ZYAG 3:14 - Bafia Nouveau Testament

¹⁴ Wɔ̀lɛ i ɓì rì rì m̀mììghrɛ̀n à m̀ɓeɓtɛn, rì nɗem wu yàaka, kɛ̀ ɓi saasanɛ̀n, nsoò lɛ ɓì kìkì ɓɛ̀pwàà ɓɛ ɓɛ wuɓsɛɛ ɓi saaɗ.

ZYAG 3:14 ပူးပေါင်းရင်းမြစ်များ

MATYOO 27:18

Pilat à tɔkà fɔlɔɔ lɛ à yighà lɔŋ saaɗ lɛ, ɓɛ sɔmɛ̀ngà Yeesus ɓi ǹɗemi-yàaka aɗyoo.

ZYAŊ 16:2

Ɓɛ ri nàɓ mini ɓi naa yi bɔ̀ŋzɛ̀n; cààmɛ̀n ki riì kɔm̀, kɔ yɛɛ ri ɓa lɛ, i mum à woli kìbog ki ɓi mìni, à fèkì lɛ à kìi Bɛ̀ll kìsay.

MƐ̀KÌKÌÌ MƐ ƁƐKƐ̀NÌ-FÌTOM 13:45

Yɛ̀ɛ Ɓɛ̀yudɛ̀n ɓɛ ghɛngà gɛ ɓum ànɛ̀n, nni ǹɗem wu yàaka wu ɓɔkày ɓɔ, ɓɛ tumɛ̀n rìfeèfèngì ɗi Pol di ɓɛɛ̀ sɛɛsɛ̀mgì nyi.

MƐ̀KÌKÌÌ MƐ ƁƐKƐ̀NÌ-FÌTOM 26:9

Ɓi ɓɛg ànɛ a lɔ̀ŋkɛm̀ ǹfèfèkà lɛ, ki ghɛɛ̀sɛɛ lɛ nɗuù rì ɗii ɗi Yeesus ànɛ a Nazarɛt bee yicèm.

MƐ̀KÌKÌÌ MƐ ƁƐKƐ̀NÌ-FÌTOM 5:17

Fɔɔnnɛ ǹkɔ̀m̀ɛn ɓɛ̀pìrɛɛtìrɛ̀ ɓɛgwey, ri ɓumɓɛ à ɓaghà rì ɓɔ, ɓɛ ɓɛ ɓaghà ɓi ǹɗaŋ wu Ɓɛ̀sàdùsyɛŋ ɓɛ wokà bim lɛɛ̀gwey ri ɓɛ̀kɛ̀nì-fìtom.

MƐ̀KÌKÌÌ MƐ ƁƐKƐ̀NÌ-FÌTOM 7:9

Yɛ̀ɛ ɓɛ̀seŋi ɓis ɓɛ ɓɛsɛ̀ɛ̀mɛn ɓɛ ɓaghà rì ǹɗem wu yàaka ri Yoosɛɓ à geni wàà, nni ɓɛ kàɓkà nyi a Egiɓtɛn.

RÒMƐŊ 1:29

Fɔlɔɔ nnɛ ɓɛ ri ɓɛ̀ronɛn ɗi mɛ̀bèe mɛ̀kuu mɛ̀cèm, ɗì rìgɛn, rì zày ì ìkum, rì mɛ̀ghèy; ɓɛ ɓa tì ɓɛ̀ronɛn ri yàaka, ɓɛɛ woowoòsɛ̀n, ɓɔ rì ɓɛ̀paàzì, rì wii wu mɛghèy, ɓɛ keesì cɛɓ ki tisɔ̀mɔ̀g,

RÒMƐŊ 13:13

Tì ghɛ̀ɛ̀sɛɛ kì ghɛɓì cɛɓ ki ki ri lɛ tɛntɛ̀ɛ̀n ki ki ghɛɛ̀sɛɛ rì kìtɛɛtɛn ki ŋwos, tì womzɛ̀n ɗì dili, rì kìɓan ki riceesì ɗi rinɔ ɗi mɛrɔ̀g ɗì tìsɔ̀mɔ̀g, rì cɛɓ ki sààsaa, rì ɓɛ̀paàzì, rì yàaka.

RÒMƐŊ 2:17

Wàànɛ u reeghreŋ̀ɗɛ̀n lɛ muu Ɓɛ̀yudɛ̀n, ù ghɛɛ̀ghɛ̀gmɛ̀n ɓi ɓìdɔ̀gsɛna, ù saàsànɛ̀n lɛ ù rì ɓi rìghan ɗi Bɛ̀ll,

RÒMƐŊ 2:8

Wɔ̀lɛ ɓɛ̀roɓɛ ɓɛ ti ɓɛ kilàg nyi ǹtoòtèɗ, ɓɛ̀ kɛɛ̀ kɔ̀n lɛ ɓɛɛ wog com ki saaɗ a kakàlì, lɔŋ kìtɛ̀ŋtɛ̀ŋ kɛɛ̀ki ɓɔɔ nɔɔ̀nɔ̀ɔ̀tì, Bɛ̀ll à rèsì ɓɔ lɛ, rì bim yiì, ɗì rìbaŋì ɗii.

1 KƆ̀RƐ̀ŊTYƐŊ 13:4

Ǹkɔ̀nɛ̀n à rì rìnìɗ ɗi nɗem, nyi rì kìpuɓì-ǹɗem, kɛ̀ɛ ɓa ri m̀mììghrɛ̀n; ǹkɔ̀nɛ̀n à yin ɗi kalɛn, kɛ̀ɛ ɓa ri kìrèeresɛ̀n.

1 KƆ̀RƐ̀ŊTYƐŊ 3:3

Yɛ̀ɛ ɓì kaka lɛ rì yàaka, rì ɓɛ̀paàzì ɓi nyìinyìm wìn, fɔlɔɔ a yin nya ɓiì rèresii lɛ ɓì rì ɓumɓɛ ɓi mɛ̀mùù, rì tì lɛ, ɓi ghɛghɛɓ lɔŋ yɛ̀ɛ ɓum ɓɛ̀cèm?

1 KƆ̀RƐ̀ŊTYƐŊ 5:2

Ɓìdaŋà ɓyɛɛ̀ɓi ɓì kìkì, kɛ̀ ɓi waatɛn ɓilɛ̀ɓì lɛ di ɓɛɛ pisi ŋwaànɛ àa nkìi kìɓan kiǹ ɓi nyìinyìm wìn.

1 KƆ̀RƐ̀ŊTYƐŊ 5:6

Ɓi kìki ɓidaŋà ɓi zɛy! ɓì yii ɓi lɛ maa nwìɗ lɛsàg à ti à ɓɔgsàg ǹkùŋ wu ɓɛ tɔɓi?

2 KƆ̀RƐ̀ŊTYƐŊ 12:20

Ɓisuulɛ ǹɗì rì mɛ̀riighrikì lɛ yɛ̀ɛ nkpaŋkpaŋ foo, kɛ̀ɛ mɓa lɛ, ǹtanɛ̀n mìni di ɓì yin ɓi nɗɛli wu nkɔ̀nkɔn lɛ ɓi ɓa miì. Nsoò lɛ mìni girig ɓì ghɛn mɛ̀ ɓi rìɓa ɗi ɗyɛ̀ kɛɛ̀ rɔɔ mini; fɔɔnnɛ nɗirisi lɛ: kɛ̀ ɓi ɓa ɓi ɓɛ̀paàzì, rì yɔ̀ɔ̀tì, rì kìnyɛn, rì tìkaŋ ti mɛkɔ̀ɔ̀, rì mɛ̀wɔ̀wɔrì, rì ɓɛ̀ɓɔlɛ, rì kalɛn, rì kìɓùùsì.

GÀLAT 5:15

Nni wɔ̀lɛ, i ɓì ɓaa lɛ ɓì loòlòmɓɛ̀n ɓì ki ɗiiɗilɛ̀n mìni rì mìni, ɓì konàg lɛ kɛ̀ ɓi lègsi ki weesɛɛ, mìni rì mìni.

GÀLAT 5:20

rìɓɔgsì ɗi ɓinùn, majìg, bènà, momɓɛ̀n, m̀mììghrɛ̀n, rìbiìbìmɓɛ̀n, tìkaŋ ti mɛkɔ̀ɔ̀, ǹlànag rì ǹɗèè wu nɗem.

GÀLAT 5:21

Yàaka, rìŋwaŋ ɗi mɛrɔ̀g, dili rì mɛ̀kuu mɛ ɓiɓan mɛ fɔlɔɔ. Yɛ̀ɛ ǹlokà mìni kì kpaà, nni ǹɗɔ̀gsɛɛ tì mìni lɛ: Ɓumɓɛ ɓɛɛ̀ kìki ɓiɓan ɓiǹ, ɓaa ghɛn ɓi kilɔ̀ŋ ki Bɛ̀ll.

GÀLAT 5:26

Tyɛ̀ ki kaakaa rikem ɗi kɛ̀ɛ̀ ìsu, tyɛ̀ ki kaakaa ɓɛ̀paàzì ɓi nyìinyìm wìs nsoò lɛ tì mììghmììghrɛ̀n ɓìsi rì ɓìsi.

GÀLAT 6:13

Lɛ ɓɔmiɗ ɓɛ ɓɛ ri ɓɛ̀n ɓɛ̀kɛ̀rɛn, ɓɛ ti ɓɛ̀ kɛɛ̀ ɓèŋ ɓidɔ̀gsɛna, wɔ̀lɛ ɓɛ ti ɓɛ kɔngì lɛ ɓi kɛrɛn lɛ di ɓɔɔ keŋkem ɓi gòò yìn.

FÌLÌPYƐŊ 1:15

Ki ri lɔŋ saaɗ lɛ ɓɛ̀ro ɓɛdɛŋ ɓɛɛ̀ làalam̀ɓɛ̀n Kiris rì ǹɗem wu yàaka ki ɓa yɛ̀ɛ ɓɛ ri ɓi ǹlog rì mɛ̀, wɔ̀lɛ ɓɛ̀ro ɓɛmbog ɓɛ làalamɓɛ̀n nyi rì ǹɗem wu sɛɛghi sɛɛghi.

FÌLÌPYƐŊ 2:3

Kɛ̀ ɓi kì kiɓan kidɛŋ rì ǹɗem wu kalɛn nsoò lɛ ɓisuu rikem ɗi kɛ̀ɛ̀-su. Wɔ̀lɛ sɛɛ̀dɛɛna mìniìɓɔmiɗ ɓi zi, ɓì teɗ ɓum ɓɛmbog fɛlɛ yɛ̀ɛ ɓɛ ceeghii mìni.

TIMOTE 2:4

ànɛ a kɔ̀ngi lɛ ɓum ɓɛ̀cèm ɓɛɛ ghɛn cɛɓ, ɓɛ kpaŋ ɓi nɗɛli wulɛ ɓɛɛ yi saaɗ.

TIMOTE 6:4

di ɓìdaŋà ɓi roni ŋwaànɛ̀n miì ɓi nɗem, kɛ̀ɛ ki yi com, à rì ŋwaànɛ a roròɓ firoɓ fi lɛ a nyoònyòlɛ̀n di a saasaàkɛ̀n ɓi kìɓan ki mii; jàŋ inɛ̀n yɛ̀ɛnɛ ɓìɓan ɓidɛŋ ɓi ti ɓi fuughàg yì fɛlɛ yɛ̀ɛ m̀mììghrɛ̀n, ɓɛ̀paàzì, mɛ̀wɔ̀wɔrì, kìnɗèmɓàg ki ɓiɓan ɓi ɓeɓtɛn,

Kaàtà ànɛ Pol à kàngà TIT 3:3

Ɓisuulɛ ɓìsi girig tì ɓaghà abɛ̀y kɛ̀ɛ̀ ɗyomzɛ̀n, ɓìsi rì ntoòtèɗ, ɓìsi ɓi rìɗim; tì ɓaghà ɓɛ̀kpàn ɓɛ ɓiɓan mɛkuu mɛ̀kuu, ɓi mɛ̀rem mɛɛ̀ kɔ̀ngì rì ɓi ɓyɛɛ̀ yɛ̀ɛ̀yi mɛmùù, tì ghɛghɛ̀ɓ ɓi rìgɛn rì ɓi m̀mììghrɛ̀n, tì ɓeɓèɓ ɓum, tì ki ɓèeɓeèzɛ̀n ɓìsi rì ɓìsi.

ZYAG 1:18

À faghà ɓìsi cɛɓ ɓi rìkɔ̀n ɗii, rì jɛ̀ɛ̀ yìì i saaɗ lɛ ti ɓa fɛlɛ yɛ̀ɛ ɓìɗùn ɓi ǹtonto ɓi ɓyom ɓi à kìghà.

ZYAG 3:16

Ɓisuulɛ jàŋ bimiɗ ìnɛ m̀mììghrɛ̀n rì nɗem wu yàaka ɓi ri, kìɓùùsì rì ɓìɓeɓtàg ɓi ɓiɓan mɛkuu mɛ̀cèm ɓi ti ɓi ghɛnàg wɔɔ.

ZYAG 5:19

Ɓɔɔsoŋ̀ i kìbog ki ɓi mìni ki ɗimgà bee, ki raɓsɛ̀n rì saaɗ, nnɛ ŋwaàdɛŋ à pɛ̀ɛ̀zii yì nyi ɓi syeesyee à bee,