ZYAG 1:17 - Bafia Nouveau Testament

¹⁷ Com ki syeesyee kìcèm ki ɓɛ ri lɛ ɓɛ fa ɓìsi, rì rìɓòò ɗìcèm ɗi ɗi rɔɔtɛɛ lɛ kɔɔ̀kɔɔ̀, ɓi ti ɓi ɓalàg yì aɗyoo, yɛ̀ɛ Seŋi ànɛ à rì rì kìtɛɛtɛn, ànɛ à ti kɛ̀ɛ cenɗɛn, nsoò kìfìì ki lɛ à rì lɛ à lɔ̀gtɛ̀n, ki yin a lɔ̀ŋkii.

ZYAG 1:17 ပူးပေါင်းရင်းမြစ်များ

MATYOO 7:11

I mìni ɓɛ ɓì ɓeɓtɛɛ mɛ̀rem ɓɛ, ɓì yii rìfa ɗi ɓɔn ɓin ɓyom ɓi syeesyee, lannɛ Seŋi wìn anɛ à rì ɓi ɗyoo ɓi ɗùm yɛɛ ri ɓiì rɔ̀ɓi kɛ̀ɛ fa ɓyom ɓi syeesyee a ɓumɓɛ ɓɛ lɔni nyi ɓyɔ.

LUKAS 11:13

I mìni ɓɛ ɓì rì ɓìɓeɓtàg ɓi ɓum ɓi yii rìfa ɗi ɓɔn ɓin ɓɛsyeesyee ɓɛ ɓyom, lannɛ Tààta ànɛ à rì aɗyòò à ɓiì rɔ̀ɓi kɛ̀ɛ fa Kitɛntɛ̀ɛ̀n ki Nghay a ɓumɓɛ ɓɛ tɔɔgh nyi kɔ̀?

ZYAŊ 1:9

Jɛ̀ɛ̀ ìnɛn ì ɓaghà kɔɔ̀kɔɔ̀ à kìtɛɛtɛn, ki ki yughà ɓi ziinɛ lɛ kɛɛ kpeŋzi ɓum ɓɛ̀cèm.

ZYAŊ 3:27

Nni Zyaŋ à ɓàkà ɓɔ lɛ: Mum à yin lɛ à ɓa rì com kidɛŋ, ki ki yin ki Bɛ̀ll à faa nyi.

ZYAŊ 3:3

Nni Yeesus à ɓàkà nyi lɛ: Ǹkpaa wɔ̀ kɔɔ̀kɔɔ̀ à rìkpaa lɛ, i mum à yalɛɛ tì ɓi nyɔɔnyɔn à rìyalɛ̀n, à yin lɛ à ghɛn kìlɔ̀ŋ ki Bɛ̀ll.

ZYAŊ 8:12

Yeesus à tòòghrɛ̀ngà tì rì ɓɔ à kpaa lɛ: Mɛ̀ ǹɗì kìtɛɛtɛn ki ɓi ziinɛ; ŋwaànɛ à nɔ̀ɔ̀tii mɛ̀, àa kɛ̀ɛ̀ghi ɓi ɓi birìm, à rì lɔŋ ɓiì ɓaà rì kìtɛɛtɛn ki cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 11:18

Yɛ̀ɛ ɓɛ wokà ɓitòkì ɓiǹ, nnɛ ɓɛ kɔrìghà lɛ fyòoog, ɓɛ tumɛ̀n ɗìkemzì ɗi Bɛ̀ll di ɓɛɛ̀ kpaakpaa lɛ: Bɛ̀ll à mɛ nɛm girig ɓumɓɛ ɓi mɛ̀kuu mɛm̀bog bee inɛ lɛ, ɓɛɛ lɔɔ̀ghrɛn mɛ̀rem, di ɓɛɛ ɓa rì cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 5:31

Nyi nnɛ Bɛ̀ll àa m̀pɛ̀sii aɗyoo, rì weèlem wìì, lɛ a ɓa lɛ, nyi rìfòm, nyi ǹghɛɓsì-ɓum ànɛ à rì ɓiì nɛmì Isirayɛl bee ìnɛ lɛ ɓɛɛ lɔɔ̀ghrɛn mɛ̀rem di Bɛ̀ll a cenɛn ɓɔ ɓìɓe ɓyaa.

RÒMƐŊ 6:23

Ɓisuulɛ mɛ̀lèɓ mɛ kiɓe mɛ ri lɛ rìwu, kìɓan kifog, rìɓòò ɗi Bɛ̀ll a kìki ɓum zɛy ɗi ri cɛɓ ki fiɗyàɓ fikɔ̀ɔ̀ ɓi Yeesus Kiris à Kan wìs.

1 KƆ̀RƐ̀ŊTYƐŊ 4:7

Ɓisuulɛ ghɛn yɛɛ kpaa wɔ̀ lɛ ù ceeghii ɓum ɓɛmbog? Cɛ ù rì rì kɔ ki ki yin com ki ɓɛ faghà wɔ̀ ǹfayɛn? I ɓɛ ki faghà wɔ̀ ǹfayɛn, ɓisuucɛ nnɛ u kaakalɛ̀n yɛ̀ɛ ɓɛɛ̀ kali lɛ ɓɛ faghà ɓi wɔ kɔ ǹfayɛn?

2 KƆ̀RƐ̀ŊTYƐŊ 4:6

Ɓisuulɛ Bɛ̀ll ànɛ à kpaaghà lɛ kìtɛɛtɛn kɛɛ lom ɓi birìm, nnyɛɛ lomgà kìtɛɛtɛn ɓi mɛ̀rem mis, lɛ a ki lɛ rìyi ɗi ɓum ɓɛ ri lɛ ɓɛ yi rìkem ɗi Bɛ̀ll ɗi ɗyɛɛ̀ lònlom ɓi-su wu Kiris ɗyɛɛ ghɛnɛ̀n.

EFÈZYƐŊ 1:18

À lòm mìni kìtɛɛtɛn ɓi mɛ̀rem, lɛ ɓi yi rìkuu ɗi dyàɓɛn ɗi à reŋìghà mìni lɛ ɓi ɓa rì ɗyɔ, ɓì ki yi lèg ànɛ yɛ̀ɛ ɓyom ɓi syeesyee ɓi à nyamgà ɓisuu ɓɛgherɛ̀n ɓi ri ɓì tèghɛn.

EFÈZYƐŊ 2:8

Ɓisuulɛ ɓì rì ɓɛ̀kòrɛn lɛ geesɛ̀n ì Bɛ̀ll, ɓi bee ì rìgherɛ̀n ɗi ɓì gherɛɛ nyi; ki kilɛɛ ɓi fɔlɔɔ lɛ rìkì ɗin, ki ri lɔŋ rifa ɗi Bɛ̀ll.

FÌLÌPYƐŊ 1:29

Kìɓan kiǹ ki riì yɛ̀ɛ Bɛ̀ll, ɓisuulɛ àa mààgh ànɛ lɛ ɓi gherɛn Kiris nnɛ Bɛ̀ll à faghà mìni nyi rì nyi, ànɛ lɛ ɓi wog girig mɛ̀tɔɓ ɓisu wii, à rì girig miì.

TIMOTE 6:16

nyi cɛ̀ncii yɛɛ yin lɛ à wu, à kɔ̀kɔrii ɓi kìtɛɛtɛn ki mum à yin lɛ à kpaŋ wɔɔ, mum à ka ghɛngà ɓi nyi, nnyɛɛ ghɛɛ̀sɛɛ rì ǹnyaasɛ̀n, rì ìtèɗ fiɗyàɓ fikɔ̀ɔ̀. Ààmɛ̀n.

EBIREEGH 13:8

Yeesus Kiris à rì lɔŋ com kìfog, yɛ̀ɛ rìŋkò, yɛ̀ɛ gɛɛ̀nɛ, à kpaŋ fìɗyàɓ fikɔ̀ɔ̀.

ZYAG 1:5

I ŋwaàdɛŋ ànɛ ɓi mìni à kaarɛɛ ɗyomzɛ̀n, a tɔg ɗyɔ rì Bɛ̀ll ànɛ à ti à falàg ɓum ɓɛ̀cèm ɗyomzɛ̀n zɛy rì zɛy, rì syeesyee à nɗem, fɔɔnnɛ àrì nyi ɗyɔ ɓiì faà;

ZYAG 3:15

Rìkuu ɗi ɗyomzɛ̀n ɗiǹ ɗi yin ɗyomzɛ̀n ɗi ɗi riì aɗyoo, ɗi ri lɔŋ ɗyomzɛ̀n ɗi ɓi ziinɛ, ɗi mum à mɛ̀mùù, ɗi ki ɓa ɗyomzɛ̀n ɗi ɗi riì yɛ̀ɛ Satàn.

ZYAG 3:17

Ɗyomzɛ̀n ɗi ɗi riì aɗyoo ɗi ka rì ɗì tɛnɛn, ajɛ̀m ìnɛn ɗi ɓa tì lɛ fyòoog, ɗyɛ̀ kɛɛ̀ ròoroòtɛ̀n, ɗi kaaghì lɛ ɓum ɓɛɛ ɓa ɓɛ̀ràrɛn, ɗyɔ ɗìronɛn ri nɗem wu nyìighnyìg, ɗi ki kìlag ɓiɓan ɓi syeesyee, ɗyɛ̀ kɛɛ̀ ɓa ri ǹlànag nsoò tìfyèèrɛnà.

1 ZYAŊ 1:5

Ɓɔlɛ ànɛ ɓìsii wokà rì nyi, innɛ ɓìsii ki ghagsii mìni; nnyɛɛ lɛ: Bɛ̀ll à rì kìtɛɛtɛn, birìm ì yin a lɔ̀ŋkii.

1 ZYAŊ 4:10

Ǹkɔ̀nɛ̀n ànɛn à yin lɛ ɓìsi yɛɛ keesìghà Bɛ̀ll, kìɓan kifog nnyɛɛ keesìghà ɓìsi, à rom yì Man wiì fɛlɛ yɛ̀ɛ kìtuwe ki kɛɛ ghɛɓsi ɓi zòghɛ̀n ì ɓìɓe ɓis.

ÀPÒKÀLIƁSƐ̀ 21:23

Bàn ìnɛn ì yin ɓiì tɔtɔgh lɛ ŋwos nsoò lɛ ŋwii ɓyɛɛ kpeŋzi yɔ̀ ɓisuulɛ rìkem ɗi Bɛ̀ll ɗyɛɛ̀ kpeekpeŋzì yɔ̀, Man à jɔ̀ɔ̀ à ki ɓa lamɓà à bàn ìnɛn.

ÀPÒKÀLIƁSƐ̀ 22:5

Ìru waa ɓati ɓi, ɓumɓɛ̀n ɓɛ̀ kɛɛ̀ ɓati ri zày ì kìtɛɛtɛn ki lamɓà, nsoò ki ŋwos ɓisuulɛ Kan Bɛ̀ll à rì ɓɔ ɓiì kpeekpeŋzì rì kìtɛɛtɛn kii, fɔɔnnɛ ɓɛ ɓiì làmii fiɗyàɓ fikɔ̀ɔ̀.