RÒMƐŊ 8:39 - Bafia Nouveau Testament

³⁹ nsoò mɛ̀tèɗ, nsoò ɓyom ɓi ɓi riì ɓi jàŋ yi yi teŋmaagh, nsoò ɓi ɓi riì ɓi jàŋ yi rimɛn, nsoò com kidɛŋ ki Bɛ̀ll à kìghà, ki yin lɛ ki ghasì ɓìsi rì ǹkɔ̀nɛ̀n ànɛ Bɛ̀ll à rèsìghà ɓìsi ɓi Yeesus Kiris à Kan wìs.

RÒMƐŊ 8:39 ပူးပေါင်းရင်းမြစ်များ

MATYOO 24:24

Ɓisuulɛ ɓɛ̀kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì ɓyoo dàm rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, di ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

ZYAŊ 16:27

lɛ Tààta nyimiɗ a keesii mìni ɓisuulɛ ɓì keesìghà mɛ̀, ɓì ki gherɛn lɛ m̀pɛ̀sɛ̀ngày yɛ̀ɛ Bɛ̀ll.

ZYAŊ 17:26

Ǹɗèsìghà ɓɔ ɗii ɗyɔɔ, m̀ɓiì ki rèsii ti ɓɔ ɗyɔ lɛ di ǹkɔ̀nɛ̀n ànɛ ù rì rì nyi ɓisu wɛ̀m a ɓa a lɔ̀ŋkaa, mɛ̀ɛmiɗ m̀ɓa a lɔ̀ŋkaa.

ZYAŊ 3:16

Lɛ Bɛ̀ll à keesìghà ziinɛ à pyàŋdàg fɔlɔɔ nnɛ à faghà m̀bobog wìì a Man lɛ ŋwaànɛ à gherɛɛ nyi kɛ̀ɛ wu, a ɓa lɔŋ ri cɛɓ ki fiɗyàɓ fikɔ̀ɔ̀.

RÒMƐŊ 1:7

nni mìni ɓɛ̀sɛ̀ɛ̀ ɓɛ̀cèm ɓɛ Bɛ̀ll à keesii yɛ̀ɛ mɛ̀nɔ̀ɓɔ̀, ɓɛ bì rì a Rom, mìniì ɓɛ à reŋìghà lɛ ɓi ɓa ɓum ɓii, Bɛ̀ll à Seŋì wìs ɓɛɛ̀ Kan Yeesus, ɓɛɛ fa mìni lɛ rì geesɛ̀n rì fyòoog.

RÒMƐŊ 11:33

Rìkuu ɗi coo nɗem wu nyìighnyìg ɗi Bɛ̀ll à rì rì ɗyɔ! Ɗyomzɛ̀n ɗii, rì rìyi ɗii ɗi ɓiɓan, ɓi rimi yɛ̀ɛ mɛ̀nɔ̀ɓɔ̀. Mum à yin lɛ à yi ɓɛ̀fèg ɓii, mɛ̀yitì mii mɛ yin lɛ mum à wog.

RÒMƐŊ 5:8

Wɔ̀lɛ kìɓan ki Bɛ̀ll a rèsag ǹkɔ̀nɛ̀n wìì ɓi ɓɛg wìs ki ri lɛ: Kiris à wughà ɓisu wis, cààmɛ̀n ki tì ɓaghà di tì kaka ɓɛ̀kìì-kìɓe.

RÒMƐŊ 6:23

Ɓisuulɛ mɛ̀lèɓ mɛ kiɓe mɛ ri lɛ rìwu, kìɓan kifog, rìɓòò ɗi Bɛ̀ll a kìki ɓum zɛy ɗi ri cɛɓ ki fiɗyàɓ fikɔ̀ɔ̀ ɓi Yeesus Kiris à Kan wìs.

RÒMƐŊ 8:1

Nni ɓigomìnɛ, ɓumɓɛ ɓɛ ri ɓi Yeesus Kiris ɓi ɗùm, ɓɛ yiìɗi ri bɛ̀lɛn nsoò lɛsàg, ɓɛ yiìdi ɓiì ghɛghɛɓi yɛ̀ɛ mɛ̀mùù mɛɛ̀ titini ɓɔ lɛ ɓɛɛ ghɛɓ, ɓɛɛ̀ nɔ̀ɔnɔɔ̀tì lɔŋ cɛɓ ki Nghay à Bɛ̀ll a rèresi ɓɔ.

RÒMƐŊ 8:35

Ghɛn yɛ̀ɛ ri lɛ à ghasì ɓìsi rì ǹkɔ̀nɛ̀n à Kiris? Rìkɛŋ gìn, iris giǹ, ǹ-yeesɛ̀n ànɛ ti tuutulɛ̀n ɗì nyi gìn, zày gìn, kìsoghà gìn, koŋnyoo gìn, rìwu yɔ̀?

2 KƆ̀RƐ̀ŊTYƐŊ 11:3

Nsoò fɔlɔɔ, ǹɗì rì mɛ̀riighrikì lɛ, fɛlɛ yɛ̀ɛ nyoo ì yègsìghà Ɛɛvɛ rì ɗyomzɛ̀n ɗi ì ɓaghày rì ɗyɔ, mɛ̀yitì min mɛ̀ kɛɛ̀ ɓa lɛ mɛ ɓuùsɛ̀n ɓi lèg ànɛ lɛ ɓi rini lɛ rì rìsɛɛ̀dì ɗi mìniìɓɔmiɗ ɓi zi, rì rìtɛn, lɛ ɓyɛɛ̀ɓi ɓì ghɛ̀ɛ̀sɛɛ kì ɓaà rì ɓyɔ, ɓi ɓɛg ànɛ yɛ̀ɛ Kiris.

2 KƆ̀RƐ̀ŊTYƐŊ 2:11

lɛ di tyɛ̀ ki càɗ Satàn lɛ a ghɛn ɓìsi bee ɓi nyòò; lɛ tì nàni ɓi rikɔ̀n ɗii.

EFÈZYƐŊ 1:4

Ɓi Kiris, Bɛ̀ll à ɓɔ̀ngà ɓìsi di ziinɛ ì ka kilɛn ɓi, lɛ ti ɓa ɓɛ̀tɛnɛn, kɛ̀ɛ̀ kìɓan ki lɛ ɓɛ fen ɓi mis mii. Ɓi nkɔ̀nɛ̀n wìì,

FÌLÌPYƐŊ 3:12

Ki yin loo lɛ m̀mɛ kpaŋzɛn mɛ̀ree lɛ nteɗ mɛ̀lèɓ, nsoò lɛ m̀mɛ kpaŋ ɓi nɗɛli wulɛ kìɓan ki ɓɛ feèdì a lɔ̀ŋkɛm̀, kɛ̀ kɛɛ̀ ɓa ti. Kìɓan kifog, nka kɛ̀nkɛn lɔŋ asu rì mɛ̀ree, ǹki tèeteèsì nyoo lɛ nkobɛn mɛ̀lèɓ mɛ ɓi mɛ̀ree mɛ̀n ɓisuulɛ Yeesus Kiris à mɛ ɓan mɛ.

FÌLÌPYƐŊ 3:3

Lɛ ɓìsi yɛɛ ri ɓumɓɛ ɓɛ mɛ kɛ̀rɛn syeesyee à kɛ̀rɛ̀n lɛ ɓìsi yɛɛ̀ ɓɔɔɓɔgsì Bɛ̀ll rì Ǹghay à Bɛ̀ll, tì saàsànɛ̀n ɓi Yeesus Kiris ɓi ɗùm, tyɛ̀ ki ki foŋ ntyweeyi wis ɓi kìɓan ki mɛmùù.

FÌLÌPYƐŊ 3:8

Ǹghɛɛ gì lɛ ɓìɓan ɓìcèm ɓi ri rìɗimzì di ù fèegh ɓyɔ rì coo kirɔɔ ki ki laŋi ɓìrɔɔ ɓìcèm, kìrɔɔ kìn kɛɛ ri rìyi ɗi Yeesus Kiris; ɓisu wii nnɛ ǹgherɛ̀ngà lɛ mmɛm̀ ɓìɓan ɓìcèm, fɔɔnnɛ nseesee ɓyom ɓìcèm yɛ̀ɛ ɓyaaɓi ɓi kìkùnkùn lɛ di nfɔǹ Kiris,

2 TÈSÀLÒNÌSYƐŊ 2:4

Ki ri ɗùù ri com kìcèm ki ɓɛɛ̀ ɓɔɔɓɔgsì ɓɛ rerèŋì lɛ bɛ̀ll, ki ràm ki kɛ̀n kì kɔ̀rii ɓi naà-Bɛ̀ll ìnɛ ì ki rì lɛ ì Bɛ̀ll, ki rɛsɛ̀n kɔmiɗ lɛ kɔ yɛɛ ri Bɛ̀ll.

1 ZYAŊ 4:16

Ɓìsii yii ǹkɔ̀nɛ̀n ànɛ Bɛ̀ll à rì rì nyi ɓi ɓɛg wìs, tì ki gherɛɛ ǹkɔ̀nɛ̀n ànɛ̀n. Bɛ̀ll à rì ǹkɔ̀nɛ̀n, ŋwaànɛ a ghɛghɛɓ ɓi nkɔ̀nɛ̀n, à rì ɓɛɛ̀ Bɛ̀ll, Bɛ̀ll ɓɛɛ̀ nyi.

1 ZYAŊ 4:19

Ɓi ɓɛg wìs, tì keesii Bɛ̀ll lɛ, nyimiɗ yɛɛ lokà ɓìsi kì keesii.

ÀPÒKÀLIƁSƐ̀ 12:9

Nni ɓɛ tyɔkày coo kinààgɔ̀n kiǹ, fìɗyàɓ fi nyoo fìn, fi fi ri ɗii lɛ ǹɗèm nsoò lɛ Satàn, nnyɛɛ ri ǹ-yègsì zi bimiɗ ìnɛ ɓum ɓɛɛ̀ ghɛghɛɓ miì, ɓɛ tyɔkày nyi ɓi zi, ɓɛ ki tyɔg yi girig ɓum ɓii ɓɛ titom ǹɗaŋ ri nyi.

ÀPÒKÀLIƁSƐ̀ 13:14

Ì yègsì ɓumɓɛ ɓi ziinɛ rì dàm yi ɓɛ faghà yɔ̀ itèɗ wulɛ yɛ̀ɛ kiki ɓi mis mɛ nyàm ì ǹtonto di yɛɛ̀ kpaakpaa ɓumɓɛ ɓi ziinɛ lɛ ɓɛɛ ki kìfèèghrɛnà ki nyàm ìnɛ ɓɛ kpɛɛ̀ghà rì gàfàg ì ki ghɛɓ.

ÀPÒKÀLIƁSƐ̀ 19:20

Nni ɓɛ ɓangà nyàm ìnɛn nɗaŋ ri ǹkpaŋzì-ɓìɓan ɓi ɓɛpwàà ànɛ à kìkìghà dàm yi yi syogà ɓumɓɛ ɓɛ ɓaghà rì kìrèmzɛnà ki nyàm, ɓɛ ki ɓɔɔɓɔgsì kìfèèghrɛnà ki nyàm ìncèm. Fɔɔnnɛ ɓɛ pikà ɓyom ɓi kiɓɛ̀ɛ̀ ɓiǹ cem ɓi kìràà ki ɗuu, ki ǹdùsi a lɔŋlɔŋ miì.

ÀPÒKÀLIƁSƐ̀ 2:24

Wɔ̀lɛ ɓi ɓɛg ànɛ a lɔ̀ŋkin, rì ɓum ɓɛmbog ɓɛ̀cèm ɓɛ a Tyatiir ɓɛ ɓì nɔ̀ɔ̀tìghà ɓi dɔgtɛ̀n ìnɛ̀n, kɛ̀ ɓi ki tim lɛ ɓi yi com ki ɓɛ ti ɓɛ regì lɛ ɓìɓan ɓi Satàn ɓi rim, mɛ̀ ǹfoŋdii ɓi mini ǹtɛ̀g wudɛŋ.

ÀPÒKÀLIƁSƐ̀ 20:3

Nni à pìkà kɔ ɓi coo riɓee ɗi rim, à pɛ̀ɛ̀zì ɗyɔ kìsìmi, à ki roŋ ɗyɔ, lɛ kìnààgɔ̀n kɛ̀ kɛɛ̀ yègsi ti ɓìlɔ̀ŋ à kpaŋ yɛ̀ɛ tɔɔsìm à bèg ànɛn à rì ɓiì ronì. Ajɛ̀m ìnɛn, ki ghɛɛ̀sɛɛ lɛ ɓɛɛ ka càɗ kɔ ɓi maa cààmɛ̀n.

ÀPÒKÀLIƁSƐ̀ 20:7

Yɛ̀ɛ bèg yi ri ghaagh fɔlɔɔ tɔɔsìm, ɓɛ kpaŋzì Satàn ɓi naà-zày yìì,