ZYAG 5:20 - Bafia Nouveau Testament

²⁰ yiina lɛ ŋwaànɛ à ɓiì kìi lɛ ǹkìì-kìɓe a pɛsɛn yì ɓi bee inɛ à tɔlɛ̀ngà miì, à kòri ǹghay wu ǹkìì-kìɓe anɛ̀n ɓi rìwu, à ki kì lɛ Bɛ̀ll a cenɛn ǹkun wu ɓiɓe.

ZYAG 5:20 ပူးပေါင်းရင်းမြစ်များ

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

RÒMƐŊ 11:14

Lɛ i bee yàa rì lɛ ì ɓa, ǹkì lɛ ɓumɓɛ ɓi kìlɔ̀ŋ kɛm̀ ɓɛɛ wog yɔ̀ɔ̀tì, di gàɓ ìdɛŋ yɛ̀ɛ ghɛ̀ɓ.

1 KƆ̀RƐ̀ŊTYƐŊ 1:21

Lɛ yɛ̀ɛ ɓumɓɛ ɓi ziinɛ ɓɛ ɓaghà ɓi lɛ ɓɛ yi Bɛ̀ll rì ɗyomzɛ̀n ɗyaa jàŋ inɛ ɗyomzɛ̀n ɗi Bɛ̀ll ɗyɛɛ̀ rèeresɛ̀n, nni Bɛ̀ll à kɔ̀ngà lɛ a ghɛɓsi ɓumɓɛ ɓɛ gherɛɛ nyi, rì kìyèg ki kiɓan ki ɓìsiì làalamɓɛ̀n.

1 KƆ̀RƐ̀ŊTYƐŊ 9:22

Mɛ̀ kɔ̀kɔg ɓi nyìinyìm à ɓumɓɛ ɓɛ ri kɛ̀ɛ̀ ìtèɗ lɛ di nsyoŋ ɓɔ, fɔɔnnɛ ǹghaasìghà mɛ̀ɛmiɗ rikuu ɗi com ɗìcèm ɓi ɓɛg ànɛ a ɓum ɓɛ̀cèm, lɛ nsoò kaa ɓaa la, nsyoŋ gàɓ ìdɛŋ ìnɛ ɓi ɓɔ.

TIMOTE 4:16

Ù konàg lɛ rì wɛ̀ɛmiɗ, rì ɓìɓan ɓi u rèresi ɓum, ù ki sììrɛn miì rì ìtèɗ; ɓisuulɛ i u kìki fɔlɔɔ, ù ɓiì ghɛɓsii lɛ rì wɛ̀ɛmiɗ, rì ɓumɓɛ ɓɛɛ̀ wowog rikpaa ɗyɔɔ.

FILEMƆŊ 1:19

Mɛ̀ Pol yɛɛ kaniì kìɓan kiǹ rì càg kɛm̀ lɛ, ǹɗì wɔ̀ ɓyɔ ɓiì lèɓi; yɛ̀ɛ kɛ̀ɛ n-yiti wɔ lɛ ù rì mɛ̀ rì pon, pon anɛ̀n yɛɛ ri lɛ cɛɓ kɔɔ kɔmiɗ.

ZYAG 1:15

Ɓìɓeɓtàg ɓi ɓɛfèg ɓi mum ɓi nɗem, ɓi ti lɛ i ɓi teri ɗyem, ɓi yay kìɓe; kìɓe ki ɓalàg lɛ i kaa tèɗ, ki yay rìwu.

ZYAG 1:21

Kìɓan kiǹ kɛɛ̀ki ɓì ghɛ̀ɛ̀sɛɛ kì càri ɓiɓan ɓi tifin, rì kìɓe mɛkuu mɛ̀cèm, ɓì teɗ jɛ̀ɛ̀ ìnɛ ì ɓɛ̀lɛ̀ngà ɓi mìni, ìnɛ ì ki rì lɛ ì ghɛɓsì ɓyɛɓ ɓin, rì ǹɗem wu tɛ̀tɛ̀rɛ̀ɛ̀.

ZYAG 5:15

I bɔ̀ŋzɛ̀n ìnɛn ì kìlɛɛ rì ǹtyweeyi ɓi nɗem, ì rì ɓiì ghɛɓsii roròɓ ànɛ̀n, kaa soo rì lɛ à kìghà kìɓe, Bɛ̀ll à cenɛ̀n nyi kɔ.

ZYAG 5:19

Ɓɔɔsoŋ̀ i kìbog ki ɓi mìni ki ɗimgà bee, ki raɓsɛ̀n rì saaɗ, nnɛ ŋwaàdɛŋ à pɛ̀ɛ̀zii yì nyi ɓi syeesyee à bee,

1 PYƐƐRI 4:8

Kìɓan ki asu ki ri lɛ: Ɓaana rì ǹkɔ̀nɛ̀n ànɛ kɛ̀ɛ lɔ̀gtɛn ɓi nyìinyìm wìn, lɛ ǹkɔ̀nɛ̀n à ti à lɔkì ǹkun wu ɓiɓe.

ÀPÒKÀLIƁSƐ̀ 20:6

Ɓumɓɛ ɓɛ ri rì gàɓ ɓi rìghèmɓɛ̀n ɗi ɓiloŋ ɗi ǹtonto, ɓɛ ri ɓɛ̀mààghmaagh, ɓɛ ki ɓa ɓɛtɛnɛn; rìwu ɗi kiɓɛ̀ɛ̀ ɗi yiìdi ri ìtèɗ ɓi ɓɔ; ɓɛ ri ɓiì ɓaà ɓɛ̀pìrɛɛtìrɛ̀ ɓɛ Bɛ̀ll rì ɓɛ Kiris, ɓɛ ki làmi nɗaŋ ɗi nyi bèg tɔɔsìm.