ZYAG 1:22 - Bafia Nouveau Testament

²² Kìina ɓìɓan ɓi jɛ̀ɛ̀ ì Bɛ̀ll yɛɛ̀ kpaakpàà, kɛ̀ ɓi rɔ̀ɓ lɔŋ lɛ rìwowòg ɗi jɛ̀ɛ̀ ìnɛ̀n ɗyɔ rì ɗyɔ, ɓì pwààpwààrɛ̀n mìniìɓɔmiɗ ri ɓɛ̀fèg ɓɛ ɓɛ ri ɓìtɛ̀ŋtɛ̀ŋ.

ZYAG 1:22 ပူးပေါင်းရင်းမြစ်များ

MATYOO 12:50

Ɓisuulɛ ŋwaànɛ à kìi rìkɔ̀n ɗi Seŋi wɛ̀m ànɛ a rì aɗyoo, nnyɛɛ ri geni wɛ̀m à baŋì, nyi geni wɛ̀m à giɓ, nyi jɛɛ wɛ̀m.

MATYOO 28:20

ɓì rèsàg ɓɔ rìɓèŋ ɗi ɓiɓan ɓìcèm ɓi nsiŋdɛ̀ngà mìni; ɓì ki yi lɛ, ǹɗì ɓiì ɓaà nɗaŋ ri mìni ɓɛ̀ŋwos ɓɛ̀cèm à kpaŋ ɓi rìlèg ɗi zi.

LUKAS 11:28

Wɔ̀lɛ Yeesus à ɓàkà nyi lɛ: Ɓumɓɛ ɓɛɛ̀ kìki lɛ, ɓɛ wowòg jɛ̀ɛ̀ ì Bɛ̀ll ɓɛ ki ɓèŋɓeŋ yɔ̀, ɓɛɛ ri kom̀ ɗì ɓɛ̀mààgh.

ZYAŊ 13:17

I ɓì yii ɓìɓan ɓiǹ, di ɓì rì ɓɛ̀mààghmaagh, nni kɛɛ̀ tɔtɔg lɛ ɓi ki ɓyɔ̀.

RÒMƐŊ 2:13

Àa ɓumɓɛ ɓɛɛ̀ wowog ɓidɔ̀gsɛna ri mɛ̀reè ɓɛɛ ri lɛ saaɗ ɓi mis mɛ Bɛ̀ll, lɔŋ ɓɛ̀roɓɛ ɓɛ ti ɓɛ kilàg yɛ̀ɛ ɓìdɔ̀gsɛna ɓyɛɛ̀ kakàlì, ɓɛɛ̀ɓɛ àri ghɛn lɛ ɓɛ ri lɛ saaɗ.

1 KƆ̀RƐ̀ŊTYƐŊ 15:33

Kɛ̀ ɓi pwààrɛn, rìkɛ̀ɛ̀kɛ̀ɛ̀ ɗi rì ɓìɓeɓtàg ɓi ɓum ɗi ti ɗi yogsàg ɓìsyɔ̀ɔ̀ ɓì syeesyee ɓi mum à rì rì ɓyɔ.

1 KƆ̀RƐ̀ŊTYƐŊ 3:18

Mum kɛ̀ɛ pwààrɛn, i ŋwaàdɛŋ ànɛ ɓi mìni a fèfeg lɛ nyii ri rì ɗyomzɛ̀n ɗi ɓi ziinɛ, à ghɛ̀ɛ̀sɛɛ ki ghalì kìyèg lɛ di a ɓa min ɗi ɗyomzɛ̀n.

1 KƆ̀RƐ̀ŊTYƐŊ 6:9

Ɓì yii ɓi lɔŋ lɛ ɓumɓɛ ɓɛɛ̀ kìki ɓiɓeɓtàg ɓi ɓiɓan, ɓaa ɓa ɓi ri ìkɔ̀ɔ̀ ɓi kìlɔ̀ŋ ki Bɛ̀ll? Kɛ̀ ɓi pwààrɛn, à tumɛɛ lɛ, ɓumɓɛ ɓɛɛ̀ ghɛghɛɓ cɛɓ ki tifin, à kpaŋ lɛ ɓɛ̀kìì-ɓìnùn, rì ɓɛ̀kìì-tìsɔ̀mɔ̀g,

GÀLAT 6:3

I mum à terɛɛ nyimiɗ lɛ bimiɗ à mum, kɔlɛ à yin com, di à pwààrɛɛ nyimiɗ.

GÀLAT 6:7

Kɛ̀ ɓi pwààrɛn mìniìɓɔmiɗ, ɓaà yègsi ɓi Bɛ̀ll, lɔŋ com ki mum à ɓɛ̀li kɛɛ̀ki à rì girig ɓiì ɓùmii.

FÌLÌPYƐŊ 4:8

Ɓi rìsyɔɔ̀dì, ɓɔɔsoŋ̀! com kìcèm ki ki ri kɔɔ̀kɔɔ̀ à com, kìcèm ki ki ri gìn i com, kìcèm ki ki ri lɛ saaɗ, kìcèm ki ki ri kìtɛnɛn, rì kìcèm ki ki ti ki kɔngì ɓum, rì com kìcèm ki ɓum ɓɛ ri lɛ ɓɛ sɛg, com kìcèm ki ki ri rì ɓìsyɔ̀ɔ̀ ɓì syeesyee ki ki ɓa com ki ki ghɛɛ̀sɛɛ ɗì rìkem, ɓyom ɓiǹ ɓyɛɛ ɓa ɓyom ɓi ɓì ghɛ̀ɛ̀sɛɛ kìfèfeegh ɓi mɛ̀rem min.

KÒLÒSYƐŊ 3:17

Com kìcèm ki ɓì rì lɛ ɓì kpaa, nsoò lɛ ɓì kì, kìina kɔ ɓi ɗii ɗi Kan Yeesus, ɓì fafà Bɛ̀ll à Seŋi wìs ɓìtògsɛ̀n rì ɗii ɗìì.

2 TIMOTE 3:13

Kìɓan kifog ɓìɓeɓtàg ɓi ɓum rì ɓɛ̀pwààpwaà ɓɛ ri ɓiì kɛ̀nkɛni lɔŋ beèbɛ̀y ɗì rìkìkì ɗi kiɓe, ɓɛ naànààzì ɓum bee lɛ ɓɔmiɗ ɓɔɔ ka rì ɓɛ̀ɗimɛn bee.

Kaàtà ànɛ Pol à kàngà TIT 3:3

Ɓisuulɛ ɓìsi girig tì ɓaghà abɛ̀y kɛ̀ɛ̀ ɗyomzɛ̀n, ɓìsi rì ntoòtèɗ, ɓìsi ɓi rìɗim; tì ɓaghà ɓɛ̀kpàn ɓɛ ɓiɓan mɛkuu mɛ̀kuu, ɓi mɛ̀rem mɛɛ̀ kɔ̀ngì rì ɓi ɓyɛɛ̀ yɛ̀ɛ̀yi mɛmùù, tì ghɛghɛ̀ɓ ɓi rìgɛn rì ɓi m̀mììghrɛ̀n, tì ɓeɓèɓ ɓum, tì ki ɓèeɓeèzɛ̀n ɓìsi rì ɓìsi.

ZYAG 1:26

I mum a fèfeg lɛ à rì mum à rìgherɛ̀n kɛ̀ɛ ki ɓèŋ rìlemàg ɗii, kìɓan kifog à yèèghyègsì ǹɗem wii, rìgherɛ̀n ɗi ŋwaànɛ̀n ɗi ghɛɓsii ɓi com.

ZYAG 4:11

Ɓɔɔsoŋ̀, kɛ̀ ɓi ɓùuɓuŋ̀ɗɛ̀n a mɓeɓɛn. Ŋwaànɛ à ɓùŋi geni a mɓeɓɛn nsoò lɛ à yɔ̀mi geni, a yi lɛ ɓìdɔ̀gsɛna ɓyɛɛ̀ɓi à tòogh kìɓe, à ki yɔ̀m ɓyɔ. Nni i wɔ̀ɔ̀ ti ɓiì yɔ̀myɔmi ɓidɔ̀gsɛna, di ù yiìdi mɓèŋì-ɓìdɔ̀gsɛna, ù ti ǹ-yɔ̀mì-ɓìdɔ̀gsɛna.

ZYAG 4:17

I mum à yii kìɓan ki syeesyee ki à rì lɛ à kì nni à rɔ̀ɓi kɛ̀ɛ kì kɔ di à kìi kìɓe.

2 PYƐƐRI 2:13

Mɛlèɓ mɛ ɓi kìtɛ̀ŋtɛ̀ŋ mɛ ri ɓiì ɓaà lɛ kìtɛ̀ŋtɛ̀ŋ. Kìrɔɔ ki ɓɛ ri lɛ ɓɛ wog ki ri lɛ ɓɛɛ kiki ɓìɓeɓtàg ɓi ɓiɓan ɓi ɓi ti ɓi kɔngì ɓɔ rì ŋwos ɓi nto. Ɓɛ ti ɓɛ ɓutàg kɔm̀ ɗì mìni, ɓɛ teɗ gàɓ ɓi ɓìɗilàg ɓin ɓi rigeni, wɔ̀lɛ rìkɛ̀ɛ̀ ɗyaa ɗi ri ǹtoòrìɗ, ɗi ki ɓa kiɓan ki fiɓàg; ɓɛ ti ɓɛ nyaàràg rì m̀ɓɔ̀ŋɗɛ̀n ànɛ ɓɛɛ̀ ɓɔ̀ŋɓɔŋ ɓum.

1 ZYAŊ 1:8

I tì kpaa lɛ, tì yin ɗi ɓìɓe, di tì pwààrɛɛ ɓìsiìɓɔmiɗ, saaɗ kɛ̀ɛ ki ɓa a lɔ̀ŋkis.

1 ZYAŊ 2:3

I ti ɓèŋɓeŋ ɓidɔ̀gsɛna ɓi Bɛ̀ll, fɔɔnnɛ tì rì lɛ tì yi lɛ, tì mɛ yi Bɛ̀ll.

1 ZYAŊ 3:7

Mìni ɓɔn ɓɛm, mum kɛ̀ɛ yègsi mini; ŋwaànɛ a kìki ɓiɓan ɓi saaɗ, à rì lɛ saaɗ lɔŋ yɛ̀ɛ Kan Yeesus à rì lɛ saaɗ.

3 ZYAŊ 1:11

Mum wɛm̀ à ǹɗem, kɔ̀ɔ ɓa ri ǹfèfèègh ɓi ɓìɓan ɓi ɓeɓtɛn ù ɓalàg rì ǹfèfèègh ɓi kìrɔɔ, lɛ ŋwaànɛ a kìki kirɔɔ à rì mum à Bɛ̀ll; ŋwaànɛ a kìki kiɓe à ghɛngà ɓi Bɛ̀ll.

ÀPÒKÀLIƁSƐ̀ 12:9

Nni ɓɛ tyɔkày coo kinààgɔ̀n kiǹ, fìɗyàɓ fi nyoo fìn, fi fi ri ɗii lɛ ǹɗèm nsoò lɛ Satàn, nnyɛɛ ri ǹ-yègsì zi bimiɗ ìnɛ ɓum ɓɛɛ̀ ghɛghɛɓ miì, ɓɛ tyɔkày nyi ɓi zi, ɓɛ ki tyɔg yi girig ɓum ɓii ɓɛ titom ǹɗaŋ ri nyi.

ÀPÒKÀLIƁSƐ̀ 22:7

Mɛ̀ yɛɛ tiì lɔɔ ɓi cààmɛ̀n ki. Mààgh rì ŋwaànɛ à ɓèŋi jɛ̀ɛ̀ yi kaàtà ànɛ; yi ri jɛ̀ɛ̀ yi yɛɛ̀ kpaakpaŋzì ɓìɓan ɓi Bɛ̀ll.