RÒMƐŊ 8:29 - Bafia Nouveau Testament

²⁹ Ɓisuulɛ ɓumɓɛ Bɛ̀ll à lokà kì ɓɔ̀ni, à ɓaghà girig di à mɛ ren abɛ̀y lɛ ɓɛ ɓiì ɓaà ɓi kìpisɛn ki Man wiì, lɛ di Man wiì a ɓa man à ǹtonto ɓi kìtuu ki ɓɛgeni.

RÒMƐŊ 8:29 ပူးပေါင်းရင်းမြစ်များ

MATYOO 12:50

Ɓisuulɛ ŋwaànɛ à kìi rìkɔ̀n ɗi Seŋi wɛ̀m ànɛ a rì aɗyoo, nnyɛɛ ri geni wɛ̀m à baŋì, nyi geni wɛ̀m à giɓ, nyi jɛɛ wɛ̀m.

MATYOO 25:40

Nni rìfòm ɗi pɛɛ̀zii gɛ ɓɔ lɛ: Ǹkalii mìni ɓi saaɗ lɛ, cààmɛ̀n kìcèm ki ɓì kìghà kìbog ki ɓi ɓɔɔ ɓɔɓti ɓɛ ɓɛ rì ɓɛ̀geni ɓɛ̀m fɔlɔɔ, mɛ̀ innɛ ɓi kìghà lɔɔ.

MATYOO 28:10

Yeesus à kpaa min ɓɔ lɛ: Kɛ̀ ɓi risi; kɛ̀ɛna kì kpaà ɓɛ̀geni ɓɛ̀m lɛ ɓɛɛ kɛǹ a Galile, wɔɔ nnɛ ɓɛ ri mɛ̀ ɓiì ghɛɛ̀.

MATYOO 7:23

Fɔɔnnɛ ǹkalii gɛ ɓɔ lɛ tɛntɛ̀ɛ̀n lɛ, ǹka yighà ɓi mini nsoò ŋwos bog, pɛ̀sɛɛna mɛ̀ ɓi mis, mìni ɓɛ̀kìì-ɓìɓe ɓɛ!

ZYAŊ 17:16

Ɓɛ yin ɓumɓɛ fɛ ɓi ziinɛ fɛlɛ yɛ̀ɛ mɛ̀ ǹ-yin ŋwaànɛ fɛ ɓi ziinɛ.

ZYAŊ 17:19

Mɛ̀ɛmiɗ mɓèeɓeŋɗɛ̀n ntɛnɛn lɛ ɓɔ, lɛ di ɓɔ girig ɓɛɛ ɓa ɓɛ̀tɛnɛn ɓi saaɗ ɓi ɗùm.

ZYAŊ 17:26

Ǹɗèsìghà ɓɔ ɗii ɗyɔɔ, m̀ɓiì ki rèsii ti ɓɔ ɗyɔ lɛ di ǹkɔ̀nɛ̀n ànɛ ù rì rì nyi ɓisu wɛ̀m a ɓa a lɔ̀ŋkaa, mɛ̀ɛmiɗ m̀ɓa a lɔ̀ŋkaa.

ZYAŊ 20:17

Yeesus à kpaa nyi lɛ: Kɔ̀ɔ kòm mɛ, ɓisuulɛ ǹka ɓɔg ɓi yɛ̀ɛ Seŋi wɛ̀m; kìɓan kifog kɛ̀na a ɓɛ̀geni ɓɛ̀m, u kpaa ɓɔ lɛ m̀ɓɔɔgh yɛ̀ɛ Seŋi wɛ̀m, nnyɛɛ ri girig Seŋi wìn, yɛ̀ɛ Bɛ̀ll wɛ̀m, ànɛ à rì girig Bɛ̀ll wìn.

RÒMƐŊ 11:2

Bɛ̀ll à màagh ɓi kilɔ̀ŋ kii ki à lokà kì ɓɔ̀ni abɛ̀y. Ɓì yii ɓi yɛ̀ɛ ki ri kìkànɛn ɓi jàŋ inɛ Eli à sɔmɛɛ Isirayɛl rì Bɛ̀ll, à kpaa lɛ:

RÒMƐŊ 13:14

Kìɓan kifog, waatɛɛna Kan Yeesus Kiris kɛ̀ ɓi càɗ mɛrem min lɛ mɛɛ ɓɔm̀ɓɔm ɓìɓan ɓi ɓi mɛ̀mùù, lɛ di ɓi kaàkaa rìyɛ̀y ɗi ɓiɓan ɓiǹ.

RÒMƐŊ 9:23

A kɔ̀ngà girig lɛ a resi lèg ànɛ yɛ̀ɛ rìkem ɗii ɗi teghɛɛ ɓi san ànɛ a ɓɛ̀roɓɛ à ti à wokì nyìighnyìg, ɓɛɛ̀ɓɛ à lokà kì pègsɛɛ abɛ̀y lɛ ɓɛ ɓiì terì rìkem ɗìì.

1 KƆ̀RƐ̀ŊTYƐŊ 15:49

Nni lɔŋ yɛ̀ɛ tì pisɛ̀ngà roànɛ à rì ŋwaànɛ ɓi ziinɛ nnɛ tì ɓiì pisɛɛ girig roànɛ à ɓaghày aɗyoo.

1 KƆ̀RƐ̀ŊTYƐŊ 2:7

Ɓìsiì kakali ɓum kìɓan ki ɗyomzɛ̀n ɗi Bɛ̀ll ɗi ɗi rimi ɗi ki ɓa ɗi nyamɛn; ɗyomzɛ̀n ɗiǹ ɗyɛɛ̀ɗi Bɛ̀ll à lokà kì ɓɔ̀ni abɛ̀y ɓisuu rikem ɗis, di ziì ka kilɛn ɓi.

1 KƆ̀RƐ̀ŊTYƐŊ 8:3

Wɔ̀lɛ i ŋwaà keesii Bɛ̀ll, di ŋwaànɛ̀n à rì ŋwaànɛ Bɛ̀ll à yii.

2 KƆ̀RƐ̀ŊTYƐŊ 3:18

Ɓìsi ɓɛ̀sɛ̀ɛ̀ ɓɛ̀cèm ɓɛ mɛ̀su mis mɛ yin mɛ lɔghɛn ɗi kìlàà, rìkem ɗi Kan ɗyɛɛ̀ lònlom ɓi ɓìsi, yɛ̀ɛ ɓi ŋwii tì koɓsɛ̀n ɓi mis lɛ ti ɓa ɓi kìpisɛn kii, rì coo rikem ɗi ɗyɛɛ̀ ɓɔɓɔg mɓɔɓɔghɛn lɛ kìsay ki Kan ànɛ lɛ Ǹghay a kìkì.

EFÈZYƐŊ 1:11

Ɓi rìɓa ɗis ɗi tì rì ɓi Kiris, tì mɛ teɗ gàɓ yìs i cɛɓ lɛ Bɛ̀ll à lokà ɓìsi kì ɓɔ̀ni lɔŋ yɛ̀ɛ rìyitì ɗii ɗi ɓaghà. Bɛ̀ll a kìlag ɓiɓan lɔŋ yɛ̀ɛ ǹɗem wii wu kɔnì.

EFÈZYƐŊ 4:24

Ɓì waatɛ̀n nyɔɔnyɔn à rìɓa ànɛ à rì ǹkìyɛn ɓi kìpisɛn ki Bɛ̀ll, rìɓa ɗìn ɗi resɛ̀n ɓi cɛɓ ki nkpaà rì ki tɛnɛn, ki ki fuu yì ɓi saaɗ.

FÌLÌPYƐŊ 3:21

Nnyɛɛ ri lɔ̀ghi nyoo yìs inɛ ì rì nyìighnyìg lɛ yɛ̀ɛ ɓa nyoo ì ǹlònlomɛn yɛ̀ɛ ìnkìì, rì ìtèɗ wu a rì rì wɔ, wɛɛ̀ wu à ti fogì ɓyom ɓìcèm miì ɓi rìlàmì ɗii azi.

KÒLÒSYƐŊ 3:10

Ɓì teɗ nyɔɔnyɔn à rìɓa, ànɛ à rì rìɓa ɗi ŋwaànɛ à ti ncenɗɛn, à ɓa cààmɛ̀n kìcèm à suùsùgtì nyɔn ɓi kìpisɛn ki roànɛ à kìghà nyi, lɛ di a konag lɔŋ nyi kì yiì kɔɔ̀kɔɔ̀ à rìyi.

2 TIMOTE 1:9

Bɛ̀ll yɛɛ kweɗkà ɓìsi, à ki reŋi ɓisi ǹɗeèghreŋi wu wu ri wùtɛnɛn, àa ɓisuu mɛkìkìì mis, lɔŋ ɓisuu fèg wìì a nyimiɗ rì geesɛ̀n yìì inɛ à kìghà ɓìsi ɓi Yeesus Kiris; à kìghà kìɓan kiǹ di ɓyààmɛ̀n ɓi a rìtumɛ̀n ɓi ka yin.

2 TIMOTE 2:19

Nsoò fɔlɔɔ kìgɔ̀ŋgɔ̀m ki mɛɛ ki Bɛ̀ll à yàghɛ̀ngà kìtoŋ miì ki kaka lɛ kpeg-kpeg. Jɛ̀ɛ̀ ì rì miì ǹkànɛn yɛ̀ɛ sìtam̀ lɛ: Kan à yii ɓɛ̀roɓɛ ɓɛ ri ɓɛŋkìì; fɔɔnnɛ mum ǹcèm ànɛ a rereŋi ɗii ɗi Kan, à ghɛ̀ɛ̀sɛɛ lɛ à sɔ̀ŋì ìkòò wii ɓi kìɓe.

1 PYƐƐRI 1:2

Ɓì ɓaghà ɓɛ̀ɓɔ̀nɛn lɔŋ yɛ̀ɛ Bɛ̀ll Seŋi a lokà kìwòŋzii ɓiɓan, fɔɔnnɛ ɓì ti ɓɛ̀tɛnɛ̀n lɛ Nghay wìì, lɛ ɓi ɓa rì mɛ̀wog ɓi ɓɛg ànɛ yɛ̀ɛ Yeesus Kiris ɓì ki ɓa ɓɛtɛɛ̀ziyɛn ɓi bwaɓ yii yi yi kpagà. Geesɛ̀n, rì fyòoog ɓyɛɛ teghɛn a lɔ̀ŋkin lɛɛ̀gwey.

1 PYƐƐRI 1:20

nyi nnɛ ɓɛ ɓɔngà abɛ̀y di zi i ka kilɛn ɓi, à ki rèsɛn ɓisu win ɓi ɓyààmɛ̀n ɓi siitòn ɓi.

1 ZYAŊ 3:2

Mìni ɓum ɓɛm ɓɛ nɗem, tì ti ɓɔn ɓɛ Bɛ̀ll ɓigomìnɛ, nni com ki tì rì ɓiì ɓaà ki ka resɛn ɓi lɛ tɛntɛ̀ɛ̀n; wɔ̀lɛ tì yii lɛ yɛ̀ɛ Kiris à ɓiì rèsɛɛ, tì ɓiì ɓaà com kìfog rì nyi, ɓisuulɛ, tì rì nyi ɓiì ghɛɛ̀ lɔŋ yɛ̀ɛ à rì.

ÀPÒKÀLIƁSƐ̀ 13:8

Ɓum ɓɛ̀cèm ɓɛ ɓi ziinɛ, ɓɛ mii maa mɛ ka ɓaghà ɓi mɛ kànɛn ɓi kaàtà à cɛɓ à Man à jɔ̀ɔ̀ ànɛ ɓɛ wolà, à tumɛ̀n a rìyàghɛ̀n ɗi zi, ɓɛ ɓaagh gɛ mɛ̀ɗu ɓi zi ɓɛ ɓɔgsì nyàm ìnɛn.