Kaàtà ànɛ Pol à kàngà TIT 2:13 - Bafia Nouveau Testament

¹³ cààmɛ̀n ki ti ka ɓoŋɓoŋ coo ŋwos a kìnyàà ànɛ à rì dyàɓɛn yis, tì ki ɓoŋɓoŋ ti rìkem ɗi Bɛ̀ll wìs anɛ à teŋmɛɛ, rì ǹghɛɓsì wìs Yeesus Kiris,

Kaàtà ànɛ Pol à kàngà TIT 2:13 ပူးပေါင်းရင်းမြစ်များ

MATYOO 16:27

Lɛ Man à mum à ɓiì yùu ɓi rìkem ɗi Seŋi rì ɓum ɓii ɓɛ titom, nni fɔɔnnɛ à ɓiì lèɓi mum ǹcèm lɔŋ yɛ̀ɛ rìkì ɗii ɗi ri.

MATYOO 25:31

Yɛ̀ɛ Man à mum à rì ɓiì yùu, ɓì rìgwey ɗii, ǹɗaŋ ri ɓum ɓɛ titom ɓɛ̀cèm, à ɓiì kɔ̀rii ɓi-kɔ̀ɔ̀ wii wu rilàmì wu rikem.

MATYOO 26:64

Yeesus à ɓàg nyi lɛ: Wàa kpaà. Nni ǹki kpaatii mìni lɛ, à tumɛ̀n ɓigomìnɛ, ɓì ri ghɛn Man à mum di à kɔ̀kɔrii ɓi weèlem à Bɛ̀ll à ìtèɗ wucèm, ɓì ki ghɛɛ̀di nyi di a yùyuiy aɗyoo ɓi ɓìkwìɗ.

MARIKUS 14:62

Yeesus à ɓàg nyi lɛ: Ǹɗì Kiris, ɓì ki rì ɓiì ghɛɛ Man à mum di à kɔ̀kɔrii ɓi weèlem à Bɛ̀ll ànɛ àrì rì ìtèɗ wucèm, à ki yùyuiy ɓi ɓìkwìɗ ɓi aɗyòò.

MARIKUS 8:38

Ɓisuulɛ, ŋwaànɛ à rì mɛ̀ ɓiì woògh ǹtoòrìɗ, nsoò lɛ à wog ɓìɓan ɓyɛm̀ ǹtoòrìɗ ɓi gbàà ì ɓum ì gɛɛ̀nɛ, ìnɛ ì rì ɓɛ̀kìì-kìɓe rì ɓɛ̀kìì-tìsɔ̀mɔ̀g, Man à mum à woogh gɛ girig nyi ǹtoòrìɗ, ŋwos anɛ à yùu gɛ ɓi rìkem ɗi Seŋi wìì, ǹɗaŋ ri ɓum ɓii ɓɛ titom ɓɛ ɓɛ ri ɓɛ̀tɛnɛn.

MƐ̀KÌKÌÌ MƐ ƁƐKƐ̀NÌ-FÌTOM 24:15

ǹɗi rì dyàɓɛn yɛ̀ɛ Bɛ̀ll, nsoò ɓɔ girig, lɛ ɓumɓɛ ɓɛ ri lɛ saaɗ, nsoò ɓɛ ɓɛ yin lɛ saaɗ, ɓɛ ri ɓiì ghèmɓɛɛ ŋwosi righèmɓɛ̀n ɗi ɓilòŋ.

RÒMƐŊ 15:13

Bɛ̀ll ànɛ à ti à falàg ɓum dyàɓɛn ɓi nɗem a roòzi mìni lɛ rì kìnyàà, rì fyòoog ɓi nɗem lɛ pisa ɓi rìgherɛ̀n, di dyàɓɛn yiǹ yɛ̀ɛ roǹ ì sòsòɓ rì ìtèɗ wu Kitɛntɛ̀ɛ̀n ki Nghày.

RÒMƐŊ 5:5

Fɔlɔɔ nnɛ dyàɓɛn inɛ̀n ì ti yɛ̀ kɛɛ̀ ɓɔ̀ŋ ɓisi ɓisuulɛ Bɛ̀ll à ɗyɛɛghà ǹkɔ̀nɛ̀n wìì ɓi mɛ̀rem mis, rì Kìtɛntɛ̀ɛ̀n ki Nghay ki à faghà ɓìsi.

RÒMƐŊ 8:18

Mɛ̀ ǹghɛɛ lɛ, mɛ̀tɔɓ mɛ ti wowog ɓi cààmɛ̀n ki, mɛ wuɓsɛɛ ɓi ɓi com ɗì rìkem ɗi Bɛ̀ll à rì ɓiì rèsii ɓisu wìs.

1 KƆ̀RƐ̀ŊTYƐŊ 1:7

Fɔlɔɔ nnɛ com kidɛŋ ki kaarɛɛ tì ɓi mini ɓi rìɓoŋ ɗi ɓi ɓoŋɓoŋ cààmɛ̀n ki Yeesus Kiris à Kan wìs à ri rèsɛn ti.

2 KƆ̀RƐ̀ŊTYƐŊ 4:4

Ɓi san ànɛ a ɓumɓɛ ɓɛ ti ɓɛ ɓengì kìgherɛɛ, bɛ̀ll ì ziinɛ ì mɛ dùŋzag ɓɔ mɛ̀rem lɛ ɓɛ̀ kɛɛ̀ ghɛn yɛ̀ɛ Syeesyee à Ɓɔlɛ à rìkem ɗi Kiris a lònlòm; Kiris ànɛ à rì kìfèèghrɛnà ki Bɛ̀ll kɔmiɗ.

2 KƆ̀RƐ̀ŊTYƐŊ 4:6

Ɓisuulɛ Bɛ̀ll ànɛ à kpaaghà lɛ kìtɛɛtɛn kɛɛ lom ɓi birìm, nnyɛɛ lomgà kìtɛɛtɛn ɓi mɛ̀rem mis, lɛ a ki lɛ rìyi ɗi ɓum ɓɛ ri lɛ ɓɛ yi rìkem ɗi Bɛ̀ll ɗi ɗyɛɛ̀ lònlom ɓi-su wu Kiris ɗyɛɛ ghɛnɛ̀n.

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

KÒLÒSYƐŊ 1:5

ɓisuu dyàɓɛn yiǹ ìnɛ ì ɓoŋɓoŋi mìni aɗyoo. Dyàɓɛn incèm yɛ̀ɛnɛ jɛ̀ɛ̀ ìnɛ ì rì jɛ̀ɛ̀ ì kɔɔ̀kɔɔ̀ à kìɓan, jɛ̀ɛ̀ ì Syeesyee à Ɓɔlɛ, ì wogsìghà mìni abɛ̀y.

KÒLÒSYƐŊ 3:4

Yɛ̀ɛ Kiris ànɛ à rì cɛɓ kin, à ɓiì rèsɛɛ, fɔlɔɔ nnɛ, mìni girig ɓì ɓiì rèsɛɛ nɗaŋ ri nyi ɓi rìkem ɓi ɗùm.

2 TÈSÀLÒNÌSYƐŊ 2:16

Kan wìs Yeesus Kiris nyimiɗ, rì Bɛ̀ll à Seŋi wìs anɛ à keesìghà ɓìsi, à fa ɓìsi fɔɔy ànɛ ɓi nɗem ànɛ à rì fìɗyàɓ fikɔ̀ɔ̀, rì dyàɓɛn i syeesyee,

2 TÈSÀLÒNÌSYƐŊ 2:8

Ajɛ̀m ìnɛn innɛ Kìɓeɓtàg ki mum ki ɓiì rèsɛɛ yi, Kan à wey kɔ rì cɔ̀ŋzɛn ki ki kpaŋiì nyi ɓi ŋwɔm, à tììsì kɔ rì kìtɛɛtɛn ki ɓi rìsugtìì ɗii.

TIMOTE 1:1

Mɛ̀ Pol, ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll ànɛ à rì ǹghɛɓsì wìs, rì Yeesus Kiris ànɛ à rì dyàɓɛn yis.

2 TIMOTE 1:2

ǹkàni Timote à man wɛm̀ à nɗem, Bɛ̀ll Seŋi wìs, rì Yeesus Kiris Kan wìs, ɓɛɛ fa wɔ̀ geesɛ̀n ɗì rìcenɛ̀n, rì fyòoog

2 TIMOTE 4:1

M̀ɓɔ̀ŋzaagh wɔ̀ ɓi mis mɛ Bɛ̀ll rì ɓi mis mɛ Yeesus Kiris ànɛ à ghɛ̀ɛ̀sɛɛ kì yɔ̀mi lɛ rì ɓum ɓɛ cem rì ɓìloŋ, rì ɓi ɗii ɗi risugtìì ɗii, rì kìlɔ̀ŋ kii,

2 TIMOTE 4:8

Nni ɓigomìnɛ, tàm à rìkem ànɛ à rì tàm à saaɗ innɛ m̀ɓoŋɓoŋi, Kan ànɛ à rì ǹ-yɔ̀mì-ɓum ànɛ à rì lɛ saaɗ à rì mɛ̀ nyi ɓiì faà ŋwos anɛ̀n, nni àa mɛ̀ cɛ̀ncɛm nnɛ à rì ɓiì faà, kìɓan kifog à ɓiì faà ɓum ɓɛ̀cèm ɓɛ ɓɛ ɓoŋɓòŋgà rìsugtìì ɗii ri ǹkɔ̀nɛ̀n.

Kaàtà ànɛ Pol à kàngà TIT 1:2

kìɓan kiǹ kɛɛ sasaghii ɓi dyàɓɛn i cɛɓ ki fiɗyàɓ fikɔ̀ɔ̀, ki Bɛ̀ll ànɛ a maà pwàà ɓi a kàkà fìɗyàɓ, di ɓyààmɛ̀n ɓi a rìtumɛ̀n ɓi ka yin.

Kaàtà ànɛ Pol à kàngà TIT 1:4

Ǹkàni wɔ̀ Tit, kɔɔ̀kɔɔ̀ à man wɛm̀ ɓi rìgherɛ̀n ɗi ɗi ri ɓìsi bas, Bɛ̀ll à Seŋi wìs rì ǹkòrì wìs Yeesus Kiris, ɓɛɛ fa wɔ̀ lɛ rì geesɛ̀n, rì fyòoog.

Kaàtà ànɛ Pol à kàngà TIT 3:4

Kìɓan kifog yɛ̀ɛ kìrɔɔ-nɗem à Bɛ̀ll ànɛ à rì ǹghɛɓsì wìs, rì ǹkɔ̀nɛ̀n ànɛ à rì rì nyi ɓisuu ɓum, ɓi resɛ̀ngà,

EBIREEGH 9:28

fɔlɔɔ nnɛ Kiris ànɛ à falɛ̀ngà nyimiɗ gɛ̀n bog ɓi gɛ̀n yicèm lɛ a tɛg ɓìɓe ɓi ɓum lɛɛ̀gwey à rì ɓiì ɓììtii ti kìrèsɛɛ ɓi gɛ̀n i kìɓɛ̀ɛ̀ kɛ̀ɛ̀ kìɓe a ɓumɓɛ ɓɛɛ̀ ɓoŋɓoŋ nyi lɛ a kweɗ ɓɔ.

1 PYƐƐRI 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris; ɓi coo kipuɓì ǹɗem kii, à faghà ɓìsi cɛɓ ki nyɔn yɛ̀ɛ à ghèmzìghày Yeesus Kiris a ɓìloŋ; fɔlɔɔ a fa ɓìsi dyàɓɛn inɛ ì rì cem rì ǹtyweeyi,

1 PYƐƐRI 1:7

Mɛ̀tɔɓ mɛ̀n mɛɛ̀ fèeghfeèghrɛ̀n rìgherɛ̀n ɗin ɗi ɗi ri gìn i com ìnɛ ì cee gol kɛ̀ɛ̀ vèg; gol ì rì com ki ki ri lɛ ki ɗyoŋ, nsoò fɔlɔɔ ɓɛ ti ɓɛ fogì gol ɓi ɗuu lɛ ɓɛɛ ghɛǹ yɛ̀ɛ ì rì; fɔlɔɔ nnɛ ìtèɗ wu righerɛ̀n ɗin ɗi ɓɛɛ̀ fèefeèghrɛ̀n wu ɓiì ɓaà kìɓan ki mɛsɛɛ̀ghsɛɛgh, ɗì rìkem, ɗì ǹnyaasɛ̀n ɓisu win ŋwos anɛ Yeesus Kiris, à ɓiì rèsɛɛ.

2 PYƐƐRI 1:1

Mɛ̀ Simɔn Pyɛɛri ànɛ ǹɗì ǹkìì-kìsay, ǹki ɓa ti nkɛ̀nì-fìtom a Yeesus Kiris, ǹkàni ɓumɓɛ Bɛ̀ll à faghà rìkuu ɗi ntyweeyi ɗifog rì ɗinkis, ɓisu saaɗ à Yeesus Kiris à Bɛ̀ll wìs rì ǹghɛɓsì wìs.

2 PYƐƐRI 3:18

wɔ̀lɛ tɔɔtɔɔna ɓi geesɛ̀n, rì ɓi rìyi ɗi Yeesus Kiris ànɛ à rì Ǹghɛɓsì-ɓum, nyi yɛɛ ghɛɛ̀sɛɛ rì rìkem à tumɛ̀n gɛɛ̀nɛ à kpaŋ fìɗyàɓ fikɔ̀ɔ̀, Ààmɛ̀n.

1 ZYAŊ 4:14

nni ɓìsii ghɛngà, tì ki làalamɓɛ̀n lɛ, Tààta à romgày Man, lɛ a ghɛɓsi ziinɛ.

ZYUUDƐ 1:21

Kɛ̀ɛna asu ɓì kɔ̀kɔ̀rì lɔŋ ɓi nkɔ̀nɛ̀n à Bɛ̀ll ɓiɗùm, ɓì ɓoŋɓòŋ yɛ̀ɛ Kan wìs Yeesus Kiris à rì mìni ɓiì woògh nyìighnyìg, à fa mìni cɛɓ ki fiɗyàɓ fikɔ̀ɔ̀.

ÀPÒKÀLIƁSƐ̀ 1:7

Ghɛɛna à rìì ɓi ɓìkwìɗ, ɓum ɓɛ̀cèm ɓɛ ri nyi ɓiì ghɛɛ̀, nsoò ɓɛ̀roɓɛ ɓɛ tuɓkà nyi bèn. Fɔɔnnɛ mɛ̀kuu mɛ ɓum mɛ̀cèm mɛ ɓi ziinɛ mɛ ri seeghkɛɛ gɛ ɓisu wii. Ɛ̀ɛ̀ ki ɓaa gɛ fɔlɔɔ. Ààmɛ̀n.