Kaàtà ànɛ Pol à kàngà TIT 1:11 - Bafia Nouveau Testament

¹¹ ɓɛ ghɛɛ̀sɛɛ kì sìmi ɓumɓɛ̀n myɔm. Ɓɛɛ̀ ɓùuɓuùsì ɓɛ̀bimiɗ ɓɛ naa yi ɓum, ɓɛ rerèsì yɔ ɓìɓan ɓi ɓi ghɛɛ̀sɛɛ ɓi, lɛ ɓɛɛ fɔnfɔn mɔ̀ɔ̀ni mɛ ntoòrìɗ.

Kaàtà ànɛ Pol à kàngà TIT 1:11 ပူးပေါင်းရင်းမြစ်များ

MATYOO 23:13

Nyìighnyìg rì mìni ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ, fyɛɛ̀fyɛɛ̀ ɓì ŋwɔm ìghèy ɓi ɗùm, ɓisuulɛ ɓi ghegheg ɓum lɛ ɓɛ̀ kɛɛ ɗiŋi ɓi kìlɔ̀ŋ ki aɗyòò; mìniìɓɔmiɗ kɛ̀ ɓi ɗiŋi miì, kɛ̀ ɓi ki gherɛn lɛ, ɓumɓɛ ɓɛɛ̀ kɔ̀nkɔn lɛ ɓɛɛ ɗiŋi miì, ɓɛɛ ɗiŋì. [

LUKAS 20:40

Nni ɓɛ ghɛɛsìghà tì ɓi lɛ ɓɛɛ tɔg ti nyi ǹtɔɔ̀tɔɔgh.

ZYAŊ 10:12

Wɔ̀lɛ ŋwaànɛ a ɓèŋɓeŋ jɔ̀ɔ̀ lɛ ɓɛɛ leɓ nyi, kɛ̀ɛ ki ɓa mɓèŋì-jɔ̀ɔ̀, jɔ̀ɔ̀ yɛ̀ kɛɛ̀ ki ɓa lɛ yiŋkii, à ti à kìlàg lɛ, i à ghɛɛ ǹgɔn, à rinì jɔ̀ɔ̀, à làn. Ǹgɔn à yù kì ɓangii jɔ̀ɔ̀, à san yɔ.

RÒMƐŊ 3:19

Kɔlɛ ɓìsii yii lɛ com kìcèm ki ɓìdɔ̀gsɛna ɓi Bɛ̀ll ɓyɛɛ̀ kpaakpàà, ki ri kì kaliyɛn ɓisuu ɓumɓɛ ɓìdɔ̀gsɛna ɓi lamii, lɛ di mum kɛ̀ɛ ɓa ri kìɓan ki kaliyɛn, rì tì lɛ, di kɛɛ ghɛnɛn lɛ zi bimiɗ ì rì ǹkpìyɛn kiɓan ri Bɛ̀ll.

2 KƆ̀RƐ̀ŊTYƐŊ 11:10

Lɛ saaɗ à Kiris ànɛ à rì ɓi mɛ̀, ǹkalii jɛ̀ɛ̀ aɗyoo lɛ, ɓi ɓìlànà ɓi zi ɓi a Akayi, mum à yin lɛ à règ mɛ̀ rìsaàsànɛ̀n ɓi kìɓan kin.

TIMOTE 5:13

À kɛ̀ɛ̀dì kì ɓaà lɛ, yɛ̀ɛ ɓɛ ri kɛ̀ɛ̀ kìsay, ɓɛ yilàg ǹdèŋì wulɛ, rì naa ìnɛ̀n miì ɓɛ ɗiŋì, ɓɛ teetì cɛɓ ki ɓɛ̀ɓɔlɛ rì mɛ̀wɔ̀wɔrì, ɓɛ sagtɛ̀n ɓi rìɓa ɗi ɓɛ ri kɛ̀ɛ̀ kìsay, ɓɛ kpaakpàà ɓìɓan ɓi ɓaa ghɛ̀ɛ̀sɛɛ ɓi ki kpaà.

TIMOTE 5:4

I ǹkpɔɓ wu giɓ wu ri rì ɓɔn nsoò lɛ dòò, ɓɔɓti ɓɛ ka ghɛ̀ɛ̀sɛɛ kì loògh kì yilaagh lannɛ ɓɛ ri lɛ ɓɛ ghɛɓ ɓi naa yàà i ɓum yɛ̀ɛ ɓɛ̀gherɛ̀n, ɓɛ fa ɓɛ̀yalì ɓaa ɓyom ɓi ɓɛ ghɛɛ̀sɛɛ ɓɔ kì faà lɛ fɔlɔɔ yɛɛ ti à rɔɔghì Bɛ̀ll.

TIMOTE 6:5

rì nyoey yi yɛ̀ kɛɛ̀ ren ɓi nyìinyìm à ɓumɓɛ mɛ̀yitì maa mɛ ti ɓigɛŋ, ɓɛ̀ kɛɛ̀ yi saaɗ, ɓɛ ki fèki lɛ rìfalɛ̀n ɗi ɓi rìgherɛ̀n ɗi ri kìɓan ki mum à rì lɛ à fɔ̀nfɔ̀n miì.

2 TIMOTE 2:18

ɓɛ pasɛ̀ngà, ɓɛ caɗ saaɗ, ɓɛ yoòyògsì rìgherɛ̀n ɗi ɓum ɓɛdɛŋ di ɓɛɛ̀ kpaakpaa lɛ, rìghèmɓɛ̀n ɗi ɓiloŋ ɗi mɛ kpaŋ.

2 TIMOTE 3:6

Ɓum ɓɛdɛŋ ɓɛ ɓi nɗaŋ waa ɓɛ ti ɓɛ ɗiŋɗàg ɓi ɓɛ̀naa, ɓɛ ɓangìì ɓɔɔ ɓɛ̀yiɓ ɓɛdɛŋ ɓɛ ɓɛ tɛtɛɛgh ǹkun wu ɓiɓe, ɓɛ ki ɓa ɓɛ̀yiɓ ɓɛ ɓìɓan ɓi ɓi mɛ̀mùù mɛ̀kuu mɛ̀kuu ɓyɛɛ̀ yeeyeèsì, ɓi ɗiɗì mɛ̀rem ɗì rìkɔ̀n;

Kaàtà ànɛ Pol à kàngà TIT 1:7

Lɛ ki ghɛɛ̀sɛɛ lɛ ǹkɛ̀ɛ̀sì-kìseŋi a ɓa kɛ̀ɛ̀ tìcɔrɔɓ fɛlɛ yɛ̀ɛ m̀ɓèŋì ɓyom ɓi Bɛ̀ll; à ghɛ̀ɛ̀sɛɛ ɓi ki ɓaà rì kalɛn kɛ̀ɛ ɓa ŋwaà bim, kɛ̀ɛ ɓa kinɔɔ̀ mɛ̀rɔ̀g, kɛ̀ɛ ɓa ri ɓìgùg, kɛ̀ɛ ɓa ri kìsyɔ̀ɔ̀ ki lɛ a fɔngi mɔ̀ɔ̀ni ɓi kìcòò.

Kaàtà ànɛ Pol à kàngà TIT 1:9

à sììrɛ̀n lɛ tiŋtiŋ ɓi kɔɔ̀kɔɔ̀ à jɛ̀ɛ̀ lɔŋ yɛ̀ɛ ɓɛ resìghà nyi yɔ̀, fɔlɔɔ nnɛ à rì ɓiì ɓaà rì ìtèɗ wulɛ a rereɓ ɓum yɛ̀ɛ syeesyee à dɔgtɛ̀n a rèrèsì, à ki kì lɛ ɓumɓɛ ɓɛɛ̀ ɗùùɗuu ri syeesyee à dɔgtɛ̀n ɓɛɛ yi lɛ ɓɔ yɛɛ ri ɓi zɛ̀ɗ.

Kaàtà ànɛ Pol à kàngà TIT 3:10

I ŋwaàdɛŋ à yùu rì kìɓùùsì ki lɛ gasɛ̀n yɛ̀ɛ kpi ɓi nyìinyìm à ɓɛ̀gherɛ̀n, rɔ̀gsɛn nyi gɛ̀n yiɓɛɛ̀, ajɛ̀m ìnɛn, foŋa nyi ɓi nwɔŋì.