RÒMƐŊ 9:5 - Bafia Nouveau Testament

⁵ Ɓɛ ri dòò yi ɓɛseŋi ɓis ɓɛ ɓɛsɛ̀ɛ̀mɛn, fɔɔnnɛ Kiris, ɓi rìyalɛ̀n ɗii ɗi ɓi mɛ̀mùù, à rì ɓi boo yàà, nyi ànɛ à teŋmɛɛ à cee ɓyom ɓìcèm, à ki ɓa Bɛ̀ll ànɛ a keŋkem fiɗyàɓ fikɔ̀ɔ̀. Ààmɛ̀n.

RÒMƐŊ 9:5 ပူးပေါင်းရင်းမြစ်များ

MATYOO 28:20

ɓì rèsàg ɓɔ rìɓèŋ ɗi ɓiɓan ɓìcèm ɓi nsiŋdɛ̀ngà mìni; ɓì ki yi lɛ, ǹɗì ɓiì ɓaà nɗaŋ ri mìni ɓɛ̀ŋwos ɓɛ̀cèm à kpaŋ ɓi rìlèg ɗi zi.

MATYOO 6:13

Kɔ̀ɔ gherɛn lɛ, ti kpi ɓi mɛ̀fèèghrɛn ɓi ɗùm, lɔŋ pisi ɓìsi ɓi kìɓe, lɛ rìlàmì, rì ìtèɗ, rì rìkem ɓi ri ɓyom ɓyɔɔ fiɗyàɓ fikɔ̀ɔ̀. Ààmɛ̀n

LUKAS 20:44

Nni i Davit à mɛ reŋi nyi lɛ Kan, lannɛ nyii ri lɛ à ɓa tì man wiì?

ZYAŊ 10:30

Rì mɛ̀ rì Tààta, tì rì lɔŋ mum bog.

MƐ̀KÌKÌÌ MƐ ƁƐKƐ̀NÌ-FÌTOM 20:28

Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

MƐ̀KÌKÌÌ MƐ ƁƐKƐ̀NÌ-FÌTOM 3:13

Bɛ̀ll à Abiraham, Bɛ̀ll à Isag, Bɛ̀ll à Yakɔɓ, Bɛ̀ll à ɓɛ̀seŋi ɓis yɛɛ faa ǹkìì-kìsay wiì ànɛ lɛ Yeesus rìkem. Yeesus ànɛn nnɛ ɓìi nkàɓi, ɓi ki roòzɛn nyi ɓi mis mɛ Pilat ànɛ àa m̀mɛɛ̀ kì lɛ di àa càri nyi.

RÒMƐŊ 1:25

Ɓɛ koɓsɛ̀n saaɗ à Bɛ̀ll rì ɓɛ̀pwàà, ɓɛ ɓɔɔ̀ɓɔ̀gsì ɓyom ɓi Bɛ̀ll à kìghà, ɓɛ kikì ɓyɔ mɛ̀wog jàŋ inɛ ɓaa ghɛ̀ɛ̀sɛɛ kìɓɔgsii ǹkìì-ɓyom ɓìcèm ànɛ à ghɛ̀ɛ̀sɛɛ rì rìkem fìɗyàɓ fikɔ̀ɔ̀, ààmɛ̀n.

RÒMƐŊ 1:3

Syeesyee à Ɓɔlɛ ànɛ̀n à seesee Man wiì, ànɛ à yalɛ̀ngà mum ɓi boo ì ɓum ì Davit.

RÒMƐŊ 10:12

Fɔɔnnɛ gasɛ̀n ì yin ɓi nyìinyìm ànɛ lɛ rì muu Ɓɛ̀yudɛ̀n, rì muu Gìrɛg, lɛ ɓɛ̀sɛ̀ɛ̀ ɓɛ̀cèm ɓɛ ri lɔŋ Kan bog ànɛ à ti à falàg ɓumɓɛ ɓɛɛ̀ rereŋi nyi ɓyom.

RÒMƐŊ 11:28

Ɓi san ànɛ a Syeesyee à Ɓɔlɛ ànɛ ɓɛ ɓengà, Ɓɛ̀yudɛ̀n ɓɛ ri ɓɛ̀bènàbena ɓɛ Bɛ̀ll, fɔlɔɔ à ki ɓa ɓi kìrɔɔ kin, wɔ̀lɛ i tì nɔ̀ɔ̀tii rìɓɔ̀n ɗi Bɛ̀ll à ɓɔ̀ngà ɓɔ, Ɓɛ̀yudɛ̀n ɓɛ ri ɓɛ̀roɓɛ Bɛ̀ll à keesii ɓisuu ɓɛseŋi ɓaa ɓɛ ɓɛsɛ̀ɛ̀.

1 KƆ̀RƐ̀ŊTYƐŊ 14:16

Ɓisuulɛ i u fafa Bɛ̀ll ɓìtògsɛ̀n ɓi nghay wɔ rì wɔ, lannɛ ŋwaà zɛ̀y ànɛ à kɔ̀kɔrii ǹɗaŋ ri ɓumɓɛ ɓɛɛ̀ wowòg à rì lɛ à kpaa lɛ ààmɛ̀n ɓi ɓìtògsɛ̀n ɓi ù faa Bɛ̀ll kɔlɛ à yii ɓi com ki ù kpaa?

2 KƆ̀RƐ̀ŊTYƐŊ 11:31

Bɛ̀ll ànɛ à rì Seŋi Kan Yeesus ànɛ à ki rì rì rìkem fiɗyàɓ fikɔ̀ɔ̀, à yii lɛ ǹ-yin ɓiì pwààpwaa.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

TIMOTE 6:15

kìɓan kiǹ ki ri ɓa ɓi cààmɛ̀n ànɛ ɓɛ fekà lɛ kɛɛ ɓa, ɓi rìkì ɗi roànɛ à rì ǹtin wu ɓɛmààgh, à ki ɓa mbobog à ǹlàmì, nyi yɛɛ ri rìfòm ɗi ɗi lamii mɛ̀fòm mɛcèm, nyi Kan ànɛ a ɓɛ̀kan,

2 TIMOTE 2:8

Yiti Yeesus Kiris ànɛ à ghèmɓɛ̀ngày a ɓìloŋ, di à yalɛɛ yì ɓi boo ì mum ì Davit lɔŋ yɛ̀ɛ Syeesyee à Ɓɔlɛ ànɛ mɛ̀ɛ ǹghaaghagsì a kpaakpàà;

EBIREEGH 7:24

Wɔ̀lɛ ɓi ɓɛg ànɛ yɛ̀ɛ Yeesus, nyiì ghɛghɛɓ fiɗyàɓ fikɔ̀ɔ̀, fɔɔnnɛ à yin lɛ à ceesì kìsay kii ki pìrɛɛtìrɛ̀ rì ŋwaàdɛŋ.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.

ÀPÒKÀLIƁSƐ̀ 1:18

Mɛ̀ yɛɛ ri ŋwaà ǹtonto, mɛ̀ tì ŋwaà siitòn, roànɛ à rì cem. Ǹwughà, kìɓan kifog ǹɗì cem fiɗyàɓ fikɔ̀ɔ̀. Ǹwowotii tìɗìɓà ti riwù rì ti a tɛ̀ɛ̀.

ÀPÒKÀLIƁSƐ̀ 22:16

Mɛ̀ Yeesus, mɛ̀ yɛɛ nɗomiì mum wɛm̀ à fìtom lɛ a yu mìni kì rèsii ɓiɓan ɓiǹ, ɓi ɓìseŋi ɓyɛ̀m. Ǹɗì maa dòòridoòrì ànɛ ɓi boo ì mum ì Davit, ǹki ɓati fyɛy fi fyɛɛ̀ lònlom sariwa.

ÀPÒKÀLIƁSƐ̀ 22:20

Roànɛ a kalag lɛ ɓiɓan ɓiǹ ɓi ri saaɗ a kpaaghi lɛ: Ɛ̀ɛ̀! Mɛ̀ yɛɛ̀ yùyuiy lɔɔ ɓi cààmɛ̀n ki. Ààmɛ̀n! Yuiy ɓà, Kan Yeesus!

ÀPÒKÀLIƁSƐ̀ 5:14

Fɔɔnnɛ nyàm yi kinìn yi ghaɓkà lɛ Ààmɛ̀n. Ɓɛ̀sɛ̀ɛ̀mɛn ɓɛ ɓum ɓɛ ɓag mɛ̀ɗu ɓi zi, ɓɛ ɓɔgsì Bɛ̀ll.