh nyìighnyìg, à fa mìni cɛɓ ki fiɗyàɓ fikɔ̀ɔ̀.

ZYUUDƐ 1:24

Roànɛ à rì rì ìtèɗ wulɛ à ɓèŋ mìni lɛ kɛ̀ ɓi kɛ̀ɓtɛn fiɓàg, à ki kì lɛ ɓi kpaŋ ɓi rìkem ɗii lɛ sɛɛghisɛɛghi kɛ̀ɛ̀ bɛ̀lɛn, ɓi kìnyàà ɓi ɗùm,