TIMOTE 5:17 - Bafia Nouveau Testament

¹⁷ Ɓɛ̀sɛ̀ɛ̀mɛn ɓɛ Kiseŋi ɓɛ ɓɛɛ̀ kɛ̀ɛkɛɛ̀sì ɓìɓan lɛ syeesyee, à ɓiisɛ̀n ɓɛ̀roɓɛ ɓɛɛ̀ teetekì ǹtɔɓ lɛ ɓɛɛ kakali ɓìɓan ɓi Bɛ̀ll ɓɛ ki rèresi ɓyɔ, ɓɛ ghɛɛ̀sɛɛ rì ǹyaasɛ̀n ànɛ à cee à ɓɛ̀ro ɓɛmbog gɛ̀n yiɓɛɛ̀.

TIMOTE 5:17 ပူးပေါင်းရင်းမြစ်များ

MATYOO 24:25

Kɛɛ̀ki ǹloogh mìni kì wogsii lɔɔ.

LUKAS 10:7

Kɔ̀riina lɔŋ ɓi mɛɛ mɛǹ, ɓi ɗiɗì ɓi ki nɔnɔ ɓyom ɓi ɓɛ faa mìni wɔɔ, ɓisuulɛ, ǹkìì-kìsay a ghɛɛ̀sɛɛ kì ɓaà rì mɛ̀lèɓ; kɛ̀ ɓi dèŋdèŋ lɛ, ì ɓì rì ɓi naa ìnɛ, ɓì cee ɓi ìnɛ.

LUKAS 12:42

Kan à ɓàg nyi lɛ: Ghɛn yɛ̀ɛ ri syeesyee à m̀ɓèŋì-ìkum anɛ à rì rì ɗyomzɛ̀n, nnɛ masà à rì ɓiì reɓsɛɛ ɓɛ̀kìì-ɓìsay ɓii ri nyi, lɛ a rɔɓ ɓɔ kì faà gàɓ yàà i ɓìɗilàg, ɓi cààmɛ̀n ki ki ghɛɛ̀sɛɛ.

ZYAŊ 4:38

Ǹɗomgà mìni lɛ ɓi kɛǹ mɛ̀saŋ ɓi dɛm inɛ ɓum ɓɛdɛŋ ɓɛɛ salà, mìnii ki ɗiŋi ɓi jàŋ inɛ ɓɔɔ mɛ say kɛ̀ɛ̀ mɛ̀tɔɓ.

MƐ̀KÌKÌÌ MƐ ƁƐKƐ̀NÌ-FÌTOM 11:30

Yɛ̀ɛ ɓɛ kighà fɔlɔɔ, nni ɓɛ romgà min Sol ɓɛɛ̀ Ɓarinaɓas rì ɓyom ɓìn lɛ, ɓɛɛ kɛǹ ɓyɔ kì faà rì ɓɛ̀sɛ̀ɛ̀mɛn ɓɛ a Zyude.

MƐ̀KÌKÌÌ MƐ ƁƐKƐ̀NÌ-FÌTOM 20:35

Mɛ̀ɛ ǹɗèsii mìni bee yicèm lɛ, cààmɛ̀n ki ɓi sasay fɔlɔɔ, kɛɛ̀ki ɓì rì ɓiì ghɛɓsii ɓɛ̀roɓɛ ɓɛ yin ɗi ìtèɗ, ɓì ki yiti jɛ̀ɛ̀ ìnɛ Kan à kalìghà ɓi ŋwɔm wii lɛ: Rì ŋwaànɛ à faa, rì ŋwaànɛ ɓɛ faa com roànɛ à faa yɛɛ ti à ɓiisàg kì woògh kìrɔɔ.

MƐ̀KÌKÌÌ MƐ ƁƐKƐ̀NÌ-FÌTOM 28:10

Ɓumɓɛ̀n ɓɛ nyaasìghà ɓìsi lɛɛ̀gwey; yɛ̀ɛ tì ɓaghà di tì ti ɓiì pɛ̀sɛɛ, ɓɛ faghà ɓyom ɓìcèm ɓi ɓi kaarɛ̀ngà ɓìsi bisuu rikɛ̀ɛ̀ ɗis.

RÒMƐŊ 12:8

Roànɛ Bɛ̀ll à faghà lɛ a teètèèsì ɓɛ̀geni nyoo rì deɓ à ghɛ̀ɛ̀sɛɛ kì sììrɛɛ ɓi rìkìkì ɗi fɔlɔɔ; roànɛ a kàakàɓsì ìkum wii, à ghɛ̀ɛ̀sɛɛ kì kìi kiɓan kiǹ kɛ̀ɛ̀ ǹkàŋɗɛ̀n; roànɛ a kɛ̀ɛkɛɛ̀sì ǹɗaŋ à ghɛ̀ɛ̀sɛɛ wɔ kì kɛ̀ɛ̀sii ri tìkɛɗ; roànɛ a ghɛɛghɛɓsì ɓum ɓɛ nyìighnyìg à ghɛ̀ɛ̀sɛɛ kì kìi kiɓan kiǹ rì kìnyàà.

RÒMƐŊ 15:27

Lɛ ɓɔmiɗ ɓɔ yɛɛ reǹgà kìɓan kiǹ, ki ki ghɛ̀ɛ̀sɛn fɔlɔɔ lɛ, i ɓumɓɛ ɓɛ yin Ɓɛ̀yudɛ̀n ɓɛ ti rì gàɓ ɓi ɓìrɔɔ ɓi ɓi nghay ɓi ɓi ɓaghà ɓisuu Ɓɛ̀yudɛ̀n, ɓɛ ghɛɛ̀sɛɛ girig ɓɔ kì ghɛɓsii cààmɛ̀n ki ɓɛ ri rì mɛ̀tɔɓ mɛ kisoghà.

RÒMƐŊ 16:12

Ɓì tɔkì mɛ̀ Tirifɛn ɓɛɛ̀ Tirifos ɓɛ ɓɛɛ̀ kìki Kan kìsay; ɓì tɔkì girig Pɛrisiidɛ à geni wɛ̀m à giɓ anɛ à ri mɛ̀ ɓi nɗem, nnyɛɛ mɛ say lɛɛ̀gwey ɓisuu Kan.

1 KƆ̀RƐ̀ŊTYƐŊ 15:10

Lɛ geesɛ̀n ì Bɛ̀ll, nnɛ ǹɗì com ki ǹɗì, nni geesɛ̀n yìì ɓi ɓɛg wɛ̀m ì wughà ɓi zɛy, ǹsalà gì kɔm̀ ǹcee ɓɔ ɓɛ̀sɛ̀ɛ̀ ɓɛ̀cèm, wɔ̀lɛ, àa mɛ̀ɛmiɗ yɛɛ salà, lɔŋ geesɛ̀n ì Bɛ̀ll ìnɛ ì rì rì mɛ̀, yɛ̀ɛ kighà kìsay.

1 KƆ̀RƐ̀ŊTYƐŊ 16:16

Mɛ̀kuu mɛ ɓum mɛ fɔlɔɔ mɛɛ̀mɛ ɓì ghɛ̀ɛ̀sɛɛ kì kìi mɛwog, rì mum ǹcèm ànɛ à ti à tekì gàɓ ɓi kìsay ki ɓɛɛ̀ kìkì, à ki sasay ri ɓɔ.

1 KƆ̀RƐ̀ŊTYƐŊ 3:9

Lɛ ɓìsiì kìki kisay ki Bɛ̀ll ǹɗaŋ, mìni yɛɛ ri dɛm i Bɛ̀ll, ɓì ki ɓa mɛɛ mɛ Bɛ̀ll a toŋtòŋ.

2 KƆ̀RƐ̀ŊTYƐŊ 6:1

Nni yɛ̀ɛ ki ri lɛ ti sasay nɗaŋ ri nyi, tì tɔɔgh mìni lɛ, kɛ̀ ɓi kì ɓaà lɛ geesɛ̀n ì Bɛ̀ll ìnɛ ɓì ghàɓkà yɛ̀ɛ wu zɛy.

GÀLAT 6:6

Kighɛɛ̀sɛɛ lɛ Ŋwaànɛ ɓɛɛ̀ rèresi jɛ̀ɛ̀ ì Bɛ̀ll a fa roànɛ a rèresi nyi gàɓ ɓi ɓyom ɓii ɓìcèm.

FÌLÌPYƐŊ 2:16

ɓì rèrèsì ɓɔ ɓɔlɛ à cɛɓ; kìɓan kiǹ ki ri mɛ̀ ɓiì ɓaà kìɓan ki nkeŋkem miì ɓi ŋwos a Kiris, ki ki rèsi lɛ ǹkpuùkpùtɛ̀ngà ɓi, kɛ̀ɛ nki ɗiɗig mɛtɔɓ zɛy.

FÌLÌPYƐŊ 2:29

Ɓì ghɛ̀ɛ̀sɛɛ min lɛ ɓì ghàɓ nyi rì kɔɔ̀kɔɔ̀ à kìnyàà ànɛ ɓi Kan ɓi ɗùm, ɓì ki nyaasag rikuu ɗi ɓum ɗi yɛ̀ɛ nyi.

FÌLÌPYƐŊ 4:3

Ɓi ɓɛg ànɛ a lɔ̀ŋkɔɔ, wɔ̀ reŋkàŋ wɛ̀m à kìsay ànɛ ǹɗì rì ǹtyweeyi ri nyi, ǹtɔɔgh wɔ̀ lɛ, u ghɛɓsi ɓɔ; lɛ ɓɛ̀yiɓ ɓɛǹ ɓɛ ɗuùghà ǹɗaŋ ri mɛ̀ ɓi rìsààtì ɗi Syeesyee à Ɓɔlɛ lɔŋ yɛ̀ɛ Kilemaŋ rì ɓum ɓɛm̀bog ɓɛ tì salà rì ɓɔ ǹɗaŋ ɓɛɛ̀ɓɛ mii maa mɛ ri mɛ̀kànɛn ɓi kaàtà à cɛɓ.

TIMOTE 3:5

Ɓisuulɛ i mum à yii ɓi rikɛ̀ɛ̀sì ɗi naa yìì i ɓum lannɛ à rì lɛ à yi rìfiɓì ɗi Kìseŋi ki Bɛ̀ll?

TIMOTE 4:10

Kìɓan ki ɓìsiì kpuukputɛ̀n, tì ki ɗùùɗuu miì ki ri lɛ, tì fogà dyàɓɛn yis ɓi Bɛ̀ll ànɛ à rì cem, à ki ɓa nghɛɓsì-ɓum ɓɛ̀cèm à ɓiisɛ̀n ɓɛ̀gherɛ̀n.

TIMOTE 4:14

Kɔ̀ɔ sɛɛti rifa ɗi Nghay ɗi ù rì ri ɗyɔ, ɗi ù tekà ɓi rìkpaa ɗi ɓɛ̀kpaŋzì-ɓìɓan, ɓɛ kpaaghà, ɓɛ̀sɛ̀ɛ̀mɛn ɓɛ Kiseŋi ɓɛ saghì wɔ̀ ɓyàg ɓi nyòò.

TIMOTE 4:16

Ù konàg lɛ rì wɛ̀ɛmiɗ, rì ɓìɓan ɓi u rèresi ɓum, ù ki sììrɛn miì rì ìtèɗ; ɓisuulɛ i u kìki fɔlɔɔ, ù ɓiì ghɛɓsii lɛ rì wɛ̀ɛmiɗ, rì ɓumɓɛ ɓɛɛ̀ wowog rikpaa ɗyɔɔ.

TIMOTE 4:6

Ù rì ɓiì ɓaà syeesyee à ǹkìì-kìsay a Yeesus Kiris di u kakali ɓɛgoni ɓìɓan ɓiǹ ù ki rèresi lɛ u mɛmɛni wɛ̀ɛmiɗ ɓi nghay rì ɓìɓan ɓi righerɛ̀n rì syeesyee à dɔgtɛ̀n ànɛ ù yilàkà yɛ̀ɛ ki ghɛɛ̀sɛɛ.

TIMOTE 5:19

Kɔ̀ɔ gherag sɔmìnà à ǹsɛ̀ɛ̀mɛn a Kìseŋi di ɓɛ̀nkɔ̀ɔwa ɓɛ yin ɓɛɓɛɛ̀ nsoò lɛ ɓɛraa ɓɛ ɓɛɛ ɓaàzi sɔmìnà ànɛn.

TIMOTE 5:3

Nyaasag mɛ̀kpɔɓ mɛ ɓɛ̀yiɓ mɛ mɛ ri lɛ mɛ̀kpɔɓ.

2 TIMOTE 2:6

Ǹsalì-dɛm anɛ a teetekì ǹtɔɓ, à ghɛ̀ɛ̀sɛɛ kì ɓaà ŋwaà beèbɛ̀y ànɛ a teɗ ɓìɗùn.

2 TIMOTE 4:2

lɛ u kakali jɛ̀ɛ̀ ì Bɛ̀ll, ù sììrɛ̀n miì ɓyààmɛ̀n ɓìcèm, lɛ rì ɓi syeesyee rì ɓi ɓeɓtɛn; kìya lɛ ɓum ɓɛɛ gherɛn, fwààdag ɓum, ù rerèɓ ɓɔ, ù yi rìnìɗ ɗi nɗem, ù ki rèeresàg ɓɔ.

EBIREEGH 13:17

Kìina ɓumɓɛ ɓɛɛ̀ kɛ̀ɛkɛɛ̀sì mìni mɛ̀wog ɓì fa ɓɔ bɔgsɛ̀n, ɓisuulɛ ɓɛɛ̀ ɓɔmɓɔm kirɔɔ ki ɓi mɛ̀ghay miǹ, lɛ ɓɛ ri ɓàaghgɛ kìɓan ki miì ɓi mis mɛ Bɛ̀ll; kìina lɛ ɓɛɛ kiki kìsay kiǹ ɗì kìnyàà, àa rì bemeg lɛ fɔlɔɔ àa ghɛɓsi ɓi mini bimiɗ à com.

EBIREEGH 13:24

Ɓìtògsàg ɓɛ̀rɛlì asu ɓiǹ, rì ɓɛ̀gherɛ̀n ɓɛ̀cèm; ɓɛ̀roɓɛ a Italii ɓɛ togsaaghi mìni.

EBIREEGH 13:7

Yitiina ɓumɓɛ ɓɛ lokà mìni kì kɛ̀ɛkɛɛ̀sì, ɓɛɛ wogsìghà mìni jɛ̀ɛ̀ ì Bɛ̀ll, ɓì fiɓì rìsyɔn ɗi cɛɓ kaa, ɓì nɔ̀ɔ̀tì ìkòò waa wu righerɛ̀n.