ZYAŊ 10:16 - Bafia Nouveau Testament

¹⁶ Ǹɗì tì rì jɔ̀ɔ̀ yidɛŋ yi yi ka yin ɓi kìlaa ki. Ki ghɛɛ̀sɛɛ lɛ nteɗ yì girig yɔ; yi ri ɓiì woògh jɛ̀ɛ̀ yɛ̀m, fɔɔnnɛ kìtuu ki jɔ̀ɔ̀ ki ɓiì ɓaà kìfog, m̀ɓèŋì à ɓa bog.

ZYAŊ 10:16 ပူးပေါင်းရင်းမြစ်များ

MATYOO 17:5

Yɛ̀ɛ Pyɛɛri à ɓaghà di a ka tòtog fɔlɔɔ nni coo kikwìɗ ki lònlomɛn ki sìgtɛ̀ngà ɓɔ. Fɔɔnnɛ jɛ̀ɛ̀ ì tòòghrɛ̀ngày ɓi kìkwìɗ kiǹ, ì kpaa lɛ: Roànɛ à rì Man wɛm̀ à nɗem , ɓi nyi innɛ ǹfogà ǹkɔ̀nɛ̀n wɛ̀m bimiɗ, wooghna nyi.

LUKAS 15:8

Nsoò lɛ i giɓ adɛŋ à rì rì dolà ǹtɛ̀ɗ, nni dolà bog ì ɗimi, àa ròòsi ɓi nya lamɓà à fyɛn naa, à konàg kì kaà dolà ìnɛn à kpaŋ yɛ̀ɛ à rì yɔ̀ ɓiì ghɛɛ̀?

ZYAŊ 10:11

Mɛ̀ yɛɛ ri syeesyee à m̀ɓèŋì-jɔ̀ɔ̀. Syeesyee à m̀ɓèŋì-jɔ̀ɔ̀ a falag cɛɓ kii ɓisuu jɔ̀ɔ̀ yii.

ZYAŊ 10:2

Lɔŋ roànɛ à ɗiŋii asuunaa yɛɛ ri syeesyee à m̀ɓèŋì-jɔ̀ɔ̀ yiǹ.

ZYAŊ 10:27

Jɔ̀ɔ̀ yɛm̀ yi ti yi wokì jɛ̀ɛ̀ yɛ̀m, mɛ̀ ǹ-yii yɔ, yɔɔ ki ti yi nɔɔ̀tàg mɛ̀.

ZYAŊ 10:3

M̀ɓèŋì-ìsuunaa à nɛm ŋwaànɛ̀n ìsuunaa lɛ a ɗiŋi, jɔ̀ɔ̀ yii yi wog jɛ̀ɛ̀ yìì; à ki regi jɔ̀ɔ̀ yii lɔŋ ɓi mii, à kɛ̀n ɗì yɔ ɓidan.

ZYAŊ 10:4

I à mɛ kpaŋzi jɔ̀ɔ̀ yii yicèm, à syòŋ yɔ bee, yɔɔ nɔɔ̀nɔ̀ɔ̀tì nyi lɛ, yi yii jɛ̀ɛ̀ yìì.

ZYAŊ 10:5

Yi yin lɛ yi nɔɔ̀tì ǹkèn a mum, kìɓan kifog yi ri ɓiì ghɛŋii nkèn a mum fìràɓ lɛ yi remzii ɓi jɛ̀ɛ̀ yi ɓɛ̀kèn.

ZYAŊ 11:52

Àa lɔŋ kìlɔ̀ŋ kiǹ kɔ rì kɔ, à ghɛ̀ɛ̀sɛɛ girig kì wiì lɛ a taŋzɛn ɓɔn ɓɛ Bɛ̀ll ɓɛ̀cèm, ɓɛ ɓɛ ri ɓɛ̀sààtɛn, ɓɛɛ ɓa kìbyɔg kìfog.

ZYAŊ 17:20

M̀ɓɔ̀ŋzii ɓi wɔ ɓisu waa lɔŋ cɛ̀ncaa, m̀ɓɔ̀ŋzii wɔ̀ girig ɓisuu ɓum ɓɛ̀cèm ɓɛ ɓɛ ɓiì gherɛɛ mɛ lɛ rìghagsì ɗyaa ɗi ɓɔlɛ̀ ànɛ ɓɛ ri ɓɔ ɓiì ghagsii.

ZYAŊ 6:37

Ɓum ɓɛ̀cèm ɓɛ Tààta à faa mɛ̀, ɓɛ ri ɓiì yùu a lɔ̀ŋkɛm̀, nni màa ki kpaŋzi ɓi ŋwaànɛ à yùu yì a lɔ̀ŋkɛm̀ ɓi ɗyɔ̀m.

MƐ̀KÌKÌÌ MƐ ƁƐKƐ̀NÌ-FÌTOM 15:14

Simɔn àa rèsii ɓìsi yɛ̀ɛ ki kilɛ̀ngà a rìtumɛ̀n lɛ, Bɛ̀ll a ɓɔn kìlɔ̀ŋ ki kɛɛ ɓa kiŋkii, ɓi nyìinyìm à ɓìlɔ̀ŋ ɓi zɛy.

MƐ̀KÌKÌÌ MƐ ƁƐKƐ̀NÌ-FÌTOM 18:10

Ɓisuulɛ, ǹɗì wɔ̀ ajɛ̀m, ŋwaàdɛŋ à yin lɛ à saàgh wɔ̀ càg ɓi nyoo lɛ a ki wɔ̀ kìɓe ɓisuulɛ ɓum ɓɛm ɓɛ ronɛɛ fɛ ɓi bàn ìnɛ.

MƐ̀KÌKÌÌ MƐ ƁƐKƐ̀NÌ-FÌTOM 22:14

Nni Ananyas à kpaaghà mɛ̀ lɛ: Bɛ̀ll à ɓɛ̀seŋi ɓis à lokà wɔ̀ kì ɓɔ̀ni lɛ, u yi rìkɔ̀n ɗii, ù ghɛn m̀bobog à mum ànɛ à rì lɛ saaɗ ù ki wog jɛ̀ɛ̀ ìnɛ ì kpaŋiì ɓi ŋwɔm wìì;

RÒMƐŊ 11:25

Ɓɔɔsoŋ̀, kìɓan kidɛŋ ki a rìnyam ki ri wɔɔ, kɛɛ̀ki ǹkɔ̀ni ɓi lɛ ɓi comɛn lɛ ɓì ɓiì ki ghɛnɛɛ miniì ɓɔmiɗ yɛ̀ɛ ɓum ɓɛ ɗyom̀zɛ̀n; kìɓan kiǹ kɛɛ ri lɛ, gàɓ ì ɓum ìnɛ a Isirayɛl ì yiìdi ri ìtèɗ wulɛ ì wog, wɔ̀lɛ kìɓan kiǹ ki ri ɓiì finɛɛ à kpaŋ yɛ̀ɛ ɓìlɔ̀ŋ ɓimbog ɓi ɓi yin Ɓɛ̀yudɛ̀n ɓìcèm ɓi ɓiì ɗiŋii ɓi gòri ì Bɛ̀ll.

2 TÈSÀLÒNÌSYƐŊ 2:13

Ɓi san ànɛ a lɔ̀ŋkis, ɓɔɔseŋi ɓis ɓɛ Kan a keesag lɛɛ̀gwey, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n cààmɛ̀n kìcèm ɓisuu kiɓan kin, ɓisuulɛ Bɛ̀ll à ɓɔ̀ngà mìni à tumɛ̀n a rìtumɛ̀n lɛ ɓi ɓa ɓɛ̀kòrɛn ɓi rìkì ɗi Kìtɛntɛ̀ɛ̀n ki Nghay kɛɛ̀ kìki lɛ ɓi ɓa ɓɛ̀tɛnɛn, rì ɓi rìgherɛ̀n ɗi ɓì gherɛɛ saaɗ.

EBIREEGH 13:20

Bɛ̀ll à fyòoog ànɛ à ghèmzìghày coo mɓèŋì-jɔ̀ɔ̀ ànɛ lɛ Kan wìs Yeesus a ɓìloŋ rì bwaɓ yi riràrɛ̀n ɗi fiɗyàɓ fikɔ̀ɔ̀,

1 PYƐƐRI 2:10

mìni ɓɛ ɓì ɓaghà ɓi kìlɔ̀ŋ kii abɛ̀y, mìni yɛɛ ti kìlɔ̀ŋ ki Bɛ̀ll ɓigomìnɛ, mìni ɓɛ Bɛ̀ll àa nti kɛ̀ɛ rèsi ǹɗem wu nyìighnyìg a lɔ̀ŋkin abɛ̀y, ɓigomìnɛ, à mɛ wog mini nyìinyìg.

1 PYƐƐRI 2:25

Ɓisuulɛ ɓì ɓaghà fɛlɛ yɛ̀ɛ jɔ̀ɔ̀ yi yɛɛ dèŋdèŋ kɛ̀ɛ̀ m̀ɓèŋì, wɔ̀lɛ ɓigomìnɛ, ɓì mɛ sugti yɛ̀ɛ mɓèŋì-jɔ̀ɔ̀ ànɛ a ɓèŋɓeŋ mɛghay min.

1 PYƐƐRI 5:4

fɔlɔɔ nnɛ yɛ̀ɛ ǹkɔ̀mɛ̀n ɓɛ̀ɓèŋì-jɔ̀ɔ̀ à ɓiì kpaŋì, ɓì ɓiì terì tàm à rìkem ànɛ à yin lɛ à ɗyoŋ.

ÀPÒKÀLIƁSƐ̀ 3:20

Ghɛna, ǹɗɛrɛlii asuunaa, m̀ɓoɓòg kìsìm, nni i mum à woogh jɛ̀ɛ̀ yɛ̀m, à nɛm mɛ̀ ìsuunaa, ǹɗì ɓiì ɗiŋii a lɔ̀ŋkii rì mɛ̀ rì nyi tì ɗi ǹɗaŋ.