ZYAG 4:1 - Bafia Nouveau Testament

¹ Ɓìɓan ɓi lɛ rì ɓìtùrì rì ɓɛsaaka ɓi ɓaa yì la ɓi nyìinyìm wìn? kaa yin lɛ ɓìɓeɓtàg ɓi ɓiɓan ɓi mìni ɓi mɛ̀rem ɓyɛɛ̀ ɗùuɗuùsì wɛ̀y wiǹ ɓi nyoo yin.

ZYAG 4:1 ပူးပေါင်းရင်းမြစ်များ

MATYOO 15:19

Ɓisuulɛ, ɓìɓeɓtàg ɓi mɛyitì, ri fèg à rìwey ɗi mum, rì tìsɔ̀mɔ̀g, rì cɛɓ ki sààsaa, ri wii, rì rìsasààgh ɗi ɓum ɓìɓan ɓi nyoo, rì tìfena ti Bɛ̀ll, ɓi ti ɓi pɛsàg yì ɓi nɗem wu mum.

ZYAŊ 8:44

Satàn yɛɛ ri seŋi wìn fɔɔnnɛ ɓi kɔ̀nkɔn lɛ di ɓyàa kìi rìkɔ̀n ɗi seŋi wìn. A ɓalag ǹwolì-ɓum à tumɛ̀n a rìtumɛ̀n, à ki ka rɛlìghà ɓi ɓi saaɗ nsoò ŋwos bog, ɓisuulɛ, saaɗ a maà ɓa ɓi a lɔ̀ŋkii; cààmɛ̀n ki a pwààpwaa ɓum, lɔŋ com ki ki riì nyi ɓi nɗem kɛɛ̀ki a kpaakpaa ɓɔ, lɛ à rì pwààpwaà, à ki ɓa ti seŋi ɓɛ̀pwàà.

RÒMƐŊ 7:23

Kìɓan kifog kìdɔ̀gsɛna kidɛŋ ki ri mɛ̀ ɓi ɓìkàɓ, kɛɛ ɗùùɗuu ri ɓìdɔ̀gsɛna ɓi nɗem wɛ̀m wɛɛ̀ sɛsɛ̀g; kɔ yɛɛ ghaasii mɛ̀ ǹkpàn a kìsyɔ̀ɔ̀ ki ki komi kìɓe ki ki ri mɛ̀ ɓi ɓìkàɓ.

RÒMƐŊ 7:5

Lɛ cààmɛ̀n ki tì nɔ̀ɔ̀nɔ̀ɔ̀tìghà cɛɓ ki mɛmùù, zày ìnɛ lɛ ti kiki ɓìɓe ì yeèyèèsìghà ɓìsi nyoo bimiɗ, di ɓìdɔ̀gsɛna ɓi mɛ ghèmzi yɔ̀, lèg ànɛ lɛ ɓìɓan ɓi tì kìkìghà ɓi ɓaghà ɓìɓan ɓi lɛ ti cuù.

RÒMƐŊ 8:7

Ɓisuulɛ ɓìɓan ɓi ɓyɛɛ̀ kɔ̀nkɔn mɛmùù ɓi ri ɓi bènà rì Bɛ̀ll, ɓisuulɛ mɛ̀mùù mɛ gherɛɛ ɓi lɛ ɓìdɔ̀gsɛna ɓi Bɛ̀ll ɓyɛɛ lami mɔ, mɛ ki yin ɗi ìtèɗ wulɛ mɛ gherɛ̀n com yɛ̀ɛ kiǹ.

GÀLAT 5:17

Ɓisuulɛ mɛ̀mùù mɛ ri rì ɓìɓan ɓi ɓyɛɛ̀ kɔ̀ngi mɔ, ɓìɓan ɓiǹ ɓi ɓa ɓì ghasɛn ri ɓi Nghay à Bɛ̀ll a kɔ̀nkɔ̀n. Nghay à Bɛ̀ll à rì rì ɓìɓan ɓi ɓyɛɛ̀ kɔ̀ngi nyi, ɓi ki ɓa ɓi ghasɛn ɗi ɓi mɛ̀mùù mɛɛ̀ kɔ̀nkɔ̀n; mɛ̀kuu mɛ ɓiɓan mɛǹ mɛ ri ɓi wɛ̀y, lèg ànɛ lɛ ɓi yin ɗi ìtèɗ wulɛ ɓi ki com ki ɓì kɔ̀ni.

KÒLÒSYƐŊ 3:5

Wolina ɓìɓan ɓi ɓi zi ɓìcèm ɓi ɓì rì rì ɓyɔ ɓi mìniìɓɔmiɗ, ɓyɛɛ ri lɛ, cɛɓ ki tisɔ̀mɔ̀g, cɛɓ ki tifin, ɗì rìfalɛ̀n ɗi ɓi ɓìɓan ɓi ɓeɓtɛn, rì kìsee ki ikum, kɛɛ ri fɛlɛ yɛ̀ɛ rìɓɔgsì ɗi ɓinùn.

2 TIMOTE 2:23

Ɓèna nyoey yi zɛy rì zɛy yi yi ri kɛ̀ɛ̀-su, ù ki yi lɛ, yi ti yi syogìì ɓɛsaaka.

Kaàtà ànɛ Pol à kàngà TIT 3:3

Ɓisuulɛ ɓìsi girig tì ɓaghà abɛ̀y kɛ̀ɛ̀ ɗyomzɛ̀n, ɓìsi rì ntoòtèɗ, ɓìsi ɓi rìɗim; tì ɓaghà ɓɛ̀kpàn ɓɛ ɓiɓan mɛkuu mɛ̀kuu, ɓi mɛ̀rem mɛɛ̀ kɔ̀ngì rì ɓi ɓyɛɛ̀ yɛ̀ɛ̀yi mɛmùù, tì ghɛghɛ̀ɓ ɓi rìgɛn rì ɓi m̀mììghrɛ̀n, tì ɓeɓèɓ ɓum, tì ki ɓèeɓeèzɛ̀n ɓìsi rì ɓìsi.

Kaàtà ànɛ Pol à kàngà TIT 3:9

Kìɓan kifog, lɛgha nyoey yi kɛ̀ɛ̀-su ɗì rìɓààɓààsì ɗi boo, rì ɓɛsaaka, rì rìkààkàdàg ɓi kìɓan ki ɓidɔ̀gsɛna, ɓìɓan ɓiǹ ɓìcèm ɓi ghɛɓsii ɓi, ɓyɛ̀ kɛɛ̀ ki ɓa com.

ZYAG 1:14

Kìɓan kifog mum bimiɗ à ti à ɓalàg rì mɛ̀fèèghrɛn lɛ ɓìɓeɓtàg ɓi ɓiɓan ɓi ɓyɛɛ̀ kɔ̀nkɔn nyi ɓyɛɛ ti ɓi syogì nyi, ɓi ki teki nyi nɗem.

ZYAG 4:3

Ɓì ti ɓì lɔǹgì, ɓɛ̀ kɛɛ̀ fa mini ɓisuulɛ ɓì ti kɛ̀ ɓi yi rilɔ̀n; ɓyom ɓi ɓì ti ɓì lɔngì, ɓì ti ɓì lɔngì ɓyɔ lɛ ɓi yogsag ɓi rìkìkì ɗi ɓiɓan ɓi ɓeɓtɛn ɓi ɓi ti ɓi rɔɔghì mìni.

1 PYƐƐRI 1:14

Ɓaana ɓɔn ɓɛ mɛwog, kɛ̀ ɓi nɔ̀ɔ̀ti ti ɓìɓeɓtàg ɓi ɓiɓan ɓi ɓi nti ɓi kɔngì mìni, ɓyɛ ɓi ɓì kìkìghà abɛ̀y di ɓì kaka ɓi rìɗim.

1 PYƐƐRI 2:11

Mìni ɓɛ̀geni ɓɛ̀m ɓɛ nɗem, ǹtɔɔgh mìni ɓi rìɓa ɗi lɛ ɓì rì ɓɛ̀kèn ɓɛ ɓɛ ri ɓi rìghaàgh ɓi ziinɛ lɛ ɓi celi ɓìɓan ɓi ɓi ti ɓi yɛɛ̀yì mɛ̀mùù, ɓìɓan ɓiǹ ɓyɛɛ ri ɓi wɛ̀y ri ǹghay wu mum.

2 PYƐƐRI 2:18

Ɓɛ ti ɓɛ kalàg ɓìɓan ɓi ɓidaŋà ɓi ɓi ri kɛ̀ɛ̀ ìsu, ɓɛ ɓaàdɛ̀n ɓi zày ì ɓìɓan ɓi tifin ɓi ɓi mɛ̀mùù lɛ ɓɛɛ yegsi ɓumɓɛ ɓɛ mɛɛ̀ sɔtɛ̀n yi ɓi nyìinyìm à ɓumɓɛ ɓɛɛ̀ ghɛghɛɓ ɓi rìɗim ɓi ɗùm;

2 PYƐƐRI 3:3

Ka looghna kì yiì lɛ, ɓi mɛ̀ru mɛ siitòn, ɓum ɓɛdɛŋ ɓɛ ɓiì pee yì, ɓɛ ghɛghɛ̀ɓ lɔŋ yɛ̀ɛ mɛ̀rem maa mɛɛ̀ kɔ̀nkɔ̀n, ɓɛ wɔwɛ̀y mìni