ZYAG 2:21 - Bafia Nouveau Testament

²¹ Abiraham à seŋi wìs a ghɛnɛ̀ngà lɛ saaɗ ɓi mis mɛ Bɛ̀ll ɓi mɛ̀kìkìì lɛ à fùnɛ̀ngà Isag à man wiì ɓi rìkùna ɗi ɓɛɛ̀ tɔ̀ngi ɓyom ɓi ɓɛɛ ɓɔgsi Bɛ̀ll rì ɓyɔ miì.

ZYAG 2:21 ပူးပေါင်းရင်းမြစ်များ

MATYOO 12:37

Lɛ ɓìtòkì ɓyɔɔ ɓyɛɛ ri ɓiì kìi lɛ u kpaŋ ɓɛ̀yɔ̀m kɛ̀ɛ̀ bɛ̀lɛn, nsoò lɛ u kpi ɓɛ̀yɔ̀m.

MATYOO 3:9

Kɛ̀ ɓi fèg lɛ, lɔŋ rìkpaa ɗi lɛ, Abiraham à rì seŋi wìs ɗi ghɛɛ̀sɛɛ. Ǹkalii mìni lɛ: Bɛ̀ll à rì lɛ à ghaasì gɔ̀g yi ɓɔn ɓɛ Abiraham.

LUKAS 1:73

lɔŋ yɛ̀ɛ nyimiɗ à kànɛ̀ngà bɛ̀ɗ, ɓi ǹkàg wu à faghà Abiraham à seŋi wìs à ǹsɛ̀ɛ̀

LUKAS 16:24

Fɔɔnnɛ à nyàmgà jɛ̀ɛ̀ aɗyòò lɛ: Tààta Abiraham, wogha ɓà mɛ nyìghnyìg, u rom yì Lazaari, a nɔg yì manàcàg ɓi mɛ̀nig, a yɔɔ̀si mɛ̀ ɓi rìlemàg, di ɗyɛɛ ki yɛ̀ɛ ɗi fɔli, lɛ ǹwowog rikɛŋ lɛɛ̀gwey ɓi ɗuu ɗì.

LUKAS 16:30

Fɔɔnnɛ guŋgum a kpaatìghà lɛ: Tààta Abiraham: Èe èe! Lɔŋ i mum à pɛ̀sɛɛ fɛ a nyɔ̀ɛ̀y à kɛ̀n a lɔ̀ŋkaa, fɔɔnnɛ ɓɛ ri ɓiì lɔ̀ɔ̀ghrɛɛ mɛrèm.

ZYAŊ 8:39

Nni ɓɛ ɓakà nyi lɛ: Abiraham yɛɛ ri seŋi wìs. Yeesus à kpaa ɓɔ lɛ: I ki ri saaɗ lɛ ɓì rì ɓɔn ɓɛ Abiraham, kìina min ɓiɓan ɓi nyii kighà.

ZYAŊ 8:53

Wɔ̀ yɛɛ cee Abiraham à seŋi wìs anɛ à wughà? Rì ɓɛ̀kpaŋzì-ɓìɓan ɓɛ ɓɛ cuughà girig? Wɔ̀ɔ fèfeg lɛ ù rì cɛ?

MƐ̀KÌKÌÌ MƐ ƁƐKƐ̀NÌ-FÌTOM 7:2

Ityɛn à ɓàg lɛ: Mìni ɓɛ̀geni ɓɛ̀m, rì ɓɛ̀seŋi ɓɛ̀m, ramina mɛ̀ree ɓi konag kìwoògh lɛ: Bɛ̀ll ànɛ à rì ǹkeŋkèmì à rèsɛ̀ngà yɛ̀ɛ Abiraham à seŋi wìs a ǹsɛ̀ɛ̀, cààmɛ̀n ki à ɓaghà a Mɛzopotamii, di à ka kɛn ɓi ki kɔ̀rii a Haraŋ.

RÒMƐŊ 3:20

Ɓisuulɛ ŋwàdɛŋ àa ghɛnɛn ɓi lɛ saaɗ ɓi mis mɛ Bɛ̀ll, lɛ à ɓègà ɓìɓan ɓi ɓìdɔ̀gsɛna ɓyɛɛ̀ kpaakpàà; ɓìdɔ̀gsɛna ɓyɛɛ̀ ghɛɛghɛɓsì lɔŋ mum lɛ a yi lɛ à kìi kìɓe.

RÒMƐŊ 4:1

Cɛ kɛɛ̀ki tì rì lɛ tì kpaatì min ɗi Abiraham à seŋi wìs a ǹsɛ̀ɛ̀ ànɛ ɓi mɛ̀mùù? Cɛ kɛɛ̀ki à fɔ̀ngà?

RÒMƐŊ 4:12

À rì tì girig seŋi ɓumɓɛ ɓɛ ri ɓɛ̀kɛ̀rɛn, ɓɛ ɓɛ rɔɓi ɓi lɔŋ lɛ kɛ̀rɛ̀n nyi rì nyi, kìɓan kifog ɓɛ ɓɛɛ̀ nɔ̀ɔnɔɔ̀tì kìfèèghrɛnà ki righerɛ̀n ɗi Abiraham à seŋi wìs a ɓaghà rì ɗyɔ, di à ka kɛrɛn ɓi.

RÒMƐŊ 4:16

Fɔlɔɔ nnɛ ǹkàg wu falɛ̀ngà lɛ rìgherɛ̀n lɛ di wɛɛ ɓa yɛ̀ɛ rìɓòò ɗi Bɛ̀ll à kìi ɓum zɛy rì zɛy, wu ɓa ɓisuu dòò yi Abiraham yìcèm, wɛ̀ kɛɛ̀ ɓa lɔŋ lɛ ɓisuu dòò yi yɛɛ̀ ɓèŋɓeŋ ɓidɔ̀gsɛna; wu ɓa tì girig ɓisuu ɓɛroɓɛ ɓɛ gherɛɛ lɔŋ yɛ̀ɛ Abiraham à seŋi wìs a ɓɛ̀sɛ̀ɛ̀ ɓɛ̀cèm à gherɛ̀ngà, lɔŋ yɛ̀ɛ ki ri kìkànɛn lɛ:

EBIREEGH 11:17

Lɛ rìgherɛ̀n innɛ Abiraham à fùnɛ̀ngà Isag di Bɛ̀ll à fèèghrɛɛ nyi; m̀bobog wìì a man nnɛ à fùnɛ̀ngà lɔɔ, kɔlɛ rì nyi nnɛ Bɛ̀ll à faghà ǹkàg.

ZYAG 2:18

Kìɓan kifog ŋwaàdɛŋ à rì lɛ à kpaa lɛ: Wɔ̀ɔ̀ rì rì rìgherɛ̀n, mɛ̀ rì mɛ̀kìkìì; rèsi mɛ̀ rìgherɛ̀n ɗyɔɔ ɗi ɗi ri kɛ̀ɛ̀ mɛ̀kìkìì, mɛ̀ɛ nɗesi wɔ̀ ɗiŋkɛ̀m ɓi mɛ̀kìkìì mɛm̀.

ZYAG 2:24

Ɓì ghɛɛ min lɛ mum à ti à ghɛnàg lɛ saaɗ ɓi mis mɛ Bɛ̀ll lɛ mɛ̀kìkìì mii, àa lɛ rìgherɛ̀n ɗyɔ rì ɗyɔ.