ZYAG 1:25 - Bafia Nouveau Testament

²⁵ Kìɓan kifog, i mum à sìŋii ɓìdɔ̀gsɛna ɓi ɓi rɔɔtɛɛ lɛ kɔɔ̀kɔɔ̀, ɓi ɓyɛɛ̀ foŋfoŋ mum ɓi-kɔ̀ɔ̀ wu rikan, à ki sììrɛn, àa ɓi rìwowòg ɗi lɛ i à woogh, à ɗimzɛ̀n, lɔŋ ɓi rìkìkì ɗi ɓiɓan ɓi miì rì ìtèɗ, ŋwaànɛ̀n yɛɛ ri ɓiì woògh kìrɔɔ ɓi rìkì ɗii ɗiǹ.

ZYAG 1:25 ပူးပေါင်းရင်းမြစ်များ

LUKAS 11:28

Wɔ̀lɛ Yeesus à ɓàkà nyi lɛ: Ɓumɓɛ ɓɛɛ̀ kìki lɛ, ɓɛ wowòg jɛ̀ɛ̀ ì Bɛ̀ll ɓɛ ki ɓèŋɓeŋ yɔ̀, ɓɛɛ ri kom̀ ɗì ɓɛ̀mààgh.

ZYAŊ 13:17

I ɓì yii ɓìɓan ɓiǹ, di ɓì rì ɓɛ̀mààghmaagh, nni kɛɛ̀ tɔtɔg lɛ ɓi ki ɓyɔ̀.

ZYAŊ 8:36

Fɔɔnnɛ i Man yɛɛ ghaasii mìni ɓɛ̀kan, ɓì ɓa ɓɛ̀kɔɔ̀kɔɔ̀ ɓɛ ɓɛ̀kan.

MƐ̀KÌKÌÌ MƐ ƁƐKƐ̀NÌ-FÌTOM 13:43

Yɛ̀ɛ rìghàdà ɗi lekà, Ɓɛ̀yudɛ̀n lɛɛ̀gwey rì ɓum ɓɛ zɛy ɓɛ ɓɛ ɗiŋìghà ɓi rìgherɛ̀n ɗi Ɓɛ̀yudɛ̀n ɓɛ nɔɔ̀tìghà Pol ɓɛɛ̀ Ɓarinaɓas, ɓɛ̀roɓɛ̀n ɓɛ kuùkùrɛ̀n ɗì ɓɔ, ɓɛ teètèèsì ɓɔ nyoo di ɓɛɛ̀ kpaakpaa ɓɔ lɛ, ɓɛɛ kɛn asu, ɓɛ ki sììrɛn ɓi geesɛ̀n ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 2:42

Ɓɛ siìrɛ̀ngà ɓi rìwowòg ɗi rirèsàg ɗi ɓɛkɛ̀nì-fìtom, rì ɓi cɛɓ ki rigeni, rì ɓi rìcusàg ɗi bìrɛs, rì ɓi bɔ̀ŋzɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 26:22

Wɔ̀lɛ, rìɓèŋ ɗi Bɛ̀ll a ɓèŋɓeŋ mɛ, ɗyɛɛ kiì lɛ, m̀ɓaɓa ɓi cɛɓ à kpaŋ gɛɛ̀nɛ, fɔɔnnɛ ǹɗì fɛlɛ yɛ̀ɛ wusìnɛ̀ɗ ànɛ a kakali lɛ, rì ɓɔɓti, rì ɓɛ̀sɛ̀ɛ̀mɛn, ɓiɓan ɓii, kɛ̀ɛ ǹki sagti kiɓan kidɛŋ ɓi ɓìɓan ɓi ɓɛ̀kpaŋzì-ɓìɓan rì Moyis ɓɛ kpaaghà lɛ, ɓi ri ɓiì kìlɛɛ,

RÒMƐŊ 11:22

Kuurag kìpuɓì-ǹɗem à Bɛ̀ll, rì kìnyɛn kii; à rèsii kìnyɛn ɓisuu ɓɛroɓɛ ɓɛ kpighà, à rèsì wɔ̀ kìpuɓì-ǹɗem, wɔ̀lɛ kɛɛ̀ kɔ̀ɔkɔnɛ̀n lɛ u ɓaɓa lɔŋ ɓi kìpuɓì-ǹɗem wìì, kɛ̀ɛ̀ fɔlɔɔ ɓɛ pisì girig wɔ̀.

RÒMƐŊ 2:13

Àa ɓumɓɛ ɓɛɛ̀ wowog ɓidɔ̀gsɛna ri mɛ̀reè ɓɛɛ ri lɛ saaɗ ɓi mis mɛ Bɛ̀ll, lɔŋ ɓɛ̀roɓɛ ɓɛ ti ɓɛ kilàg yɛ̀ɛ ɓìdɔ̀gsɛna ɓyɛɛ̀ kakàlì, ɓɛɛ̀ɓɛ àri ghɛn lɛ ɓɛ ri lɛ saaɗ.

RÒMƐŊ 7:12

Fɔlɔɔ nnɛ ɓìdɔ̀gsɛna ɓyɔmiɗ, ɓi ri ɓìtɛnɛn, kìdɔ̀gsɛna kicèm ki ri lɛ, kɔ kìtɛnɛn, kɔ lɛ saaɗ, ki ki ɓa lɛ syeesyee.

RÒMƐŊ 8:15

Lɛ Ǹghay ànɛ ɓì tekà à yin Nghay ànɛ a ghaasi mìni ɓɛ̀kpàn ɓi lèg ànɛ lɛ ɓi kɛnkɛn asu ɓì rirìsì tì, kìɓan kifog ɓì tekà Ǹghay ànɛ à mɛ kì lɛ ɓi ɓa ɓɔn ɓɛ Bɛ̀ll. Ǹghay ànɛ̀n yɛɛ ti à falàg ɓìsi ìtèɗ wulɛ ti reŋì Bɛ̀ll jɛ̀ɛ̀ aɗyoo lɛ: Aba, Tààta.

RÒMƐŊ 8:2

Ɓisuulɛ kìdɔ̀gsɛna ki Nghay ànɛ a fafa cɛɓ ɓi Yeesus Kiris ɓi ɗùm, ki kwèɗkà mɛ̀ ɓi rìkpàn ɗi kidɔ̀gsɛna ki kiɓe rì rìwu.

1 KƆ̀RƐ̀ŊTYƐŊ 15:58

Fɔlɔɔ nnɛ mìni ɓɔɔseŋi ɓɛ̀m ɓɛ nɗem, sììrɛɛna kɛ̀ ɓi kpig, ɓì tɔɔtɔ̀ɔ̀ ntɔɔtɔyɛn ɓi kìsay ki Kan, ɓì ki yi lɛ, kìsay ki ɓi kìki nyi kaa wu ɓi zɛy.

2 KƆ̀RƐ̀ŊTYƐŊ 13:5

Fiɓɓɛɛna mìniìɓɔmiɗ ɓi ghɛn nkòo ɓì rì ɓi rìgherɛ̀n ɓiɗùm. Ɓì gherɛɛ ɓi nya lɛ Yeesus Kiris à rì ɓi mìni? Fèèghrɛɛna mìniìɓɔmiɗ. Di yɛ̀ɛ ɓaà yi ɓi nya, ɓi yin ɗi ìtèɗ wu ɓi resi lɛ ɓì rì ɓɛ̀gherɛ̀n.

GÀLAT 2:4

Ki ɓaghà lɛ ki kilɛ̀n fɔlɔɔ lɛ, ɓɛ̀geni ɓis ɓɛdɛŋ ɓɛ ɓɛ ɓaghà tyoo tiɓɛɛ̀, ɓɛɛ ɗiŋìghà ɓi nɗaŋ wis lɛ ɗyɔ̀ɔ̀ŋ, ɓɛ yuiy lɛ ɓɛɛ ghɛǹ rìɓa ɗi tì rì ɓɛ̀kan ɓi Yeesus Kiris ɓi ɗùm ɓɛ ki ɓa ri rìkɔ̀n ɗi lɛ ɓɛɛ ghaàsi ɓìsi ɓɛ̀kpàn.

GÀLAT 5:1

Kiris à kwèɗkà ɓìsi lɛ ti ɓa ɓɛ̀kan; nni kɛ̀ ɓi foŋɗɛn ti mìniìɓɔmiɗ ɓi kìɓèg lɛ ɓi sugti ɓi rìkpàn.

GÀLAT 6:2

Gheeghèŋzɛɛna rìtɛ̀g ɗi mɛtɛ̀g mɛ ɓì rì rì mɔ, di fɔɔnnɛ ɓi roòzi kìdɔ̀gsɛna ki Kiris.

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

TIMOTE 2:15

Nsoò fɔlɔɔ, à ki rì ɓiì ghɛɛ cɛɓ, lɛ à rì rì ɓɔn, ɗì lɛ à ɓèŋi rìgherɛ̀n, à ghɛɓ ɓi nkɔ̀nɛ̀n, à ɓèŋɗɛ̀n ǹtɛnɛn ɓi nghay, à ki sɛɛ̀dɛn nyimiɗ ɓi zi.

TIMOTE 4:16

Ù konàg lɛ rì wɛ̀ɛmiɗ, rì ɓìɓan ɓi u rèresi ɓum, ù ki sììrɛn miì rì ìtèɗ; ɓisuulɛ i u kìki fɔlɔɔ, ù ɓiì ghɛɓsii lɛ rì wɛ̀ɛmiɗ, rì ɓumɓɛ ɓɛɛ̀ wowog rikpaa ɗyɔɔ.

EBIREEGH 12:15

Ɓì konàg lɛ ŋwaàdɛŋ kɛ̀ɛ ɓa lɛ à rèèghrɛ̀n geesɛ̀n ì Bɛ̀ll, nsoò lɛ gàŋ i ǹlòlolɛn yɛ̀ kɛɛ̀ ròò ǹɗuŋ, lɛ yɛ̀ɛ ɓuùsi jàŋ, ì ki yeesi ɓum lɛɛ̀gwey ri ìrɔ̀g wu yɔ̀.

ZYAG 2:12

Tòtooghna, ɓì kìkì ɓìɓan fɛlɛ yɛ̀ɛ ɓumɓɛ ki ghɛɛ̀sɛɛ lɛ ɓɛ yɔm̀ ri ɓìdɔ̀gsɛna ɓi ɓyɛɛ foŋfoŋ ɓisi ɓi-kɔ̀ɔ̀ wu rikan,

1 PYƐƐRI 2:16

Ghɛɓina yɛ̀ɛ ɓumɓɛ ɓɛ ri ɓɛ̀kan, wɔ̀lɛ kɛ̀ ɓi kì lɛ rìkan ɗin ɗyɛɛ ghay kìlàà ki kɛɛ̀ lɔlɔg nɗem win wu rigɛn; ghɛɓina lɔŋ yɛ̀ɛ ɓɛ̀kìì-ɓìsay ɓɛ Bɛ̀ll ɓɛ ghɛɛ̀sɛɛ kì ghɛɓì ɓi rìkan.

1 ZYAŊ 2:24

Ɓi ɓɛg wìn, ɓì ghɛ̀ɛ̀sɛɛ kì ɓèŋi kiɓan ki ɓì wokà kiǹ à tumɛ̀n a rìtumɛ̀n ki ɓa mìni ɓi mɛ̀rem, mìni girig ɓì rì ɓiì kɛ̀nkɛni asu, ɓì ɓa ɓɛ̀ràrɛn ri kìɓɛ̀ɛ̀ ki ɓum ki lɛ, rì Man, rì Seŋi.

ÀPÒKÀLIƁSƐ̀ 14:13

Nni ǹwokà di jɛ̀ɛ̀ ì rìì aɗyoo ì kpaa lɛ: Kàna kìɓan ki! Mààgh rì ɓìloŋ ɓi ɓi wii ɓi kìsay ki Kan, à tumɛ̀n ɓigomìnɛ. Ǹghay a kpaaghi lɛ: Ki ri fɔlɔɔ saaɗ, lɛ di ɓɛɛ fɔɔ̀sɛn ɓìsay ɓyaa, ɓisuulɛ mɛ̀kìkìì maa mɛɛ̀ nɔ̀ɔnɔɔ̀tì ɓɔ.

ÀPÒKÀLIƁSƐ̀ 22:14

Mààgh rì ɓɛ̀roɓɛ ɓɛ soò ɓɛ̀kàɓà ɓaa lɛ di ɓɛɛ fa ɓɔ ìtèɗ wulɛ ɓɛɛ ɗi kìte ki cɛɓ, ɓɛ ki ɗiŋi ɓi mɛ̀suunaa mɛ gari lɛ ɓɛɛ kɛǹ ɓi bàn.