အွန်လိုင်း သမ္မာကျမ်းစာ

« အရင်

နောက်တစ်ခု »

ZYAG 5:11 - Bafia Nouveau Testament

¹¹ Ghɛɛna, tì ti tì kpaaghì lɛ, ɓumɓɛ ɓɛ siìrɛɛ rì ìtèɗ, ɓɛ ri ɓɛ̀mààghmaagh; ɓì mɛ wog di ɓɛɛ̀ kpaakpaa kinìri ki nɗem ki Zyɔɓ, ɓì ki ghɛngà lèg ànɛ yɛ̀ɛ Kan à kìghà lɛ cɛɓ kii kɛɛ kɛǹ kì syɔnì ɓisuulɛ Kan à rì rì nɗem wu nyìighnyìg lɛɛ̀gwey, rì kìpuɓì ǹɗem.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

ZYAG 5:11
53 ပူးပေါင်းရင်းမြစ်များ

MATYOO 10:22

Ɓum ɓɛ̀cèm ɓɛ ri ɓèèzɛn mini ɓisuu ɗii ɗyɛ̀m; wɔ̀lɛ ŋwaànɛ à sììrɛɛ à kpaŋ a rìsugtɛ̀n nnyɛɛ ɓiì ghɛɛ̀ cɛɓ.

အခန်းကိုကြည့်ပါ။

LUKAS 1:50

ǹɗem wii wu nyìighnyìg wɛɛ ghɛnag ɓi gbàà yìcèm, a ɓumɓɛ ɓɛɛ̀ nìgi nyi.

အခန်းကိုကြည့်ပါ။

LUKAS 11:10

lɛ mum ǹcèm ànɛ à lɔni com, ɓɛ ti ɓɛ falàg nyi kɔ̀, roànɛ à kaa, à ti à tanàg, fɔɔnnɛ roànɛ à ɓoogh naa, ɓɛ ti ɓɛ nɛngì nyi yɔ̀.

အခန်းကိုကြည့်ပါ။

LUKAS 6:36

Ɓaana rì ǹɗem wu nyìighnyìg lɔŋ yɛ̀ɛ Seŋi wìn a rì rì ǹɗem wu nyìighnyìg.

အခန်းကိုကြည့်ပါ။

RÒMƐŊ 2:4

Gìn wɔ̀ɔ sɛɛsɛɛ̀tì lɛ rì coo kìrɔɔ-ǹɗem à Bɛ̀ll rì kìɓìɓi kii ki nɗem, rì kìpuɓì-ǹɗem wìì? Ù yii ɓi lɛ kìrɔɔ-ǹɗem à Bɛ̀ll à ghɛ̀sɛɛ wɔ̀ kì tinii lɛ u lɔɔ̀ghrɛn ǹɗem?

အခန်းကိုကြည့်ပါ။

EFÈZYƐŊ 1:6

lɛ a nyaàsì rìkem ɗi geesɛ̀n yìì inɛ à kìghà ɓìsi ɓi Man wiì à nɗem.

အခန်းကိုကြည့်ပါ။

EFÈZYƐŊ 2:4

Wɔ̀lɛ Bɛ̀ll à rì rì nyìighnyìg yɛ̀ɛ mɛ̀nɔ̀ɓɔ̀ fɔɔnnɛ ɓi coo nkɔ̀nɛ̀n ànɛ à keesìghà ɓìsi rì nyi,

အခန်းကိုကြည့်ပါ။

EBIREEGH 10:39

Ɓìsii yin ɓɛroɓɛ ɓɛ ti ɓɛ sugtàg rì jɛ̀m lɛ ɓɛɛ ɗyaŋ, ɓìsii ri ɓɛ̀roɓɛ ɓɛ gherɛɛ lɛ ɓɛɛ ghɛɓsi ɓyɛɓ ɓyàà.

အခန်းကိုကြည့်ပါ။

EBIREEGH 3:14

Lɛ tì rì ɓum ɓɛ ɓɛɛ̀ kɛ̀ɛ̀kɛɛ nɗaŋ ri Kiris, di tì sììrɛɛ lɛ, ti ɓeŋ̀ ǹtyweeyi wu tì ɓaghà rì wɔ a rìtumɛ̀n.

အခန်းကိုကြည့်ပါ။

EBIREEGH 3:6

Wɔ̀lɛ Kiris à rì rì mɛ̀wog fɛlɛ yɛ̀ɛ Man ànɛ àrì beèbɛ̀y ɓi naa yìì; naa ìnɛ̀n yɛ̀ɛ ri lɛ ɓìsi, i tì ɓèŋi à kpaŋ a rìsugtɛ̀n lɛ rì kɔɔ̀kɔɔ̀ à ǹtyweeyi rì dyàɓɛn inɛ ti saasanɛ̀n.

အခန်းကိုကြည့်ပါ။

ZYAG 1:12

Mààgh rì ŋwaànɛ à ti à nìɗkì nɗem di à tulɛɛ rì mɛ̀fèèghrɛn; ɓisuulɛ i à mɛ ghɛn mɛfèèghrɛn fɔlɔɔ, à rì ɓiì terì tàm à cɛɓ ànɛ Kan à kàkà ɓumɓɛ ɓɛ ti ɓɛ keesàg nyi.

အခန်းကိုကြည့်ပါ။

ZYAG 1:2

Mìni ɓɛ̀geni ɓɛ̀m, terina mɛ̀kuu mɛ mɛtɔɓ mɛ̀cèm mɛ ɓì rì lɛ ɓì tulɛ̀n rì mɔ lɛ mɛ ri kìɓan ki kinyàà ki kɔɔ̀kɔɔ̀,

အခန်းကိုကြည့်ပါ။

1 PYƐƐRI 1:13

Kìɓan kiǹ kɛɛ̀ki, ɓaana rì mɛ̀rem mɛ mɛ ri mɛ̀ɓùŋɛn ɓi kìsay, ɓì kɔ̀rì ɗyomzɛ̀n, ɓì foŋ dyàɓɛn yiǹ bimiɗ ɓi rìfa ɗi ɓɛ ri mìni ɓiì faà ɓi ŋwos anɛ Yeesus Kiris à ɓiì rèsɛɛ.

အခန်းကိုကြည့်ပါ။

1 PYƐƐRI 3:14

I ki kpaŋi gi kɔm̀ lɛ ɓi wog ǹtɔɓ ɓisuu saaɗ, di ɓì rì rì ɓɛ̀mààgh; kɛ̀ ɓi risi ɓum nsoò, kɛ̀ ɓi ki ɓùùsɛn;

အခန်းကိုကြည့်ပါ။

2 PYƐƐRI 2:9

Fɔlɔɔ a rèsii lɛ Kan à yii rìghɛɓsì ɗi ɓumɓɛ ɓɛ falɛɛ ɓi rìgherɛ̀n di ɓɛ ri ɓi mɛ̀fèèghrɛn, à ki ɓoŋzag ɓiɓeɓtàg ɓi ɓum lɛ ɓyɛɛ ɓoŋ yɛ̀ɛ à rì ɓyɔ ɓiì pɔnɔsii ŋwosi ɓɛyɔ̀m ɓii.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ