ZYAŊ 10:25 - Bafia Nouveau Testament

²⁵ Nni Yeesus à ɓakà ɓɔ lɛ: M̀mɛ kpaa mini, kɛ̀ ɓi gherɛn. Ɓiɓan ɓi nkìki ɓi ɗii ɗi Seŋi wɛ̀m, ɓyɔ yɛɛ rèresi rikuu ɗi mum ɗi ǹɗì.

ZYAŊ 10:25 ပူးပေါင်းရင်းမြစ်များ

ZYAŊ 10:32

Nni Yeesus à kpaatìghà min ɓɔ lɛ: Mɛ̀ɛ nkìi ɓɛ̀gɛn ɓɛ ɓiɓan lɛɛ̀gwey ɓi mis min, rì ìtèɗ wu Tààta, nni ɓi ɓìɓan ɓiǹ, kibe kɛɛ̀ki ɓì ti mɛ̀ ɓiì rogii gɔ̀g miì?

ZYAŊ 10:37

I ǹki rɔ̀ɓi kɛ̀ɛ nkì ɓisay ɓi Seŋi wɛ̀m, ɓì rɔ̀ɓ kɛ̀ ɓi gherɛn mɛ.

ZYAŊ 10:38

Kìɓan kifog, i nkìki ɓisay ɓii, nsoò ɓyàa gherɛɛ ɓi mɛ, gherɛɛna ɓyɔ, fɔɔnnɛ ɓì ɓiì kìi lɛ, ɓì yi, ɓì ki ghɛn lɛ Tààta à rì ɓi mɛ̀, mɛ̀ ɓi Tààta.

ZYAŊ 11:47

Fɔlɔɔ nnɛ ɓɛ̀pìrɛɛtìrɛ̀ ɓɛgwey rì Ɓɛ̀fàrìzyɛŋ ɓɛ taŋzɛ̀ngà Sànèdìrɛŋ ɓɛ kpaa lɛ: Ti ki la? Lɛ ŋwaànɛ a kìki dàm lɛɛ̀gwey.

ZYAŊ 12:37

Nsoò yɛ̀ɛ Yeesus à kìghà dàm yi ɓiɓan lɛɛ̀gwey ɓi mis maa, ɓɛ gherɛ̀ngà ɓi nyi,

ZYAŊ 14:11

Gherɛɛna mɛ̀ yɛ̀ɛ ǹkpaa mìni lɛ, ki ri lɛ mɛ̀ ɓi Tààta, Tààta ɓi mɛ̀; i ɓì ɓèni fɔlɔɔ, ɓì gherɛ̀n ɓisuu ɓiɓan ɓi nkìkì.

ZYAŊ 20:30

Yeesus à kìtìghà dàm yi ɓiɓan yidɛŋ lɛɛ̀gwey ɓi mis mɛ ɓɛyilàg ɓii, yi yi yin fɛ yì kànɛn ɓi kaàtà ànɛ.

ZYAŊ 3:2

à yùghà yɛ̀ɛ Yeesus rì ìru à kpaa nyi lɛ: Raɓì, tì yii lɛ, ù rì ǹɗèsàg ànɛ Bɛ̀ll yɛɛ romiì ɓisuulɛ, ŋwaà yin lɛ à kì dàm yi ɓiɓan yɛ̀ɛ yi wɔ̀ɔ kìki yi, di Bɛ̀ll à yin a lɔ̀ŋkii.

ZYAŊ 7:31

Ɓi gwìy ìnɛn, ɓum lɛɛ̀gwey ɓɛ gherɛ̀ngà nyi, ɓɛ kpaakpàà lɛ: Yɛ̀ɛ Kiris à ri yù, à ri kì nya dàm yi yi cee yi ŋwaànɛ a kìkì?

ZYAŊ 8:12

Yeesus à tòòghrɛ̀ngà tì rì ɓɔ à kpaa lɛ: Mɛ̀ ǹɗì kìtɛɛtɛn ki ɓi ziinɛ; ŋwaànɛ à nɔ̀ɔ̀tii mɛ̀, àa kɛ̀ɛ̀ghi ɓi ɓi birìm, à rì lɔŋ ɓiì ɓaà rì kìtɛɛtɛn ki cɛɓ.

ZYAŊ 8:24

Fɔlɔɔ nnɛ màa kpaa mìni lɛ, ɓì ɓiì wiì ɓi ɓìɓe ɓin ɓiɗùm; lɛ i ɓì gherɛɛ ɓi lɛ Mɛ̀ nɗì... , di ɓì wii ɓi ɓìɓe ɓin ɓiɗùm.

ZYAŊ 8:56

Abiraham à seŋi wìn a nyààrɛ̀ngà rì fèg ànɛ lɛ, à ɓiì ghɛɛ ŋwos wɛm̀, à ki ghɛngà nyi à wog kìrɔɔ lɛɛ̀gwey.

ZYAŊ 8:58

Yeesus à kpaa ɓɔ lɛ: Mɛ̀ ǹkpaa mìni ɓi saaɗ lɛ, di Abiraham à ka yin, mɛ̀ m̀ɓaghà.

MƐ̀KÌKÌÌ MƐ ƁƐKƐ̀NÌ-FÌTOM 10:38

Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

MƐ̀KÌKÌÌ MƐ ƁƐKƐ̀NÌ-FÌTOM 2:22

Mìni ɓumɓɛ a Isirayɛl, wooghna kìɓan ki nkìki lɛ, nkpaà mìni: Yeesus ànɛ a Nazarɛt àa nɗì ŋwaànɛ Bɛ̀ll àa ǹɗèsii mìni lɛ, nnyɛɛ romgày nyi, ɓi dàm yi ɓiɓan, rì ɓɛ̀koŋnyoo ɓɛ ɓiɓan, rì ɓìrèmzɛnà ɓi à faghà nyi ìtèɗ wulɛ a ki ɓi nyìinyìm wìn lɔŋ yɛ̀ɛ mìniìɓɔmiɗ ɓì yii.

EBIREEGH 2:3

Nni lannɛ tì rì ɓiì kìi lɛ tyɛ̀ ki teɗ deɓ di tì sɛɛtii coo gòri yɛ̀ɛ ìnɛ? Kan nyimiɗ a lokà kìkpaà kìɓan ki gòri ìnɛ̀n, fɔɔnnɛ ɓumɓɛ ɓɛ wokà di a kpaakpàà ɓɛ siìràkà ɓìsi kì rèsii saaɗ ànɛ miì.