ZYAG 2:5 - Bafia Nouveau Testament

⁵ Mìni ɓɛ̀geni ɓɛ̀m ɓɛ nɗem wooghna! Bɛ̀ll à ɓɔ̀ngà ɓɛ̀soghàsogha ɓɛ ɓi ziinɛ lɛ ɓɛɛ ɓa ɓɛ̀guŋgum ɓi rìgherɛ̀n ɓɛ ki ɓa ri gàɓ ɓi kìlɔ̀ŋ kii ki à kàkà ɓumɓɛ ɓɛ ti ɓɛ keesàg nyi.

ZYAG 2:5 ပူးပေါင်းရင်းမြစ်များ

MATYOO 11:5

Ɓyɛɛ ri lɛ, ɓɛ̀ɗyaŋɗyàŋ ɓɛ ghɛɛ̀ghɛ̀nɛ̀n, ɓɛ̀lɛnlɛm ɓɛ̀ kɛɛ̀kɛ̀ɛ̀ lɛ syeesyee, ɓɛ̀kukwiy ɓɛ pɛɛ̀zɛ̀n kìɓaà lɛ syeesyee ɓi nyoo yàà, ɓɛ̀lɔlɔg ɓɛ woòghwòòghrɛ̀n, ɓìloŋ ɓi gheèghèmɓɛ̀n, Syeesyee à Ɓɔlɛ à ki kaakalɛ̀n a ɓumɓɛ ɓɛ ri nyìighnyìg.

MATYOO 25:34

Fɔɔnnɛ rìfòm ɗi ɓiì kalii ɓɛroɓɛ ɓi weèlem ɓɛ̀n lɛ: Mìni ɓumɓɛ Seŋi wɛ̀m à màgà, yùunay, ɓi teɗ kìlɔ̀ŋ ki ɓɛ pegsɛ̀ngà ɓìsu win, à tumɛ̀n yɛ̀ɛ ɗyoo rì zi ɓi kilɛ̀ngà.

MATYOO 5:3

Mààgh rì ɓumɓɛ ɓɛ yii lɛ ɓɛ ri nyìighnyìg, ɓi mɛ̀ghay maa ɓisuulɛ kìlɔ̀ŋ ki aɗyoo ki ri ɓisu wàà.

MARIKUS 7:14

Nni Yeesus à reŋìghà tì gùl ì ɓum, à kpaa ɓɔ lɛ: Mìniìcèm ramina mɛ̀reè, ɓi wog com ki ǹkpaakpaa minì.

LUKAS 12:21

Fɔɔnnɛ ki ti ki ghɛnàg yɛ̀ɛ mum ǹcèm ànɛ à ti à taŋzàg gɛ ìkum ɓisu wii cɛ̀ncii, kɛ̀ɛ ɓa ri ìkum ɓisuu Bɛ̀ll.

LUKAS 12:32

Maa kìtuu à jɔ̀ɔ̀ ànɛ, kɔ̀ɔ risi com, lɛ ki kɔngà Tààta wìn lɛ, a fa mìni kìlɔ̀ŋ kii.

LUKAS 16:22

Nni maa nyìighnyìg à mum ànɛ̀n à wughà, ɓum ɓɛ titom ɓɛ teɗ nyi, ɓɛ kɛǹ nyi kì kɔ̀ɔ̀sii jàŋbog rì Abiraham. Yɛ̀ɛ guŋgum anɛ̀n à wughà girig, ɓɛ ɓom̀ nyi.

LUKAS 16:25

Nni Abiraham à ɓàkà nyi lɛ: Man wɛm̀, yiti cààmɛ̀n ki ù wowòkà gàɓ yɔ̀ɔ̀ i kìrɔɔ di ù kaka ɓi cɛɓ, Lazaari nyii wowòkà mɛ̀tɔɓ; nni ɓi cààmɛ̀n ki, nyii ti ɓiì fɔɔfɔɔ̀sɛ̀n fɛ, wɔ̀ɔ̀ wowòg rìkɛŋ.

LUKAS 22:29

Fɛlɛ yɛ̀ɛ Tààta à faghà mɛ̀ rìlàmì ɗi kilɔ̀ŋ kii, fɔɔnnɛ mɛ̀ ǹfaa girig mìni ɗyɔ,

LUKAS 6:20

Fɔɔnnɛ Yeesus à pɛɓsɛ̀ngà ɓɛ̀yilàg ɓii, à kpaa ɓɔ lɛ: Mààgh rì mìni ɓɛ ɓì rì ɓɛ̀soghàsogha ɓisuulɛ kìlɔ̀ŋ ki Bɛ̀ll ki ri kiŋkìn.

ZYAŊ 7:48

Mìnii mɛ ghɛn nya di ǹlàmì àdɛŋ, nsoò lɛ Fàrìzyɛŋ àdɛŋ à gherɛɛ nyi?

MƐ̀KÌKÌÌ MƐ ƁƐKƐ̀NÌ-FÌTOM 7:2

Ityɛn à ɓàg lɛ: Mìni ɓɛ̀geni ɓɛ̀m, rì ɓɛ̀seŋi ɓɛ̀m, ramina mɛ̀ree ɓi konag kìwoògh lɛ: Bɛ̀ll ànɛ à rì ǹkeŋkèmì à rèsɛ̀ngà yɛ̀ɛ Abiraham à seŋi wìs a ǹsɛ̀ɛ̀, cààmɛ̀n ki à ɓaghà a Mɛzopotamii, di à ka kɛn ɓi ki kɔ̀rii a Haraŋ.

RÒMƐŊ 8:17

I tì rì ɓɔn ɓii, tì rì girig rì gàɓ ɓi ɓìrɔɔ ɓi Bɛ̀ll, à kàkà ɓum ɓii; tì ki rì ɓɛ̀roɓɛ ɓɛ ri ɓiì kàɓɓɛɛ ɓirɔɔ ɓìn rì Kiris, lɛ, i ti wowog mɛtɔɓ ǹɗaŋ ɗi nyi, tì ɓiì ɓaà girig rì gàɓ ɓi rìkem ɗìì.

1 KƆ̀RƐ̀ŊTYƐŊ 2:9

Fɛlɛ yɛ̀ɛ ki ri kìkànɛn lɛ: Com ki ɗis ɗi ghɛngà ɓi, com ki ìreè wu wokà ɓi, ki ǹɗem wu mum wu fekà ɓi, Bɛ̀ll à pègsɛ̀ngà kɔ ɓisuu ɓumɓɛ ɓɛ keesii nyi.

2 KƆ̀RƐ̀ŊTYƐŊ 4:15

Lɛ ɓìɓan ɓi ɓìcèm ɓyɛɛ̀ ghɛɛghɛnɛ̀n ɓisu win lɛ yɛ̀ɛ geesɛ̀n ì Bɛ̀ll yɛɛ̀ kɛ̀nkɛn asu ì tèèghtèghɛ̀n, yɛ̀ɛ ki lɛ, ɓum kìtuu ɓɛɛ ɓɔɔ̀ɓɔ̀ŋzì di ɓɛɛ̀ fafa ɓìtògsɛ̀n lɛɛ̀gwey, ɓi rìkem ɗi Bɛ̀ll.

2 KƆ̀RƐ̀ŊTYƐŊ 6:10

ɓɛ soo ri ɓeeɓeɓsì ɓìsi mɛ̀rem, ɓìsii ri lɔŋ kinyàà rì kìnyàà cààmɛ̀n kìcèm, ɓɛ seesèè lɛ tì rì ɓɛ̀soghàsogha, ɓìsii kuùkùmzì ɓum lɛɛ̀gwey, tyàa soo seèsèèrɛ̀n lɛ tì yin ɗi com, tì rì lɔŋ ri ɓyom ɓìcèm.

2 KƆ̀RƐ̀ŊTYƐŊ 8:9

Lɛ ɓì yii nɗem wu geesɛ̀n wu Kan wìs Yeesus Kiris; nyi ànɛ à ɓaghà rì ìkum, à ghaasìghà nyimiɗ soghàsogha lɛ di a kumzi mìni rì kìsoghà kii.

EFÈZYƐŊ 1:18

À lòm mìni kìtɛɛtɛn ɓi mɛ̀rem, lɛ ɓi yi rìkuu ɗi dyàɓɛn ɗi à reŋìghà mìni lɛ ɓi ɓa rì ɗyɔ, ɓì ki yi lèg ànɛ yɛ̀ɛ ɓyom ɓi syeesyee ɓi à nyamgà ɓisuu ɓɛgherɛ̀n ɓi ri ɓì tèghɛn.

EFÈZYƐŊ 3:8

Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

TÈSÀLÒNÌSYƐŊ 2:12

Tì kìghà lɛ tì reɓ mìni, tì fɔɔsì mìni mɛ̀rem, tì ki ɓɔ̀ɔɓɔ̀ŋzì mìni lɛ ɓi ghɛɓ lɔŋ yɛ̀ɛ kɛɛ̀ kɔ̀ngi Bɛ̀ll ànɛ a regi mini lɛ ɓi ɓa rì gàɓ ɓi kìlɔ̀ŋ kii, rì ɓi rìkem ɗii.

2 TÈSÀLÒNÌSYƐŊ 1:5

Kìɓan kiǹ kɛɛ̀ rèresi lɛ, Bɛ̀ll à ti à yɔ̀mgì ɓum yɛ̀ɛ saaɗ à rì. Fɔlɔɔ yɛɛ ɓiì kìi lɛ ɓi ɓa ɓumɓɛ ɓɛ ghɛɛ̀sɛɛ kì terì kìlɔ̀ŋ ki Bɛ̀ll ki ɓi wuwu mɛtɔɓ miì.

TIMOTE 6:18

Kali ɓɔ lɛ, ɓɛɛ kiki kìrɔɔ, ɓɛɛ kum̀ ɓi ɓìsyeesyee ɓi mɛkìkìì, ɓɛ ɓa rì rìɓòò, ɓɛ fafà ɓum ɓyom,

2 TIMOTE 4:18

Kan à rì mɛ̀ ɓiì lɛgsii ɓiɓan ɓi ɓeɓtɛn ɓìcèm, à ki ghɛɓsi mɛ lɛ nɗiŋi ɓi kìlɔ̀ŋ kii ki ki ri aɗyòò. Nyi yɛɛ ghɛɛ̀sɛɛ rì rìkem fìɗyàɓ fikɔ̀ɔ̀. Ààmɛ̀n.

2 TIMOTE 4:8

Nni ɓigomìnɛ, tàm à rìkem ànɛ à rì tàm à saaɗ innɛ m̀ɓoŋɓoŋi, Kan ànɛ à rì ǹ-yɔ̀mì-ɓum ànɛ à rì lɛ saaɗ à rì mɛ̀ nyi ɓiì faà ŋwos anɛ̀n, nni àa mɛ̀ cɛ̀ncɛm nnɛ à rì ɓiì faà, kìɓan kifog à ɓiì faà ɓum ɓɛ̀cèm ɓɛ ɓɛ ɓoŋɓòŋgà rìsugtìì ɗii ri ǹkɔ̀nɛ̀n.

EBIREEGH 11:26

À ghɛn lɛ ǹtoòrìɗ wu Kiris à ghɛ̀ɛ̀sɛɛ kì woògh wu cee coo ikum wu Egiɓtɛn kɛ̀ɛ̀ vèg ɓisuulɛ mis mii mɛ ɓaghà lɔŋ ri mɛ̀lèɓ mɛ mɛ ɓoŋɓòŋgà nyi asu.

ZYAG 1:12

Mààgh rì ŋwaànɛ à ti à nìɗkì nɗem di à tulɛɛ rì mɛ̀fèèghrɛn; ɓisuulɛ i à mɛ ghɛn mɛfèèghrɛn fɔlɔɔ, à rì ɓiì terì tàm à cɛɓ ànɛ Kan à kàkà ɓumɓɛ ɓɛ ti ɓɛ keesàg nyi.

ZYAG 1:16

Mìni ɓɔɔseŋi ɓɛ̀m ɓɛ nɗem, kɛ̀ ɓi pwààrɛn:

ZYAG 1:19

Mìni ɓɛ̀geni ɓɛ̀m ɓɛ nɗem, ɓì ghɛ̀ɛ̀sɛɛ kì yiì fɔlɔɔ. Fɔlɔɔ nnɛ mum bimiɗ à ghɛ̀ɛ̀sɛɛ kì ɓaà lɛ fyɛ̀ɗ lɛ a wog, kɛ̀ɛ fyaŋzi ki tòòghrɛɛ, kɛ̀ɛ ki fyaŋzag ki woògh bim,

ZYAG 1:9

Maaseŋi wìn a rìgherɛ̀n ànɛ à rì soghàsogha, a nyaàrɛn ɗì rìpɛ̀sì ɗi Bɛ̀ll à pɛ̀sii nyi aɗyòò.

1 PYƐƐRI 1:4

ɓisuu mɛwus mɛ mɛ yin lɛ mɛ ɓwɛy, mɛ̀ kɛɛ̀ teɗ tifin nsoò lɛ mɛ womdàg; mɛ̀wus mɛǹ mɛɛ ri mɛ̀ nyamɛn aɗyoo ɓisu wìn,

2 PYƐƐRI 1:11

Fɔlɔɔ anɛ̀n nnɛ rìɗiŋì ɗin ɗi ɓi kìlɔ̀ŋ ki fiɗyàɓ fikɔ̀ɔ̀, ki Kan wìs rì ǹghɛɓsì wìs Yeesus Kiris, ɗi ri ɓiì ɓaà kɛ̀ɛ̀ maa ntɔɓ nsoò lɛsàg.

ÀPÒKÀLIƁSƐ̀ 2:9

Ǹ-yii ǹtɔɓ wu ɓɛɛ̀ kìki wɔ, rì kìsowà kɔɔ, kɔm̀ lɛ ù rì rì ìkum; ǹ-yii lɛ ɓumɓɛ ɓɛɛ̀ reereŋɗɛ̀n lɛ ɓɛ ri Ɓɛ̀yudɛ̀n ɓɛ̀ kɛɛ̀ ki ɓa Ɓɛ̀yudɛ̀n, ɓɛɛ yooyogsì wɔ̀ ɗii; ɓɛ ri lɔŋ ntaŋzɛn wu Satàn.

ÀPÒKÀLIƁSƐ̀ 21:7

Ŋwaànɛ à rì ɓiì yagsaagh nnyɛɛ ri ɓiì fɔ̀ni mɛwus mɛǹ, ǹɗì ɓiì ɓaà Bɛ̀ll wìì, nyii ɓa mɛ̀ man.

ÀPÒKÀLIƁSƐ̀ 3:18

nni ǹɗeɓi wɔ̀ lɛ u lag gol ìnɛ ɗuu ɗi ghaŋzii a lɔ̀ŋkɛm̀, di fɔɔnnɛ u ɓa rì ìkum, ù làg girig ɓìlàà ɓi puɓ lɛ u waàtɛn ɓyɔ, di ǹtoòrìɗ wɔɔ wulɛ ù rì kìtòn zɛy wɛ̀ kɛɛ̀ ghɛnɛn; ù ki làg boòboo ìnɛ lɛ u foŋɗɛn ɓi mis di fɔɔnnɛ u ghɛnɛn.