RÒMƐŊ 8:30 - Bafia Nouveau Testament

³⁰ Nni ɓɛ̀roɓɛ Bɛ̀ll à lokà ɓɛ̀n kì ɓɔ̀ni abɛ̀y, à reŋìghà girig ɓɔ; ɓɛ̀roɓɛ à ki reŋìghà ɓɛǹ, à kìghà girig lɛ ɓɛɛ ɓa lɛ saaɗ ɓi mis mii; nni ɓɛ̀roɓɛ à ghaasìghà ɓɛǹ ɓum ɓɛ saaɗ, à kemzìghà girig ɓɔ.

RÒMƐŊ 8:30 ပူးပေါင်းရင်းမြစ်များ

ZYAŊ 17:22

Mɛ̀ ǹfaghà ɓɔ rìkem ɗi ù faghà mɛ̀, lɛ ɓɛɛ ɓa ɓɛ̀ràrɛn kibyɔg kìfog yɛ̀ɛ ɓìsi.

ZYAŊ 17:24

Tààta kɛɛ̀ kɔ̀nkɔn mɛ lɛ, jàŋ inɛ ǹɗì, ɓumɓɛ ù faghà mɛ̀, ɓɛɛ ɓa girig wɔɔ nɗaŋ ri mɛ̀, di ɓɛɛ ghɛǹ rìkem ɗyɛ̀m ɗi ù faghà ɓisuulɛ ù keesìghà mɛ̀ di ziinɛ ì ka kilɛn ɓi.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

RÒMƐŊ 1:6

Ɓì rì girig ɓi bàlì ì ɓumɓɛ̀n, mìni ɓɛ Yeesus Kiris à reŋìghày;

RÒMƐŊ 11:29

Ɓisuulɛ rìɓòò ɗi Bɛ̀ll à tì à kìlàg ɓum kɛ̀ɛ̀ azi adɛŋ, rì ǹɗeèghreŋi wii, ɓi yin lɛ ɓi lɔgtɛ̀n.

RÒMƐŊ 8:1

Nni ɓigomìnɛ, ɓumɓɛ ɓɛ ri ɓi Yeesus Kiris ɓi ɗùm, ɓɛ yiìɗi ri bɛ̀lɛn nsoò lɛsàg, ɓɛ yiìdi ɓiì ghɛghɛɓi yɛ̀ɛ mɛ̀mùù mɛɛ̀ titini ɓɔ lɛ ɓɛɛ ghɛɓ, ɓɛɛ̀ nɔ̀ɔnɔɔ̀tì lɔŋ cɛɓ ki Nghay à Bɛ̀ll a rèresi ɓɔ.

RÒMƐŊ 8:21

Zi yɔ̀miɗ inɛ̀n ì rì ɓiì ghɛɓì rìkpàn ɗi ɓi rìɗyaŋ ŋwos adɛŋ, ì ki teɗ gàɓ ɓi rìkan, ɗì rìkem ɗi ɓɔn ɓɛ Bɛ̀ll.

RÒMƐŊ 8:28

Tì ki yii girig lɛ ɓìɓan ɓìcèm ɓi ti ɓi syɔngì ɓi kìrɔɔ ki ɓumɓɛ ɓɛ keesii Bɛ̀ll, ɓumɓɛ̀n ɓɛɛ̀ɓɛ à rèŋìghà lɔŋ yɛ̀ɛ nɗem wii wu ghɛngà lɛ a reŋi ɓɔ.

1 KƆ̀RƐ̀ŊTYƐŊ 1:2

Tì kàni kìseŋi ki Bɛ̀ll ki ki ri a Kɔrɛŋt, rì ɓumɓɛ ɓɛ ri ɓɛ̀tɛnɛn ɓi Yeesus Kiris ɓi ɗùm ɓɔ yɛɛ ri ɓɛ̀reŋiyɛn lɛ ɓɛɛ ɓa ɓɛ̀gherɛ̀n, rì ɓum ɓɛ̀cèm ɓɛ ɓɛɛ̀ rereŋi ɗii ɗi Kan wìs Yeesus Kiris ɓaa soo rì fe, lɛ Yeesus à rì Kan wàà, nyi tì Kan wìs.

1 KƆ̀RƐ̀ŊTYƐŊ 1:9

Bɛ̀ll ànɛ à reŋìghà mìni lɛ ɓi ghɛɓ ɓɛ̀ràrɛn ri Man wiì Yeesus Kiris ànɛ à rì Kan wìs, à rì Bɛ̀ll ànɛ à ti à roòzàg mɛ̀kàg mii.

1 KƆ̀RƐ̀ŊTYƐŊ 2:7

Ɓìsiì kakali ɓum kìɓan ki ɗyomzɛ̀n ɗi Bɛ̀ll ɗi ɗi rimi ɗi ki ɓa ɗi nyamɛn; ɗyomzɛ̀n ɗiǹ ɗyɛɛ̀ɗi Bɛ̀ll à lokà kì ɓɔ̀ni abɛ̀y ɓisuu rikem ɗis, di ziì ka kilɛn ɓi.

1 KƆ̀RƐ̀ŊTYƐŊ 6:11

Gàɓ ì ɓum ìdɛŋ ìnɛ ɓi mìni, ì ɓaghà mɛ̀kuu mɛ ɓum mɛ̀n; wɔ̀lɛ ɓɛ sooghà mìni, ɓɛ tɛɛ̀zì mìni, ɓɛ ki kì lɛ ɓi ɓa lɛ saaɗ ɓi mis mɛ Bɛ̀ll, ɓi ɗii ɗi Kan Yeesus Kiris, rì ìtèɗ wu Ǹghay à Bɛ̀ll wìs.

2 KƆ̀RƐ̀ŊTYƐŊ 4:17

Ɓisuulɛ mɛ̀tɔɓ mɛ tì ti tì wokì ɓi maa cààmɛ̀n mɛ ri lɛ fɛnfɛn di ù fèegh mɔ rì mɛ̀nɔ̀ɓɔ̀ mɛ rikem ɗi fiɗyàɓ fikɔ̀ɔ̀ ɗi mɛ̀tɔɓ mɛ̀n mɛɛ̀ ɓùuɓuŋɛ̀n ɓisuu wis.

GÀLAT 1:15

Wɔ̀lɛ yɛ̀ɛ roànɛ à rɔ̀tɛ̀ngà mɛ̀ di ǹkaka ɓi ɗùm ɗi m̀màà wɛ̀m, à ki reŋi mɛ lɛ geesɛ̀n yìì,

GÀLAT 1:6

Ǹkuuraagh lɛ ɓì ghàsi kì lɔ̀ghii jɛ̀m rì roànɛ à reŋìghà mìni ɓi geesɛ̀n ì Kiris, ɓì nɔ̀ɔ̀tì Syeesyee à Ɓɔlɛ àdɛŋ.

GÀLAT 5:8

Mɛ̀yitì mɛǹ mɛ fuu yì ɓi yɛ̀ɛ Bɛ̀ll ànɛ a regi mini.

EFÈZYƐŊ 1:11

Ɓi rìɓa ɗis ɗi tì rì ɓi Kiris, tì mɛ teɗ gàɓ yìs i cɛɓ lɛ Bɛ̀ll à lokà ɓìsi kì ɓɔ̀ni lɔŋ yɛ̀ɛ rìyitì ɗii ɗi ɓaghà. Bɛ̀ll a kìlag ɓiɓan lɔŋ yɛ̀ɛ ǹɗem wii wu kɔnì.

EFÈZYƐŊ 1:5

Bɛ̀ll à lokà kì rèni lɛ à ɓiì kìi lɛ, ti ɓa ɓɔn ɓii lɛ Yeesus Kiris. Ki kɔngà nyi lɛ a ki kìɓan kiǹ lɛ ki rɔɔghà nyi fɔlɔɔ,

EFÈZYƐŊ 2:6

À kìghà lɛ, à ghèmzì ɓìsi ǹɗaŋ ri nyi, à ki kɔ̀ɔ̀si ɓisi ɓi ɗyoo ɓi ɗùm ɓi rìɓa ɗi tì rì ɓi Yeesus Kiris.

EFÈZYƐŊ 3:11

Bɛ̀ll à kìghà fɔlɔɔ lɔŋ yɛ̀ɛ rìyitì ɗi a maa ɓa rì ɗyɔ fìɗyàɓ fikɔ̀ɔ̀ ɗi ri; ɗyɛɛ̀ɗi à roòzìghà rì Yeesus Kiris à Kan wìs.

EFÈZYƐŊ 4:4

Nyoo ì rì lɔŋ bog, Nghay lɔŋ bog, fɔɔnnɛ ɓì rì girig ɓɛ̀ reŋiyɛn lɛ ɓi ɓa rì dyàɓɛn bog, yɛ̀ɛ ri dyàɓɛn inɛ ɓi nɗeèghreŋi win.

KÒLÒSYƐŊ 3:4

Yɛ̀ɛ Kiris ànɛ à rì cɛɓ kin, à ɓiì rèsɛɛ, fɔlɔɔ nnɛ, mìni girig ɓì ɓiì rèsɛɛ nɗaŋ ri nyi ɓi rìkem ɓi ɗùm.

TÈSÀLÒNÌSYƐŊ 2:12

Tì kìghà lɛ tì reɓ mìni, tì fɔɔsì mìni mɛ̀rem, tì ki ɓɔ̀ɔɓɔ̀ŋzì mìni lɛ ɓi ghɛɓ lɔŋ yɛ̀ɛ kɛɛ̀ kɔ̀ngi Bɛ̀ll ànɛ a regi mini lɛ ɓi ɓa rì gàɓ ɓi kìlɔ̀ŋ kii, rì ɓi rìkem ɗii.

2 TIMOTE 2:11

Jɛ̀ɛ̀ ìnɛ ì rì saaɗ: I tì wughà nɗaŋ ɗi nyi, tì rì girig ɓiì ghɛɓì nɗaŋ ɗi nyi.

EBIREEGH 9:15

Kìɓan kiǹ kɛɛ̀ki Kiris à rɛrɛlii ɓi nyìinyìm ànɛ ɓi bee i nyɔn ìnɛ lɛ, rì ɓum rì Bɛ̀ll, lɛ di ɓumɓɛ Bɛ̀ll à mɛ reŋi ɓɛɛ teɗ ɓìrɔɔ ɓi fiɗyàɓ fikɔ̀ɔ̀, ɓi à kàkà ɓumɓɛ abɛ̀y; ɓɛ ri ɓyɔ ɓiì terì lɛ rìwu ɗi mum bog ɗyɛɛ mɛ kwèɗ ɓum ɓi ɓìɓe ɓìcèm ɓi ɓɛ kighà di ɓɛ kaka ɓi fìɗyàɓ fi bee.

1 PYƐƐRI 2:9

Wɔ̀lɛ ɓi ɓɛg wìn, mìnii ri boo ì mum ìnɛ ì rì m̀ɓɔ̀nɛn, ǹɗaŋ wu ɓɛpìrɛɛtìrɛ̀ ɓɛ rifòm, kìlɔ̀ŋ ki ki ri ki Bɛ̀ll, ki ɓumɓɛ Bɛ̀ll à tekà ɓisu wiì lɛ ɓɛɛ laàlàmɓɛ̀n ɓɛ̀gɛn ɓɛ mɛkìkìì ɓɛ roànɛ à reŋìghày mìni lɛ ɓi pɛsɛn yì ɓi birìm, ɓi yu ɓi kìtɛɛtɛn kii ki ki ri kìɓan ki kuughrakɛn;

1 PYƐƐRI 3:9

Kɛ̀ ɓi rɔ̀ŋ kiɓe ri kìɓe, nsoò lɛ ɓi pɛɛ̀zi fìsɛm ri fìsɛm, lɔŋ com ki ɓì ghɛɛ̀sɛɛ kìkiì ki ri lɛ ɓi maŋ̀maŋ ɓum, lɛ kìɓan ki Bɛ̀ll à reŋìghà mìni miì kɛɛ̀kìn, lɛ ɓi teɗ mɛ̀wus mɛ ɓɛmààgh.

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.

2 PYƐƐRI 1:10

Kìɓan kiǹ kɛɛ̀ki mìni ɓɛ̀geni ɓɛ̀m, ɓì ghɛ̀ɛ̀sɛɛ kì tèèsii nyoo lɛ ɓi siìrag ǹɗeèghreŋi win ɗi rìɓɔ̀n ɗi Bɛ̀ll à ɓɔ̀ngà mìni; i ɓì kìi fɔlɔɔ, ɓyàa kpì ɓi ɓi kìɓe.

ÀPÒKÀLIƁSƐ̀ 17:14

Ɓɛ ri ɓiì ɗùu ri Man à jɔ̀ɔ̀, Man à jɔ̀ɔ̀ à ki yag ɓɔ ɓi wɛ̀y ɓisuulɛ, à rì Kan ànɛ a ɓɛ̀kan, à ki ɓa ti rifòm ɗi mɛfòm. Man à jɔ̀ɔ̀ à rì ɓɔ ɓiì yaàgh ɓi wɛ̀y, ǹɗaŋ ɗi ɓumɓɛ à reŋìghà ɓɛ ɓɛ ri ɓɛ̀ɓɔ̀nɛn, ɓɛɛ ri ɓɛ̀gherɛ̀n ɓii ɓɛ ntyweeyi.

ÀPÒKÀLIƁSƐ̀ 19:9

Nni ŋwaà-fìtom anɛ̀n à kpaaghà mɛ̀ lɛ kàna lɛ: Mààgh rì ɓumɓɛ ɓɛ ri ɓɛ̀lààghrakɛn a dinà ì rìwɛy ɗi Man à jɔ̀ɔ̀; fɔɔnnɛ à kpatìghà mɛ̀ lɛ: Jɛ̀ɛ̀ yi, yi ri ɓɛ̀kɔɔ̀kɔɔ̀ ɓɛ jɛ̀ɛ̀ ɓɛ Bɛ̀ll.