ZYAG 4:7 - Bafia Nouveau Testament

⁷ Nni càrɛɛnà min mìniìɓɔmiɗ lɛ Bɛ̀ll a lami mìni, ɓì ki cakɛn ɗi mìniìɓɔmiɗ lɛ Satàn kɛ̀ɛ làmi mini, fɔɔnnɛ à rì mìni ɓiì ghɛŋii fìràɓ.

ZYAG 4:7 ပူးပေါင်းရင်းမြစ်များ

MATYOO 11:29

Foŋɗɛɛna ɓi kìɓèg kɛm̀, ɓì nɔ̀ɔ̀tì ɓìɓan ɓi nɗèrèsì, ɓisuulɛ, nɗem wɛ̀m wuri lɛ fyòoog, wu ki ɓa ti wu sɛɛ̀dɛn ɓi zi, fɔɔnnɛ mɛ̀ghay min mɛ̀ ri ɓiì ghɛɛ̀ rìfɔɔsɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 26:19

Rìfòm Agiripa, fɔlɔɔ nnɛ ǹkìghà ɓi ɓɛ̀lɔg ɓi kìɓan ki ki resɛ̀ngày mɛ̀ kiǹ aɗyòò.

MƐ̀KÌKÌÌ MƐ ƁƐKƐ̀NÌ-FÌTOM 9:6

Pɛ̀sɛn aɗyoo, u ɗiŋi ɓi bàn, wɔɔnnɛ ɓɛ ri wɔ̀ ɓiì kpaà com ki ù ghɛ̀ɛ̀sɛɛ kì kìi.

RÒMƐŊ 10:3

Yɛ̀ɛ ɓɛ yighà ɓi lannɛ Bɛ̀ll à ti à kìlàg lɛ mum à ɓa lɛ saaɗ ɓi mis mii, ɓɔɔ kaakàà bee yaa yi ɓɛ ri lɛ ɓɛ ɓa miì lɛ saaɗ ɓi mis mɛ Bɛ̀ll, ɓɛ ɓeǹ kì nɔ̀ɔ̀tii bee inɛ Bɛ̀ll à ti à kìlàg ɓum miì lɛ ɓɛɛ ɓa lɛ saaɗ ɓi mis mii.

RÒMƐŊ 14:11

Lɛ ki ri kìkànɛn lɛ: Kan a kpaaghi lɛ: Ǹɗì cem, ɓum ɓɛ̀cèm ɓɛ ri mɛ̀ ɓiì ɓaàgh mɛ̀ɗu asu, mum bimiɗ à làmɓɛ̀n jɛ̀ɛ̀ aɗyoo lɛ, Bɛ̀ll a teɗ rìkem.

EFÈZYƐŊ 4:27

Kɛ̀ ɓi nɛm Satàn ikɔ̀ɔ̀.

EFÈZYƐŊ 5:21

Ɓaana rì mɛ̀wog ɓi nyìinyìm wìn ɓisuu rinìŋ ɗi ɓì ti ɓì nìgì Kiris.

EFÈZYƐŊ 6:13

Kìɓan kiǹ kɛɛ̀ki ɓì ghɛ̀ɛ̀sɛɛ kì wotii ɓyom ɓi ribaŋì ɓi Bɛ̀ll ɓìcèm, fɔɔnnɛ ɓi ɓa rì ìtèɗ wu cenɛn wɛ̀y, yɛ̀ɛ ŋwos a m̀ɓeɓɛn a ri kpaŋ fɔlɔɔ yɛɛ ri ɓa lɛ, i ɓyàa cee ɓɛ̀koŋnyoo ɓɛ̀cèm, ɓì rɔ̀ɓ mɛ̀rɛy.

EBIREEGH 12:9

Yɛ̀ɛ ɓɛ̀seŋi ɓis ɓɛ ɓi mɛ̀mùù ɓɛ mɓokì ɓìsi tì ki kìki ɓɔ mɛ̀wog, tì ghɛ̀ɛ̀sɛɛ min lɛ tì pɔ̀ɔ̀zì kì woògh Seŋi ànɛ ɓi mɛ̀ghay, lɛ ti ɓa rì cɛɓ.

1 PYƐƐRI 2:13

Rèsiina mɛ̀wog ɓi ɓɛg ànɛ a kìlàmì kìcèm ki ɓum ɓɛ foŋi ɓisuu Kan, nsoò rìfòm ɗyɛ yaa rì, ɓì kì ɗyɔ mɛ̀wog lɛ ɗi ri ǹlàmi àgwey,

1 PYƐƐRI 5:6

Nni sɛɛ̀dɛɛna min mìniìɓɔmiɗ ɓi zi ɓi mis mɛ Bɛ̀ll ànɛ à rì rì ìtèɗ ucem lɛ nyi yɛɛ pɛsi mìni aɗyoo ɓi cààmɛ̀n ki à siŋdɛ̀ngà.