RÒMƐŊ 8:24 - Bafia Nouveau Testament

²⁴ Ɓisuulɛ Bɛ̀ll à mɛ kwèɗ ɓisì nni kìɓan kiǹ ki kaka yɛ̀ɛ dyàɓɛn. Lɛ i ŋwaà mɛ ghɛn com ki à ɗyàɓɛɛ, com kìn miì kɛ̀ kɛɛ̀ ɓa ti dyàɓɛn; lannɛ ŋwaà rì lɛ à ɗyàɓàg tì com ki a seesèè?

RÒMƐŊ 8:24 ပူးပေါင်းရင်းမြစ်များ

RÒMƐŊ 12:12

Ɓì ghɛ̀ɛ̀sɛɛ kì nyàànyaa ɓi dyàɓɛn inɛ ɓì rì rì yɔ̀, ɓì nìɗ ǹɗem cààmɛ̀n ki ɓì tulɛɛ ri mɛ̀tɔɓ, ɓì ki sììrɛn bi bɔ̀ŋzɛ̀n.

RÒMƐŊ 15:13

Bɛ̀ll ànɛ à ti à falàg ɓum dyàɓɛn ɓi nɗem a roòzi mìni lɛ rì kìnyàà, rì fyòoog ɓi nɗem lɛ pisa ɓi rìgherɛ̀n, di dyàɓɛn yiǹ yɛ̀ɛ roǹ ì sòsòɓ rì ìtèɗ wu Kitɛntɛ̀ɛ̀n ki Nghày.

RÒMƐŊ 15:4

Kɔlɛ ɓìɓan ɓìcèm ɓi ɓɛ lokà kìkàni, ɓi kanɛ̀ngà ɓisuulɛ ɓyɛɛ fa ɓìsi ɗyomzɛ̀n, lɛ di ti ɓa rì dyàɓɛn ɓi bee ì rìnìɗ ɗi nɗem, rì rìfɔɔsì ɗi nɗem ɗi mɛ̀kànì mɛ ti mɛ falàg.

RÒMƐŊ 4:18

Abiraham à kìghà lɛ, à gherɛ̀n, à ki ɗyàɓag, jàŋ inɛ com ki mum à ɓaghà lɛ à ɗyàɓàg ki ɓaghà ɓi; fɔlɔɔ nnɛ à ghalà seŋi ɓìlɔ̀ŋ lɛ ɓìlɔ̀ŋ lɔŋ yɛ̀ɛ Bɛ̀ll à kpaaghà nyi lɛ: Dòò yɔɔ yi ɓaa gɛ bàlì fɛlɛ.

RÒMƐŊ 5:2

Nnyɛɛ mɛ kì lɛ, ti ɗiŋi ɓi geesɛ̀n ì Bɛ̀ll ìnɛ tì ti ìnɛ miì ǹsììrɛn lɛ rìgherɛ̀n, com ki ti nyàànyàà ki ri dyàɓɛn ìnɛ tì rì rì yɔ̀ lɛ tì rì ɓiì ɓaà rì gàɓ ɓi rìkem ɗi Bɛ̀ll.

RÒMƐŊ 8:20

Zi i kpìghà ɓi rìlàmì ɗi com ki kɛ̀ɛ̀ ìsu, àa lɛ yɔ̀miɗ yɛ̀ɛ kɔngà fɔlɔɔ, wɔ̀lɛ ki kilɛ̀ngà fɔlɔɔ ɓi rìkɔ̀n ɗi roànɛ à fogà yɔ̀ ɓi nɗɛli wiǹ.

1 KƆ̀RƐ̀ŊTYƐŊ 13:13

Ɓigomìnɛ, ɓìɓan ɓi ɓi kaka ɓi ri ɓiraa lɛ, rì rìgherɛ̀n, rì dyàɓɛn, rì ǹkɔ̀nɛ̀n, kìɓan kifog ɓi ɓìɓan ɓiǹ ɓìcèm, ǹkɔ̀nɛ̀n yɛɛ cee.

2 KƆ̀RƐ̀ŊTYƐŊ 4:18

Ɓìsii yin ɓiì nɔ̀ɔnɔɔ̀tì ɓìɓan ɓi ɓum ɓɛɛ̀ seesèè, lɔŋ ɓi ɓum ɓɛ ghɛɛ ɓi ɓyɛɛ̀ɓi ɓìsiì nɔ̀ɔnɔɔ̀tì ɓisuulɛ, ɓyom ɓi ɓum ɓɛɛ̀ seesèè ɓi ti ɓi finàg maa cààmɛ̀n, ɓi ɓum ɓɛ ghɛɛ ɓi, ɓi ri fìɗyàɓ fikɔ̀ɔ̀.

2 KƆ̀RƐ̀ŊTYƐŊ 5:7

lɛ ɓìsii yin ɓiì kɛ̀ɛ̀kɛɛ lɛ yɛ̀ɛ ti seesee ɓyom, ti kɛ̀ɛ̀kɛɛ lɛ rìgherɛ̀n.

GÀLAT 5:5

Ɓi ɓɛg wìs, com ki ti ɓoŋɓòŋ ki ri lɛ, tì ti rì dyàɓɛn lɛ Bɛ̀ll à ɓiì kìi lɛ ti ɓa lɛ saaɗ ɓi mis mii; kìɓan kiǹ kɛɛ̀ki ti ɓoŋɓoŋ ri ìtèɗ wu Kitɛntɛ̀ɛ̀n ki Nghay ki kɛɛ̀ kìki kisay ɓi ntyweeyi wu tì rì rì wɔ.

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

KÒLÒSYƐŊ 1:5

ɓisuu dyàɓɛn yiǹ ìnɛ ì ɓoŋɓoŋi mìni aɗyoo. Dyàɓɛn incèm yɛ̀ɛnɛ jɛ̀ɛ̀ ìnɛ ì rì jɛ̀ɛ̀ ì kɔɔ̀kɔɔ̀ à kìɓan, jɛ̀ɛ̀ ì Syeesyee à Ɓɔlɛ, ì wogsìghà mìni abɛ̀y.

TÈSÀLÒNÌSYƐŊ 5:8

Wɔ̀lɛ ɓìsi ɓɛ tì rì ɓɔn ɓɛ ɓi cààmɛ̀n à ŋwos, tì ghɛ̀ɛ̀sɛɛ kì ɓèŋɗɛɛ ɓi kìɓan ki mɛrɔ̀g, tì ghɛ̀ɛ̀sɛɛ kì pùrɛɛ rìgherɛ̀n rì ǹkɔ̀nɛ̀n fɛ lɛ yɛ̀ɛ kìlàà ki bɔŋ tì waatɛ̀n girig dyàɓɛn inɛ ɓi gòri yìs fɛlɛ yɛ̀ɛ tàm.

2 TÈSÀLÒNÌSYƐŊ 2:16

Kan wìs Yeesus Kiris nyimiɗ, rì Bɛ̀ll à Seŋi wìs anɛ à keesìghà ɓìsi, à fa ɓìsi fɔɔy ànɛ ɓi nɗem ànɛ à rì fìɗyàɓ fikɔ̀ɔ̀, rì dyàɓɛn i syeesyee,

Kaàtà ànɛ Pol à kàngà TIT 3:7

lɛ di ti ɓa rì gàɓ ɓi dyàɓɛn i cɛɓ ki fiɗyàɓ fikɔ̀ɔ̀, yɛ̀ɛ geesɛ̀n yìì i mɛ kì lɛ ti ɓa lɛ saaɗ ɓi mis miì.

EBIREEGH 11:1

Rìgherɛ̀n ɗi ri rìyi ɗi mum à yii saaɗ ànɛ ɓi ɓìɓan ɓi à tyweeyii, ɗi ɓa tì com ki kɛɛ̀ rèresi mum ɓɛ̀saaɗ ɓɛ ɓi ɓìɓan ɓi à ghɛɛ ɓì.

1 PYƐƐRI 1:21

Lɛ nyi, ɓì gherɛɛ Bɛ̀ll ànɛ à ghèmzìghày nyi a ɓìloŋ, à ki fa nyi rìkem, fɔlɔɔ nnɛ ǹtyweeyi wiǹ rì dyàɓɛn yiǹ ɓi ri yɛ̀ɛ Bɛ̀ll.

1 PYƐƐRI 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris; ɓi coo kipuɓì ǹɗem kii, à faghà ɓìsi cɛɓ ki nyɔn yɛ̀ɛ à ghèmzìghày Yeesus Kiris a ɓìloŋ; fɔlɔɔ a fa ɓìsi dyàɓɛn inɛ ì rì cem rì ǹtyweeyi,

1 ZYAŊ 3:3

Nni mum ǹcèm ànɛ à rì rì ǹtyweeyi wiǹ yɛ̀ɛ Kiris, à ti à ɓègì nyimiɗ ntɛnɛn fɛlɛ yɛ̀ɛ Yeesus Kiris à rì ǹtɛnɛn.