RÒMƐŊ 9:30 - Bafia Nouveau Testament

³⁰ Cɛ tì rì min lɛ tì kpaa? Ti kpaà lɛ ɓumɓɛ ɓɛ yin Ɓɛ̀yudɛ̀n, ɓɛ kɛɛ̀ ki ɓa ɓumɓɛ ɓɛ kaakààghà lɛ ɓɛɛ ɓa lɛ saaɗ ɓi mis mɛ Bɛ̀ll, ɓɛ ti lɛ saaɗ ɓi mis mii lɛ rìgherɛ̀n.

RÒMƐŊ 9:30 ပူးပေါင်းရင်းမြစ်များ

RÒMƐŊ 10:10

Ɓisuulɛ i mum à gherɛɛ rì nɗem wii, à ɓa lɛ saaɗ ɓi mis mɛ Bɛ̀ll, i a kpaakpaa ɓi ŋwɔm wii lɛ à gherɛɛ Bɛ̀ll à fa nyi cɛɓ.

RÒMƐŊ 10:20

Ezayii à ràm à kpaa lɛ: Ɓumɓɛ ɓɛ kaakààghà ɓi mɛ, ɓɛ ǹtulii ɓi mɛ̀, ǹki rèsɛn a ɓɛ̀roɓɛ ɓɛ tɔkà ɓi mɛ com.

RÒMƐŊ 10:6

Wɔ̀lɛ fɛlɛ nnɛ ki ri kì kaliyɛn ɓi san ànɛ a rìɓa ɗi mum à rì lɛ à ɓa lɛ saaɗ ɓi mis mɛ Bɛ̀ll lɛ rìgherɛ̀n: Kɔ̀ɔ kpaa ɓi nɗem wɔɔ lɛ, ghɛn yɛ̀ɛ ri ɓɔɔgh gɛ aɗyoo? Fɔlɔɔ a rì lɛ ù kɔ̀sii yì Kiris wɔɔ.

RÒMƐŊ 3:5

Wɔ̀lɛ i ki ri lɛ rìɓa ɗis ɗi tì rì ɓìtɛ̀ŋtɛ̀ŋ ɓi ɓum ɗyɛɛ̀ rèresi ɓi kìtɛɛtɛn lɛ Bɛ̀ll à rì lɛ saaɗ, cɛ tì rì min lɛ tì kpaa? Ti kpaa nya lɛ Bɛ̀ll à rì ɗì kìtɛ̀ŋtɛ̀ŋ di à paàzii rì ɓìsi? Ǹkpaa fɔlɔɔ yɛ̀ɛ ɓum ɓɛ ti ɓɛ kpaaghì.

RÒMƐŊ 4:11

Fɔlɔɔ nnɛ ɓɛ faghà nyi kɛ̀rɛ̀n ɓi sìg à kìrèmzɛnà ki lɛ, à rì saaɗ à mum lɛ rìgherɛ̀n, cààmɛ̀n ki à ɓaghà di à ka kɛrɛn ɓi; kìɓan kiǹ kɛɛ̀ki à rì miì seŋi ɓum ɓɛ̀cèm ɓɛ ɓɛ gherɛɛ, nsoò ɓɛ̀roɓɛ ɓɛ yin ɓɛ kɛ̀rɛn, lɛ di ɓɛɛ ɓa lɛ saaɗ ɓi mis mɛ Bɛ̀ll.

RÒMƐŊ 4:13

I Bɛ̀ll à kàkà Abiraham rì dòò yii lɛ ɓɛ ri ɓiì fɔ̀ni zi ɓi mɛ̀wus, ǹkàg wiǹ wu falɛ̀ngà ɓi ɓisuulɛ Abiraham à ɓègà ɓìdɔ̀gsɛna; kìɓan kifog Bɛ̀ll à faghà nyi ǹkàg wiǹ lɛ à ghɛngà nyi lɛ à rì lɛ saaɗ ɓi mis mii lɛ rìgherɛ̀n.

RÒMƐŊ 4:22

Kìɓan kiǹ kɛɛ̀ki Bɛ̀ll à ghɛngà nyi miì lɛ à rì saaɗ à mum.

RÒMƐŊ 4:9

Nni kìnyàà kiǹ ki ri nya lɔŋ ɓisuu ɓumɓɛ ɓɛ ri ɓɛ̀kɛ̀rɛn gìn ki ri girig ɓisuu ɓɛroɓɛ ɓɛ yin ɓɛkɛ̀rɛn? Tì kalii yì lɛ: Bɛ̀ll à ghɛngà Abiraham lɛ saaɗ à mum ɓisuu righerɛ̀n ɗii.

RÒMƐŊ 5:1

Yɛ̀ɛ tì ti min ɓumɓɛ ɓɛ ri lɛ saaɗ ɓi mis mɛ Bɛ̀ll lɛ rìgherɛ̀n, tì yiìdi ɓi paàzì rì Bɛ̀ll lɛ Kan wìs Yeesus Kiris.

RÒMƐŊ 9:14

Tì rì min lɛ tì kpaa la? Bɛ̀ll à rì nya ɓèèɓeè? Èe, èe, à yin ɓèèɓeè.

RÒMƐŊ 9:31

Kɔmiɗ lɛ Isirayɛl ànɛ à kaakààghà ɓìdɔ̀gsɛna ɓi ɓi ri lɛ ɓi ki lɛ a ɓa lɛ saaɗ ɓi mis mɛ Bɛ̀ll, à rɔ̀mɛ̀ngà com ki à kaakààghà ɓi ɓìdɔ̀gsɛna.

GÀLAT 2:16

Nni wɔ̀lɛ tì yii lɛ mum à yin lɛ à ɓa lɛ saaɗ ɓi mis mɛ Bɛ̀ll lɛ yɛ̀ɛ a nɔ̀ɔnɔɔ̀tì ɓìdɔ̀gsɛna ɓi Ɓɛ̀yudɛ̀n, lɔŋ ŋwaànɛ à gherɛɛ Yeesus Kiris nnyɛɛ ri lɛ saaɗ ɓi mis mɛ Bɛ̀ll, fɔɔnnɛ ɓìsi girig tì gherɛ̀ngà Yeesus Kiris lɛ di ti ghɛnɛn ɓi mis mɛ Bɛ̀ll lɛ tì rì lɛ saaɗ lɛ rìgherɛ̀n ɗi tì gherɛɛ Kiris, àa ɓisuulɛ ti nɔ̀ɔnɔɔ̀tì ɓìdɔ̀gsɛna; lɛ rìɓèŋ ɗi ɓidɔ̀gsɛna ɗi yin lɛ ɗi ki lɛ mum a ɓa lɛ saaɗ ɓi mis mɛ Bɛ̀ll.

GÀLAT 3:24

Fɔlɔɔ nnɛ ɓìdɔ̀gsɛna ɓi ɓaghà ɓìsi fɛlɛ yɛ̀ɛ ǹɗèsàg wìs anɛ a kɛ̀ɛkɛɛ̀sì ɓìsi à kpaŋ ɓi rìyù ɗi Kiris, lɛ di ti ɓa ɓɛ̀tɛnɛn ɓi mis mɛ Bɛ̀ll lɛ rìgherɛ̀n.

GÀLAT 3:8

Kaàtà à Bɛ̀ll à yitìghà abɛ̀y lɛ, Bɛ̀ll à kìi gɛ lɛ ɓumɓɛ ɓɛ yin Ɓɛ̀yudɛ̀n ɓɛɛ ɓa lɛ saaɗ ɓi mis mii lɛ rìgherɛ̀n, nni à lokà kì kpaà Abiraham Syeesyee à Ɓɔlɛ ànɛ lɛ: Ɓìlɔ̀ŋ ɓìcèm ɓi teri gɛ ɓɛ̀mààgh ɓisu wɔ̀ɔ̀.

GÀLAT 5:5

Ɓi ɓɛg wìs, com ki ti ɓoŋɓòŋ ki ri lɛ, tì ti rì dyàɓɛn lɛ Bɛ̀ll à ɓiì kìi lɛ ti ɓa lɛ saaɗ ɓi mis mii; kìɓan kiǹ kɛɛ̀ki ti ɓoŋɓoŋ ri ìtèɗ wu Kitɛntɛ̀ɛ̀n ki Nghay ki kɛɛ̀ kìki kisay ɓi ntyweeyi wu tì rì rì wɔ.

EFÈZYƐŊ 2:12

Ɓi cààmɛ̀n kiǹ, ɓì ɓaghà kɛ̀ɛ̀ Kiris, ɓì ɓaghà ɓɛ̀kèn, kɛ̀ ɓi ɓa ɓɛroɓɛ ɓi kìlɔ̀ŋ ki Bɛ̀ll à ɓɔ̀ngà; ɓì ɓaghà ɓi ri gàɓ ɓi bee yi Bɛ̀ll à kàkà lɛ à ɓiì renì rì kɔ; fɔɔnnɛ ɓì ghɛghɛ̀ɓkà ɓi ziinɛ, kɛ̀ɛ̀ dyàɓɛn, kɛ̀ɛ̀ Bɛ̀ll.

FÌLÌPYƐŊ 3:9

ǹki ɓa lɛ ǹɗì saaɗ à mum ɓi rìràrɛ̀n ɗi rì nyi, saaɗ ànɛ̀n kɛ̀ɛ ɓa ti saaɗ à mɛ̀ɛmiɗ, ànɛ à rèsii lɛ ǹti m̀ɓègì ɓìdɔ̀gsɛna, à ɓa lɔŋ saaɗ ànɛ mum ànɛ à gherɛɛ Kiris à ti à ɓalàg rì nyi. Saaɗ ànɛ̀n nnyɛɛ fuu yì yɛ̀ɛ Bɛ̀ll, à ki ɓa nto lɛ rìgherɛ̀n.

TIMOTE 6:11

Ɓi ɓɛg wɔ̀ɔ̀, wàànɛ ù rì mum à Bɛ̀ll, lɛgha ɓìɓan ɓiǹ, ɓìcèm; u kaà lɛ rì saaɗ, rì rìfalɛ̀n ɗi ɓi rìgherɛ̀n, rì rìgherɛ̀n yɛ̀ɛ Bɛ̀ll, rì ǹkɔ̀nɛ̀n, ɗì rìnìɗ ɗi nɗem, ɗì rìɓa ɗi lɛ tɛ̀tɛ̀rɛ̀ɛ̀.

EBIREEGH 11:7

Lɛ rìgherɛ̀n nnɛ Nowe à kìghà lɛ, yɛ̀ɛ Bɛ̀ll à lokà nyi kì kpaa kìɓan ki ɓɛ ɓaghà di ɓɛ ka ghɛn ɓi, nni à risìghà, à wog rìkpaa ɗi Bɛ̀ll, à toŋ kìkɔm lɛ a ghɛɓsi naa yìì i ɓum; fɔlɔɔ nnɛ rìgherɛ̀n ɗi kighà Nowe lɛ a fa ziinɛ bɛ̀lɛn, à fɔ̀n rìɓa ɗi mum à rì lɛ à ɓa lɛ saaɗ ɓi mis mɛ Bɛ̀ll, lɛ rìgherɛ̀n.

1 PYƐƐRI 4:3

Ɓisuulɛ ɓì roòzìghà rìkɔ̀n ɗi ɓumɓɛ ɓɛ gherɛɛ ɓi Bɛ̀ll yɛ̀ɛ ɓì ghɛghɛ̀ɓkà ɓi kìɓùùsì, ɓì kìkì ɓìɓan ɓi ǹɗem win wɛɛ̀ kɔ̀nkɔ̀n, ɓì nɔnɔ̀ mɛ̀rɔ̀g, ɓì ɗiɗì ɓìɗilàg rìɗi ɗi kiɓe, ɓì ŋwaŋŋwàŋ mɛ̀rɔ̀g, ɓì ki ɓɔɔɓɔgsì ɓìnùn ɓi ɓi ri kìɓan ki ki ɓeɓtɛɛ ki ciɓ.