RÒMƐŊ 8:35 - Bafia Nouveau Testament

³⁵ Ghɛn yɛ̀ɛ ri lɛ à ghasì ɓìsi rì ǹkɔ̀nɛ̀n à Kiris? Rìkɛŋ gìn, iris giǹ, ǹ-yeesɛ̀n ànɛ ti tuutulɛ̀n ɗì nyi gìn, zày gìn, kìsoghà gìn, koŋnyoo gìn, rìwu yɔ̀?

RÒMƐŊ 8:35 ပူးပေါင်းရင်းမြစ်များ

ZYAŊ 10:28

Ǹti ǹfalàg yɔ cɛɓ ki fiɗyàɓ fikɔ̀ɔ̀, yàa wu ɓi nsoò ŋwos bog, mum à ki yin lɛ à ɓàtɛ̀n yɔ ɓi càg kɛm̀.

ZYAŊ 13:1

Di tìcàɓ ti Paskà ti kakay, Yeesus à yighà lɛ cààmɛ̀n kii ki lɛ a pɛsɛn ɓi ziinɛ a kɛǹ yɛ̀ɛ Seŋi ki kpaŋi. À keesìghà ɓum ɓii ɓɛ ɓɛ ɓaghà fɛ ɓi ziinɛ; nni à keesìghà ɓɔ, à kpaŋ a sugtag.

ZYAŊ 16:33

Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

RÒMƐŊ 2:9

Rìkɛŋ ɗì mɛ̀riighrikì ɓi ri ɓiì sɛnì ɓi mum bimiɗ ànɛ à ti à kìlàg ɓìɓan ɓi ɓeɓtɛn, à tumɛ̀n lɛ muu Ɓɛ̀yudɛ̀n à kpaŋ lɛ ŋwaànɛ à yin muu Ɓɛ̀yudɛ̀n.

RÒMƐŊ 8:17

I tì rì ɓɔn ɓii, tì rì girig rì gàɓ ɓi ɓìrɔɔ ɓi Bɛ̀ll, à kàkà ɓum ɓii; tì ki rì ɓɛ̀roɓɛ ɓɛ ri ɓiì kàɓɓɛɛ ɓirɔɔ ɓìn rì Kiris, lɛ, i ti wowog mɛtɔɓ ǹɗaŋ ɗi nyi, tì ɓiì ɓaà girig rì gàɓ ɓi rìkem ɗìì.

RÒMƐŊ 8:37

Wɔ̀lɛ, tì ti tì yakì ɓìɓan ɓiǹ ɓìcèm kɛ̀ɛ̀ vèg, rì ǹghɛɓsɛn wu roànɛ à keesìghà ɓìsi.

RÒMƐŊ 8:39

nsoò mɛ̀tèɗ, nsoò ɓyom ɓi ɓi riì ɓi jàŋ yi yi teŋmaagh, nsoò ɓi ɓi riì ɓi jàŋ yi rimɛn, nsoò com kidɛŋ ki Bɛ̀ll à kìghà, ki yin lɛ ki ghasì ɓìsi rì ǹkɔ̀nɛ̀n ànɛ Bɛ̀ll à rèsìghà ɓìsi ɓi Yeesus Kiris à Kan wìs.

1 KƆ̀RƐ̀ŊTYƐŊ 4:11

Ɓìsii wowog lɛ rì zày, rì kìnɔli, ɓìsi nyoo zɛy, ɓɛ kukwìy ɓìsi, tì ki rereni zi, à kpaŋ ɓi cààmɛ̀n ki.

1 KƆ̀RƐ̀ŊTYƐŊ 4:12

Ti woowolɛ̀n ɓìsiìɓɔmiɗ ri ntɔɓ lɛ ti say rì ɓyàg ɓis, jàŋ inɛ ɓum ɓɛɛ̀ sɛɛsɛmgì ɓìsi, ɓìsii maŋmàŋ ɓɔ, ɓɛ ri yeeyeesì ɓisi, tì sììsììrì lɔŋ nɗem.

2 KƆ̀RƐ̀ŊTYƐŊ 12:10

Kìɓan kiǹ kɛɛ̀ki ǹti ǹwokì kìrɔɔ ɓi rìɓa ɗyɛ̀m ɗi kɛ̀ɛ̀ ìtèɗ, rì tìsɛm ti ɓɛ ti ɓɛ sɛmgàg mɛ̀, rì ɓɛ̀ǹkàŋɗɛ̀n ɓɛ ɓɛ ti ɓɛ kagì mɛ̀, rì ǹ-yeesɛ̀n ànɛ ɓɛ ti ɓɛ yeesàg mɛ̀, rì ɓìɓan ɓi iris ɓi ǹti ǹtulàg rì ɓyɔ ɓisuu Kiris, ɓisuulɛ cààmɛ̀n ki ǹɗì kɛ̀ɛ̀ ìtèɗ, kɛɛ̀ki ǹki tèèsɛɛ miǹ.

2 KƆ̀RƐ̀ŊTYƐŊ 4:17

Ɓisuulɛ mɛ̀tɔɓ mɛ tì ti tì wokì ɓi maa cààmɛ̀n mɛ ri lɛ fɛnfɛn di ù fèegh mɔ rì mɛ̀nɔ̀ɓɔ̀ mɛ rikem ɗi fiɗyàɓ fikɔ̀ɔ̀ ɗi mɛ̀tɔɓ mɛ̀n mɛɛ̀ ɓùuɓuŋɛ̀n ɓisuu wis.

2 KƆ̀RƐ̀ŊTYƐŊ 4:8

Mɛ̀tɔɓ mɛ ri ɓìsi mɛ̀ laatakɛn ɓɛ ɓɛg ɓɛ̀cèm wɔ̀lɛ mɛ̀ kɛɛ̀ ki turi ɓìsi; tì rì rì mɛ̀riighrikì kìɓan kifog mùm mis mɛ̀ kɛɛ̀ fɔy.

2 KƆ̀RƐ̀ŊTYƐŊ 4:9

Ɓɛɛ̀ yeeyeèsì ɓìsi, kìɓan kifog Bɛ̀ll à rinii ɓi ɓìsi; ɓɛ ɓokì ɓìsi ɓi zi, ɓɛ̀ kɛɛ̀ ki ràtag ɓisì.

EFÈZYƐŊ 3:19

rì tì lɛ, ɓi yi ǹkɔ̀nɛ̀n à Kiris ànɛ̀n, ànɛ ɓum ɓɛ yin lɛ ɓɛ tɔɔnɛ̀n kì yiì; fɔlɔɔ nnɛ ɓi ɓa ɓɛ̀ronɛn syeesyee à rìron ɗì rìɓa ɗi Bɛ̀ll à rì nɗonɛn.

2 TÈSÀLÒNÌSYƐŊ 2:16

Kan wìs Yeesus Kiris nyimiɗ, rì Bɛ̀ll à Seŋi wìs anɛ à keesìghà ɓìsi, à fa ɓìsi fɔɔy ànɛ ɓi nɗem ànɛ à rì fìɗyàɓ fikɔ̀ɔ̀, rì dyàɓɛn i syeesyee,

2 TIMOTE 1:12

Ɓisu wìn miì nnɛ nwowog mɛtɔɓ yɛ̀ɛ mɛ, wɔ̀lɛ ki faa ɓi mɛ ntoòrìɗ ɓisuulɛ ǹ-yii roànɛ ǹgherɛ̀ngà; ǹɗem wɛ̀m wùcèm wu yii saaɗ wu ki gherɛn lɛ à rì rì ìtèɗ wulɛ à ɓèŋ com ki à tɛfɛ̀ngà rì mɛ̀, à kpaŋ ŋwos anɛ̀n.

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,