Kaàtà ànɛ Pol à kàngà TIT 3:5 - Bafia Nouveau Testament

⁵ nni à ghɛɓsìghà ɓìsi, àa ɓisuu ɓìɓan ɓi saaɗ, ɓi tì kìkìghà, lɔŋ à ghɛɓsìghà ɓìsi lɛ nɗem wu nyìinyìg wu à rì rì wɔ, rì ɗùùɗùù ɗi ɗi ti ɗi kilàg lɛ mum a ɓiìti kìyalɛɛ, rì rìkì ɗi Kìtɛntɛ̀ɛ̀n ki Nghay kɛɛ̀ kìlag lɛ mum a ghay nyɔɔnyɔn à mum.

Kaàtà ànɛ Pol à kàngà TIT 3:5 ပူးပေါင်းရင်းမြစ်များ

MATYOO 3:11

Mɛ̀ɛ m̀ɓàaɓaɓtì mìni rì mɛ̀nig lɛ ɓì lɔ̀ɔ̀ghrɛɛ mɛ̀rem, kìɓan kifog roànɛ à rìì mɛ̀ ajɛ̀m à cee mɛ̀ ɓi-tèɗ; nyii ri mìni ɓiì ɓàɓtii lɛ rì Kìtɛntɛ̀ɛ̀n ki Nghay, rì ɗuu. Mɛ̀ ǹkpaŋi gì ɓi ɓi ǹkoŋ wulɛ ǹsɔ̀ŋì nyi gòò ɓi mɛ̀kòò.

LUKAS 1:50

ǹɗem wii wu nyìighnyìg wɛɛ ghɛnag ɓi gbàà yìcèm, a ɓumɓɛ ɓɛɛ̀ nìgi nyi.

LUKAS 1:54

À ghɛɓsìghà kìlɔ̀ŋ ki Isirayɛl ǹkìì-kìsay wiì kɛ̀ɛ ɗimzɛn lɛ, a resi ǹɗem wu geesɛ̀n,

LUKAS 1:72

Rìkì ɗiǹ ɗyɛɛɗi a rèsàg geesɛ̀n yìì ɓi ɓɛg ànɛ a ɓɛ̀seŋi ɓis, à ki yiti bee inɛ à rengà rì ɓɔ, ìnɛ ìrì ǹtɛnɛn

LUKAS 1:78

Lɛ Bɛ̀ll wìs à rì ǹɗonɛn ri coo geesɛ̀n, fɔɔnnɛ à ri rom yi ɓìsi kìtɛɛtɛn ki aɗyoo, ki ki ri fɛlɛ yɛ̀ɛ baso ì ŋwos

RÒMƐŊ 11:14

Lɛ i bee yàa rì lɛ ì ɓa, ǹkì lɛ ɓumɓɛ ɓi kìlɔ̀ŋ kɛm̀ ɓɛɛ wog yɔ̀ɔ̀tì, di gàɓ ìdɛŋ yɛ̀ɛ ghɛ̀ɓ.

RÒMƐŊ 11:6

À ɓɔ̀ngà ɓɔ lɛ geesɛ̀n yìì, àa lɛ mɛ̀kìkìì maa, i kɛɛ ɓa lɛ mɛ̀kìkìì maa, di geesɛ̀n ì Bɛ̀ll ì yin kɔɔ̀kɔɔ̀ à geesɛ̀n.

RÒMƐŊ 12:2

Kɛ̀ bi nɔ̀ɔ̀ti cɛɓ ki ɓumɓɛ ɓi mɛ̀ru mɛ ɓɛɛ̀ ghɛghɛ̀ɓ, kìɓan kifog, càrɛɛnà lɛ Bɛ̀ll a lɔgti mìni di à koɓsɛɛ mɛ̀yitì mɛ̀cèm mɛ mɛ ri mìni ɓi mɛ̀rem, ìsuùcèm, rì mɛ nyɔn, fɔlɔɔ nnɛ ɓi rì min ɓiì yiì rìkɔ̀n ɗi Bɛ̀ll, rì ɓìɓan ɓi ɓi rɔɔtɛɛ, rì ɓi ɓyɛɛ̀ rɔɔghi nyi, rì ɓi ɓi ri kɛ̀ɛ̀ kìɓan ki ɓɛ fen miì.

RÒMƐŊ 3:20

Ɓisuulɛ ŋwàdɛŋ àa ghɛnɛn ɓi lɛ saaɗ ɓi mis mɛ Bɛ̀ll, lɛ à ɓègà ɓìɓan ɓi ɓìdɔ̀gsɛna ɓyɛɛ̀ kpaakpàà; ɓìdɔ̀gsɛna ɓyɛɛ̀ ghɛɛghɛɓsì lɔŋ mum lɛ a yi lɛ à kìi kìɓe.

RÒMƐŊ 3:28

Lɛ ɓìsiì fèki lɛ mum à rì ɓi ghɛnɛɛ lɛ à rì lɛ saaɗ ɓi mis mɛ Bɛ̀ll lɛ rìgherɛ̀n, kìɓan kiǹ kɛ̀ kɛɛ̀ ɓa lɛ, rìɓèŋ ɗi à ti à ɓègì ɓìdɔ̀gsɛna.

RÒMƐŊ 4:5

Wɔ̀lɛ i mum à kìi ɓi kisay, kìɓan kifog à gherɛ̀n Bɛ̀ll ànɛ à ti à kìlàg lɛ ǹkì-kìɓe a ɓa lɛ saaɗ ɓi mis mii, rìgherɛ̀n ɗii ɗi ki lɛ Bɛ̀ll a ghɛǹ nyi lɛ saaɗ à mum.

RÒMƐŊ 9:11

Kɔlɛ ɓɔn ɓii ɓɛ ɓaghà di ɓɛ ka yalɛn ɓi, di ɓɛ ka ki ɓi kirɔɔ nsoò kìɓe, nni yɛ̀ɛ Bɛ̀ll à rì rì bimiɗ wìì a fèg ɓi rìɓɔ̀n ɗi ɓum, fèg wìì anɛ̀n à seesee rìreŋì ɗi à ti à regì ɓɔ, kɛ̀ɛ seesee mɛkìkìì maa ɓi ɗi lɛ a resi lɛ a nɔ̀ɔnɔɔ̀tì lɔŋ rifèg ɗii ɗiǹ,

RÒMƐŊ 9:16

Kìɓan kiǹ ki yin ɓi rìkɔ̀n ɗi mum, kɛ̀ kɛɛ̀ ki ɓa lɛ kìtèèsii kii ki nyòò, ki seesee lɔŋ Bɛ̀ll ànɛ à ti à wokì mum nyìighnyìg.

RÒMƐŊ 9:30

Cɛ tì rì min lɛ tì kpaa? Ti kpaà lɛ ɓumɓɛ ɓɛ yin Ɓɛ̀yudɛ̀n, ɓɛ kɛɛ̀ ki ɓa ɓumɓɛ ɓɛ kaakààghà lɛ ɓɛɛ ɓa lɛ saaɗ ɓi mis mɛ Bɛ̀ll, ɓɛ ti lɛ saaɗ ɓi mis mii lɛ rìgherɛ̀n.

1 KƆ̀RƐ̀ŊTYƐŊ 6:11

Gàɓ ì ɓum ìdɛŋ ìnɛ ɓi mìni, ì ɓaghà mɛ̀kuu mɛ ɓum mɛ̀n; wɔ̀lɛ ɓɛ sooghà mìni, ɓɛ tɛɛ̀zì mìni, ɓɛ ki kì lɛ ɓi ɓa lɛ saaɗ ɓi mis mɛ Bɛ̀ll, ɓi ɗii ɗi Kan Yeesus Kiris, rì ìtèɗ wu Ǹghay à Bɛ̀ll wìs.

GÀLAT 2:16

Nni wɔ̀lɛ tì yii lɛ mum à yin lɛ à ɓa lɛ saaɗ ɓi mis mɛ Bɛ̀ll lɛ yɛ̀ɛ a nɔ̀ɔnɔɔ̀tì ɓìdɔ̀gsɛna ɓi Ɓɛ̀yudɛ̀n, lɔŋ ŋwaànɛ à gherɛɛ Yeesus Kiris nnyɛɛ ri lɛ saaɗ ɓi mis mɛ Bɛ̀ll, fɔɔnnɛ ɓìsi girig tì gherɛ̀ngà Yeesus Kiris lɛ di ti ghɛnɛn ɓi mis mɛ Bɛ̀ll lɛ tì rì lɛ saaɗ lɛ rìgherɛ̀n ɗi tì gherɛɛ Kiris, àa ɓisuulɛ ti nɔ̀ɔnɔɔ̀tì ɓìdɔ̀gsɛna; lɛ rìɓèŋ ɗi ɓidɔ̀gsɛna ɗi yin lɛ ɗi ki lɛ mum a ɓa lɛ saaɗ ɓi mis mɛ Bɛ̀ll.

EFÈZYƐŊ 2:4

Wɔ̀lɛ Bɛ̀ll à rì rì nyìighnyìg yɛ̀ɛ mɛ̀nɔ̀ɓɔ̀ fɔɔnnɛ ɓi coo nkɔ̀nɛ̀n ànɛ à keesìghà ɓìsi rì nyi,

EFÈZYƐŊ 4:23

Ɓì ghɛ̀ɛ̀sɛɛ kì ɓaà ɓɛ̀nyɔɔnyɔn ɓɛ ɓum lɛ kɔɔ̀kɔɔ̀ ɓi mɛ̀rem min, rì ɓi mɛ̀yitì min.

EFÈZYƐŊ 5:26

À kìghà fɔlɔɔ lɛ di Kìseŋi kii kɛɛ ɓa kìtɛnɛn; lɛ à tɛɛ̀zìghà kɔ lɛ rì mɛ̀nig rì jɛ̀ɛ̀;

KÒLÒSYƐŊ 3:10

Ɓì teɗ nyɔɔnyɔn à rìɓa, ànɛ à rì rìɓa ɗi ŋwaànɛ à ti ncenɗɛn, à ɓa cààmɛ̀n kìcèm à suùsùgtì nyɔn ɓi kìpisɛn ki roànɛ à kìghà nyi, lɛ di a konag lɔŋ nyi kì yiì kɔɔ̀kɔɔ̀ à rìyi.

2 TIMOTE 1:9

Bɛ̀ll yɛɛ kweɗkà ɓìsi, à ki reŋi ɓisi ǹɗeèghreŋi wu wu ri wùtɛnɛn, àa ɓisuu mɛkìkìì mis, lɔŋ ɓisuu fèg wìì a nyimiɗ rì geesɛ̀n yìì inɛ à kìghà ɓìsi ɓi Yeesus Kiris; à kìghà kìɓan kiǹ di ɓyààmɛ̀n ɓi a rìtumɛ̀n ɓi ka yin.

Kaàtà ànɛ Pol à kàngà TIT 3:4

Kìɓan kifog yɛ̀ɛ kìrɔɔ-nɗem à Bɛ̀ll ànɛ à rì ǹghɛɓsì wìs, rì ǹkɔ̀nɛ̀n ànɛ à rì rì nyi ɓisuu ɓum, ɓi resɛ̀ngà,

EBIREEGH 10:22

Ti tyòŋdɛɛna min Bɛ̀ll jàŋbog rì ǹɗem wu wu ri lɛ sɛɛghi sɛɛghi, rì rìgherɛ̀n ɗi ɗi ri ɗìronɛn, ǹɗem wù tɛnɛn ɓi ɓɛg ànɛ a ɓìɓan ɓi ɓi ri lɛ ɓi fa wɔ̀ bɛ̀lɛn, nyoo ì ɓa ǹwùɓsiyɛn ɓi mɛ̀nig mɛ mɛ ri mɛ̀ tɛnɛn.

EBIREEGH 4:16

Ti tyoŋdɛn min jàŋbog rì ìkɔ̀ɔ̀ wu rilàmì wu Bɛ̀ll, jàŋ inɛ geesɛ̀n ì rì, tì ɓa rì ǹtyweeyi, di fɔɔnnɛ ɓɛɛ wog ɓìsi nyìighnyìg, tì ki ghɛn geesɛ̀n ìnɛ ì rì ɓìsi ɓiì ghɛɓsii ɓi cààmɛ̀n ki ki ghɛɛ̀sɛɛ.

EBIREEGH 6:6

ɓɛ ki sugti ki kpìi ɓi kìɓeɓtàg ki cɛɓ, bee inɛ ŋwaà rì lɛ à kì lɛ ɓɛɛ lɔɔ̀ghrɛn tì nɗem ì yiìdi ɓisuulɛ, ɓɔɔ̀ ɓìiɓiìtì kì kpanì Man à Bɛ̀ll ɓi Kɔrɔs aɗyoo, ɓɛ ki sòosoòtì nyi ɓi mis mɛ ɓum.

1 PYƐƐRI 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris; ɓi coo kipuɓì ǹɗem kii, à faghà ɓìsi cɛɓ ki nyɔn yɛ̀ɛ à ghèmzìghày Yeesus Kiris a ɓìloŋ; fɔlɔɔ a fa ɓìsi dyàɓɛn inɛ ì rì cem rì ǹtyweeyi,

1 PYƐƐRI 2:10

mìni ɓɛ ɓì ɓaghà ɓi kìlɔ̀ŋ kii abɛ̀y, mìni yɛɛ ti kìlɔ̀ŋ ki Bɛ̀ll ɓigomìnɛ, mìni ɓɛ Bɛ̀ll àa nti kɛ̀ɛ rèsi ǹɗem wu nyìighnyìg a lɔ̀ŋkin abɛ̀y, ɓigomìnɛ, à mɛ wog mini nyìinyìg.

1 PYƐƐRI 3:21

Mɛ̀nig mɛǹ mɛ ɓaghà kìfèèghrɛnà ki bàɓtis ìnɛ yɛɛ̀ ghɛɛghɛɓsì mìni ɓigomìnɛ, bàɓtis ìnɛ̀n ì yin ɓiì sòòsoo tifin ti ɓi nyoo, kìɓan kifog ì rì rìfalɛ̀n ɗi mum à falɛɛ yɛ̀ɛ Bɛ̀ll rì syeesyee à nɗem. A ghɛɛghɛɓsì mìni lɛ rìghèmɓɛ̀n ɗi Yeesus Kiris à ghèmɓɛ̀ngà,