TIMOTE 6:17 - Bafia Nouveau Testament

¹⁷ Tɔgha ɓɛ̀guŋgum ɓɛ ɓi mɛ̀ru mɛ lɛ, ɓɛ̀ kɛɛ̀ ɓa ri kalɛn, ɓɛ̀ kɛɛ̀ ki foŋ dyàɓɛn yaà ɓi ìkum wu wu ri kɛ̀ɛ̀ ǹtyweeyi, ɓɛɛ foŋ lɔŋ dyàɓɛn yaà yɛɛ̀ Bɛ̀ll ànɛ à ti à falàg ɓìsi ɓyom ɓìcèm lɛɛ̀gwey lɛ ti wog kìrɔɔ rì ɓyɔ.

TIMOTE 6:17 ပူးပေါင်းရင်းမြစ်များ

MATYOO 12:32

I ŋwaà tòogh Man à mum kìɓe, ɓɛ cenɛ̀n nyi, kìɓan kifog ŋwaànɛ à ɓiì tòogh Kitɛntɛ̀ɛ̀n ki Nghay kìɓe nsoò ɓi cɛɓ ki gɛɛ̀nɛ, nsoò ɓi cɛɓ ki ki riì, ɓaa cenɛn ɓi nyi kìɓan kiǹ.

MATYOO 19:23

Fɔɔnnɛ Yeesus à kpaaghà ɓɛ̀yilàg ɓii lɛ: Nkalii mìni saaɗ lɛ, ki ri kìtèetèɗ ki kiɓan lɛ guŋgum a ɗiŋi ɓi kìlɔ̀ŋ ki aɗyòò.

MATYOO 25:16

Nni ǹkìì-kìsay ànɛ ɓɛ faghà tìraŋ̀ titaǹ à ghàskà kì tumɛɛ dùne rì tyɔ à fɔ̀n tìraŋ̀ tidɛŋ titaǹ.

MATYOO 27:57

Yɛ̀ɛ cɛŋkò ki kpagà, guŋgum a mum àdɛŋ ànɛ a Arimate ɗii lɛ Yoosɛɓ, à yùghày, lɛ nyi girig à ɓaghà ǹ-yilàg à Yeesus.

MATYOO 6:32

Ɓyom ɓìn, ɓumɓɛ ɓɛ yii bi Bɛ̀ll ɓɛɛ ti ɓɛ raŋzàg ɓyɔ kì kaakaa, wɔ̀lɛ Seŋi wìn anɛ à rì aɗyoo à yii lɛ ɓì ghɛ̀ɛ̀sɛɛ kì ɓaà rì ɓyɔ.

MARIKUS 10:24

Yɛ̀ɛ ɓɛ̀yilàg ɓɛ wokà fɔlɔɔ, ɓɛ kuuràg. Yeesus à ki pɛ̀si ɓìtòkì à kpaa ɓɔ lɛ: Ɓɔn ɓɛm, ki teèsɛɛ yɛ̀ɛ mɛ̀nɔ̀ɓɔ̀ lɛ mum a ɗiŋi ɓi kìlɔ̀ŋ ki aɗyoo.

LUKAS 19:2

Fɔɔnnɛ guŋgum adɛŋ ɗii lɛ Zasye ànɛ à ɓaghà rìfòm ɗi ɓɛterì-làmpoŋ̀,

LUKAS 3:11

Fɔɔnnɛ à ɓàkà ɓɔ lɛ: Ŋwaànɛ à rì ɓìlàà ɓiɓɛɛ̀, a fa gèni ànɛ à rì kɛ̀ɛ̀ kɔ kìfog; ŋwaànɛ à rì rì ɓyom ɓi ɗiyɛn, a yiti gèni ànɛ à rì kɛ̀ɛ̀ com.

MƐ̀KÌKÌÌ MƐ ƁƐKƐ̀NÌ-FÌTOM 14:17

Nsoò fɔlɔɔ, à rèrèsìghà lɔŋ riɓa ɗii, ɓi ɓìrɔɔ ɓi à kìkìghà ɓum, à ti à nɔsàg mìni bwey, à kì lɛ, ɓìɗilàg ɓyɛɛ ɗiŋi mìni, à fa mìni ɓyom ɓiɗiyɛn lɛɛ̀gwey, à ki roòzi mɛrem min ɗi kìnyàà.

MƐ̀KÌKÌÌ MƐ ƁƐKƐ̀NÌ-FÌTOM 14:27

Yɛ̀ɛ ɓɛ kpagà a Aŋtyos, ɓɛ taŋzɛ̀n ɓɛ̀gherɛ̀n ɓɛ ɓi kìseŋi ki wɔɔ, ɓɛ kpaa ɓɔ ɓìɓan ɓìcèm ɓi Bɛ̀ll à faghà ɓɔ ìtèɗ wulɛ ɓɛɛ kikì, à ɓiisɛ̀n rìnɛm ɗi à nɛmgà ɓum ɓɛ zɛy bee inɛ ɓɛɛ gherɛn girig nyi.

MƐ̀KÌKÌÌ MƐ ƁƐKƐ̀NÌ-FÌTOM 17:25

Fɔɔnnɛ kìsay kii ki yin ɓiì tɔtɔɔgh ɓyàg ɓi ɓum lɛ kɛɛ kìlɛn, ɓisuulɛ com kidɛŋ ki kaarɛɛ ɓi nyi; nnyɛɛ ti à falàg ɓum ɓɛ̀cèm cɛɓ, rì cɔ̀ŋzɛn rì ɓyom ɓimbog ɓìcèm.

RÒMƐŊ 11:20

Ki ri lɔŋ fɔlɔɔ lɛ ɓɛ rengàkà myaɓ mɛǹ lɛ rìɓa ɗi mɛ ɓaghà kɛ̀ɛ̀ rìgherɛ̀n nni kɔ̀ɔ kaakalɛ̀n, ù ghɛ̀ɛ̀sɛɛ gì kì risii.

EFÈZYƐŊ 5:5

Konaaghna kì yiì lɛ mum ǹcèm ànɛ à rì ǹkìì-tìsɔ̀mɔ̀g, nsoò lɛ ǹkìì ɓìɓan ɓi tifin, nsoò lɛ ànɛ à rì rì zày ì ìkum, yɛɛ lɔɔ lɛ mɓɔgsì ɓìnùn, à yin ɗi gàɓ ɓi kìlɔ̀ŋ ki Kiris, rì ki Bɛ̀ll.

KÒLÒSYƐŊ 3:16

Jɛ̀ɛ̀ ì Kiris yɛ̀ɛ kɔri mìni ɓi mɛ̀rem rì ɓìɓan ɓi syeesyee ɓìcèm ɓi ì rì rì ɓyɔ; ki ghɛɛ̀sɛɛ lɛ, ɓi nyìinyìm wìn, ɓɛ̀ro ɓɛdɛŋ ɓɛ reèrèsàg ɓɛ̀ro ɓɛmbog, ɓì reèrèɓɓɛ̀n mìni rì mìni rì ɗyomzɛ̀n lɛɛ̀gwey; ɓì kɛkɛ̀ɛ̀gh Bɛ̀ll tyem ti ɓi ɓɛ̀sam, rì mɛ̀ɓàlì rì ɓìgheesì ɓi Ǹghay à resii, kìina kìɓan kiǹ rì nɗem win wucèm.

TÈSÀLÒNÌSYƐŊ 1:9

Ɓum ɓɛɛ̀ kpaakpaa righàɓ ɗi ɓì ghàɓkà ɓìsi yɛ̀ɛ tì kpagà a lɔ̀ŋkin rì yɛ̀ɛ ɓì càɗkàkày ɓìnùn, ɓì lɔ̀ɔ̀ghrɛ̀n yɛ̀ɛ Bɛ̀ll lɛ ɓi ɓɔgsi nyi, lɛ nnyɛɛ ri kɔɔ̀kɔɔ̀ à Bɛ̀ll ànɛ a rì cem,

TIMOTE 1:3

Fɛlɛ yɛ̀ɛ ǹtɔkà wɔ̀ di ǹti lɛ nkɛǹ a Masedwan, ki ghɛɛ̀sɛɛ lɔŋ lɛ, u kɔkɔri a Efɛɛzɛ lɛ u siìtɛn ɓum ɓɛdɛŋ lɛ ɓɛ̀ kɛɛ̀ rèresi dɔgtɛ̀n yidɛŋ,

TIMOTE 3:15

Kìɓan kifog, nsoò màa lɛ̀mzii yì, ɓìɓan ɓi nkpaa ɓi ri wɔ̀ ɓiì rèsii lannɛ ki ghɛɛ̀sɛɛ lɛ u ghɛɓ ɓi naa ì ɓum ì Bɛ̀ll ìnɛ ì rì kìseŋi ki ɓɔn ɓɛ Bɛ̀ll ànɛ à rì cem à ki ɓa rikwìy ɗì kìlèmì ki saaɗ.

TIMOTE 4:10

Kìɓan ki ɓìsiì kpuukputɛ̀n, tì ki ɗùùɗuu miì ki ri lɛ, tì fogà dyàɓɛn yis ɓi Bɛ̀ll ànɛ à rì cem, à ki ɓa nghɛɓsì-ɓum ɓɛ̀cèm à ɓiisɛ̀n ɓɛ̀gherɛ̀n.

TIMOTE 5:21

M̀ɓɔ̀ŋzaagh wɔ̀ ɓi mis mɛ Bɛ̀ll rì ɓi mis mɛ Yeesus Kiris, rì ɓi mis mɛ ɓum ɓɛ titom ɓɛ ɓɛ ri ɓɛ̀ɓɔ̀nɛn lɛ, u ɓeŋ̀ ɓìɓan ɓi ǹsiitaagh wɔ̀ ɓiǹ, kɔ̀ɔ saa mum ìsu, kɔ̀ɔ ki ɓa ri nɗèè wu nɗem.

TIMOTE 6:13

Ǹtɔɔgh wɔ̀ ɓi mis mɛ Bɛ̀ll ànɛ à ti à falàg ɓyom ɓìcèm cɛɓ, rì ɓi mis mɛ Yeesus Kiris, ànɛ à konàkà kì rèsii righerɛ̀n ɗii ɓi mis mɛ Pilat lɛ,

TIMOTE 6:9

Kìɓan kifog ɓɛ̀roɓɛ ɓɛɛ̀ kɔ̀nkɔn lɛ di ɓaa kumi, ɓɛ ti ɓɛ kpilàg ɓi mɛ̀fèèghrɛn rì ɓi fìram fi lɛ ɓɛɛ ɓa rì zày ì ɓìɓan ɓi ɓiyèg rì ɓi ɓeɓtɛn ɓi ɓi ti ɓi pikì mum ɓi rìɗyaŋ rì ɓi rìwu.

2 TIMOTE 4:10

lɛ Demas àa nɗinii mɛ̀ à kɛ̀n a Tesalonika, lɛ ɓìɓan ɓi ɓi cɛɓ ki gɛɛ̀nɛ ɓyɛɛ̀ kɔ̀nkɔn nyi; Kiresaŋsɛ àa nkɛ̀ɛ a Galasi, Tit à kɛ̀n a Dalmasii.

Kaàtà ànɛ Pol à kàngà TIT 2:12

geesɛ̀n yìì inɛ̀n yɛ̀ɛ rèresi ɓisi lɛ ti roòzɛn cɛɓ ki kɛ̀ɛ̀ rìgherɛ̀n rì ɓìɓeɓtàg ɓi ɓiɓan ɓi ɓyɛɛ̀ kɔ̀ngi ɓum ɓi ziinɛ, tì ghɛɓ ɓi ziinɛ rì ɗyomzɛ̀n, tì ɓa lɛ saaɗ tì ki falɛn ɓi rìgherɛ̀n,

Kaàtà ànɛ Pol à kàngà TIT 3:6

Bɛ̀ll à romgày Kìtɛntɛ̀ɛ̀n ki Nghay kìn ɓi ɓìsi lɛɛ̀gwey ɓi gòò ì Yeesus Kiris à ǹghɛɓsì wìs,

2 PYƐƐRI 1:11

Fɔlɔɔ anɛ̀n nnɛ rìɗiŋì ɗin ɗi ɓi kìlɔ̀ŋ ki fiɗyàɓ fikɔ̀ɔ̀, ki Kan wìs rì ǹghɛɓsì wìs Yeesus Kiris, ɗi ri ɓiì ɓaà kɛ̀ɛ̀ maa ntɔɓ nsoò lɛsàg.