ZYAŊ 1:14 - Bafia Nouveau Testament

¹⁴ Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 1:14 ပူးပေါင်းရင်းမြစ်များ

MATYOO 1:16

Yakɔɓ à yay Yoosɛɓ à yii Marii ànɛ à yalà Yeesus ànɛ ɓɛɛ̀ regi lɛ Kiris.

LUKAS 2:11

Ɓɔlɛ ànɛ̀n à rì lɛ: ǹghɛɓsì ɓum à yalɛɛ gɛɛ̀nɛ ɓìsu wìn, ɓi bàn ì Davit, nnyɛɛ ri Kiris Kan.

LUKAS 2:7

nni à yalà man wìì à ǹtonto baŋì, à lɔkì nyi rì ɓìlàà, à nɔ̀ŋzì nyi ɓi kìɓɛrɛ ki ɓìtuwe ɓi ǹɗilàg miì lɛ jàŋ inɛ ɓɛ kɔrì miì ì ɓatìghà ɓi ɓi naà-ɓɛ̀kèn.

LUKAS 9:32

Fɔɔnnɛ Pyɛɛri rì ɓɛ̀reŋkàŋ ɓii ɓɛ cuughà tìlo; yɛ̀ɛ ɓɛ ghemɓɛ̀ngà, ɓɛ ghɛn rìgwey ɗì Yeesus, rì ɓum ɓɛ kiɓɛ̀ɛ̀ ɓɛ à ɓaghà rì ɓɔ ɓɛ̀n.

ZYAŊ 1:1

A rìtumɛ̀n, Jɛ̀ɛ̀ ì ɓaghà, nni Jɛ̀ɛ̀ ì ɓaghà ɓɛɛ̀ Bɛ̀ll, Jɛ̀ɛ̀ ì ki ɓaghà Bɛ̀ll.

ZYAŊ 11:40

Yeesus à ɓàg nyi lɛ: Màa kpaa wɔ̀ lɛ i ù gherɛɛ ù ɓiì ghɛɛ rìgwey ɗi Bɛ̀ll!

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

ZYAŊ 14:9

Yeesus à kpaa nyi lɛ: Filiɓ, fìɗyàɓ fi maà ɓa rì mìni, ù ka yighà ɓi mɛ? Ŋwaànɛ à mɛ ghɛn mɛ, à mɛ ghɛn Tààta, nni lannɛ ù kpaa lɛ rèsi ɓìsi Tààta?

ZYAŊ 17:22

Mɛ̀ ǹfaghà ɓɔ rìkem ɗi ù faghà mɛ̀, lɛ ɓɛɛ ɓa ɓɛ̀ràrɛn kibyɔg kìfog yɛ̀ɛ ɓìsi.

ZYAŊ 17:24

Tààta kɛɛ̀ kɔ̀nkɔn mɛ lɛ, jàŋ inɛ ǹɗì, ɓumɓɛ ù faghà mɛ̀, ɓɛɛ ɓa girig wɔɔ nɗaŋ ri mɛ̀, di ɓɛɛ ghɛǹ rìkem ɗyɛ̀m ɗi ù faghà ɓisuulɛ ù keesìghà mɛ̀ di ziinɛ ì ka kilɛn ɓi.

ZYAŊ 18:37

Pilat à tɔg nyi lɛ: Yɛɛ lɔɔ lɛ ù rì rìfòm wa? Yeesus à ɓàg lɛ: Ù kpaa miì, ǹɗì rìfòm. Mɛ̀ ǹ-yalɛ̀ngà, ǹki yù ɓi ziinɛ lɛ ntɛɛ̀zag ɓum ɓìɓan ɓi saaɗ, fɔɔnnɛ mum ǹcèm ànɛ à rì ŋwaà saaɗ, à ti à wokì jɛ̀ɛ̀ yɛ̀m.

ZYAŊ 2:11

Fɔlɔɔ nnɛ Yeesus à kìghà dàm yìì i ǹtonto a Kana, ɓi zi ì Galile, à rèsì rìgwey ɗii, ɓɛ̀yilàg ɓii ɓɛ ki gherɛn nyi.

ZYAŊ 3:16

Lɛ Bɛ̀ll à keesìghà ziinɛ à pyàŋdàg fɔlɔɔ nnɛ à faghà m̀bobog wìì a Man lɛ ŋwaànɛ à gherɛɛ nyi kɛ̀ɛ wu, a ɓa lɔŋ ri cɛɓ ki fiɗyàɓ fikɔ̀ɔ̀.

ZYAŊ 3:18

Ŋwaànɛ à gherɛɛ nyi à yiìdi ri bɛ̀lɛn wɔ̀lɛ roànɛ à gherɛɛ ɓi nyi yɛɛ ti rì bɛ̀lɛn ɓisuulɛ, à gherɛ̀ngà ɓi mbobog à Man à Bɛ̀ll.

ZYAŊ 6:51

Ǹɗì bìrɛs ì cencem ìnɛ ì sɛngày aɗyòò, ŋwaànɛ à ɗii bìrɛs ìnɛ̀n, à rì ɓiì ghɛɓì fìɗyàɓ fikɔ̀ɔ̀. Bìrɛs ìnɛ m̀ɓiì faà ìnɛ̀n, yɛ̀ɛ ri nyoo yɛ̀m ìnɛ ǹɗì ɓiì faà, lɛ ziinɛ yɛ̀ɛ ɓa rì cɛɓ.

ZYAŊ 8:32

Ɓì rì ɓiì yiì saaɗ, saaɗ ànɛ̀n à ghaasì mìni ɓɛ̀kan.

MƐ̀KÌKÌÌ MƐ ƁƐKƐ̀NÌ-FÌTOM 13:33

Bɛ̀ll à roozii wɔ ɓisu wis, ɓɛ tì rì ɓɔn ɓaa, ɓi rìghèmzì ɗi àa ǹghèmzii Yeesus, fɛlɛ yɛ̀ɛ ki ri kìkànɛn ɓi Sam à kìɓɛ̀ɛ̀ lɛ: Ù rì man wɛm̀, mɛ̀ ǹki ɓa soŋì à tumɛ̀n gɛɛ̀nɛ.

RÒMƐŊ 8:3

Bɛ̀ll à kìghà com ki ɓìdɔ̀gsɛna ɓi ɓaghà ɓi ri ìtèɗ wulɛ ɓi ki, ɓisuulɛ rìɓa ɗis ɗi ɓi mɛ̀mùù ɗi kighà lɛ ɓyɛ̀ kɛɛ̀ ɓa ri ìtèɗ, à rèsìghà lɛ kìɓe ki ɓeɓtɛɛ ɓi nyoo ì mɛ̀mùù, yɛ̀ɛ à romgày Man wiì à nyimiɗ, Man ànɛ̀n à teɗ nyoo ìnɛ ì rì com kìfog rì nyoo ì ɓɛ̀kìì-kìɓe, lɛ a yu kì pisii kiɓè.

RÒMƐŊ 9:5

Ɓɛ ri dòò yi ɓɛseŋi ɓis ɓɛ ɓɛsɛ̀ɛ̀mɛn, fɔɔnnɛ Kiris, ɓi rìyalɛ̀n ɗii ɗi ɓi mɛ̀mùù, à rì ɓi boo yàà, nyi ànɛ à teŋmɛɛ à cee ɓyom ɓìcèm, à ki ɓa Bɛ̀ll ànɛ a keŋkem fiɗyàɓ fikɔ̀ɔ̀. Ààmɛ̀n.

1 KƆ̀RƐ̀ŊTYƐŊ 15:47

Mum à ǹtonto à kìlɛ̀ngà rì zi, fɔɔnnɛ à rì miì ŋwaànɛ ɓi ziinɛ; ŋwaà kìɓɛ̀rɛn nyii rii aɗyoo.

2 KƆ̀RƐ̀ŊTYƐŊ 12:9

à ki ɓàg mɛ lɛ: Geesɛ̀n yɛ̀m ì ghɛɛ̀sɛɛ rì wɔ̀ ɓisuulɛ ìtèɗ wɛm̀ wu ti wu resàg lɛ tɛntɛ̀ɛ̀n jàŋ inɛ mum à rì kɛ̀ɛ̀ ìtèɗ. Fɔɔnnɛ ǹɗì ɓiì ɓiisɛɛ min ki woògh kìrɔɔ lɛ nkaakàlɛ̀n rìɓa ɗyɛ̀m ɗi kɛ̀ɛ̀ ìtèɗ lɛ di ìtèɗ wu Kiris wɛɛ saàgh ɓi mɛ̀.

GÀLAT 4:4

Nni yɛ̀ɛ cààmɛ̀n ki Bɛ̀ll nyimiɗ a fèkà ki ghɛɛ̀sɛ̀ngà, nni à romgày Man wiì, à yalɛ̀n ɓi ɗùm ɗi giɓ, à ghɛɓ ɓi rìlàmì ɗi ɓidɔ̀gsɛna ɓi Ɓɛ̀yudɛ̀n,

EFÈZYƐŊ 3:8

Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

KÒLÒSYƐŊ 1:19

Ɓisuulɛ ki kɔngà Bɛ̀ll lɛ a kɔri ɓi nyi, à rongì ɓi nyi lɛ kɔɔ̀kɔɔ̀.

KÒLÒSYƐŊ 2:3

Ɓi Kiris ànɛ̀n nnɛ ìkum wu ɗyomzɛ̀n wùcèm rì wu riyi ɗi ɓiɓan wu ri wù nyamɛn.

KÒLÒSYƐŊ 2:9

Ɓisuulɛ rìɓa ɗìcèm ɗi Bɛ̀ll à rì ɗi yughà kì kɔ̀rii ɓi nyoo ì Kiris lɛ kɔɔ̀kɔɔ̀.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

EBIREEGH 1:3

Man ànɛ̀n à rì cììghziŋ ki rikem ɗi Bɛ̀ll, à ɓa tì syeesyee à kìfèèghrɛnà ki ɓi rìɓa ɗi yɛ̀ɛ Bɛ̀ll à rì, à lènlemi ɓyom ɓìcèm rì jɛ̀ɛ̀ yìì inɛ ì rì rì ìtèɗ. Yɛ̀ɛ à lègsìghà zòghɛ̀n ìnɛ ɓi ɓìɓe ɓi ɓum, fɔɔnnɛ à kɔ̀rìghà ɓi ɗyoo ɓiɗùm, ɓi weèlem à Bɛ̀ll ànɛ à làŋi mɛ̀tèɗ mɛcèm.

EBIREEGH 1:5

Ɓisuulɛ Bɛ̀ll à ka kpaaghà ɓi ŋwaà fìtom adɛŋ lɛ: Ù rì Man wɛm̀, à tumɛ̀n gɛɛ̀nɛ, ǹti soŋì, nsoò lɛ: Mɛ̀ ǹɗì nyi ɓiì ɓaà Seŋi, nyii ɓa mɛ̀ Man.

EBIREEGH 10:5

Kìɓan kiǹ kɛɛ̀ki, yɛ̀ɛ Kiris à ɓaghà di à ti ɓiì yùu ɓi ziinɛ, à kpaaghà rì Bɛ̀ll lɛ: Ù kɔ̀ni ɓi kifùna, nsoò lɛ com ki mum à faa wɔ̀, kìɓan kifog, ù faghà mɛ̀ nyoo.

EBIREEGH 2:11

Ɓisuulɛ rì ǹtɛɛ̀zì ɓum, rì ɓumɓɛ à tɛɛ̀zii ɓɛ fuu yì yɛ̀ɛ mum bog, ɓisu wìn miì nnɛ ki yeesii ɓi nyi lɛ a regi ɓɔ lɛ, ɓɛ̀geni ɓii,

EBIREEGH 5:5

Nsoò Kiris à falɛ̀ngà ɓi nyimiɗ rìgwey ɗi lɛ, a ɓa ǹlàmì-ɓɛ̀pìrɛɛtìrɛ̀. Kìɓan kifog à tekà ɗyɔ rì roànɛ à kpaaghà nyi lɛ: Ù rì Man wɛm̀, à tumɛ̀n gɛɛ̀nɛ ǹti wɔ̀ seŋi.

1 ZYAŊ 4:14

nni ɓìsii ghɛngà, tì ki làalamɓɛ̀n lɛ, Tààta à romgày Man, lɛ a ghɛɓsi ziinɛ.

1 ZYAŊ 4:9

Ǹkɔ̀nɛ̀n à Bɛ̀ll à ghɛnɛ̀ngà a lɔ̀ŋkis ɓi bee inɛ lɛ Bɛ̀ll à romgày m̀bobog wìì a Man ɓi ziinɛ lɛ, ti ɓa rì cɛɓ lɛ nyi.

2 ZYAŊ 1:7

Lɛ ɓɛ̀yègsì-ɓum ɓɛ mɛ sààtɛn ɓi ziinɛ lɛɛ̀gwey; ɓɛ gherɛɛ ɓi lɛ, Yeesus Kiris à yalɛ̀ngà lɔŋ mum. Rìkuu ɗi mum ɗìn ɗi ri ǹ-yègsì-ɓum ɗi ki ɓa ŋwaànɛ a ɗùùɗuu ri Kiris.

ÀPÒKÀLIƁSƐ̀ 19:13

à rì ǹwaatɛn rìga ànɛ à rì bwaɓ ri bwaɓ, à ki rì ɗii lɛ jɛ̀ɛ̀ ì Bɛ̀ll.

ÀPÒKÀLIƁSƐ̀ 21:3

Fɔɔnnɛ ǹwokà di coo jɛ̀ɛ̀ ki riì ɓi-kɔ̀ɔ̀ wu rilàmì, ki kpaakpàà lɛ: Kìnuugh ki Bɛ̀ll kɛɛ̀ki, ǹɗaŋ ɗi ɓum ɓii; à rì ɓiì kɔ̀rii nɗaŋ ɗi ɓɔ, ɓɔɔ ɓa kìlɔ̀ŋ kii; fɔɔnnɛ Bɛ̀ll nyimiɗ a rì ɓiì ɓaà ǹɗaŋ ɗi ɓɔ.