ZYAG 1:4 - Bafia Nouveau Testament

⁴ kìɓan kifog, ki ghɛɛ̀sɛɛ lɛ rìnìɗ ɗin ɗi nɗem ɗyɛɛ ki ɓìɓan ɓi ɓi rɔɔtɛɛ lɛ kɔɔ̀kɔɔ̀, di fɔlɔɔ nnɛ ɓi ɓa ɓumɓɛ ɓɛ kii lɛ, ɓɔ kɛ̀ɛ̀ bɛ̀lɛn nsoò bog, ɓɛ ki ɓa ɓɛronɛn ɗi ɓìɓan ɓìcèm, com ki ki kaarɛ̀n ɓɔ, kɛ̀ kɛɛ̀ ɓa.

ZYAG 1:4 ပူးပေါင်းရင်းမြစ်များ

MATYOO 10:22

Ɓum ɓɛ̀cèm ɓɛ ri ɓèèzɛn mini ɓisuu ɗii ɗyɛ̀m; wɔ̀lɛ ŋwaànɛ à sììrɛɛ à kpaŋ a rìsugtɛ̀n nnyɛɛ ɓiì ghɛɛ̀ cɛɓ.

MATYOO 19:20

Dɛlì ì mum ìnɛ̀n ì kpaa Yeesus lɛ: M̀mɛ ɓèŋ ɓidɔ̀gsɛna ɓiǹ ɓìcèm nni cɛ kidɛŋ kɛɛ̀ki ǹghɛ̀ɛ̀sɛɛ tì kì kiì?

MATYOO 5:48

Ɓaana min ɓɛsyeesyee ɓɛ ɓum lɛ kɔɔ̀kɔɔ̀ lɔŋ yɛ̀ɛ Tààta wìn anɛ à rì aɗyoo nyii ri.

MARIKUS 10:21

Nni Yeesus à seesèèghà ŋwaànɛ̀n à keesì nyi, fɔɔnnɛ à kpaaghà min nyi lɛ: Com kɛɛ̀ ka kaakaàrɛ̀n wɔ̀ kìfog, kɛɛ ri lɛ, u kɛǹ, u kaɓ ɓyom ɓyɔɔ ɓìcèm, u kaɓsi mɔ̀ɔ̀ni mɛ miì rì ɓɛ̀soghàsogha, fɔɔnnɛ ù ɓiì ɓaà rì ìkum ɓi kìlɔ̀ŋ ki aɗyòò; ajɛ̀m ìnɛn, u yu, u nɔɔ̀ti mɛ̀.

LUKAS 18:22

Yɛ̀ɛ Yeesus à wokà rìɓàg ɗii ɗiǹ, nni à kpaaghà nyi lɛ: Com kɛɛ̀ ka kaakaàrɛ̀n wɔ̀ kìfog. Kɛ̀na u kaɓ ɓyom ɓìcèm ɓi ù rì rì ɓyɔ, u kaɓsi mɔ̀ɔ̀ni mɛ miì rì ɓɛ̀soghàsogha, fɔlɔɔ nnɛ ù ɓiì ɓaà rì ìkum aɗyòò, di u yuiy min u nɔɔ̀ti mɛ̀.

LUKAS 21:19

Kìsììrì kin kɛɛ ri ɓiì kìi lɛ ɓi ghɛɓsi ɓyɛɓ ɓin.

LUKAS 8:15

Boo ìnɛ ì kpìghà ɓi zi i m̀fɔmɛn yɛ̀ɛ ri fɛlɛ yɛ̀ɛ ɓɛ̀roɓɛ ɓɛ ti ɓɛ wokì jɛ̀ɛ̀ ì Bɛ̀ll syeesyee à rìwog, ri mɛ̀rem mɛ syeesyee mɛ mɛ ki rì mɛ̀tɛnɛn, ɓɛ ɓeŋ̀ yɔ̀, ɓɛ ki wum ɓiɗùn lɛ kìsììrì kaa.

ZYAŊ 17:23

Mɛ̀ ɓi ɓɔ, wɔ̀ ɓi mɛ̀, lɛ di ɓɛɛ ɓa ɓɛ̀ràrɛn lɛ kɔɔ̀kɔɔ̀ kìbyɔg kìfog, ziinɛ ì ki yi lɛ wɔ̀ yɛɛ romgày mɛ̀, nni ǹkeesìghà ɓɔ yɛ̀ɛ wɔ̀ɔ̀ keesìghà mɛ̀.

1 KƆ̀RƐ̀ŊTYƐŊ 2:6

Kɔlɛ ɗyomzɛ̀n ɗidɛŋ ɗyɛɛ̀ɗi ɓìsiì rèresi ɓɛ̀kìristɛ̀n ɓɛ ɓɛ mɛ kadɛ̀n; ɗyomzɛ̀n ɗiǹ ɗi yin ɗyomzɛ̀n ɗi ɓi ziinɛ, nsoò lɛ ɗi mɛfòm mɛ ɓi ziinɛ, mɛ mɛɛ ɓiì ɓaà mɛ̀tììsiyɛn.

GÀLAT 6:9

Nni tyɛ̀ ki fwɛy rikì ɗi kirɔɔ, lɛ i tì fɔli ɓi jàŋ ri jàŋ, tì rì ɓiì saŋì mɛ̀saŋ ɓi cààmɛ̀n ki ki ghɛɛ̀sɛɛ.

KÒLÒSYƐŊ 4:12

Epafiras à maaseŋi wìn à tògsii yì mìni, à rì ǹkìì-kìsay a Yeesus Kiris ànɛ à fɔli ɓi riɗùù ɓi bɔ̀ŋzɛ̀n ɓisu wìn, lɛ ɓi ɓa ɓɛ̀sììrɛn, ɓì ɓa ɓɛ̀syeesyee ɓɛ ɓum, ɓì ki gherɛn rikɔ̀n ɗi Bɛ̀ll syeesyee à rìgherɛ̀n.

TÈSÀLÒNÌSYƐŊ 5:23

Bɛ̀ll ànɛ a falag fyòoog a tɛɛ̀zi mìni nyimiɗ bee yicèm, fɔɔnnɛ a ɓeŋ rìɓa ɗin ɗicèm ɗi lɛ: rì Nghay win, rì ǹɗem win, rì nyoo yìn, kɛ̀ɛ̀ tìfin ɓisuu rìsugtìì ɗi Kan wìs Yeesus Kiris.

2 TIMOTE 3:17

lɛ mum à Bɛ̀ll a ɓa m̀pègsɛn lɛ kɔɔ̀kɔɔ̀, à ki ɓa ri bee inɛ lɛ a ki ɓìɓan ɓi syeesyee.

EBIREEGH 13:21

a fa mìni ìtèɗ wulɛ ɓi kiki ɓìɓan ɓi syeesyee lɛ ɓi roòzi rikɔ̀n ɗii; a ki lɛ, ɓìɓan ɓi ɓyɛɛ̀ rɔɔghi nyi ɓyɛɛ ghɛnɛn ɓi ɓìsi lɛ Yeesus Kiris ànɛ à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀ ri fìɗyàɓ fikɔ̀ɔ̀ Ààmɛ̀n.

ZYAG 1:5

I ŋwaàdɛŋ ànɛ ɓi mìni à kaarɛɛ ɗyomzɛ̀n, a tɔg ɗyɔ rì Bɛ̀ll ànɛ à ti à falàg ɓum ɓɛ̀cèm ɗyomzɛ̀n zɛy rì zɛy, rì syeesyee à nɗem, fɔɔnnɛ àrì nyi ɗyɔ ɓiì faà;

ZYAG 3:2

Ɓìsiìcèm tì ti tì sɛ̀ràg ɓìɓan bee lɛɛ̀gwey; i mum à ka nɛskà ɓi jɛ̀ɛ̀ di a tòtòg, di mum ànɛ̀n miì à rì lɛ sɛɛghisɛɛghi, à ki yi riɓan ɗi nɗem lɛ a lami nyoo yìì.

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.

2 PYƐƐRI 1:9

Kìɓan kifog, ŋwaànɛ à tàŋi ɓìɓan ɓiǹ à rì ɗyaŋɗyàŋ ànɛ a mɔmɔɓ m̀mɔmɔɓɛn, à ɗimzɛ̀n lɛ ɓìɓe ɓii ɓi abɛ̀y ɓi ti ɓì sòòyɛn.