ZYAG 5:16 - Bafia Nouveau Testament

¹⁶ Kìlaaghna lɛ, i wààdɛŋ ù kìi kìɓe, ù rèsì ɓɛ̀goni ɓɛmbog, ɓì ki ɓa ri kìsyɔ̀ɔ̀ ɓi nyìinyìm wìn lɛ ɓi ɓɔŋzag Bɛ̀ll ɓisuu ɓɛgeni ɓin ɓɛ ɓi ghɛghɛɓ ri ɓɔ, fɔɔnnɛ ɓì ɓiì wɔ̀ni. Syeesyee à bɔ̀ŋzɛ̀n à ŋwaànɛ à rì lɛ saaɗ ɓi mis mɛ Bɛ̀ll à ti à ɓalàg rì coo nghɛɓsɛn.

ZYAG 5:16 ပူးပေါင်းရင်းမြစ်များ

MATYOO 21:22

Com kìcèm ki ɓì ɓiì tɔɔ̀gh rì rìgherɛ̀n ɓi bɔ̀ŋzɛ̀n, ɓi ɓiì ɓaà rì kɔ.

MATYOO 3:6

ɓɛ kpakpàg ɓìɓe ɓyaa, Zyaŋ à ki ɓàaɓaɓtì ɓɔ ɓi ǹsyòm wu lɛ Zyuridɛŋ.

MARIKUS 1:5

Ɓum ɓɛ̀cèm ɓɛ ɓi ziì Zyude, rì ɓɛ a Yorisalɛm, ɓɛ pɛɛ̀pɛ̀sɛ̀ngày di ɓɛɛ̀ yùyuiy a lɔ̀ŋkii, nyii ki ɓàaɓaɓtì ɓɔ ɓi ǹsyòm wulɛ Zyuridɛŋ, di ɓɛ mɛ kpàki ɓiɓe ɓyaa.

LUKAS 9:6

Fɔɔnnɛ ɓɛ̀yilàg ɓɛǹ ɓɛ kɛngà, ɓɛ rereni ɓìlɔ̀ŋ di ɓɛɛ̀ kakali ɓum Syeesyee à Ɓɔlɛ, ɓɛ wɔɔ̀wɔ̀ɔ̀zì ɓum jàŋbimiɗ.

ZYAŊ 9:31

Tì yii lɛ Bɛ̀ll à ti kɛ̀ɛ wog bɔ̀ŋzɛ̀n yi ɓɛ̀kìì-kìɓe, kìɓan kifog, à ti à wokì bɔ̀ŋzɛ̀n yi ŋwaànɛ à kuuraagh nyi, à ki kìlag rikɔ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 10:38

Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

MƐ̀KÌKÌÌ MƐ ƁƐKƐ̀NÌ-FÌTOM 19:18

Ɓum lɛɛ̀gwey ɓɛ ɓɛ gherɛ̀ngà ɓɛ yuyùghà kì kpàkpaagh ɓì mis mɛ ɓum, ɓɛ ki rèresi ɓiɓan ɓi ɓeɓtɛn ɓi ɓɛ kighà.

MƐ̀KÌKÌÌ MƐ ƁƐKƐ̀NÌ-FÌTOM 8:24

Nni Simɔn à ɓàkà ɓɔ lɛ: mìniìɓɔmiɗ ɓɔ̀ŋzaghna Bɛ̀ll ɓisu wɛ̀m lɛ, ɓìɓan ɓi ɓì kalii ɓìn ɓyɛ̀ kɛɛ̀ kpaŋ a lɔ̀ŋkɛm̀.

RÒMƐŊ 3:10

Lɔŋ yɛ̀ɛ ki ri kìkànɛn lɛ: Ŋwaà saaɗ à yin lɔŋ nsoò bog,

RÒMƐŊ 5:19

Ɓisuulɛ yɛ̀ɛ ǹtoòtèɗ wu kìbog ki mum ki kighà, wu ghaasìghà ɓum lɛɛgwey ɓɛ̀kìì-kìɓe, mɛ̀wog mɛ m̀bobog à mum à kìghà mɛ ri ɓiì kìi lɛ ɓum lɛgwey ɓɛɛ ɓa lɛ saaɗ ɓi mis mɛ Bɛ̀ll.

KÒLÒSYƐŊ 1:9

Kìɓan kiǹ kɛɛ̀ki ɓìsi girig, à tumɛ̀n ŋwos anɛ tì wokà fɔlɔɔ, tì fɔli ɓi riɓɔ̀ŋzì ɗi Bɛ̀ll ɓisu win, tì tɔtɔ̀g lɛ, a roòzi mìni rì rìyi ɗi ɓiɓan ɓi ɓyɛɛ̀ kɔ̀ngi nyi, à fa mìni ɗyomzɛ̀n ɗìcèm, rì syeesyee à rìwog ànɛ ɓi Nghay wìì.

TÈSÀLÒNÌSYƐŊ 5:17

Ɓì ɓɔ̀ɔ̀ɓɔ̀ŋzì Bɛ̀ll kɛ̀ ɓi fɔy.

TÈSÀLÒNÌSYƐŊ 5:23

Bɛ̀ll ànɛ a falag fyòoog a tɛɛ̀zi mìni nyimiɗ bee yicèm, fɔɔnnɛ a ɓeŋ rìɓa ɗin ɗicèm ɗi lɛ: rì Nghay win, rì ǹɗem win, rì nyoo yìn, kɛ̀ɛ̀ tìfin ɓisuu rìsugtìì ɗi Kan wìs Yeesus Kiris.

TÈSÀLÒNÌSYƐŊ 5:25

Ɓɔɔsoŋ̀, ɓì ɓɔ̀ŋzàg girig ɓisu wis.

EBIREEGH 11:4

Lɛ rìgherɛ̀n nnɛ Aɓɛl à ɓɔgsìghà Bɛ̀ll rì ɓìfùna ɓi ɓi cee ɓi Kaɛŋ; lɛ rìgherɛ̀n ɗii, Bɛ̀ll à kpaaghà Aɓɛl lɛ à rì ŋwaà saaɗ, Bɛ̀ll nyimiɗ a sɛkà rìfa ɗii, ɗyɛɛ kii lɛ a ɓaɓa à tòtòg, nsoò yɛ̀ɛ à mɛ wu.

EBIREEGH 11:7

Lɛ rìgherɛ̀n nnɛ Nowe à kìghà lɛ, yɛ̀ɛ Bɛ̀ll à lokà nyi kì kpaa kìɓan ki ɓɛ ɓaghà di ɓɛ ka ghɛn ɓi, nni à risìghà, à wog rìkpaa ɗi Bɛ̀ll, à toŋ kìkɔm lɛ a ghɛɓsi naa yìì i ɓum; fɔlɔɔ nnɛ rìgherɛ̀n ɗi kighà Nowe lɛ a fa ziinɛ bɛ̀lɛn, à fɔ̀n rìɓa ɗi mum à rì lɛ à ɓa lɛ saaɗ ɓi mis mɛ Bɛ̀ll, lɛ rìgherɛ̀n.

EBIREEGH 12:13

Mɛ̀kòò min mɛɛ nɔɔ̀ti lɔŋ bee yi yi ri lɛ saaɗ di fɔɔnnɛ ìkòò wucèm wu wu ri rì kìlɛm wɛ̀ kɛɛ̀ nìmɓɛn, wɛɛ wɔǹ lɔŋ nwɔ̀nɛn.

EBIREEGH 13:18

Ɓì ɓɔ̀ŋzàg ɓisu wis, lɛ tì konaagh kì yiì lɛ mɛ̀rem mis mɛ ri lɛ sɛɛghi sɛɛghi, rì rìkɔ̀n ɗi lɛ ti ghɛghɛɓ ɓi ɓɛ̀saaɗ ɓi ɓìɓan ɓìcèm.

1 PYƐƐRI 2:24

nyi ànɛ à tɛ̀kà ɓìɓe ɓis ɓi nyoo yìì ɓi kìte aɗyoo lɛ di kɛɛ ɓa lɛ, i tì mɛ wu ɓi san ànɛ a ɓìɓe ɓis, tì ghɛɓ cɛɓ ki ɓumɓɛ ɓɛ ri lɛ saaɗ. Mɛ̀ɓìì mii mɛɛ kighà lɛ ti wɔǹ.

1 ZYAŊ 3:22

À ti à falàg ɓìsi com kìcèm ki tì tɔɔgh nyi ɓisuulɛ, tì ti tì ɓègì ɓìdɔ̀gsɛna ɓii, tì ki kìlag ɓiɓan ɓi ɓyɛɛ̀ kɔ̀ngi nyi.