Kaàtà ànɛ Pol à kàngà TIT 2:14 - Bafia Nouveau Testament

¹⁴ ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

Kaàtà ànɛ Pol à kàngà TIT 2:14 ပူးပေါင်းရင်းမြစ်များ

MATYOO 1:21

À ɓiì yalì man à baŋì, ù ki ròò nyi ɗii lɛ Yeesus, lɛ nnyɛɛ ɓiì kòri kìlɔ̀ŋ kii ɓi ɓìɓe ɓyaa.

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

MATYOO 3:12

À rìì rì mɛ̀tɛŋkɛlɛ mii ɓi càg, fɔɔnnɛ à ɓiì fyɔnì kìbog kii à foŋ gèŋ i cag-cag ɓi ɓìkàɗ; wɔ̀lɛ à tɔ̀n ɓìkoroɗ ɓi ɗuu ɗi ɗyɛ̀ kɛɛ̀ ɗimi.

ZYAŊ 10:15

lɔŋ yɛ̀ɛ Tààta à yii mɛ̀, mɛ̀ ǹki yi Tààta; mɛ̀ ǹki faa cɛɓ kɛ̀m ɓisuu jɔ̀ɔ̀ yɛm̀.

ZYAŊ 6:51

Ǹɗì bìrɛs ì cencem ìnɛ ì sɛngày aɗyòò, ŋwaànɛ à ɗii bìrɛs ìnɛ̀n, à rì ɓiì ghɛɓì fìɗyàɓ fikɔ̀ɔ̀. Bìrɛs ìnɛ m̀ɓiì faà ìnɛ̀n, yɛ̀ɛ ri nyoo yɛ̀m ìnɛ ǹɗì ɓiì faà, lɛ ziinɛ yɛ̀ɛ ɓa rì cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 15:14

Simɔn àa rèsii ɓìsi yɛ̀ɛ ki kilɛ̀ngà a rìtumɛ̀n lɛ, Bɛ̀ll a ɓɔn kìlɔ̀ŋ ki kɛɛ ɓa kiŋkii, ɓi nyìinyìm à ɓìlɔ̀ŋ ɓi zɛy.

MƐ̀KÌKÌÌ MƐ ƁƐKƐ̀NÌ-FÌTOM 15:9

àa ǹɗèsii ɓi ǹɗèè ɓi nyìinyìm ànɛ lɛ rì ɓìsi rì ɓɔ, àa ǹtɛɛ̀zii ɓɔ mɛ̀rem lɛ rìgherɛ̀n ɗi ɓɛ ǹgherɛɛ nyi.

MƐ̀KÌKÌÌ MƐ ƁƐKƐ̀NÌ-FÌTOM 20:28

Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

MƐ̀KÌKÌÌ MƐ ƁƐKƐ̀NÌ-FÌTOM 9:36

Giɓ adɛŋ yɛɛ ɓaghà ǹgherɛ̀n a Zyope ɗii lɛ Taɓita yɛɛ lɔɔ lɛ Dorikas; à kìkìghà kìrɔɔ lɛɛ̀gwey à ki ghɛɛghɛɓsì ɓum ɓɛ nyìighnyìg.

GÀLAT 1:4

Yeesus à faghà cɛɓ kii ɓisuu ɓiɓe ɓis lɛ di a pwaŋ̀ ɓìsi ɓi kìɓeɓtàg ki zi ki tì rì ki miì gɛɛ̀nɛ, lɔŋ yɛ̀ɛ rìkɔ̀n ɗi Bɛ̀ll ànɛ à rì Seŋi wìs ɗi ri.

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

GÀLAT 3:13

Kiris à kwèɗkà ɓìsi ɓi ncɛ̀m à ɓìdɔ̀gsɛna, lɛ à ghalà mum à ǹcɛ̀m ɓisu wis, - lɛ ki ri kì kànɛn lɛ: Mum ǹcèm ànɛ ɓɛ surii ɓi mɓàg à ti ǹcɛ̀mɛn.

EFÈZYƐŊ 1:11

Ɓi rìɓa ɗis ɗi tì rì ɓi Kiris, tì mɛ teɗ gàɓ yìs i cɛɓ lɛ Bɛ̀ll à lokà ɓìsi kì ɓɔ̀ni lɔŋ yɛ̀ɛ rìyitì ɗii ɗi ɓaghà. Bɛ̀ll a kìlag ɓiɓan lɔŋ yɛ̀ɛ ǹɗem wii wu kɔnì.

EFÈZYƐŊ 2:10

Ɓisuulɛ, tì rì kìsay ki nnyɛɛ salà; à yègà ɓìsi ɓi Yeesus Kiris lɛ, ti ghɛɓ cɛɓ ki ki ri rì mɛ̀kìkìì mɛ syeesyee mɛ Bɛ̀ll à lokà kì pègsɛɛ lɛ ti kilag.

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

TIMOTE 1:15

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀ ànɛ ɓum ɓɛ̀cèm ɓɛ ghɛɛ̀sɛɛ lɔŋ kiterì rì ǹtyweeyi wucèm yɛ̀ɛ ri lɛ Yeesus Kiris à yùghà ɓi ziinɛ lɛ a ghɛɓsi ɓɛ̀kìì-kìɓe, nni ɓi ɓɛ̀kìì-kìɓe ɓɛǹ, mɛ̀ yɛɛ ri lɛ ɓog.

TIMOTE 2:10

Lɔŋ ɓìɓan ɓi syeesyee ɓi ɓɛɛ̀ kìkì, ɓyɛɛ ghɛɛ̀sɛɛ kì ɓaà mɛ̀rɛ̀ŋ maa, lɛ fɔlɔɔ yɛɛ ghɛɛ̀sɛɛ rì ɓɛ̀yiɓ ɓɛ ɓɛɛ̀ nɔ̀ɔnɔɔ̀tì rìgherɛ̀n.

TIMOTE 2:6

nnyɛɛ falɛ̀ngà nyimiɗ lɛ a leɓ pon anɛ ɓi gòri ì ɓum ɓɛ̀cèm; fɔlɔɔ a rì kìɓan ki ki kilɛ̀ngà, ɓi cààmɛ̀n ki ki ɓaghà kìsiŋdɛn,

TIMOTE 6:18

Kali ɓɔ lɛ, ɓɛɛ kiki kìrɔɔ, ɓɛɛ kum̀ ɓi ɓìsyeesyee ɓi mɛkìkìì, ɓɛ ɓa rì rìɓòò, ɓɛ fafà ɓum ɓyom,

Kaàtà ànɛ Pol à kàngà TIT 2:7

Wɛ̀ɛmiɗ ù ɓa kìfèèghrɛnà ɓi rìkì ɗi ɓiɓan ɓi syeesyee, ù rèèrèsàg ɓum dɔgtɛ̀n inɛ ì rì ǹtɛnɛn, ɗì rìmum.

Kaàtà ànɛ Pol à kàngà TIT 3:8

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀, fɔɔnnɛ nkɔ̀ngi lɛ u siìrɛn ɓi rìkpaakpàà ɗi yɔ̀ di fɔɔnnɛ ɓumɓɛ ɓɛ gherɛ̀ngà Bɛ̀ll ɓɛɛ teèsi nyoo lɛɛ̀gwey, ɗì rìkìkì ɗi ɓiɓan ɓi syeesyee kìɓan kiǹ kɛɛ rɔɔtɛɛ ki ki ɓa ri gɛɓsɛ̀n ɓisuu ɓum.

EBIREEGH 1:3

Man ànɛ̀n à rì cììghziŋ ki rikem ɗi Bɛ̀ll, à ɓa tì syeesyee à kìfèèghrɛnà ki ɓi rìɓa ɗi yɛ̀ɛ Bɛ̀ll à rì, à lènlemi ɓyom ɓìcèm rì jɛ̀ɛ̀ yìì inɛ ì rì rì ìtèɗ. Yɛ̀ɛ à lègsìghà zòghɛ̀n ìnɛ ɓi ɓìɓe ɓi ɓum, fɔɔnnɛ à kɔ̀rìghà ɓi ɗyoo ɓiɗùm, ɓi weèlem à Bɛ̀ll ànɛ à làŋi mɛ̀tèɗ mɛcèm.

EBIREEGH 10:24

Ti ɓèeghɓèŋɗɛɛna ɓìsi rì ɓìsi, tì feèfègsɛ̀n lɛ ti ɓa rì ǹkɔ̀nɛ̀n, tì ki kìki ɓiɓan ɓi syeesyee.

EBIREEGH 9:14

bɔ̀ɓ yaŋ min ɗi bwaɓ yi Kiris ànɛ à falɛ̀ngà nyimiɗ ri Bɛ̀ll, kɛ̀ɛ̀ fìfin, ɓi Nghay ànɛ à ri fìɗyàɓ fikɔ̀ɔ̀. Bwaɓ yii yi ri ɓiì tɛɛ̀zii mɛrem mis ɓi ɓɛg ànɛ a ɓìɓan ɓi ɓi ri kɛ̀ɛ̀ gɛɓsɛ̀n, lɛ ti ki Bɛ̀ll ànɛ à rì cem kisay.

ZYAG 4:8

Tyɛ̀ɛ̀tɛɛna Bɛ̀ll jàŋbog fɔɔnnɛ nyi girig à rì mìni ɓiì yùu jàŋbog, sòona ɓyàg ɓin ɓyɛɛ tɛn, mìni ɓɛ̀kìì-kìɓe, ɓì ki kpɔg mɛrem min, mìni ɓum ɓɛ tyoo tiɓɛɛ̀.

1 PYƐƐRI 1:18

rì rìyitì ɗi lɛ ɓɛ kweɗkà ɓi mini ɓi kìɓeɓtàg kin ki cɛɓ ki ɓì tekà rì ɓɛ̀seŋi ɓin, rì ɓyom ɓi ɓi ri lɛ ɓi ɗyoŋ fɛlɛ yɛ̀ɛ mɔ̀ɔ̀ni nsoò lɛ gol,

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

1 PYƐƐRI 2:12

Ɓaana rì ɓìsyeesyee ɓi ɓisyɔ̀ɔ̀ ɓi nyìinyìm à ɓumɓɛ ɓɛ yin ɓɛgherɛ̀n, di fɔlɔɔ nnɛ kɛɛ ɓalag lɛ, jàŋ inɛ ɓɛ mɛɛ̀ ɓùŋ mini a mɓeɓɛn, yɛ̀ɛ ɓɛɛ̀ kali lɛ ɓi kìki ɓiɓeɓtàg ɓi ɓiɓan, i ɓɛ ghɛɛ mɛ̀kìkìì min mɛ syeesyee, ɓɛ kemzì Bɛ̀ll ŋwos anɛ à ɓiì yùu.

1 PYƐƐRI 2:9

Wɔ̀lɛ ɓi ɓɛg wìn, mìnii ri boo ì mum ìnɛ ì rì m̀ɓɔ̀nɛn, ǹɗaŋ wu ɓɛpìrɛɛtìrɛ̀ ɓɛ rifòm, kìlɔ̀ŋ ki ki ri ki Bɛ̀ll, ki ɓumɓɛ Bɛ̀ll à tekà ɓisu wiì lɛ ɓɛɛ laàlàmɓɛ̀n ɓɛ̀gɛn ɓɛ mɛkìkìì ɓɛ roànɛ à reŋìghày mìni lɛ ɓi pɛsɛn yì ɓi birìm, ɓi yu ɓi kìtɛɛtɛn kii ki ki ri kìɓan ki kuughrakɛn;

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 ZYAŊ 1:7

Kìɓan kifog i ti kɛ̀ɛ̀kɛɛ ɓi kìtɛɛtɛn fɛlɛ yɛ̀ɛ nyimiɗ a rì ɓi kìtɛɛtɛn, di tì rì ɓɛ̀ràrɛn ɓisi mɛ̀to mɛ̀cèm, fɔɔnnɛ bwaɓ yi Man wiì Yeesus yi soò ɓìɓe ɓis ɓìcèm.

1 ZYAŊ 1:9

Wɔ̀lɛ i tì gherɛɛ ɓìɓe ɓis ɓi mis mɛ Bɛ̀ll, tì rì lɛ tì ɓa rì ǹtyweeyi ri nyi lɛ, rìkì ɗii ɗi ri yɛ̀ɛ saaɗ a kɔ̀nkɔ̀n; à ɓiì cenɛɛ ɓisi ɓìɓe, à ki sòò mɛnànì mis mɛcèm.

1 ZYAŊ 3:2

Mìni ɓum ɓɛm ɓɛ nɗem, tì ti ɓɔn ɓɛ Bɛ̀ll ɓigomìnɛ, nni com ki tì rì ɓiì ɓaà ki ka resɛn ɓi lɛ tɛntɛ̀ɛ̀n; wɔ̀lɛ tì yii lɛ yɛ̀ɛ Kiris à ɓiì rèsɛɛ, tì ɓiì ɓaà com kìfog rì nyi, ɓisuulɛ, tì rì nyi ɓiì ghɛɛ̀ lɔŋ yɛ̀ɛ à rì.

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,

ÀPÒKÀLIƁSƐ̀ 5:9

Fɔɔnnɛ ɓɛ kɛkɛ̀ghìghà fyem fi nyɔn di ɓɛɛ̀ kpaakpaa lɛ: Wɔ̀ yɛɛ ghɛɛ̀sɛɛ lɛ ù teɗ kaàtà ànɛ̀n, ù ɓɛkì ɓɛ̀sìtam̀ ɓɛ miì, ɓisuulɛ ɓɛ wolà wɔ̀, ù ki kwèɗ ɓumɓɛ ɓi mɛ̀pwìɗ mɛ̀cèm, ɓìtòkì ɓìcèm, mɛ̀kuu mɛ̀cèm, ɓìlɔ̀ŋ ɓìcèm ɓisuu Bɛ̀ll rì bwaɓ yɔɔ.