ZYAG 3:17 - Bafia Nouveau Testament

¹⁷ Ɗyomzɛ̀n ɗi ɗi riì aɗyoo ɗi ka rì ɗì tɛnɛn, ajɛ̀m ìnɛn ɗi ɓa tì lɛ fyòoog, ɗyɛ̀ kɛɛ̀ ròoroòtɛ̀n, ɗi kaaghì lɛ ɓum ɓɛɛ ɓa ɓɛ̀ràrɛn, ɗyɔ ɗìronɛn ri nɗem wu nyìighnyìg, ɗi ki kìlag ɓiɓan ɓi syeesyee, ɗyɛ̀ kɛɛ̀ ɓa ri ǹlànag nsoò tìfyèèrɛnà.

ZYAG 3:17 ပူးပေါင်းရင်းမြစ်များ

MATYOO 23:28

Fɔlɔɔ nnɛ mìnii ri girig ɓɛ̀syeesyee ɓɛ ɓum ɓi rìseèsèèrɛ̀n kìɓan kifog wɔɔ ɓi ɗùm, ɓì rì ɓɛ̀ ronɛn lɛ, rì mɛ̀ghèy rì kìtɛ̀ŋtɛ̀ŋ.

MATYOO 5:8

Mààgh rì ɓumɓɛ ɓɛ ri mɛ̀rem mɛ̀tɛnɛn, lɛ ɓɛ ri ghɛn Bɛ̀ll.

MATYOO 5:9

Mààgh rì ɓumɓɛ ɓɛɛ̀ kìki lɛ, fyòoog a ɓa ɓi nyìinyìm à ɓum, lɛ ɓɛ ri reŋi ɓɔ lɛ ɓɔn ɓɛ Bɛ̀ll.

LUKAS 21:15

ɓisuulɛ mɛ̀ɛmiɗ yɛɛ ri mìni ɓiì faà ǹkpaà rì ɗyomzɛ̀n, ɓi ɓi ri ɓiì yaàgh ɓɛ̀bènàbena ɓin, ɓɛ̀ kɛɛ̀ ghɛɛ̀di ŋwɔm.

LUKAS 6:36

Ɓaana rì ǹɗem wu nyìighnyìg lɔŋ yɛ̀ɛ Seŋi wìn a rì rì ǹɗem wu nyìighnyìg.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 1:47

Yɛ̀ɛ Yeesus à ghɛngà di Natanayɛl a yùyuiy nyi a nyoo nni à kpaaghà lɛ: Natanayɛl à rì kɔɔ̀kɔɔ̀ à muu Isirayɛl ànɛ à yin ɗi mɛ̀ɗyɔg.

MƐ̀KÌKÌÌ MƐ ƁƐKƐ̀NÌ-FÌTOM 11:24

Ɓi saaɗ, Ɓarinaɓas à ɓaghà syeesyee à mum, ǹɗonɛn ɗi Kìtɛntɛ̀ɛ̀n ki Nghay, à ki gherɛn Bɛ̀ll lɛɛ̀gwey, fɔɔnnɛ ɓàlì ì ɓum lɛɛ̀gwey ì nɔ̀ɔ̀tìghà Kan.

MƐ̀KÌKÌÌ MƐ ƁƐKƐ̀NÌ-FÌTOM 9:36

Giɓ adɛŋ yɛɛ ɓaghà ǹgherɛ̀n a Zyope ɗii lɛ Taɓita yɛɛ lɔɔ lɛ Dorikas; à kìkìghà kìrɔɔ lɛɛ̀gwey à ki ghɛɛghɛɓsì ɓum ɓɛ nyìighnyìg.

RÒMƐŊ 12:18

I bee ì rì lɛ ì ɓa, lèg ànɛ yɛ̀ɛ ìtèɗ win wu ri lɛ wu kpaŋ, ɓì ghɛ̀ɛ̀sɛɛ kì ghɛɓì lɛ fyòoog rì ɓum ɓɛ̀cèm.

RÒMƐŊ 12:9

Nkɔ̀nɛ̀n à ghɛ̀ɛ̀sɛɛ kì ɓaà kɛ̀ɛ̀ mɛ̀ghèy azi, ɓì ɓèèzɛ̀n kìɓe, ɓì ki sììrɛn ɓi rìkì ɗi kirɔɔ rì ìtèɗ.

RÒMƐŊ 15:14

Ɓɔɔsoŋ̀, ɓi kìɓan ki ki seesee mìni, mɛ̀ɛmiɗ ǹ-yii kɔɔ̀kɔɔ̀ à rìyi lɛ, ɓì rì ɓɛ̀ronɛn ɗi kìrɔɔ-ǹɗem lɛ pisa, ɓi ki konag ki yiì ɓìɓan ɓi mum à ghɛ̀ɛ̀sɛɛ lɛ a yi; ɓì ki rì rì ìtèɗ wulɛ ɓì reèrèɓɓɛ̀n mìni rì mìni.

1 KƆ̀RƐ̀ŊTYƐŊ 12:8

Lɛ Nghay à ti à falàg ŋwaàdɛŋ ɗyomzɛ̀n, m̀bobog à Ǹghay ànɛ̀n à fa roàmbog ɓìtòkì ɓi riyi ɗi ɓiɓan.

2 KƆ̀RƐ̀ŊTYƐŊ 10:1

Mɛ̀ Pol! ǹtɔɔgh mìni, ɓi tɛ̀tɛ̀rɛ̀ɛ̀ rì syeesyee à ǹɗem à Kiris, mɛ̀ ànɛ ǹti ǹsɛɛ̀dàg mɛ̀ɛmiɗ ɓi zi ɓi mis min, kìɓan kifog, cààmɛ̀n ki ǹɗì mìni fìràɓ, m̀ɓa rì kìghɛɛsii ɓi san wìn lɛɛ̀gwey.

2 KƆ̀RƐ̀ŊTYƐŊ 6:6

Ti rèresi lɛ tì rì ɓɛ̀kìì-ɓìsay ɓɛ Bɛ̀ll, ɓi rìtɛn, ɓi rìyi ɗi ɓiɓan, ɓi kìɓìɓi kis ki nɗem, ɓi kìpuɓì-nɗem ki tì rì rì kɔ, ɓi Kìtɛntɛ̀ɛ̀n ki Ǹghay, rì ɓi nkɔnɛ̀n ànɛ à yin ri mɛ̀ghèy,

2 KƆ̀RƐ̀ŊTYƐŊ 7:11

Ghɛɛna kɔm̀ ɓìɓan ɓi bim inɛ ɓìi nwoogh yɛ̀ɛ kɛɛ̀ kɔ̀ngi Bɛ̀ll ìi nkìi mìni; ghɛɛna rìkuu ɗi ritɔ̀n ɗi ìi faa mìni, ɗì rìkuu ɗi ɓi kpaakpaàsɛ̀n, ɗì rìkuu ɗi ǹ-yeesɛ̀n ɗi ɓì rì rì ɗyɔ ɓi mɛ̀rem, rìkuu ɗi kiɗyɔn ɗi ɓì rèsii, rì coo zày ìnɛ lɛ di ɓyàa ghɛɛ̀dii mɛ̀, ghɛɛna ɓà coo rifalɛ̀n ɗi ɓì ti rì ɗyɔ, rì coo rikɔ̀n ɗi lɛ ɓi pɔnɔsi kìɓe. Ɓìi nɗèsii zàɓ yi aɗyoo yìcèm lɛ ɓìi n-yisɛɛ ɓi ri kìɓan kiǹ.

2 KƆ̀RƐ̀ŊTYƐŊ 9:10

Roànɛ à ti à falàg ǹsalì dɛm boo ì ɓyom, à ki falag ti ɓum ɓìɗilàg ɓi ɓɛɛ ɗi, à rì mìni ɓiì faà boo ì ɓyom à tègsì yɔ̀ à ki kì lɛ, ɓìɗùn ɓi ɓi rìɓòò ɗin ɓyɛɛ teghɛn.

EFÈZYƐŊ 5:9

Kìtɛɛtɛn kìn kɛɛ ti ki falàg ɓum ìtèɗ wulɛ ɓɛɛ rɔɔtɛn nɗem ɓɛ ɓa ɓumɓɛ nkpaà, ɓɛ ki ɓa ɓumɓɛ ɓɛɛ̀ kpaakpaa saaɗ.

FÌLÌPYƐŊ 1:11

ɓì ki ɓa ɓɛronɛn rì mɛ̀kìkìì mɛ saaɗ mɛ mɛ ti mɛ ghɛnàg a lɔ̀ŋkis lɛ Yeesus Kiris ɓisuu rikem, ɗì rìɓɔgsì ɗi Bɛ̀ll.

FÌLÌPYƐŊ 4:8

Ɓi rìsyɔɔ̀dì, ɓɔɔsoŋ̀! com kìcèm ki ki ri kɔɔ̀kɔɔ̀ à com, kìcèm ki ki ri gìn i com, kìcèm ki ki ri lɛ saaɗ, kìcèm ki ki ri kìtɛnɛn, rì kìcèm ki ki ti ki kɔngì ɓum, rì com kìcèm ki ɓum ɓɛ ri lɛ ɓɛ sɛg, com kìcèm ki ki ri rì ɓìsyɔ̀ɔ̀ ɓì syeesyee ki ki ɓa com ki ki ghɛɛ̀sɛɛ ɗì rìkem, ɓyom ɓiǹ ɓyɛɛ ɓa ɓyom ɓi ɓì ghɛ̀ɛ̀sɛɛ kìfèfeegh ɓi mɛ̀rem min.

KÒLÒSYƐŊ 1:10

Fɔɔnnɛ ghɛɓina cɛɓ ki kɛɛ̀ kɔ̀ngi Kan, ɓì kìkì ɓìɓan ɓi ɓi ri lɛ ɓi puɓsì nyi nɗem cààmɛ̀n kìcèm. Wumina ɓìɗùn ɓi ɓyɛɛ ghɛnɛn ɓi mɛ̀kìkìì mɛ syeesyee mɛ̀kuu mɛ̀kuu, ɓì ki tɔɔtɔɔ ɓi rìyi ɗi ɓì yii Bɛ̀ll.

TÈSÀLÒNÌSYƐŊ 2:7

Wɔ̀lɛ tì ghɛɓkà ɓi nyìinyìm wìn rì nɗem wu tɛ̀tɛ̀rɛ̀ɛ̀ lɔŋ yɛ̀ɛ jɛɛ ɓɔn à ti à ɓègì ɓɔn ɓii.

TIMOTE 5:21

M̀ɓɔ̀ŋzaagh wɔ̀ ɓi mis mɛ Bɛ̀ll rì ɓi mis mɛ Yeesus Kiris, rì ɓi mis mɛ ɓum ɓɛ titom ɓɛ ɓɛ ri ɓɛ̀ɓɔ̀nɛn lɛ, u ɓeŋ̀ ɓìɓan ɓi ǹsiitaagh wɔ̀ ɓiǹ, kɔ̀ɔ saa mum ìsu, kɔ̀ɔ ki ɓa ri nɗèè wu nɗem.

2 TIMOTE 2:24

Ǹkìì-kìsay a Kan à ghɛ̀ɛ̀sɛɛ ɓi ki ɓaà mum à ɓɛ̀saaka; à ghɛ̀ɛ̀sɛɛ lɔŋ lɛ a ghɛɓ rì ɓum ɓɛ̀cèm ɓi nkɔ̀nɛ̀n, à ɓa ŋwaànɛ à rì lɛ à rèsàg ɓum ɓìɓan, à ki yi rinìɗ ɗi nɗem.

Kaàtà ànɛ Pol à kàngà TIT 1:15

Com kìcèm ki ri kì tɛnɛn ɓisuu ɓumɓɛ ɓɛ ri ɓɛ̀tɛnɛn, wɔ̀lɛ com kidɛŋ ki yin ki tɛnɛn ɓisuu ɓumɓɛ ɓɛ ri lɛ tɔɔtɔɓki, ɓɛ̀ kɛɛ̀ ɓa ɓɛgherɛ̀n, ɓisuulɛ ɗyomzɛ̀n rì nɗem waa, ɓi ri lɛ tɔɔtɔɓki.

Kaàtà ànɛ Pol à kàngà TIT 3:2

Ɓɛ̀ kɛɛ̀ wɛ̀ɗ mum, ɓɛ ghɛɛ̀sɛɛ kì ɓaà ɓum ɓɛ fyòoog, ɓɛ ɓa rì syeesyee à nɗem, ɓɛ ghɛɓ lɔŋ lɛ fyòoog rì ɓum ɓɛ̀cèm.

EBIREEGH 12:11

Ki ri lɔŋ saaɗ lɛ ǹtɔɓ wucèm wu ti wu lokì kìghɛnɛɛ yɛ̀ɛ kìɓan ki kɛɛ wogsi mum bim, wɛ̀ kɛɛ̀ ɓa kiɓan ki kinyàà, kìɓan kifog, wu ti wu siitàg kì faà ɓìɗùn ɓi cɛɓ ki fyòoog, rì ki saaɗ.

EBIREEGH 12:14

Kaana lɛ ɓi ghɛɓ lɛ fyòoog rì ɓum ɓɛ̀cèm, ɓì ki ɓa ri cɛɓ ki ki ri kìtɛnɛn; lɛ ŋwaànɛ cɛɓ kìn ki ri ɓiì kaarɛɛ a lɔ̀ŋkii, àa ghɛn ɓi Kan.

ZYAG 1:17

Com ki syeesyee kìcèm ki ɓɛ ri lɛ ɓɛ fa ɓìsi, rì rìɓòò ɗìcèm ɗi ɗi rɔɔtɛɛ lɛ kɔɔ̀kɔɔ̀, ɓi ti ɓi ɓalàg yì aɗyoo, yɛ̀ɛ Seŋi ànɛ à rì rì kìtɛɛtɛn, ànɛ à ti kɛ̀ɛ cenɗɛn, nsoò kìfìì ki lɛ à rì lɛ à lɔ̀gtɛ̀n, ki yin a lɔ̀ŋkii.

ZYAG 1:5

I ŋwaàdɛŋ ànɛ ɓi mìni à kaarɛɛ ɗyomzɛ̀n, a tɔg ɗyɔ rì Bɛ̀ll ànɛ à ti à falàg ɓum ɓɛ̀cèm ɗyomzɛ̀n zɛy rì zɛy, rì syeesyee à nɗem, fɔɔnnɛ àrì nyi ɗyɔ ɓiì faà;

ZYAG 2:13

ɓisuulɛ ɓɛ̀yɔ̀m ɓɛǹ ɓɛ ri ɓiì ɓaà kɛ̀ɛ̀ nyìighnyìg ɓisuu ɓɛroɓɛ ɓɛ ɓaghà kɛ̀ɛ̀ ǹɗem wu nyìighnyìg. Nɗem wu nyìighnyìg wu ti wu kilàg lɛ mum a yagsag ɓɛ̀yɔ̀m.

ZYAG 2:4

fɔlɔɔ a rèsii ɓi nya lɛ ɓì foŋi ǹlànag ɓi nyìinyìm wìn rì tì lɛ ɓì rì ɓɛ̀yɔ̀mì-ɓìɓan ɓɛ ɓɛ ri rì ɓìɓeɓtàg ɓi mɛyitì?

ZYAG 3:15

Rìkuu ɗi ɗyomzɛ̀n ɗiǹ ɗi yin ɗyomzɛ̀n ɗi ɗi riì aɗyoo, ɗi ri lɔŋ ɗyomzɛ̀n ɗi ɓi ziinɛ, ɗi mum à mɛ̀mùù, ɗi ki ɓa ɗyomzɛ̀n ɗi ɗi riì yɛ̀ɛ Satàn.

ZYAG 4:8

Tyɛ̀ɛ̀tɛɛna Bɛ̀ll jàŋbog fɔɔnnɛ nyi girig à rì mìni ɓiì yùu jàŋbog, sòona ɓyàg ɓin ɓyɛɛ tɛn, mìni ɓɛ̀kìì-kìɓe, ɓì ki kpɔg mɛrem min, mìni ɓum ɓɛ tyoo tiɓɛɛ̀.

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

1 PYƐƐRI 2:1

Càrina min kiɓeɓtàg ki nɗem bee yicèm, rì ɓɛ̀pwàà, rì mɛ̀ghèy, rì m̀mììghrɛ̀n, rì mɛ̀wɔ̀wɔrì,

1 PYƐƐRI 2:18

Mìni ɓɛ̀kìì-ɓìsay, kìina ɓɛ̀masà ɓin mɛwog rì bɔgsɛ̀n bimiɗ; kɛ̀ ɓi wog lɔŋ lɛ ɓɛ̀roɓɛ ɓɛ rɔɔtɛɛ ǹɗem ɓɛ̀ kɛɛ̀ nyɛn, ɓì ghɛ̀ɛ̀sɛɛ girig kì woògh ɓɛ̀roɓɛ ɓɛ ɓeɓtaagh mɛ̀rem,

1 ZYAŊ 3:18

Mìni ɓɔn ɓɛm, ki ghɛɛ̀sɛɛ ɓi lɛ ti kɛkɛɛgh ǹkɔ̀nɛ̀n wìs ŋwɔm ɗì ŋwɔm; ǹkɔ̀nɛ̀n wìs a ghɛ̀ɛ̀sɛɛ kì ɓaà kɔɔ̀kɔɔ̀ à ǹkɔ̀nɛ̀n ànɛ a rèeresɛ̀n ɓi mɛ̀kìkìì mis.

1 ZYAŊ 3:3

Nni mum ǹcèm ànɛ à rì rì ǹtyweeyi wiǹ yɛ̀ɛ Kiris, à ti à ɓègì nyimiɗ ntɛnɛn fɛlɛ yɛ̀ɛ Yeesus Kiris à rì ǹtɛnɛn.