ZYAG 1:19 - Bafia Nouveau Testament

¹⁹ Mìni ɓɛ̀geni ɓɛ̀m ɓɛ nɗem, ɓì ghɛ̀ɛ̀sɛɛ kì yiì fɔlɔɔ. Fɔlɔɔ nnɛ mum bimiɗ à ghɛ̀ɛ̀sɛɛ kì ɓaà lɛ fyɛ̀ɗ lɛ a wog, kɛ̀ɛ fyaŋzi ki tòòghrɛɛ, kɛ̀ɛ ki fyaŋzag ki woògh bim,

ZYAG 1:19 ပူးပေါင်းရင်းမြစ်များ

MATYOO 5:22

Kìɓan kifog mɛ̀ ǹkalii mìni lɛ: ŋwaànɛ à rì ɓiì woògh bim ri geni, à ghɛ̀ɛ̀sɛɛ lɛ ɓɛ yɔm̀ nyi. Ŋwaànɛ à sɛmi geni lɛ kìdùŋdùŋ à ghɛ̀ɛ̀sɛɛ lɛ ɓɛ yɔm nyi ɓi sànèdìrɛŋ. Roànɛ à ɓiì reŋii geni lɛ kìyèg, à ghɛ̀ɛ̀sɛɛ kì kɛ̀ɛ ɓi ɗuu ɗi fiɗyàɓ fikɔ̀ɔ̀.

MARIKUS 12:37

I Davit nyimiɗ a reŋii nyi lɛ Kan, Lannɛ ki kɛɛ̀dii kì kpaŋì lɛ a ɓa ti man wiì? Coo gùl ì ɓum ì wowòkà ɓìɓan ɓi Yeesus à kpaakpààghà rì kìnyàà ɓi ǹɗem.

MARIKUS 2:2

ɓɛ taŋzɛ̀ngà lɛɛ̀gwey lèg ànɛ lɛ, kìtuɓi ki ɓatìghà ɓi nsoò asuunaa; fɔɔnnɛ Yeesus à kpaakpààghà ɓɔ ɓìɓan ɓi Bɛ̀ll.

LUKAS 15:1

Ɓɛ̀terì-làmpoŋ̀ rì ɓɛ̀kìì-kìɓe ɓɛm̀bog ɓɛ ǹ-yùlàg ɓɛ̀sɛ̀ɛ̀ ɓɛ̀cèm yɛ̀ɛ Yeesus, lɛ ɓɛɛ wowog ɓìtòkì ɓii.

LUKAS 19:48

Kìɓan kifog, ɓɛ yighà ɓi lannɛ ɓɛ ri lɛ ɓɛ ki ɓisuulɛ, kìlɔ̀ŋ kìcèm ki ɓaghà mɛ̀reè mɛ̀ ramɛn ɓi ɓìɓan ɓi Yeesus à kpaakpààghà.

MƐ̀KÌKÌÌ MƐ ƁƐKƐ̀NÌ-FÌTOM 1:15

Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 10:33

Fɔɔnnɛ mɛ̀ɛ nghàsi kì romìì ɓum lɛ ɓɛɛ yu wɔ̀ kì reŋii. Ù konaagh yɛ̀ɛ ù yùu yì. Nni ɓigomìnɛ tì rì yɛɛ lɛ ɓi mis mɛ Bɛ̀ll, lɛ ti wog com kìcèm ki Kan àa kpaa lɛ wɔ̀ɔ kali ɓìsi.

MƐ̀KÌKÌÌ MƐ ƁƐKƐ̀NÌ-FÌTOM 13:48

Yɛ̀ɛ ɓumɓɛ ɓɛ ɓaghà ɓi Ɓɛ̀yudɛ̀n ɓɛ wokà rìkpaa ɗìn ɓɛ nyaàrɛ̀n lɛɛ̀gwey, ɓɛ tumɛ̀n rìkeèkèmzì ɗi jɛ̀ɛ̀ ì Kan. Nni fɔɔnnɛ ɓum ɓɛ̀cèm ɓɛ ɓɛ ɓaghà ɓɛ̀ɓɔ̀nɛn lɛ ɓɛɛ ɓa rì cɛɓ ki fiɗyàɓ fikɔ̀ɔ̀, ɓɛ gherɛ̀ngà Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 17:11

Ɓɛ̀yudɛ̀n ɓɛ a Bere ɓɛ rɔɔtɛ̀ngà ǹɗem ɓɛ cee ɓɛ̀roɓɛ a Tesalonika, fɔɔnnɛ ɓɛ ghaɓkà jɛ̀ɛ̀ ì Bɛ̀ll rì coo kinyàà, ɓɛ̀ŋwos ɓɛ̀cèm, ɓɛ fifìɓìghà kaàtà à Bɛ̀ll lɛ ɓɛɛ ghɛǹ nkòo ɓìɓan ɓi Pol à kpaakpààghà ɓɔ, ɓi ri miì.

MƐ̀KÌKÌÌ MƐ ƁƐKƐ̀NÌ-FÌTOM 2:42

Ɓɛ siìrɛ̀ngà ɓi rìwowòg ɗi rirèsàg ɗi ɓɛkɛ̀nì-fìtom, rì ɓi cɛɓ ki rigeni, rì ɓi rìcusàg ɗi bìrɛs, rì ɓi bɔ̀ŋzɛ̀n.

EFÈZYƐŊ 4:26

I ɓì woogh bim, ɓì konàg lɛ kɛ̀ ɓi kì kiɓe; ŋwos kɛ̀ɛ màg ɓilɛy di bim yiǹ ì kaka.

EFÈZYƐŊ 4:31

À tumɛɛ lɛ kìmìighmigtɛ̀n, kìnyɛn, bim, kìyoòyòò, mɛ̀wɔ̀wɔrì, rì rìgɛn mɛ̀kuu mɛ̀cèm, ɓi ghɛɛ̀sɛɛ kì lèegh ɓi nyìinyìm wìn.

KÒLÒSYƐŊ 3:15

Fyòoog à Kiris ànɛ Bɛ̀ll à reŋìghà mìniìcèm miì lɛ, ɓi ɓa ɓìkàɓ ɓi ɓi nyoo bog, a lami mɛ̀rem min. Ɓì ghɛ̀ɛ̀sɛɛ kì yiì rìfa ɗi ɓìtògsɛ̀n.

KÒLÒSYƐŊ 3:8

Nni à tumɛ̀n ɓigomìnɛ, mìni girig, càrina ɓìɓan ɓiǹ ɓìcèm lɛ rì bim, rì kìnyɛn, rì kìɓeɓtàg ki nɗem, rì tìfena, rì ɓìtòkì ɓi kɛ̀ ǹtoòrìɗ ɓi ɓi ti ɓi kpagìì ɓi myɔm min.

TÈSÀLÒNÌSYƐŊ 2:13

Kìɓan kiǹ kɛɛ̀ki tì fafa Bɛ̀ll ɓìtògsɛ̀n cààmɛ̀n kìcèm lɛ, yɛ̀ɛ bì ghàɓkà jɛ̀ɛ̀ yìì ìnɛ tì wogsìghà mìni, ɓì ghàɓkà ɓi yɔ̀ yɛ̀ɛ jɛ̀ɛ̀ ì mum; ɓì ghàɓkà lɔŋ yɔ̀ yɛ̀ɛ ì rì a tààkaà, lɛ ì rì jɛ̀ɛ̀ ì Bɛ̀ll ìnɛ yɛ̀ɛ kìki kisay ɓi mìni ɓɛ ɓì rì ɓɛ̀gherɛ̀n.

ZYAG 1:16

Mìni ɓɔɔseŋi ɓɛ̀m ɓɛ nɗem, kɛ̀ ɓi pwààrɛn:

ZYAG 1:2

Mìni ɓɛ̀geni ɓɛ̀m, terina mɛ̀kuu mɛ mɛtɔɓ mɛ̀cèm mɛ ɓì rì lɛ ɓì tulɛ̀n rì mɔ lɛ mɛ ri kìɓan ki kinyàà ki kɔɔ̀kɔɔ̀,

ZYAG 1:26

I mum a fèfeg lɛ à rì mum à rìgherɛ̀n kɛ̀ɛ ki ɓèŋ rìlemàg ɗii, kìɓan kifog à yèèghyègsì ǹɗem wii, rìgherɛ̀n ɗi ŋwaànɛ̀n ɗi ghɛɓsii ɓi com.

ZYAG 2:1

Ɓɛ̀geni ɓɛ̀m, kɛ̀ ɓi ɗiŋzi nlànag ɓi rìgherɛ̀n ɗi ɓì gherɛɛ Kan wìs Yeesus Kiris ànɛ à rì ǹkeŋkèmì.

ZYAG 2:5

Mìni ɓɛ̀geni ɓɛ̀m ɓɛ nɗem wooghna! Bɛ̀ll à ɓɔ̀ngà ɓɛ̀soghàsogha ɓɛ ɓi ziinɛ lɛ ɓɛɛ ɓa ɓɛ̀guŋgum ɓi rìgherɛ̀n ɓɛ ki ɓa ri gàɓ ɓi kìlɔ̀ŋ kii ki à kàkà ɓumɓɛ ɓɛ ti ɓɛ keesàg nyi.

ZYAG 3:10

Ŋwɔm wùfog wɔ yɛɛ ti wu magì ɓum, wu ki nyɔ̀mag ɓum. Ɓɛ̀geni ɓɛ̀m, ki ghɛɛ̀sɛɛ ɓi ki ɓaà fɔlɔɔ.

ZYAG 4:11

Ɓɔɔsoŋ̀, kɛ̀ ɓi ɓùuɓuŋ̀ɗɛ̀n a mɓeɓɛn. Ŋwaànɛ à ɓùŋi geni a mɓeɓɛn nsoò lɛ à yɔ̀mi geni, a yi lɛ ɓìdɔ̀gsɛna ɓyɛɛ̀ɓi à tòogh kìɓe, à ki yɔ̀m ɓyɔ. Nni i wɔ̀ɔ̀ ti ɓiì yɔ̀myɔmi ɓidɔ̀gsɛna, di ù yiìdi mɓèŋì-ɓìdɔ̀gsɛna, ù ti ǹ-yɔ̀mì-ɓìdɔ̀gsɛna.

ZYAG 5:12

Ɓɔɔsoŋ̀, kìɓan ki ǹloogh mìni kìkpaà ki ri lɛ, kɛ̀ ɓi kànag bɛ̀ɗ ri ɗyoo, nsoò rì zi, nsoò bɛ̀ɗ inɛ mum à kànɛɛ rì ŋwɔm, kìɓan kifog kɛɛ ɓalag lɛ, i ɓì kpaa lɛ ɛ̀ɛ̀, ki ɓa lɛ ɛ̀ɛ̀; i ɓì kpaa lɛ èe èe, ki ɓa lɛ èe èe; di fɔɔnnɛ kɛ̀ ɓi kpì ɓi ncɛ̀m.

ZYAG 5:19

Ɓɔɔsoŋ̀ i kìbog ki ɓi mìni ki ɗimgà bee, ki raɓsɛ̀n rì saaɗ, nnɛ ŋwaàdɛŋ à pɛ̀ɛ̀zii yì nyi ɓi syeesyee à bee,

1 ZYAŊ 2:21

Ǹkàni mìni, ki yin lɛ ɓì ka yi ɓi saaɗ, ki ri lɔŋ lɛ ɓì mɛ yi nyi, rì tì lɛ pwàà à yin lɛ à ɓay ɓi saaɗ.