ZYAG 1:3 - Bafia Nouveau Testament

³ ɓì ki yi lɛ, cààmɛ̀n kìcèm ki rìgherɛ̀n ɗin ɗi tulɛɛ rì mɛ̀fèèghrɛn, ki ri ɓiì kìi lɛ ɓi ɓa rì kìnìri ki nɗem;

ZYAG 1:3 ပူးပေါင်းရင်းမြစ်များ

LUKAS 21:19

Kìsììrì kin kɛɛ ri ɓiì kìi lɛ ɓi ghɛɓsi ɓyɛɓ ɓin.

RÒMƐŊ 15:4

Kɔlɛ ɓìɓan ɓìcèm ɓi ɓɛ lokà kìkàni, ɓi kanɛ̀ngà ɓisuulɛ ɓyɛɛ fa ɓìsi ɗyomzɛ̀n, lɛ di ti ɓa rì dyàɓɛn ɓi bee ì rìnìɗ ɗi nɗem, rì rìfɔɔsì ɗi nɗem ɗi mɛ̀kànì mɛ ti mɛ falàg.

RÒMƐŊ 2:7

Fɔlɔɔ nnɛ ɓumɓɛ ɓɛ siìrɛ̀ngà ɓi rìkì ɗi kirɔɔ, ɓɛ kaakàà rìkem ɗi yɛ̀ɛ Bɛ̀ll, rì ǹnyàasɛ̀n, rì cɛɓ ki kɛ̀ kɛɛ̀ lèg, Bɛ̀ll fa ɓɔ cɛɓ ki fiɗyàɓ fikɔ̀ɔ̀.

RÒMƐŊ 8:25

Wɔ̀lɛ i ti ɗyàaɗyaɓɛ̀n com ki tì ghɛɛ ɓi, tì rì kɔ ɓiì ɓoŋɓoŋi ri kìsììrì.

RÒMƐŊ 8:28

Tì ki yii girig lɛ ɓìɓan ɓìcèm ɓi ti ɓi syɔngì ɓi kìrɔɔ ki ɓumɓɛ ɓɛ keesii Bɛ̀ll, ɓumɓɛ̀n ɓɛɛ̀ɓɛ à rèŋìghà lɔŋ yɛ̀ɛ nɗem wii wu ghɛngà lɛ a reŋi ɓɔ.

2 KƆ̀RƐ̀ŊTYƐŊ 4:17

Ɓisuulɛ mɛ̀tɔɓ mɛ tì ti tì wokì ɓi maa cààmɛ̀n mɛ ri lɛ fɛnfɛn di ù fèegh mɔ rì mɛ̀nɔ̀ɓɔ̀ mɛ rikem ɗi fiɗyàɓ fikɔ̀ɔ̀ ɗi mɛ̀tɔɓ mɛ̀n mɛɛ̀ ɓùuɓuŋɛ̀n ɓisuu wis.

KÒLÒSYƐŊ 1:11

Ɓaana rì ìtèɗ, ɓɛ̀ɓɛg ɓɛ̀cèm, ìtèɗ win wu ɓa wu ɓi rìkem ɗii, fɔɔnnɛ ɓì ɓiì ɓaà rì kìsììrì, ɓì ki yi rinìɗ ɗi nɗem lɛ kɔɔ̀kɔɔ̀.

2 TÈSÀLÒNÌSYƐŊ 1:4

Fɔlɔɔ nnɛ ti kaakalɛ̀n Ɓìseŋi ɓi ɓɛgherɛ̀n Bɛ̀ll rìɓa ɗin, ɓisuu kisììrì kin, rì rìgherɛ̀n ɗin ɓi mɛ̀tɔɓ mɛ̀cèm, rì rìkɛŋ ɗìcèm ɗi ɓi wowòg ɓì ki nìniɗ mɛrem.

2 TÈSÀLÒNÌSYƐŊ 3:5

Kan a ki lɛ mɛ̀rem min mɛɛ tiŋi ɓi nkɔ̀nɛ̀n à Bɛ̀ll, rì rìnìɗ ɗi nɗem ɗi Kiris a falàg.

EBIREEGH 10:36

Ki ghɛɛ̀sɛɛ lɛ ɓi ɓa rì kìsììrì, di fɔɔnnɛ ɓi roòzi rìkɔ̀n ɗi Bɛ̀ll, ɓì teɗ min com ki à kàkà mìni.

EBIREEGH 12:1

Nni fɔɔnnɛ ɓìsi girig, yɛ̀ɛ tì ti ɓɛ̀rìɓiyɛn ri ǹkun wu ɓɛwusìnɛ̀ɗ yɛ̀ɛ wu, tì ghɛ̀ɛ̀sɛɛ min ki càri com kìcèm ki ki ri ɓìsi ǹtɛ̀g, rì kìɓe ki ki ti kɛ̀ kɛɛ̀ tɔg ɓisi kìlaataagh, tì sììrɛ̀n ɓi mɛ̀ree mɛ ɓɛɛ̀ tɔtɔg ɓisi lɛ ti ghɛŋì.

EBIREEGH 6:12

ɓi lèg ànɛ lɛ kɛ̀ ɓi rɛ̀gsi nyoo, ɓi nɔɔ̀ti lɔŋ ikòò wu ɓɛroɓɛ ɓɛ gherɛɛ, ɓɛ ki ɓa ri kìsììrì; ɓɛɛ ti ɓɛ tekì ɓìɓan ɓi Bɛ̀ll à kàkà lɛ rìkì ɗyaa ɗiǹ.

1 PYƐƐRI 1:7

Mɛ̀tɔɓ mɛ̀n mɛɛ̀ fèeghfeèghrɛ̀n rìgherɛ̀n ɗin ɗi ɗi ri gìn i com ìnɛ ì cee gol kɛ̀ɛ̀ vèg; gol ì rì com ki ki ri lɛ ki ɗyoŋ, nsoò fɔlɔɔ ɓɛ ti ɓɛ fogì gol ɓi ɗuu lɛ ɓɛɛ ghɛǹ yɛ̀ɛ ì rì; fɔlɔɔ nnɛ ìtèɗ wu righerɛ̀n ɗin ɗi ɓɛɛ̀ fèefeèghrɛ̀n wu ɓiì ɓaà kìɓan ki mɛsɛɛ̀ghsɛɛgh, ɗì rìkem, ɗì ǹnyaasɛ̀n ɓisu win ŋwos anɛ Yeesus Kiris, à ɓiì rèsɛɛ.

2 PYƐƐRI 1:6

ɓi rìyi ɗìn aɗyoo, ɓì ɓɔ̀ɓtɛ̀n tì rìnìɗ ɗi nɗem; ɓi rìnìɗ ɗi nɗem ɗìn, ɓì sagtɛ̀ntì kìsììrì; ɓi kìsììrì kiǹ, ɓì foŋdì rìfalɛ̀n ɗi ɓi rìgherɛ̀n;