RÒMƐŊ 8:26 - Bafia Nouveau Testament

²⁶ Fɔlɔɔ nnɛ Ǹghay à Bɛ̀ll à ti à yùlàg girig ɓìsi kì ghɛɓsii ɓi rìɓa ɗi tì rì rì ìɓwɛɗ tì yii ɓi com ki tì ghɛ̀ɛ̀sɛɛ kì tɔɔ̀gh ɓi bɔ̀ŋzɛ̀ɛn yis; kìɓan kifog Ǹghay nyimiɗ a ɓɔ̀ɔɓɔŋ̀zì Bɛ̀ll ɓisu wis, rì bemeg yi mum à yin lɛ à yi rìkpaa.

RÒMƐŊ 8:26 ပူးပေါင်းရင်းမြစ်များ

MATYOO 10:20

Ɓisuulɛ àa mìniì ɓɔmiɗ yɛɛ ɓiì tòtoogh, lɔŋ Nghay à Seŋi wìn nnyɛɛ ri ɓiì tòtoogh ɓi mɛ̀rem min.

MATYOO 20:22

Yeesus à pɛ̀ɛ̀zì lɛ: Ɓi yii ɓi com ki ɓi tɔtɔg mɛ kìn. Ɓì rì lɛ ɓì cenɛ̀n lɛ ɓi nɔ ɓeŋ ànɛ mɛ̀ ǹɗì ɓiì nɔɔ̀? Ɓɛ̀roɓɛ̀n ɓɛ ɓaàg lɛ: Tì rì lɛ tì nɔ.

LUKAS 22:44

Yɛ̀ɛ ìris wu ɓangà Yeesus, fɔɔnnɛ à sììrɛ̀ngà lɔŋ ɓi bɔ̀ŋzɛ̀n, kìɗìg kii ki ɓa lɔŋ yɛ̀ɛ ɓɛ̀jɛɛ ɓɛ bwaɓ ɓɛɛ yɔɔyɔɔ ɓi zi.

ZYAŊ 14:16

Fɔɔnnɛ m̀ɓiì ɓɔ̀ŋzii Tààta, à rom yì mìni m̀maasì mɛ̀rem adɛŋ, ànɛ à ɓa rì mìni fìɗyàɓ fikɔ̀ɔ̀.

RÒMƐŊ 15:1

Ɓìsi ɓɛ tì rì rì ìtèɗ ɓi rìgherɛ̀n tì ghɛ̀ɛ̀sɛɛ kì ghɛɓsii ɓɛroɓɛ ɓɛ ri kɛ̀ɛ̀ ìtèɗ, lɛ ɓɛ̀ kɛɛ̀ càrɛn ɓi-ɓwɛɗ waa; tyɛ̀ ki kaa lɛ ti ki ɓìɓan ɓi ɓyɛɛ puɓsi ɓìsi nɗem.

RÒMƐŊ 7:24

Rìkuu ɗi nyìighnyìg ɗyɛm̀ ɗi, ghɛn yɛɛ ri lɛ à pisì mɛ̀ nyoo ì rìwu ìnɛ ǹɗì ìnɛ rì yɔ̀?

RÒMƐŊ 8:15

Lɛ Ǹghay ànɛ ɓì tekà à yin Nghay ànɛ a ghaasi mìni ɓɛ̀kpàn ɓi lèg ànɛ lɛ ɓi kɛnkɛn asu ɓì rirìsì tì, kìɓan kifog ɓì tekà Ǹghay ànɛ à mɛ kì lɛ ɓi ɓa ɓɔn ɓɛ Bɛ̀ll. Ǹghay ànɛ̀n yɛɛ ti à falàg ɓìsi ìtèɗ wulɛ ti reŋì Bɛ̀ll jɛ̀ɛ̀ aɗyoo lɛ: Aba, Tààta.

2 KƆ̀RƐ̀ŊTYƐŊ 5:2

Kìɓan kiǹ kɛɛ̀ki ɓìsiì ɓemɓem ɓi kìlaa ki tì rì miì, rì coo zày ìnɛ lɛ di tyàa ɗiŋii ɓi mɛɛ mɛ aɗyoo, mɛɛ lɔgtɛn mɛm̀bog,

2 KƆ̀RƐ̀ŊTYƐŊ 5:4

Lɛ cààmɛ̀n kìcèm ki tì rì ɓi kìlaa ki, tì rì rì bemeg, mɛ̀tɔɓ mɛ laatàg ɓìsi, ki yin ɓaà loo lɛ ti kaakaa lɛ di tyàa ghasɛɛ rì nyoo yìs ìnɛ fɛ, wɔ̀lɛ ti kɔ̀ngi lɛ di tyàa ɓɔ̀ɓtɛɛ kìlaa ɓi kimbog, lɛ di cɛɓ kɛɛ miǹ com ki ki ri lɛ ki wu.

GÀLAT 4:6

Com ki ki resii lɛ ɓì ti ɓɔn ɓɛ Bɛ̀ll ki ri lɛ: Bɛ̀ll à romgày Ǹghay à Man wiì ɓi mɛ̀rem mis, Ǹghay ànɛ̀n yɛɛ̀ làalamɓɛ̀n jɛ̀ɛ̀ aɗyoo lɛ: Aba, yɛɛlɔɔ lɛ Tààta.

EFÈZYƐŊ 2:18

Ɓisuulɛ, rì ɓìsi, rì ɓɔ, tì rì rì bee i ǹkpaŋɛn yɛ̀ɛ Tààta lɛ nyi rì ǹghɛɓsɛn wu Nghay bog.

EFÈZYƐŊ 6:18

Ɓɔ̀ŋziina Bɛ̀ll cààmɛ̀n kìcèm, ri Nghay, ɓì tɔtɔ̀g nyi ǹghɛɓsɛn ɓi bɔ̀ŋzɛ̀n yin yicèm; ɓaana cem ɓi rìkì ɗiǹ, ɓì ki sììrɛn miì lɛ syeesyee, ɓì ɓɔ̀ŋzàg ɓisuu ɓɛgherɛ̀n ɓɛ̀cèm;

EBIREEGH 4:15

Ɓisuulɛ ǹlàmì ɓɛ̀pìrɛɛtìrɛ̀ wìs àgwey a yin rikuu ɗi ɗi ri lɛ, ɗi taŋ̀ ǹɗem wu nyìighnyìg ɓi rìɓa ɗi tì rì kɛ̀ɛ̀ ìtèɗ, lɛ à tulɛ̀ngà rì mɛ̀fèèghrɛn mɛkuu mɛ̀cèm lɔŋ yɛ̀ɛ ɓìsi, kìɓan kifog, à kìghà ɓi kiɓe.

EBIREEGH 5:2

À rì lɛ à ɓa rì rìcenɛ̀n ɓisuu ɓumɓɛ ɓɛ ti ɓɛ nanàg lɛ kɛ̀ɛ̀ rìyi, lɛ nyimiɗ a rì mum ànɛ à rì lɛ à nànɛ̀n ɓa kɛ̀ɛ̀ ìtèɗ.

ZYAG 4:3

Ɓì ti ɓì lɔǹgì, ɓɛ̀ kɛɛ̀ fa mini ɓisuulɛ ɓì ti kɛ̀ ɓi yi rilɔ̀n; ɓyom ɓi ɓì ti ɓì lɔngì, ɓì ti ɓì lɔngì ɓyɔ lɛ ɓi yogsag ɓi rìkìkì ɗi ɓiɓan ɓi ɓeɓtɛn ɓi ɓi ti ɓi rɔɔghì mìni.